Aposel 21

PNG

‹ Chapter 20 Aposel — All Chapters Chapter 22 ›

1 Iga qobu� na aisim Kos nui bu�yosim nebeonaqa Rodes nuiq di tiryonam olo nebeej. Nebeonaqa iga Rodes nui uratosim aisim Patara qureq di tiryem. 2 Dia qobu� bei Fonisia sawaq aiqa laqnaqa iga qobu� di gogetosim aiyem. 3 Iga qobu� na aisim Saiprus nui jojomyosim ba� qona�q waiyosim bu�yosim aiyem. Aisim Siria sawa bu�yosim Tair qureq di tiryem. Tiryonamqa tamo qobu�q di wauo qaji na�gi na i�gi i�gi kalil wa�garosib mandamq di atele�eb. 4 Qure dia iga Yesus aqa tamo u�gasari na�gi itnjrsimqa bati 7 na�gi koba na soqnem. Sonamqa Qotei aqa Mondor na anjam ubtosiqa na�gi endegsi minjrej, “Pol a Jerusalem dia gulbe koba itqas.” Degsi minjrnaq qusibqa Pol wai�yoqneb, “Ni Jerusalem aiyaim.” Onaqa Pol na kamba minjroqnej, “Sai. E Jerusalem aiqai." 5 Onaqa bati 7 koboonaqa iga Pol koba na qure di uratosim qobu� gogetqa marsim alile aiyem. Yesus aqa tamo kalil na�go u�a ti a�gro ti na�gi na iga suweigosib alile aisim dia iga koba na si�ga pulutosim Qotei pailyem. 6 Pailyo koboonaqa iga na�gi ba� ojsimqa minjrem, “Ni�gi bole soqniy.” Onaqa na�gi na iga mergeb, “Ni�gi aiyiy.” Degsib mergonab iga qobu� gogetonamqa na�gi olo puluosib na�go qureq gileb. 7 Ariya iga qobu� na Tair qure uratosim aisim Tolemes qureq di tiryem. Tiryosim dia Yesus aqa tamo u�gasari na�gi itnjrsimqa bati qujai na�gi koba na soqnem. 8 Nebeonaqa iga Tolemes qure uratosim walwelosi aisim Sisaria qureq di brantem. Brantosim Yesus aqa anjam maro tamo Filip aqa tal gogetosimqa a ombla soqnem. Nami Jerusalem dia tamo 7 na�gi i�gi jeiyo wau enjreb deqaji bei agi Filip. 9 Filip aqa a�gro sebi� qolqe na�gi a ombla soqneb. Na�gi Qotei aqa medabu o qaji u�a. 10 Bati qudei iga Sisaria qureq di sonamqa Qotei aqa medabu o qaji tamo Agabus a Judia sawaq dena walwelosiq gagoq bej. 11 Bosiqa Pol aqa alalag yaiyosiqa qombilgej. Qombil aqa utru agiende. Agabus na Pol aqa alalag osiq aqa segi ba� ti si�ga ti alalag dena qosej. Osiqa mergej, “Mondor Bole na e endegsi merbqo, ‘Jerusalem dia Juda na�gi na tamo alalag endi tigeqnu qaji aqa si�ga ti ba� ti endegsib qosqab. Qosisib a osi gilsib tamo Juda sai na�go ba�q di atibqa na�gi na a ugeugeiyqab.’" 12 Onaqa iga Agabus aqa anjam di qusimqa tamo u�gasari qudei qure dia soqneb qaji na�gi iga ti Pol minjoqnem, “Ni Jerusalem aiyaim." 13 Onaqa Pol na iga mergej, “Ni�gi kiyaqa akamoqnsib are gulbetetbeqnub? E Tamo Koba Yesus aqa ñam qa tonto talq di waibqab di kere. Aqa ñam qa e lubib moiqai di kere. E gulbe di uratqasai. E itqai." 14 Pol a degsi gago anjam quqwa uratosiq mergonaqa iga na olo saidyosai. Iga marem, “U�gum. Pol a Tamo Koba aqa areqalo dauryosim Jerusalem aiyem." 15 Bati qudei koboonaqa iga Jerusalem aiqa marsimqa gago i�gi i�gi kalil gereiyosim tigelosim aiyem. 