ZABURA 20

SIM

¹ Dikiri sí kũnwo n warikɛgↄrↄa, Yakubu Luda ↄ kúmma.

² À n sura ba bona a kúkia, à kpáńyĩ bona zaa Zaiↄ̃.

³ À n sa'ona sí pínki, n sa'opↄ kũ òdi ká tɛ́n à tɛ́ kũnↄ dↄn.

⁴ À pↄ́ kũ n pↄ yei kpámma, à tó ǹ pↄ́ kũ ntɛn pɛ́a le.

⁵ Óni ayuwii kɛ zĩ̀ kũ n blè yã musu, óni tuta dↄ musu kũ ó Luda tↄ́o. Dikiri wɛ́kɛ kũ n kɛ̀ sí pínki.

⁶ Má dↄ̃ sà kũ Dikiri dì kína kũ à à kà sura ba, àdi yã sí kãao zaa a bɛ kũ à kú adona, àdi tó à zĩ̀ ble kũ a gã̀sã gbãnao.

⁷ Gbɛ̃kenↄ dì sↄ̃gonↄ náani kɛ, gbɛ̃kenↄ dì sↄ̃nↄ náani kɛ, ókↄ̃nↄ sↄ̃, Dikiri ó Ludan odì náani kɛ.

⁸ Oni sata ò lɛ́tɛ, ókↄ̃nↄ sↄ̃ ónigↄ̃ zɛna gíngin.

⁹ Dikiri, ǹ tó kína zĩ̀ ble. Tó o n sisi, ǹ wewá.