Rom 5

1 Ariya iga Yesus qa gago areqalo siÅgilatem deqa Qotei na iga tamo bole une saiqoji qa mergej. Gago Tamo Koba Yesus Kristus a jeu kobotej deqa iga Qotei ombla are qujaitosim unum. 2 Yesus na gam waqtetgonaqa iga a qa gago areqalo siÅgilatem. Bati deqa Qotei a iga qa are boleiyej. Qotei aqa kumbra di iga bini ojsim tigelejunum. Deqa iga Qotei na laÅ qureq joqsim oqsim dia iga a ombla sqajqa tariÅeqnum. Iga deqa tulaÅ areboleboleigeqnu. 3 Iga deqa segi areboleboleigosai. Iga gulbe eqnum deqa ti areboleboleigeqnu. Di kiyaqa? Iga qalieonum, gulbe dena iga siÅgilatgeqnaqa iga siÅgila na tigelejunum. 4 Iga siÅgila na tigelejunum deqa iga gulbe di gotraÅyeqnamqa Qotei na iga nugoqnsiq iga qa tulaÅ areareteqnu. Gago kumbra dena iga Qotei na laÅ qureq joqsim oqwajqa tariÅoqnsim unum. 5 Ariya iga laÅa tariÅosaieqnum. Qotei na aqa Mondor Bole iga egej deqa Mondor dena aqa qalaqalaiyo kumbra gago are miligiq di atej unu. 6 Iga nami Qotei qoreiyo qaji tamo soqnem deqa iga gago segi jejamu aqaryaiyqa keresai. Iga degsi sonamqa Kristus a iga qa moiyej. Qotei a bati giltonaqa a iga qa moiyej. 7 Bole, iga mandam tamo unum deqa iga na tamo bole bei aqaryaiyqa osim a qa moiqasai. Tamo tulaÅ boledamu bei soqnim a qa kiyo iga moiqom. 8 Ariya Kristus a iga bul sai. Iga une tamo sonamqa a iga qa moiyej. Aqa kumbra dena Qotei na iga osorgej, a iga tulaÅ qalaqalaigeqnu. 9 Kristus a moinaqa aqa leÅ aiyej deqa Qotei a iga tamo bole une saiqoji qa mergej. Deqa iga bole qalieonum, mondoÅ Qotei a Kristus aqa wau dena iga torei eleÅqas. Amqa aqa minjiÅ oqwa batiamqa iga so bole sqom. 10 Iga Qotei ti jeu sonamqa aqa Åiri a jeu kobotqa marsiq moiyej deqa bini iga Qotei ombla geregere unum. Deqa iga bole qalieonum, Yesus aqa Åambile na Qotei a iga torei eleÅqas. 11 Anjam bei dego unu. Gago Tamo Koba Yesus Kristus aqa siÅgila na iga Qotei ombla geregere unum deqa iga tulaÅ areboleboleigoqnqas. 12 Iga qalie, tamo qujai Adam a une atej. Aqa une dena tamo uÅgasari kalil naÅgi dego une eleÅeb. Adam a une ti soqnej deqa a moiyej. Tamo uÅgasari kalil naÅgi dego une atoqnsib moreÅoqneb. 13 Dal anjam a bosaisonaqa tamo uÅgasari kalil naÅgi une atoqnsib laqneb. Dal anjam sosai deqa Qotei a naÅgo une geregere ubtosaioqnej. 14 Adam a soqnej dena bosi bosiq Moses aqa bati qa tamo uÅgasari kalil naÅgi moreÅoqneb. Bole, dal anjam qujai Adam na gotraÅyej qaji di tamo bei na gotraÅyosai. Adam a segi na gotraÅyej. Ariya moiyo na naÅgi kalil ojesoqnej. Adam a Kristus bunuqna bqas qaji a sigitej. 15 NiÅgi quiy. Qotei a iga qa are boleiyosiq Yesus egej aqa kumbra de ti Adam aqa une ti ombla kerekere sai. Tamo qujai Adam a une atej deqa tamo uÅgasari gargekoba naÅgi moreÅoqneb. Ariya Qotei a olo tamo uÅgasari gargekoba naÅgi qa are tulaÅ boleiyosiq tamo qujai Yesus Kristus enjrej. Qotei aqa kumbra dena Adam aqa kumbra tulaÅ buÅyejunu. 16 Qotei na iga Yesus egej aqa kumbra de ti Adam aqa une ti ombla kerekere sai. Adam a une qujai yej deqa Qotei na tamo uÅgasari naÅgi peginjrsiqa naÅgo jejamuq di une qametnjrej. Ariya tamo uÅgasari naÅgi une gargekoba yoqneb deqa Qotei a olo naÅgi qa are boleiyosiq Yesus enjrej. Osiqa naÅgi tamo bole une saiqoji qa minjrej. 17 Tamo qujai Adam a Qotei aqa dal anjam gotraÅyej deqa tamo uÅgasari kalil naÅgi moreÅeqnub. Ariya tamo qujai Yesus Kristus aqa wau na tamo uÅgasari Qotei a naÅgi qa are boleiyeqnu qaji naÅgi Åambile osib mandor kokba gaigai sqab. Tamo uÅgasari naÅgi di Qotei na tamo bole une saiqoji qa minjreqnu. Qotei aqa kumbra dena Adam aqa kumbra tulaÅ buÅyejunu. 18 Deqa niÅgi quiy. Tamo qujai Adam a dal anjam gotraÅyej. Aqa kumbra dena Qotei na tamo uÅgasari kalil naÅgi peginjroqnsiqa naÅgo jejamuq di une qametnjreqnu. Dego kere tamo qujai Kristus a kumbra bole yej. Aqa kumbra dena Qotei a tamo uÅgasari kalil naÅgi tamo bole une saiqoji qa minjroqnsiqa Åambile enjreqnu. 19 Tamo qujai Adam a Qotei aqa anjam gotraÅyej. Aqa kumbra dena tamo uÅgasari gargekoba naÅgi dego une eleÅeb. Dego kere tamo qujai Kristus a Qotei aqa anjam dauryej. Aqa kumbra dena tamo uÅgasari gargekoba naÅgi tamo bole une saiqoji sqab. 20 Dal anjam a bonaqa tamo uÅgasari naÅgo une kobaonaqa naÅgi dal anjam gotraÅyoqneb. NaÅgo une kobaej bati deqa Qotei a olo naÅgi qa are tulaÅ boleiyej. 21 Une aqa kumbra na moiyo babtosiqa iga siÅgila na taqatgesoqnej. Ariya bini Qotei a iga qa are tulaÅ boleiyeqnu kumbra dena iga olo taqatgejunu. Gago Tamo Koba Yesus Kristus aqa wau na Qotei a iga qa are tulaÅ boleiyoqnsiqa iga tamo bole une saiqoji qa mergeqnu. Kumbra dena iga Åambile gaigai sqom.