Matyu 20

PNG

‹ Chapter 19 Matyu — All Chapters Chapter 21 ›

1 Osiqa Yesus a olo aqa a�gro na�gi endegsi minjrej, “Qotei la� qureq di unu qaji a na aqa segi tamo u�gasari na�gi taqatnjrsim na�go Mandor Koba sqas. Kumbra di wau lanja bei aqa kumbra sigitejunu. Wau lanja dena nobqolo ambru tigelosiqa aisiq tamo qudei na�gi aqa i�gi wauq di wauetqajqa itnjrej. 2 Itnjrsiqa minjrej, ‘Ni�gi ijo i�gi wauq di wauoqnib wau qa bati koboamqa e na silali quru�o quja quja e�gwai.’ Degsi minjrsiq qari�njrnaqa na�gi gilsib aqa i�gi wauq di wauoqneb. 3 Se� kiñala goge oqnaqa wau lanja a koro sawaq aisiqa dia tamo qudei na�gi la�a tigelesonab unjrsiqa minjrej, 4 ‘Ni�gi dego gilsib ijo wauq di wauoiy. Wauab kere dego awai e�gwai.’ 5 Degsi minjrnaqa na�gi gilsib aqa i�gi wauq di wauoqneb. Qanam jige tamo qudei na�gi dego la�a tigelesonab unjrsiqa minjrej, ‘Ni�gi dego gilsib ijo wauq di wauoiy. Wauab kere dego awai e�gwai.’ Degsi minjrnaqa na�gi gilsib aqa wauq di wauoqneb. Se� keli�tonaqa olo tamo qudei dego degsi minjrnaqa na�gi gilsib wauoqneb. 6 “Se� bilaqtonaqa wau lanja a aisiqa gamq di tamo qudei na�gi la�a tigelesonab unjrsiqa nenemnjrej, ‘Ni�gi kiyaqa la�a tigelesonab se� bilaqtqo?’ 7 Onaqa na�gi na minjeb, ‘Tamo bei na iga wau egosai deqa iga la�a tigelejunum.’ Onaqa wau lanja na minjrej, ‘Ni�gi dego gilsib ijo i�gi wauq di wauoiy.’ 8 “Ariya wau qa bati koboonaqa wau lanja na aqa wau taqato tamo bei qari�yosiq minjej, ‘Ni gilsim wau tamo na�gi di metnjrim ino areq di koroabqa na�go awai enjre. Enjrqa osimqa tamo na�gi bilaq bosib wauonub qaji na�go awai namo enjrsimqa ariya tamo na�gi nobqolo ambru bosib wauosib bilaqtonub qaji na�go awai bunuqna enjre.’ 9 Degsi minjnaq qusiqa tamo na�gi bilaq bosib waueb qaji na�gi namo metnjrnaq aqa areq bonabqa silali quru�o quja quja enjrej. 10 Onaqa tamo na�gi nobqolo ambru bosib wauosib bilaqteb qaji na�gi degsib unsibqa are qaleb, ‘Iga nobqolo ambru bosim wauosim bilaqtonum. Deqa iga silali kobaquja oqom.’ Degsib are qalnabqa wau taqato tamo na na�gi metnjrnaq aqa areq bonabqa na�gi dego silali quru�o quja quja enjrej. 11 Onaqa na�gi degsib unsibqa na�gi na wau lanja �iri�tosib minjeb, 12 ‘Tamo na�gi di bilaq bosib waukiñalayonubqa silali ni na iga egonum qaji dego kere na�gi enjronum. Iga nobqolo ambru waueqnam se� oqsiq gago jejamu tula� ka�ka�eqnaqa bilaqtqo. Iga silali koba osai.’ 13 “Onaqa wau lanja a na�go anjam di qusiqa bei endegsi minjej, ‘O was, e ni kumbra uge emosai. Aqo ombla bini nobqolo anjam keretosimqa e ni silali quru�o qujai emqa mermonum. 14 Deqa ni ino silali quru�o qujai osim aiye. E ni silali quru�o qujai emonum dego kere tamo na�gi bunuqna bosib wauonub qaji na�gi silali quru�o quja quja enjronum. E ijo segi areqalo na degyonum. 15 Silali di ijo segi silali. Deqa e ijo segi areqalo dauryosiy ijo silali jeiqa kere. E na tamo na�gi bunu bonub qaji na�gi kumbra bole enjrqa areibqas enjrqai. Deqa ni kiyaqa e qa are ugeimqo?’" 16 Yesus a yawo anjam degsi marsiqa olo marej, “Dego kere tamo bini ñam ti unub qaji na�gi mondo� ñam saiqoji sqab. Ariya tamo bini ñam saiqoji unub qaji na�gi mondo� ñam ti sqab." 17 Osiqa Yesus na aqa a�gro 12 na�gi joqsiqa koba na walwelosib Jerusalem aiyoqneb. Aiyoqnsibqa Yesus na na�gi segitnjrsiqa endegsi minjrej, 18 “Ni�gi quiy. E Tamo A�gro. Iga Jerusalem aiyeqnum. Dia tamo qudei na e ojsib atra tamo kokba ti dal anjam qalie tamo ti na�go ba�q di e atqab. Yimqa na�gi na ijo jejamuq di une qamsib merbqab, ‘Ni une ti. Deqa ni moiqam.’ 