Matyu 14
PNG1 Bati deqa tamo uĆgasari naĆgi Yesus qa saosib laqnabqa Mandor Herot a quej. 2 Qusiqa aqa wau tamo naĆgi minjrej, “Tamo di a Jon yansnjro qaji. A moisiq olo subq na tigelqo. A deqa siĆgila osiqa maĆwa babteleĆeqnu." 3 Herot a nami aqa was Filip aqa ĆauĆ Herodias yaiyosiq ej. Deqa Jon na Herot minjoqnej, “Ni ino segi was aqa uĆa em di kumbra bolesai. Ni kumbra ugeteqnum.” Jon na Herot degsi minjoqnej. Deqa Herot a Jon qa minjiĆ oqetonaqa aqa qaja tamo qudei qariĆnjrnaqa gilsib Jon ojsib sil na qosisib tonto talq di waiyeb. 5 Jon a tonto talq di sonaqa Herot a endegsi are qaloqnej, “E Jon qalit moiqas.” Ariya tamo uĆgasari kalil naĆgi maroqneb, “Jon a Qotei aqa medabu o qaji tamo bole.” NaĆgi degsib maroqneb deqa Herot a naĆgi ulainjrsiq Jon qalqa uratej. 6 Ariya bati bei Herot a Jon qalim moiqajqa gam endegsi itej. Aqa Ćambabo bationaqa a na maruro atsiqa tamo qudei naĆgi metnjrnaq bosib aqa talq di koroeb. Koroosib iĆgi uyeqnabqa Herot aqa ĆauĆ aqa aĆgro sebiĆ a warum miligiq bosiqa naĆgi lou tuetnjroqnej. Onaqa Herot a di unsiqa tulaĆ areboleboleiyej. 7 Deqa a na aĆgro sebiĆ di minjej, “Ni ijo iĆgi kiye oqajqa merbqam e ni emqai.” Osiqa aqa anjam di olo siĆgilatosiq minjej, “Ijo anjam di e bole dauryqai. E uratqasai bole sai." 8 Onaqa aĆgro sebiĆ aqa ai na minjej, “Ni Jon aqa gate qa Herot minje.” Onaqa aĆgro sebiĆ na Herot minjej, “Ni Jon yansnjro qaji aqa gate tabirq di atsim ebe." 9 Onaqa Herot a Jon qalim moiqajqa are sosai deqa a are tulaĆ gulbekobaiyej. Ariya aqa segi anjam tamo kalil naĆgo ulatamuq di marsiq siĆgilatej qaji deqa are qalsiqa aĆgro sebiĆ di minjej, “Di kere." 10 Osiqa aqa qaja tamo bei qariĆyonaq gilsiqa tonto talq di Jon aqa kakro gentetej. 11 Osiqa aqa gate tabirq di atsiqa osi bosiq aĆgro sebiĆ di yonaqa a na osi gilsiqa aqa ai yej. 12 Onaqa bunuqna Jon aqa aĆgro naĆgi deqa qusibqa bosib Jon aqa qusa osi gilsib subq ateb. Osib Yesus aqa areq gilsib minjeb, “Herot na Jon qalnaq moiyej." 13 Onaqa Yesus a anjam di qusiqa a sawa di uratosiq qobuĆ bei gogetosiqa wadau sawaq gilej. Aqa aĆgro naĆgi ti gileb. A gileqnaqa tamo uĆgasari kalil naĆgi deqa qusibqa naĆgo segi segi qureq na tigelosib siĆga na gurgurosib Yesus Ćamqajqa gileb. 14 Onaqa Yesus a qobuĆ na gilsiq tiryosiqa Ćam atej di tamo uĆgasari tulaĆ gargekoba naĆgi nami tiryqa sawaq di tariĆesonab unjrej. Unjrsiqa a naĆgi qa are ugeiyej. Deqa a naĆgo areq aisiqa naĆgo ma tamo kalil boletnjroqnej. 15 Onaqa seĆ aisiq bilaqtonaqa Yesus aqa aĆgro naĆgi aqa areq bosib minjeb, “O Tamo Koba, endi wadau sawa. SeĆ aiqo. Qoloqas. Deqa ni na tamo uĆgasari naĆgi minjrimqa qure qureq gilsib di iĆgi awaiyosib uyqab." 16 Onaqa Yesus na minjrej, “NaĆgi kiyaqa qure qureq gilqab? NiĆgi segi na iĆgi anainjriy." 