Aposel 27

PNG

‹ Chapter 26 Aposel — All Chapters Chapter 28 ›

1 Onaqa iga qobu� na Itali sawaq gilqajqa anjam qosisib Pol tamo qudei ti tonto talq dena joqsib qaja tamo na�go gate bei aqa ñam Julius aqa ba�q di ateb. Julius a Rom tamo. 2 A na iga Pol ombla tonto tamo na�gi ti joqsiqa Adramitium qure na�go qobu� bei Esia sawaq gilqa laqnaqa iga qobu� di gogetosim koba na gilem. Aristarkus a iga koba na gilem. Aristarkus aqa qure utru Tesalonaika agi Masedonia sawaq di unu. Qobu� di yuwal qala qalaq na dauryosim qundu� kalil aiqa mareb. 3 Iga gilsim nebeonaqa Saidon qureq di tiryem. Tiryonamqa Julius a Pol qa dulosiq odyonaqa qobu� uratosiq aqa Kristen was qudei na�gi itnjrnaqa na�gi na i�gi i�gi qa aqaryaiyeb. 4 Onaqa iga Saidon qure uratosim gileqnamqa jagwa na gotra�gonaqa iga Saiprus nui taqyosim gilem. 5 Gilsim yuwal gentosim Silisia sawa ti Pamfilia sawa ti di brantosim yuwal qala qalaq na dauryosim gilsim Lisia sawaq di brantosim Maira qureq di tiryem. 6 Dia Julius a Aleksandria qure na�go qobu� bei Itali sawaq gilqa laqnaqa unsiqa a na iga Pol ombla tonto tamo na�gi ti joqsiqa qobu� di gogetem. 7 Gogetosim ji�ga na gileqnamqa bati gargekoba koboej. Onaqa jagwa na gotra�gonaqa iga si�gila na gilsim Nidas qure jojomyem. Dena jagwa na olo gotra�gonaqa iga gilqa keresaiigonaqa qobu� bulyosimqa Krit nui aqa luwi bei ñam Salmone di ti�yosim oqem. 8 Oqsim luwi di bu�yosimqa tamo qobu�q di wauo qaji na�gi waukobaosib oqsib Krit nui qoreq di beterosib qala qalaq na gileb. Iga gilsim sawa bei aqa ñam Qundu� Boledamu di Lasea qure jojom di brantem. 9 Iga bati gargekoba uratem deqa Juda na�go qurie�o bati koboej. Yuwal ugeqa batiej deqa Pol na tamo qobu�q di wauo qaji na�gi endegsi minjrej, “Ni�gi quiy. E qalieonum, iga qobu� na gilqom di iga gulbe koba itqom. Qobu� aqa i�gi i�gi gargekoba loumqas. Qobu� dego tugwas. Qobu� a segi sai. Iga tamo kalil dego padalqom." 11 Pol a na�gi degsi minjrnaqa qobu� kuñi ojo tamo wo qobu� aqa abu wo na�gi aiyel na Pol aqa anjam di dauryqa uratosib gilqa mareb. Julius a dego Pol aqa anjam dauryqa uratosiqa na�go aiyel anjam taqyej. 12 Deqa iga qobu� na gilem. Qundu� iga soqnem qaji di jagwa bati qa qobu� beterqajqa qundu� bolesai. Deqa tamo gargekoba na�gi mareb, “Jagwa bati brantqa jojomqo deqa iga qundu� endi uratosim gilsim Finiks qundu�q di jagwa bati qa beterosim sqom.” Finiks a Krit nuiq di unu. Dia jagwa bati qa beterqajqa qundu� bolequja. 13 Onaqa jagwa lawo guta na bonaqa tamo qobu�q di wauo qaji na�gi mareb, “Jagwa endena iga puygim gilsim Finiks qundu�q di tiryqom.” Degsib marsib anka titosib qobu� miligiq di atsib dena iga Krit nui aqa qala dauryosim gilem. 