Filipai 3

1 Nje aêamu soku, ngko hungkuno sekuneêno mtɨêmokalokwe loso wesojwaoêmneso olenoho. Sekwo nakwoe Hwe Engo Jisas Kɨlaisɨmneêno sɨmonyo fiyɨmno. Ngko olo hungkuno apaêno selalokwe soêno pisoêmoênyo mannɨngkiyohoho. Oêo, sekumo sefoêmayoênefoho. 2 Sekwo aêamu hwasyo lɨwoênɨngkohofo sohwamneêno iêwaho ntoêno fiyɨmno. Hofɨko sekumo hofɨkoe honɨngkano hohontajo somo upesemotowantɨfeêno yalokwofo. Osoêno sekwo hwe sohwasimo sekwoe aêapahoso sɨhu wosekolofantɨfeêno yalokwofo. 3 Aêamu huhwo sohwa hofɨko sɨhu koloênɨwoênɨngkohofo sohwa hofɨko hofɨkoe hwasyo hungkuno ole losetɨhwalokwofo. Sekwo Jisasɨmo sɨmeho hiêntnnono uyɨkuji hwe sohwa aêapaho sɨhu koloênɨfijoêmanji Anɨtuye aêamu ne umoênantɨfeho. Oso hwasyo hungkuno losetɨhwalokwofo. Nakwo Anɨtuye aêamu ne hnênwi kakoe Towahunoênji nohumentani Anɨtu ne sohuneêno hwomtame yɨhumawoênɨngkuhwoneênwoho. Oso yahino hiso aêapaho sɨhu koloênyo yahino somo yakoloênnyofoho. Jisas kako nakumo nalohoêmentiso soêno syafɨsyontani oso hisoêno isamoyoka ulɨwoênɨngkuhwoneênwoho. Yoêmayo yahino nakwoe aêapahopo yososo Anɨtuye aêamu ne imoênyoso mmoênanehwono. 4 Yoêmayo yahino nakwoe aêapahopo yososo u yoêmayo yofe mokosyohumasoso u yoêmayo syoho yososo oso hiso Anɨtuye aêamu ne imoênyoêneso nɨfoêmantontentesi ngko nomêne aêamu sohwamo nuyakolohmênesohilo. I osoêno ngko nje yofe nohoênomaênɨêmnesohilo. 5 Hwapɨngoso olenoho. Nje naêu ngkimo aswo nɨmahonɨngki sɨkuno aho fehohnjo hopiênono nomêne mtaêni hufaêu sɨhune iêmofopahonɨngki nje aêapahomo hofɨko sɨhu nɨkoloêmentohofofoho. Ngko aêamu Isɨlael hwoênyoho. Ngko Mpenyaminɨye temtitofo mtaêango hwoênyoho. Ngko Hipɨlu hungkunoênjo hwoênyoho. Aêamu Juta sohwafe yahino hopiênonohino somo inɨngkamote hwoênyoho. Ngko aêamu Falisi imoênonji hofɨkoe honɨngkano hungkunoso hopiênono aho yokumpohnênyo kemokosyohumawoênɨmentohefoho. 6 Ngko aêamu Juta sohwafe yahino soêno nɨmoênɨngkahonɨngki aêamu Jisas Kɨlaisɨmo inɨngkawoênɨngkohofo somo fonjahumotefoho. Aêamu Jutafe honɨngkano hungkuno somo inɨngkayo soêno nohonɨngkuji wontantɨfe kɨko honɨngkano wonyo nɨhuêno ane hwosoho. 7 Yoêmayo hohontajo ngko yahino wopɨngo imote soêno yofe engo nomanji, Wopɨngo hwoênyoho, ko hnnonji Jisas Kɨlaisɨmneêno huno itoêno niyahonɨngki hohontajo yahino sikinjofoho. Kɨlais Jisas kako nje Hwe Engo sohuneêno huno tɨpemanji oso huneênohini ngko huno niyohoho. Kako neênjo hweho. Kako yoêmayo hwahoponjo somo hwofiloênnyo hweho. Osoêno ngko yoêmayo yahino wopɨngo soêno syafɨhuêmoteso yahwoyoho paênyofoho lonji Anɨtuye aêamu ne imoênyoêneso monɨfoêmanehoho. Oêo, Jisas Kɨlais kako ntohoêmentiso soêno aho yokumpohnênyo kemokosyohumanji 9 ngko Jisas Kɨlaisɨmo ufohiênɨmentohefoho. Yoêmayo honɨngkano hungkuno somo hofiyoêno inɨngkamote soêno Anɨtu kako kɨko wopɨngo hwosoho. Ose manjofoho. Oêo, ngko Jisas Kɨlaisɨmo sɨmeho hiêntnnono umentohe soêno wopɨngo hwosoho ose ntɨmentisofoho. 