Filipai 4

1 Oseso nje aêamu soku, sekwo nje syoho somneêno hoêyango mayo paênyo kuyoho. Sekwo nje sɨmeho wopɨngo nɨmokuwoênɨngkohofo kuyoho. Sekwo nakwoe Hwe Engo sohune selontnne soêno huno syafɨsyɨkuji sekwo yokumpohnênyo filohopmno. 2 Siko Youtiya kinonji Sintike kinonji siko nje mu sofahusi siko nje hungkunomo upaêninyo. Siko Jisasɨmo ufohiênɨmentisiyo soêno yoka hungkuno hnnɨwoênɨngkisiyoso nohoênaofohosɨsi siko sɨmeho afa hmninyo. 3 Oso hungkuno weêeso aêmu sofaêumo ulonji i kɨko ngkoênji syoho afaênono nehopi iwoênɨngkuhwoyo sohwosimo hungkuno wakilɨmneêno yohono. Kɨko oso aêmu sofaêu siko yoka majoênjo sofaêumo ufoêmaho. Siko oso aêmu sofaêu siko ngkoênji Jisas Kɨlaisɨye hungkuno syoho somneêno nɨfoêmaêmentisiyo faêuyoho. Oso faêuênji nomêne hwe Kɨlemenênji nomêne sohwanji hofɨko ngkoênji syoho afaênono imentɨhwonefoho. Aêamu hihnênwiye yofeso Anɨtuye iyoswo songo neêno humayo somo weho. 4 Sekwo sɨkuno huhwo huhwi sekwo nakwoe Hwe Engo sohuneêno sɨmonyo fiyɨmno. Ngko apaêno waselɨmneêno yohono. Kakineêno sɨmonyo fiyɨmno. 5 Aêamu nomêneso sekuneêno ole wosesyofɨsyantɨfeho. Aêamuso hofɨko sekumo wonyo selohopijo soêno sekwo aku muyoênjo soêno nosehonɨngkuji wopɨngofoho huno uyɨmontonoho. Nakwoe Hwe Engo Jisas Kɨlais kako weêenepi wapmmontonoho. Oseso sekwoe humayo soêno ntoêno fɨsyafɨhupmno. 6 Sekwo yoêmayo soêno huno piênɨngo engo syafɨsyɨkutoho. Oêo, sekwo yoêmayo soêno umofonyo ikuji sekwo Anɨtumo jomo ulɨkuji isamoyoka ulɨmno. 7 Anɨtu sɨmeho pompenjiyo nejapɨwoênɨngkisoso aêamu hwahoponjo hnênwiye huno nayɨwoênɨngkiso somo yakoloênnyofoho. Nakwo Jisas Kɨlaisɨênji ufohiênontani kako nakumo sɨmeho pompenjiyo nejapɨwoênɨngkisoso nakwoe huno somo wopɨngo nemokosyohumaho. 8 U nje aêamu soku, ngko hungkuno nomêne angaêno waselɨmonneêno yohono. Sekwoe hunoso oleênohini fɨsyafɨhupmno. Yoêmayo neênjo soêno yoêmayo wopɨngo soêno yoêmayo itoênohino soêno huno fɨsyafɨhupmno. Yahino wopɨngo somnohini fɨsyafɨhupmno. Aêamu yoêmayo wopɨngoênohini iwoênɨngkohofo osoêno huno fɨsyafɨhupmno. Wonyo soêno nosyafɨsyɨkutoho. Sekwo yoêmayo Anɨtumneêno isamoyoka ujo osomnohini fɨsyafɨhupmno. 9 Yoêmayo yahino ngko losetɨhwamentohe maêmentohofo soênji yoêmayo ngkineêno upaênɨmentohofo soênji yoêmayo yahino imentohe somo uhwonɨmentohofo soêntnno huno syafɨsyɨkuji tɨfi nnɨngkapmno. Ose ikuji Anɨtu kako sɨmeho wopɨngo nejapmmentiso sohwo sekwoênji wohumamontonoho. 10 Hohonta sekwo ngkineêno huno neêno ko syanɨfɨsyontɨfi sɨmeho afa ntopalokwofo soêno ntɨhwayoêne honɨngkano motɨpemaêmmentohofofoho. I olohonta sekwo notɨpemantɨfi ngkimo hofiyo nɨfoêmantokwofo soêno nje sɨmonyo iyoso mɨkunɨmposofoho. Ngko sɨmonyo yonji Anɨtumo isamoyoka ulalokweno. 