14 Gileqnamqa manaq dena meli jagwa koba bosiq gotra�gonaqa gilqa keresaiigonaqa iga loo goge oqsim di sonamqa jagwa na segi osi laqnej. 16 Onaqa iga nui kiñala bei aqa ñam Kauda aqa qoreq di otosim sonamqa nui dena jagwa getentonaqa yuwal kiñala laej. Deqa tamo qobu�q di wauo qaji na�gi waukobaosib qobu� du soqtosibqa qobu� ani gogeq di atsib sil na qoseb. Qobu� du ulo�aim deqa sil na qoseb. Osib olo sil bei osib qobu� ani yuwal na paraparaaim deqa sil na kai�yosib si�gilateb. Qobu� ururosim Afrika sawa jojomyosim dia sargum gogetosim paraaim deqa ulaosib qobu� rer qalnab aiyej. Na�gi degyeb deqa jagwa na segi osi laqnej. 18 Nebeonaqa iga loo goge di sonam jagwa tula� kobaosiq iga gotra�gonaqa yuwal ugeonaqa qobu� tuqepratej. Deqa tamo qobu�q di wauo qaji na�gi i�gi i�gi qudei breinjrnabqa yuwalq aiyeb. 19 Olo nebeonaqa na�gi qobu� aqa parara ti oyo ti osib breinjrnab yuwalq aiyeb. 20 Bati gargekoba iga se� ti bongar ti unosai. Iga namoqna are qalem, “Iga padalqasai.” Ariya jagwa si�gila koba boqnsiqa iga gotra�goqnej deqa gago areqalo namij di iga uratosim marem, “Iga padalqom. Jagwa endi koboqasai." 21 Bati gargekoba tamo qobu�q di so qaji na�gi i�gi uyosai. Deqa Pol a na�go ambleq di tigelosiqa minjrej, “O tamo ni�gi quiy. E nami mer�gem, ni�gi Krit nui uratosib gilaib. Ni�gi ijo anjam di dauryosai deqa agi iga gulbe koba itonum. Ni�gi uniy. Qobu� aqa i�gi i�gi gargekoba loumele�qo. 22 Deqa e ni�gi olo endegsi mer�gwai. Ni�gi are laeme. Tamo bei padalqasai. Iga kalil bole sqom. Qobu� segi padalqas. 23 Ya qolo ijo Qotei agi e bati gaigai a qa loueqnum qaji aqa la� a�gro bei bosiqa ijo areq di tigelosiq merbej, ‘O Pol, ni ulaaim. Ni Sisar aqa ulatamuq di tigelqam. Deqa Qotei na ni taqatmim ni padalqasai. Tamo kalil ni ombla qobu� na gileqnub qaji na�gi dego Qotei na taqatnjrim na�gi padalqasai.’ La� a�gro na e degsi merbej. 25 Deqa ni�gi ulaaib. E qalieonum, Qotei aqa anjam qolo merbej qaji di a dauryosim degyqas. 26 Ariya ni�gi quiy. Iga qobu� na gilsim nui beiq di sargum gogetim qobu� a ojotqas." 27 Pol na na�gi degsi minjrnaqa iga Mediterenian yuwalq di otosim sonamqa jagwa na segi osi laqnej. Yori aiyel koboonaqa qolo jige yuwal a mandam qaleqnaq anjam ateqnaq tamo qobu�q di wauo qaji na�gi qusibqa are qaleb, “Iga nui bei jojomyonum kiyo?" 28 Na�gi degsib are qalsibqa yuwal aqa robu qalieqajqa deqa sil waiyonab ainaq uneb di tarag yala, 40 mita. Dena iga gilokiñalayosimqa na�gi olo sil waiyosib uneb di tula� taragej, 30 mita. 29 Degsib unsibqa are qaleb, “Iga gilsim nuiq