16 Aiqa yeqnam Sisaria tamo qudei Yesus dauryoqneb qaji na�gi na iga suweigosib koba na aisim Jerusalem di brantem. Brantosim na�gi na iga tamo bei aqa ñam Nason aqa talq di uratgeb. Deqa iga Nason ombla aqa talq di soqnem. Nason a nami koba Yesus dauryoqnsiq soqnej. Aqa qure utru Saiprus. 17 Iga Jerusalem di brantonamqa Yesus aqa tamo u�gasari dia soqneb qaji na�gi na iga nugsibqa tula� areboleboleinjrnaqa iga osib geregereigeb. 18 Nebeonaqa iga Pol dauryosim Jems unqajqa gilem. Gilsim Kristen gate kalil na�gi Jems koba na koroesonabqa Pol a na�gi kaiyeinjrej. Osiqa wau kalil Qotei a Pol aqa ba� na sawa bei beiq di tamo u�gasari na�go ambleq di yoqnej qaji deqa na�gi sainjrej. 20 Onaqa Kristen gate na�gi Pol aqa anjam di qusibqa tula� areboleboleinjrnaqa Qotei aqa ñam soqtoqneb. Osib Pol minjeb, “O gago was Pol, ni qalie, Juda tula� gargekoba na�gi Yesus qa na�go areqalo si�gilateqnub. Na�gi Moses aqa dal anjam dauryqajqa dego si�gilaeqnub. 21 Deqa tamo qudei na Juda na�gi endegsib minjreqnub, ‘Pol na Juda tamo u�gasari sawa bei beiq di unub qaji na�gi Moses aqa dal anjam dauryqa saidnjreqnu. Osiqa na�gi endegsi minjreqnu, “Nu�go a�gro na�gi mulu� breinjraib. Kumbra kalil Moses a nami ni�gi dauryqa mer�gej qaji di uratiy.” ’ O Pol, tamo qudei na Juda na�gi degsib minjreqnub. 22 Juda na�gi quqwab, ni Jerusalem bonum. Deqa iga kiyerqom? 23 Od, iga qalieonum. Iga ni endegsi mermim ni degye. Gago ambleq endi Juda tamo qolqe unub. Na�gi nami gago Juda kumbra dauryosib Qotei pailyqa osib na�go gate ba�ga ti me ju�gum ti urateb unub. 24 Deqa ni na�gi joqsim atra tal miligiq gilsim une kobotqajqa kumbra Moses a nami marej qaji di na�gi koba na dauryosib yiy. Osim wagme awaiyetnjrimqa na�gi na Qotei atraiyosib na�go gate ba�ga ti me ju�gum ti joqwab. Ni degyimqa Juda tamo kalil na�gi ino kumbra di unsib endegsib qalieqab, ‘Bole, Pol a dego Moses aqa dal anjam dauryo qaji tamo. Anjam na�gi a qa mareqnub qaji di bolesai.’ 25 Ariya Pol, ni qalie, iga nami anjam bei ne�gre�yosim sawa bei bei qaji na�goq qari�yem. Na�gi di Yesus qa na�go areqalo si�gilateb qaji. Iga anjam endegsim qari�yem, ‘Ni�gi gisa� qotei atrainjro qaji i�gi bei uyoqnaib. Wagme le� ti uyoqnaib. Wagme sil na kakro tontnjrnab more�eb qaji di uyoqnaib. Sambala kumbra dego yoqnaib.’ Iga nami anjam degsim qosisim ne�gre�yosim na�goq qari�yem." 26 Onaqa Pol na tamo qolqe na�gi di joqsiqa nebeonaqa atra tal miligiq gilsiq une kobotqajqa kumbra Moses a nami marej qaji di na�gi koba na dauryosib yeb. Osiqa atra tamo na�gi minjrej, “Une kobotqajqa bati koboamqa iga gago segi segi wagme osim Qotei atraiyqom." 