ZABURA 26

SIM

¹ Ǹ yã nna kpáma Dikiri, zaakũ ma yã kɛ̀ a zɛ́a, ma n náani kɛ̀ sikaa sari.

² Ǹ ma yↄ̃ ǹ ma gwa Dikiri, ń ma nɛ̀sɛ kũ ma laasunnↄ gwa,

³ zaakũ n yenyĩ dìgↄ̃ domɛnɛ arɛ, madì zĩ kɛ n yãpuraa.

⁴ Madì vutɛ kũ ɛ́kɛdenↄoro, madì gɛ̃ manafikidenↄ tɛ́ro.

⁵ Ma zã durunnakɛrinↄ kↄ̃kakaranan, madì vutɛ kũ gbɛ̃ vãninↄoro.

⁶ Ma ↄ pìpi ma taarisarikɛ sèeda ũ, matɛn lika n gbagbakii, Dikiri,

⁷ de mà le mà n sáabu kpá lɛ̀sinaa gũn, mà n yãbonsarɛnↄ kpàkpa kɛ.

⁸ Dikiri, má ye n kpɛ́ kũ ndìgↄ̃ kunyĩ, gu kũ n gakuri dì kipan.

⁹ Ǹsun ma kakara kũ durunnakɛrinↄoro, ǹsun ma baka kakara kũ gbɛ̃dɛrinↄ pↄ́oro.

¹⁰ Laasun vãni mɛ́ àdigↄ̃ dońnɛ arɛ, ń ↄ dìgↄ̃ pa kũ ↄdↄnkpɛgbanↄ.

¹¹ Makũ sↄ̃, madì yã kɛ a zɛ́a, ǹ ma wɛ̃nda gwa, ń ma sura ba.

¹² Ma zɛki è gu manan, mani Dikiri sáabu kpá pari kↄ̃kakaranaa gũn.