Matyu 19

PNG

‹ Chapter 18 Matyu — All Chapters Chapter 20 ›

1 Yesus a anjam degsi marsiq koboonaqa a Galili sawa uratosiqa Judia sawaq gilsiq Jordan ya taqal beiq di soqnej. 2 A di sonaqa tamo u�gasari tula� gargekoba na�gi a dauryosib aqa areq di koroonabqa a na na�go ma tamo kalil na�gi boletnjroqnej. 3 Onaqa Farisi na�gi olo Yesus aqa areq bosibqa a anjam bei grotimqa qusib na�gi a ojqajqa deqa gisa�yosib endegsib nenemyeb, “Tamo bei aqa �au� aqa jejamuq di une kiñala bei soqnimqa tamo dena a uratqa kere e? Gago dal anjam a kiyersi marqo?" 4 Onaqa Yesus na kamba minjrej, “Qotei aqa anjam bei ne�gre�q di so qaji di ni�gi nami sisiyosai kiyo? Anjam endegsi unu, ‘Tula� nami Qotei a mandam ti i�gi i�gi kalil ti gereiyosiqa bati deqa a tamo u�a wo dego gereinjrej. 5 Gereinjrsiqa marej, “Tamo bei na aqa ai abu na�gi uratnjrsimqa aqa �au� wo beterosib jejamu qujaitosib sqab.” ‘ 6 Qotei aqa anjam di agi ne�gre�q di unu. Deqa tamo u�a wo na�gi jejamu qujai sqab. Na�gi olo jejamu aiyel sqasai. Qotei na na�gi aiyel turtnjrej deqa tamo bei na olo potnjraiq." 7 Onaqa Farisi na�gi na kamba Yesus minjeb, “Ni anjam degsi mergonum deqa Moses a kiyaqa dal anjam endegsi marej, ‘Tamo bei na aqa �au� uratqa osimqa pepa bei ne�gre�yosim yosim di a uratqas’?" 8 Onaqa Yesus na kamba minjrej, “Nu�go are gete�gejunu deqa Moses a ni�gi u�a uratqa mer�gej. Ariya tula� nami kumbra degsi sosai. 9 Ni�gi quiy. Tamo bei na aqa �au� la�a uratosim olo u�a bei oqas di a na aqa �au� kumbra ugeq waiyqo. Di kiyaqa? U�a di a nami tamo bei ombla une atosai deqa." 10 Onaqa Yesus aqa a�gro na�gi na minjeb, “Tamo u�a ti unub qaji na�gi gulbe deqaji oqab deqa u�gum. Na�gi u�a aib. Na�gi la�a soqneb." 11 Onaqa Yesus na kamba minjrej, “Ni�gi anjam maronub di tamo kalil na�gi dauryqa keresai. Tamo na�gi Qotei na si�gila enjreqnu qaji na�gi segi anjam di dauryqa kere. 12 Tamo qudei na�go jejamu bolesai. Na�gi degsib ai miligiq na �ambabeb. Deqa na�gi u�a oqa keresai. Tamo qudei na�gi tamo qudei na welum etnjreb deqa na�gi a�grotqa keresai. Deqa na�gi dego u�a oqa keresai. Na�gi la�a unub. Ariya tamo qudei na�go segi areqalo na Qotei aqa wau ojqa marsibqa u�a oqa urateqnub. Tamo na�gi ijo anjam endi dauryqa kereamqa na�gi dauryebe." 13 Onaqa tamo u�gasari qudei na�gi na�go a�gro du du joqsib Yesus na aqa ba� na�go gateq di atetnjrsim na�gi qa Qotei pailyqajqa deqa marsib Yesus aqa areq beb. Beqnabqa Yesus aqa a�gro na�gi na saidnjrsib minjreb, “Nu�go a�gro du du na�gi joqsib endeq baib." 14 Degsib saidnjrnabqa Yesus na aqa a�gro na�gi minjrej, “A�gro du du na�gi uratnjrib ijo areq beb. Na�gi saidnjraib. Tamo u�gasari na�gi a�gro du du bul sqab di Qotei la� qureq di unu qaji a na�go Mandor Koba sosim na�gi taqatnjrqas." 15 Osiqa Yesus na a�gro du du na�go gateq di aqa ba� atetnjrsiqa a sawa di uratosiq gilej. 