27 Une kobotqajqa bati 7 di koboqa laqnaqa Juda tamo qudei Esia sawaq dena bele�eb qaji na�gi Pol a atra tal miligiq di sonaq unsibqa a ojeb. Ojsib lele�oqnsib tamo u�gasari kalil na�go areqalo ugetetnjrqa marsibqa Pol aqa jejamuq di une qamsib minjreb, “O Israel tamo u�gasari, ni�gi kalil bosib iga aqaryaigiy. Pol a sawa sawa kalilq di iga Juda qa ti Moses aqa dal anjam qa ti atra tal qa ti misili� anjam mareqnaqa tamo u�gasari kalil na�gi queqnub. Di segi sai. A dego Grik tamo qudei na�gi joqoqnsiqa koba na atra tal miligiq gileqnub. Aqa kumbra dena a na Qotei aqa atra tal ugeteqnu." 29 Na�gi degsib mareb. Di kiyaqa? Nami Efesus tamo bei aqa ñam Trofimus a Pol ombla Jerusalem dia laqnabqa unjrsib are qaleb, “Pol a tamo di osiqa atra tal miligiq gilej." 30 Onaqa tamo u�gasari kalil Jerusalem di soqneb qaji na�gi anjam di qusibqa minji� oqetnjrnaqa gurgur ti koroosib Pol ojeb. Ojsib giri�yosib atra tal oqeq atsib atra tal aqa sira�me kalil kabutele�eb. 31 Onaqa na�gi Pol moiyotqa marsibqa ba� na qaloqneb. Qaleqnabqa Rom qaja tamo na�go gate koba a anjam endegsi quej, “Jerusalem endia tamo u�gasari kalil na�gi minji� ani oqetnjreqnu." 32 A degsi qusiqa aqa qaja tamo qudei na�go gate na�gi ti joqsiqa gurgurosib tamo u�gasari na�go ambleq ainabqa unjrsibqa Pol qalqa urateb. 33 Onaqa qaja tamo na�go gate koba a bosiqa Pol ojsiqa aqa qaja tamo na�gi minjrej, “Sil si�gila kokba aiyel osi bosib a tontiy.” Onaqa na�gi bosib Pol tontonabqa qaja tamo na�go gate koba a na tamo u�gasari kalil na�gi endegsi nenemnjrej, “Tamo endi yai? A une kiye yqo deqa ni�gi a qaloqnab?" 34 A na�gi degsi nenemnjrnaqa na�gi olo lele�kobaoqnsib anjam utru segi segi marele�oqneb. Qudei na�gi anjam bei maroqneb. Qudei na�gi anjam bei maroqneb. Na�gi degsib marele�oqnsib ariya na�gi Pol aqa une geregere ubtosib marqa keresai. Deqa qaja tamo na�go gate koba a na aqa qaja tamo na�gi minjrnaqa na�gi Pol osib na�go �eio talq osi gileb. 35 Osi giloqnsib na�go �eio tal jojomyeqnabqa tamo u�gasari kalil na�gi minji� ani oqetnjrnaqa na�gi daurnjroqnsib murqumyoqnsib maroqneb, “Ni�gi na Pol qalsib moiyotiy.” Na�gi degsib maroqneb deqa qaja tamo na�gi na Pol soqtosib na�go qawarq di atsib osi giloqneb. 37 Na�gi Pol osi giloqnsib na�go �eio tal gogeq di atqa laqnabqa Pol a Grik anjam na qaja tamo na�go gate koba endegsi nenemyej, “E ni anjam bei mermqa kere e?” Onaqa minjej, “Ni Grik anjam qalie e? 38 E endegsi are qalonum. Ni Isip tamo bei nami Rom ti qotqa marsiqa tigelosiq qaja tamo 4,000 joqsiqa wadau sawaq di laqnej qaji agi ni edegonum." 39 Onaqa Pol na minjej, “E tamo di sai. E Juda tamo. Ijo qure utru Tarsus. Tarsus a qure kobaquja. A Silisia sawaq di unu. Deqa ni mare. E na tamo u�gasari kalil endi anjam bei minjrqa kere e?" 40 Onaqa qaja tamo na�go gate koba a na Pol odyonaqa tetaq di tigelosiqa aqa ba� soqtonaqa tamo u�gasari kalil na�gi kiri kirionabqa Hibru anjam na endegsi minjrej,

‹ Chapter 20 Aposel — All Chapters Chapter 22 ›

Aposel 21

Cite / Share This Page