11 Ngko yoêmayo soêno jomo maselɨmnehono. U ngko umofonyo, u ngko yoêmayo hiênjo hwonɨêmanji ngko hunoso oloêno syafɨsyɨwoênɨngkohono. U nje yoêmayoso hoponoho. Ngko sɨmeho wopɨngoênji wohumamonnoho. Ose lɨwoênɨngkohe hwapɨngoso olenoho. Ngko nje huno hiyaso woêmojo soêno tɨpemanji wopɨngoênohini humaleno. 12 U ngko sɨkuno nomênemo hoêyango wosopayoêne umofonyo miyɨêmo u ngko hoponoho. U, ngko sɨkuno nomênemo motɨpemahmêmo ngko hoponoho. Osoêno ngko hoêyango wosopayo momasoênjo iyosoêno huno mosyofɨsyalokuyohono. 13 Oso huno hiyaso woêmojoso olenoho. Jisas Kɨlais kako kakoe yokumpohnênyoênji nɨsosofitofoêne soêno yoêmayo nɨêmante soêno ngko sɨmeho wopɨngoênji humawoênɨngkohe hwoênyoho. 14 Yoêmayo tangoso ngkimo nɨêmahonɨngki sekwo ngkimo nɨfoêmalokwofoso wopɨngofoho. 15 Sekwo hwe moyaêmi Filipainjo soku sekwo ngkineêno huno moiêwonoho. Hohonta ngko sekwoênji humanji Kɨlais Jisasɨye hungkuno losetɨhwomaêmentohe sohonta ngko hwaho Masetouniya ulɨkoêmahonɨngko oso hohosohonta sekwo ngkimo nɨfoêmaêmentohofofoho. Anɨtuye aêamu nomêne angopontaêangoso monɨfoêmasofoho. Oêo, sekwoênohini nɨfoêmaêmentohofofoho. 16 Ou ngko ango Tesolounika humentanɨngko sekwo ngkimo sɨkuno angaêno angaênohino somo nɨfoêmaêmentohofofoho. 17 Sekwo ngkimo nɨfoêmalokwofoso wonyoangkafofoho. Oso hisoêno ngko sɨmonyo yalokweno. I osoêno sekwo yoêmayo nomêneso ntapmno maselɨmnehono. Oêo, sekwo ngkimo yoêmayoso ntapɨwoênɨngkohofoso uhwononji huno ole niyohi, sekwo Anɨtumneêno huno engo syafɨsyontɨfi kakoe syoho somneêno huno neêno syafɨsyontɨfi sekwo ngkimo yoêmayoso nɨfoêmawoênɨngkohofo. Oseso Anɨtu kako yoêmayo wonyoangkafoso sekumo aku wosejapmmontonoho. Oso hisoêno sɨmonyo mɨkunɨmposo yalokweno. Oso sɨmonyo iyoso yoêmayo ntapɨwoênɨngkohofo somo yakolonoho. 18 Olohonta sekwo ngkimo yoêmayo ntapmmalofoso hoponoho. Ngko umofonyo miyɨmnehono. Yoêmayo Epeefɨloutaitas sekumtaêni manto nɨmotapmmasoso ngko nto maêmalefoho. Aêamu Anɨtumneêno yahu fonjokisasyɨwoênɨngkahonɨngkofi Anɨtu sɨmeho wopɨngo umoênɨwoênɨngkiso hopaso sekwo ngkimo yoêmayo ntopahonɨngkofi Anɨtu kako sɨmeho wopɨngo umoênɨngkohoho. 19 Jisas Kɨlais yoêmayo hwapɨngo sohwoênji ufohiênɨmentohofo soêno nje Anɨtu kako sekwo yoêmayo soêno umofonyo ifijo soêno wosejapmmontonoho. 20 Nakwoe Anɨtu sohwo kako nanɨngkwohweho. Oseso nakwo kakoe yofe soênji kakoe yokumpohnênyo soênji sɨkuno engolopohamo wohoênomehwano. Hungkuno nehopeho. 21 Sekwo Anɨtuye aêamu Jisas Kɨlaisɨmo ufohiênɨmentohofo sokumo ngko nje aêamufo selalokweno. Aêamu ngkoênji humalofo sohwa hofɨko sekuneêno, nakwoe aêamufo selalokwofo. 22 Anɨtuye aêamu olopo humalofo hopiênonohinoso hofɨko nakwoe aêamufo selalokwofo. Oso hwe engo hwaho mokosyohumawoênɨngkiso Sisa sohwoe angomo humalofo aêamu fehohnjoso hofɨko sekuneêno nakwoe aêamufo eso nɨhuêno yokumpohnênyo selalokwofo. 23 Nakwoe Hwe Engo Jisas Kɨlais sohwo kako sekumo wopɨngo waselohofono. Nje hungkunoso osohopeho.