17 Degsi minjrnaqa naĆgi na kamba minjeb, “Iga iĆgi sai. Iga bem 5 qe aiyela segi unu." 18 Onaqa Yesus na minjrej, “Bem ti qe ti di ijoq osib boiy." 19 Onaqa naĆgi bem ti qe ti di osi bosib Yesus yonabqa a na tamo uĆgasari kalil naĆgi minjrej, “NiĆgi kalil ñiĆq di awoeleĆoiy.” Onaqa naĆgi kalil awoonabqa Yesus na bem 5 ti qe aiyel ti di osiqa laĆ goge tarosiq Qotei pailyej. Pailyo koboonaqa bem ti qe ti giĆgeĆyosiqa aqa aĆgro naĆgi enjrnaqa naĆgi na osi giloqnsibqa tamo uĆgasari naĆgi jeisib enjreqnab uyoqneb. 20 Uynab kalil menetnjrej. Onaqa iĆgi oto urateleĆeb qaji di Yesus aqa aĆgro naĆgi na koroiyosib gumba kokba 12 di jignab maqeleĆej. 21 Tamo kalil bem ti qe ti uyeb qaji naĆgi sisiyeb 5,000. Ariya uĆgasari ti aĆgro du du ti naĆgi sisiyosai. 22 Onaqa Yesus na aqa aĆgro naĆgi endegsi minjrej, “NiĆgi qobuĆ gogetosib namoosib gilsib ya agu taqal beiq di tiryosib soqniy. E na tamo uĆgasari naĆgi minjritqa naĆgo qure qureq jaraiyoqnib e bqai." 23 Onaqa Yesus aqa aĆgro naĆgi namoosib qobuĆ na gileqnabqa Yesus na tamo uĆgasari naĆgi minjrnaq jaraiyeqnabqa a segi Qotei pailyqa marsiq manaq oqej. Oqsiq a segi mana goge di sonaqa bilaqtej. 24 Onaqa aqa aĆgro naĆgi qobuĆ na gileqnabqa ya agu ambleq di jagwa koba tigelosiqa ya korkortosiqa naĆgi pulutnjrej. 25 Nobqolo ambru Yesus a aqa aĆgro naĆgoq bosiqa ya baĆgaq na walwelosiqa naĆgi daurnjrsiq gilej. 26 Onaqa naĆgi Ćam ateb di Yesus a ya baĆgaq na walwelosiq naĆgo areq beqnaqa unsib mareb, “Di buga beqnu.” Osib naĆgi tulaĆ ulaugetosib leleĆkobaeb. 27 Onaqa Yesus na minjrej, “NuĆgo are siĆgilatiy. Endi e beqnum. Ulaaib." 28 Onaqa Pita na minjej, “O Tamo Koba, ni kiyo beqnum? Ni degam e odbimqa e kamba ya baĆgaq na walwelosiy ino areq bqai." 29 Onaqa Yesus na Pita minjej, “Od, endi e. Ni au.” Degsi minjnaqa Pita a qobuĆ uratosiqa ya baĆgaq na walwelosi gilsiq Yesus jojomyej. 30 Yesus jojomyosiqa Ćam atsiq jagwa unsiq ulaej. Ulaosiq tuqoqnsiq maosiq Yesus minjej, “O Tamo Koba, e tuqeqnum. Deqa ni e aqaryaibe." 31 Onaqa Yesus na aqa baĆ waiyosiq Pita ojsiq soqtej. Soqtosiq minjej, “Kiyaqa ni areqalo aiyeltonum? Ni e qa ino areqalo siĆgilatqa yonum keresaiimqo." 32 Degsi minjsiqa naĆgi aiyel qobuĆ gogetonabqa jagwa laej. 33 Onaqa tamo qobuĆq di soqneb qaji naĆgi Yesus aqa maĆwa di unsibqa naĆgi aqa ñam soqtosib minjeb, “Bole, ni Qotei aqa Ćiri." 34 Yesus aqa aĆgro naĆgi koba na qobuĆ na gilsib ya agu taqal beiq di brantosib Genesaret sawaq di tiryeb. 35 Tiryonabqa qure deqaji naĆgi na Yesus unsibqa aqa ulatamu poinjrej. Poinjrnaqa anjam qariĆyonab qure qure kalil jojom di soqneb naĆgi quoqnsib naĆgo ma tamo naĆgi joqoqnsib Yesus aqa areq osi beleĆoqneb. 36 BeleĆoqnsib Yesus endegsib minjoqneb, “NaĆgi ino gara mutu segi ojibqa naĆgo ma kobooqnqas.” Onaqa Yesus na odnjrnaqa tamo uĆgasari kalil ma ti soqneb qaji naĆgi aqa gara mutu ojoqneb. Ojoqneb qaji kalil naĆgo ma kobooqnej.