10 Ngko olo angaênohino losoêno nɨmoênɨngkohoho. Jisas Kɨlaisɨmneêno huno ntoêno syafɨsyɨêmo oso Jisas lɨkaêmentiso sohontajo yokumpohnênyo maêmentisoso sɨkuno huhwo huhwi wonɨfoêmaêmontonoho. Osoênji Jisas kako tohino maêmentiso soênji ngko kakoênji majopohiênɨngkono. Jisas kako poyo peênyo soêno iyoho munyoênjo yonto peênɨmentiso hopaso ngko neêno nohumahmêmo poyo peênyo soêno iyoho mannɨngkohoyohoho. Osoêno nɨmoênɨngkohoho. 11 Ngko ose iêmo Jisas apaêno ntɨkafo soêno wohontohumamonnoho. 12 Ngko ole maselɨmnehono. Ngko honɨngkano wonyo aneênjo Jisas Kɨlais paênyo nto imoênɨngkohono. Oêo, ose maselɨmnehono. I osoêno ngko Jisas paênyo umoênɨmonneêno syoho engo yalokweno. Jisas kako ngkimo kakoe aêamu ne imoênyoêne nto nɨmaêmentiso soêno ngko Jisas paênyo umoênɨmonneêno syoho yalokweno. 13 Nje aêamu soku, ngko Jisas honɨngkano wonyo aneênjo paênyo nto imoênɨngkohono, ose mosyofɨsyalokuyohono. Yoêmayo imote soênji yoêmayo nɨêmaêmentiso soêntnno inɨngo mofonji huno mosyofɨsyalokuyohono. Oêo, oso nohoênasyonji oloênohini syofɨsyalokweno. Yoêmayo tɨfi noêmo maêmne soêno syafɨsyonji osoêno syoho wokinoênjo yalokweno. 14 Aêamu mjakeêwe hnnontɨfi hohwafo somo hoêyango mayoêne iêmofawowoênɨngkohofo sopo ngko iêmofayoêne syoho yokumpohnênyo yalokweno. Oso hopo sopo iêmofahoêmeêno Anɨtu kako oloso wontapmmontonoho. Jisas Kɨlais kako ngkimo yoêmayo ntohoêmentiso soêno ngko kakoênji songo neêno nohumantɨêmne hwoênyoho. Oso nje hoêyangofoho. 15 Aêamu Jisas Kɨlais kakoe hungkunoso toyo yamoênyo soku sekwo olo nje huno sejapoheso mafɨkuji oso paênyo hmmoênɨmno. Aêamu fehohnjo soku, sekwoe hunoso nomêne kengoêmanji Anɨtu kako oso hisoêno nosetɨhwahwosi sekwoe huno somo wehohosasehumontonoho. 16 Oseso Anɨtu kako yoêmayo nto setɨhwamentiso somo aho yokumpohnênyo kemokosyohumafɨkuji tɨfi finɨngkamno. 17 Nje aêamu soku, sekwo nje yahino iwoênɨngkohe somo nnɨngkopalokwofo somo nuhwonɨngkuji finɨngkamno. 18 Olo soêno ngko sɨkuno piênɨngo engo somo selɨmentohe sohwoêni olohonta ngko apaêno selonji nje tɨmo mtaêni tɨmijo nɨswahopohoho. Hwapɨngoso aêamu piênɨngo engo hofɨko Jisasɨye honɨngkanomo inɨngkayo soêne poji yontanɨngkofi uhwononji tɨmijo nɨswopalofoho. Oso aêamu huhwo sohwa hofɨko Jisas Kɨlais iyo hwojiyafɨkuênnyo somo peênɨmentiso sohwoe mango hwafoho. 19 Yoêmayo wonyoso hofɨkoe sɨmeho sohwo umo lonte sohwo hofɨkoe anɨtuyoho. Osomo inɨngkawowoênɨngkohofofoho. Hofɨko yoêmayo yoêmayo yahino wonyo yontɨfe somneêno hofɨko wonɨmango munɨwoênɨngkisofoho. Osoêno hofɨko hwaêmo hwaêmɨngo iwoênɨngkohofoho. Hofɨko yoêmayo hwahoponjo somneênohini syafɨsyɨwoênɨngkohofofoho. Oso aêamu hiso hofɨko tɨkanomnefoho. 20 I oseso nakwo hnênwi ahwomomjo Anɨtuye angomneênwoho. Nakwoe hwe engo Jisas Kɨlais kako ahwomo mtaêni kako asomo pɨhwosi asomo netɨmayoêne hontohumalohwono. 21 Jisas Kɨlais huhwo sohwo kako kakoe yokumpohnênyo engo soênji kako yoêmayo hopiênonohinoso kakimo enjwaêmo hoênasyɨhwosi womokosyohumamontonoho. Oso yokumpohnênyo engo hisoênji kako nakwoe aêapaho wonyoso wae yaofɨhwosi kakoe aêapaho songo paênyo nomêne wonyoangkafoso wonejapmmontonoho.