1 Korin 13
PNG1 Kumbra boledamu di agi qalaqalaiyo kumbra. NiÅgi quiy. E meÅ bulyosiy qure utru segi segi naÅgo anjam kiyo laÅ aÅgro naÅgo anjam kiyo maroqnqai ariya e qalaqalaiyo kumbra dauryqasai di ijo anjam maro di bolesai. Ijo anjam maro di laÅa noul bulosim qatroÅkobaqas. Osim gruma bul laÅa anjam atqas. 2 E Qotei aqa medabu osiy anjam palontoqnqai kiyo, e Qotei aqa uli anjam kalil qalieosiy utru babteleÅqai kiyo, e qalie koba ti sqai kiyo, e Qotei qa ijo areqalo tulaÅ siÅgilaboletosiy dena mana kobaquja minjitqa a ijo anjam dauryosim tigelosim sawa beiq gilqas kiyo ariya e qalaqalaiyo kumbra dauryqasai di ijo kumbra kalil di Qotei aqa Åamgalaq di bolesai. 3 E ijo iÅgi iÅgi kalil eleÅosiy tamo sougetejunub qaji naÅgi jeisiy enjrqai kiyo, e ijo segi jejamu osiy jeu tamo naÅgo baÅq di atitqa naÅgi na osib Åamyuwo na koitqab kiyo ariya e qalaqalaiyo kumbra dauryqasai di ijo kumbra kalil dena e yala aqaryaibqa keresai. 4 Tamo uÅgasari naÅgi qalaqalaiyo kumbra dauryqab di naÅgi gaigai lawo na sqab. Sosib tamo kalil naÅgi kumbra bole enjroqnqab. Tamo bei a ñoro koba ti soqnim naÅgi a qa are ugeinjrqasai. NaÅgi naÅgo segi ñam soqtqasai dego. 5 NaÅgi diqoqnsib sqasai. NaÅgi naÅgo segi jejamu aqaryaiyqajqa are qalqasai. NaÅgi urur ÅiriÅqasai. Tamo bei na naÅgi kumbra uge enjrimqa naÅgi deqa a kambatqasai. 6 NaÅgi kumbra uge qa areboleboleinjrqasai. NaÅgi kumbra bole qa areboleboleinjroqnqas. 7 NaÅgi gulbe kalil qoboiyoqnsib siÅgila na tigelesqab. Sosib gaigai Qotei qa naÅgo areqalo siÅgilatoqnsib a qa tariÅoqnqab. 8 Qalaqalaiyo kumbra di koboqa keresai. Tamo qudei naÅgi Qotei aqa medabu oqnsib aqa anjam palonteqnub. Wau di koboqas. Tamo qudei naÅgi qure utru segi segi naÅgo anjam mareleÅeqnub. Wau di dego koboqas. Tamo qudei naÅgi Qotei aqa qalie babteqnub. Wau di dego koboqas. 9 Bole, iga qalie ti unum. Ariya gago qalie di oto oto deqa iga truquigeqnu. Iga Qotei aqa medabu oqnsim anjam palonteqnum. Anjam di dego oto oto deqa iga truquigeqnu. 10 MondoÅ Yesus a olo bosim iÅgi iÅgi kalil keretimqa bati deqa qalie ti anjam ti iga truquigeqnu qaji di torei koboqas. 11 Nami e aÅgro kiñala sosimqa e aÅgro kiñilala naÅgo anjam ti powo ti areqalo ti oqnsim walweloqnem. Ariya bunuqna e tamo kobaqujaosimqa e aÅgro kiñilala naÅgo kumbra di uratem. 12 Dego kere bini iga Qotei aqa kumbra geregere qalieosai unum. Gago qalie di oto oto deqa iga truquigeqnu. Iga ya qolbiq di gago ulatamu geregere unqa keresai dego kere iga Qotei aqa kumbra geregere qalieosai unum. MondoÅ iga Qotei aqa ulatamu unsimqa bati deqa iga a qa geregere qalieqom. A iga qa geregere qalieeqnu dego kere iga kamba a qa geregere qalieqom. 13 Iga Qotei qa gago areqalo siÅgilateqnum kumbra di gaigai sqas. Iga Qotei qa tariÅeqnum kumbra di dego gaigai sqas. Qalaqalaiyo kumbra di dego gaigai sqas. Ariya qalaqalaiyo kumbra di tulaÅ boledamu. Qalaqalaiyo kumbra dena kumbra kalil tulaÅ buÅnjrejunu.