16 Onaqa tamo bei a Yesus aqa areq bosiqa nenemyej, “O Qalie Tamo, e kumbra bole kiye dauryosiy dena e �ambile gaigai sqai?" 17 Onaqa Yesus na kamba minjej, “Ni kiyaqa e kumbra bole qa nenembonum? Qotei a segi qujai tamo bole. Ariya ni �ambile gaigai sqajqa osimqa ni Qotei aqa dal anjam daurye." 18 Onaqa tamo dena olo Yesus nenemyej, “E dal anjam kiye dauryqai?” Onaqa Yesus na minjej, “‘Ni tamo bei qalsim moiyotaim. Ni tamo bei aqa u�a jejamu ojetaim. Ni baji�aim. Ni tamo bei aqa jejamu la�a gisa�yaim. 19 Ni ino ai abu na�go sorgomq di geregere sosimqa na�go anjam dauryoqne. Ni ino segi jejamu gereiyeqnum dego kere ino was na�gi degsim gereinjroqne.’" 20 Onaqa a�gro wala dena olo Yesus minjej, “E dal anjam kalil di nami dauryosim boqnem agi bini degsi unum. Deqa e Qotei aqa kumbra kiye keretosai unum?" 21 Onaqa Yesus na kamba minjej, “Ni Qotei aqa kumbra kalil keretqa osimqa endegye. Ni gilsim ino i�gi i�gi kalil qari�yosim silali osim tamo i�gi i�gi saiqoji na�gi jeisim enjre. Degsim enjrsim bosim e daurbe. Osim bunuqna ni la� qureq di awai bole itqam." 22 Yesus na tamo di degsi minjnaq qusiqa are tula� gulbeiyej. A i�gi i�gi koba ti soqnej deqa ulatamu ugeiyonaqa ula�ej. 23 Onaqa Yesus na aqa a�gro na�gi minjrej, “E bole mer�gwai. Tamo u�gasari i�gi i�gi koba ti unub qaji na�gi Qotei na taqatnjrsim na�go Mandor Koba sqa marsibqa la� qureq oqwajqa tula� ba�gi koba. 24 E ni�gi olo mer�gwai. Kamel a yumba miligiq gilqajqa ba�gi koba. Dego kere tamo u�gasari i�gi i�gi koba ti unub qaji na�gi Qotei na taqatnjrsim na�go Mandor Koba sqa marsibqa la� qureq oqwajqa tula� ba�gi koba." 25 Onaqa Yesus aqa a�gro na�gi anjam di qusibqa tula� prugugetosib minjeb, “Ni anjam degsi mergonum deqa tamo yai na�gi Qotei na ele�amqa na�gi �ambile gaigai sqa kere?" 26 Onaqa Yesus a na�gi koqnjrsiqa minjrej, “Tamo na�gi segi �ambile sqa keresai. Ariya Qotei na na�gi ele�qa kere. Di kiyaqa? Qotei a kumbra kalil yqa kere." 27 Onaqa Pita na Yesus minjej, “O Tamo Koba, ni une. Iga gago i�gi i�gi kalil uratosim ni daurmeqnum. Deqa iga awai kiye oqom?" 28 Onaqa Yesus na minjrej, “E bole mer�gwai. Mondo� Qotei a la� bunuj ti mandam bunuj ti atimqa bati deqa e Tamo A�gro ñam kobaquja osiy ijo segi awo jaram kobaq di awesqai. Awesosiyqa ni�gi tamo e daurbeqnub qaji met�gitqa ni�gi dego awo jaram kokba 12 di awoele�qab. Awoosib Jekop aqa a�gro 12 na�go moma kalil na�gi taqatnjroqnqab. 29 Deqa tamo na�gi ijo ñam qa are qaloqnsib na�go segi tal, na�go was na�gi, na�go jaja na�gi, na�go ai abu na�gi, na�go a�gro na�gi ti na�go wau kalil dego uratnjrsib e daurbqab di Qotei na olo i�gi bole bole tula� gargekoba na�gi enjrqas. Yimqa mondo� na�gi �ambile gaigai sqab. 30 Deqa ni�gi quiy. Tamo gargekoba bini ñam ti unub qaji na�gi mondo� ñam saiqoji sqab. Ariya tamo gargekoba bini ñam saiqoji unub qaji na�gi mondo� ñam ti sqab."

‹ Chapter 18 Matyu — All Chapters Chapter 20 ›

Matyu 19

Cite / Share This Page