di sargum gogetim qobu� a ojotqas.” Degsib are qalsibqa ulaosib mareb, “Iga anka waiyonamqa qobu� tigelqas.” Degsib marsibqa qobu� bunuq dena anka qolqe waiyonab yuwalq aiyej. Onaqa na�gi endegsib wai�oqneb, “Urur suwa�eme." 30 Onaqa tamo qobu�q di wauo qaji na�gi endegsib are qaleb, “Iga qobu� uratosim qobu� du na jaraiqom.” Na�gi degsib are qalsibqa gisa�osib tamo na�gi minjreb, “Iga qobu� namoq dena anka waiyqom.” Degsib minjrsib qobu� du uli na osib qobu� ani aqa namoq na gaintonabqa yuwalq aiyej. 31 Degyeqnabqa Pol a di unsiqa qaja tamo na�gi ti na�go gate Julius a ti endegsi minjrej, “Tamo qobu�q di wauo qaji na�gi jaraiqa mareqnub. Na�gi jaraiqab di ni�gi kalil padalqab." 32 Onaqa qaja tamo na�gi qobu� du aqa sil gentonabqa jagwa na osi ula�ej. 33 Nebeqa laqnaqa Pol na tamo kalil na�gi endegsi minjrej, “Ni�gi i�gi uyiy. Bati olekoba ni�gi i�gi uyosai. Nu�go are �eiosai dego. Agi yori aiyel gilqo. 34 Deqa e si�gila na endegsi mer�gwai, ni�gi i�gi uysib dena ni�gi si�gilaqab. Osib ni�gi kalil bole sqab. Bei padalqasai." 35 Pol na tamo kalil na�gi degsi minjrsiqa bem bei osiq na�go ulatamuq di Qotei pailyosiqa bem gentosiq uyej. 36 Degonaqa tamo kalil na�gi areboleboleinjrnaqa na�gi kamba dego bem ele�osib uyeb. 37 Iga tamo qobu�q di soqnem qaji kalil 276. 38 Tamo kalil na�gi i�gi uynab menetnjrnaqa qobu� otqajqa marsibqa bem sum osib waiyele�onabqa yuwalq aiyej. 39 Onaqa nebeonaqa na�gi �am atsib mandam bei uneb. Na�gi mandam di poinjrosai. Na�gi qundu� bei dego uneb. Qundu� di aqa alile bolequja ulul ti. Unsib are qaleb, “Iga alile dia qobu� tiryqom." 40 Degsib are qalsibqa anka nami waiyeb qaji sil serie na gi�ge�yosibqa anka yuwalq di uratele�eb. Osib kuñi tonteb qaji sil di palontosib kuñi ojsib rer giryosib alile di tiryqajqa aiyeb. 41 Aisib qobu� namoq sargum bei gogetosiq dia ojotonaq soqnej. Onaqa yuwal kokbayosiqa qobu� bunuq di qalnaqa paraparaej. 42 Onaqa qaja tamo na�gi mareb, “Tonto tamo na�gi qawai�osib jaraiyaib deqa iga na ñumnam more�qab." 43 Degsib marnabqa na�go gate Julius a are qalej, “Na�gi Pol dego qalib moiyaim deqa e na na�gi saidnjrqai.” Degsi are qalsiqa na�gi minjrej, “Tonto tamo na�gi ñumaib.” Osiqa tamo qawai�o qalie na�gi minjrej, “Ni�gi namo prugosib yuwalq aisib qawai�osib alile di patiy." 44 Osiqa tamo qawai�o qaliesai qaji na�gi minjrej, “Qobu� paraparaqo qaji aqa sarqei ni�gi na ele�osib bileq atsib dena otosib aisibqa alile di patiy.” A degsi minjrnaqa na�gi degyosib iga kalil koba na alile dia geregere patele�em.

‹ Chapter 26 Aposel — All Chapters Chapter 28 ›

Aposel 27

Cite / Share This Page