19 Na�gi e degsib merbosib tamo na�gi Qotei qaliesai qaji na�go ba�q di e atqab. Yimqa na�gi na e misili�boqnsib bu toqo� na kumbai�boqnsib �amburbasq di lubsib moiyotbqab. Bati qalub koboamqa e olo subq na tigelqai." 20 Onaqa Sebedi aqa �iri aiyel na�go ai ombla na Yesus aqa areq bosibqa na�go ai a si�ga pulutosiqa Yesus minjej, “O Tamo Koba, e ni anjam bei mermitqa ni ijo anjam dauryqa kere kiyo?" 21 Onaqa Yesus na kamba minjej, “Ni i�gi kiye qa merbqam?” Onaqa a na Yesus minjej, “Mondo� ni gago Mandor Koba sosimqa bati deqa ni marimqa ijo a�gro aiyel endi na�gi ino ba� woq ino ba� qona�q di awoqab." 22 Onaqa Yesus na kamba na�gi aiyel endegsi minjrej, “Anjam ni�gi merbonub di aqa utru ni�gi geregere poi�gosai. E jaqati� koba oqai. Jaqati� di ya uge uyo bul. Jaqati� e oqai di ni�gi aiyel dego oqa kere e?” Onaqa na�gi na minjeb, “Od, aqo aiyel oqa kere." 23 Onaqa Yesus na olo na�gi aiyel minjrej, “Bole, jaqati� e oqai di ni�gi dego oqab. Ariya tamo yai na�gi ijo ba� woq ijo ba� qona�q di awoqab di e na marqa keresai. Di ijo wau sai. Tamo na�gi ijo Abu na giltnjrej qaji na�gi segi ijo ba� woq ijo ba� qona�q di awoqab." 24 Yesus aqa a�gro 10 na�go �amdamuq di was aiyel na�gi na anjam di Yesus minjeb deqa qusib na�gi aiyel qa �iri�eb. 25 Onaqa Yesus na aqa a�gro 10 na�gi metnjrnaqa aqa areq bonabqa minjrej, “Ni�gi qalie, mandor kokba sawa sawa kalil taqateqnub qaji na�gi na�go segi ñam soqtoqnsib tamo u�gasari na�gi �iri� na taqatnjreqnub. 26 Ariya kumbra di nu�goq di saiq. Nu�go ambleq di a�gro bei a ñam ti sqa marsimqa a mati nu�go wau tamo soqnem. Osim a ñam ti sqas. 27 Nu�go ambleq di a�gro bei a tamo kobaquja sqa marsimqa a mati nu�go ka�gal tamo soqnem. Osimqa a olo tamo kobaqujaqas. 28 E Tamo A�gro. Ni�gi ijo kumbra qalieosib degsib dauryoqniy. Ijo kumbra agiende. E na tamo u�gasari na�gi wauetnjreqnum. E deqa bem. Tamo u�gasari na�gi e wauetbqajqa e deqa bosai. Bunuqna e ijo segi �ambile uratosiy tamo u�gasari gargekoba na�gi ele�qai." 29 Osiqa Yesus na aqa a�gro na�gi joqsiqa koba na walwelosib aisib Jeriko qureq di branteb. Brantosib Jeriko qure ambleq na walwelosib olo Jeriko uratosib aiyeqnabqa tamo u�gasari tula� gargekoba na�gi Yesus dauryosib koba na aiyoqneb. 30 Aiyeqnabqa tamo aiyel �am qandimnjro qaji na�gi gam qalaq di awesosibqa anjam endegsib queb, “Yesus a beqnu.” Na�gi degsib qusibqa tula� lele�osib mareb, “O Tamo Koba, Devit aqa �iri, ni aqo aiyel qa dulame." 31 Onaqa tamo u�gasari gargekoba Yesus dauryosib aiyoqneb qaji na�gi na na�gi aiyel �iri�tnjrsib minjreb, “Ni�gi lele�kobaaib. Kirioiy.” Degsib minjrnabqa na�gi aiyel kiriosai. Na�gi olo tula� lele�oqnsib Yesus minjoqneb, “O Tamo Koba, Devit aqa �iri, ni aqo aiyel qa dulame." 32 Onaqa Yesus a tigelosiqa na�gi aiyel metnjrnaqa aqa areq bonabqa minjrej, “E ni�gi aiyel kiyer�gwajqa deqa ni�gi e qa lele�oqnab?" 33 Onaqa na�gi aiyel na minjeb, “O Tamo Koba, aqo aiyel olo �am poigim sawa unqajqa deqa iga ni qa lele�oqnam." 34 Onaqa Yesus a na�gi aiyel qa dulosiqa aqa ba� waiyosiq na�go �amdamu ojetnjrej. Ojetnjrnaqa na�gi aiyel �am poinjrnaqa sawa unsibqa tigelosib Yesus dauryosib aiyeb.

‹ Chapter 19 Matyu — All Chapters Chapter 21 ›

Matyu 20

Cite / Share This Page