Mak 5

1 Jisas kakoe inomokomoyo sohwanji mijo nongkihntaêni aêamu Ngkelasafe hwahopo iêmofapmmentohofofoho. 2 Hwe towahuno wonyoênjo sohwo hwaho hopo sopo humunyoponoho. Oso hwe huhwo sohwo kako aêmopijohino sokimo somo humunyoponoho. Aêamu angoponjo sohwa kakimo impe intoêmentohofofoho. Hofɨko ahwomo nano yokumpohnênyo nomantɨfi hwe sohwoe sɨfe aho ahwomo nano kilofɨwoênɨngkahonɨngkofi kako nano hotitoêmentisofoho. Kakoe yokumpohnênyo hofɨkimo uyakolofɨwoênɨmentisofoho. Sɨkuno huhwo huhwi oso hwe huhwo sohwo aêmopijohinopo hwofɨkiênyopo humemayonto joho mohmêmo lɨmojo hweho. Kako sokisɨhuênji kakoe aêapahomo fongkinɨwoênɨmojofoho. Oso hwe huhwo sohwo ikanopo ntaêni Jisasɨmo uhwonɨhwojawento, kako hano komoêno nowento, Jisas yofayokino mtaêni swapmmentisoso hwe sohwo iêmofaponto, Jisasɨye sɨfekiênyoêmo ipitofawoêmentisofoho. 7 Jisas towahuno wonyo sohumo ulɨmento, Kɨko towahuno wonyo sohwosi olo hwe lohumo ulɨkoêmaho. Ose ulontanɨngki towahuno wonyo sohwo joho mohmêno ulɨmento, Jisas, kɨko Anɨtu Yokintahoponjo sohwoe Hwomu Ne hwosoho. Kɨko ngkimo peho wantohoêmonneêelo. Anɨtu nupaênɨngkuhwosoêno ngko jomo wakilɨmonneêno yohono. Kɨko ngkimo tohino nontapohotoho. 9 Ose ulahonɨngki ulɨmento, Nje yofe Ami hwonaênyoho. Nakwoe hungkuno ole: Aêamu sɨsɨhwayo apaêno, piênɨngo engofoho. Nakwo towahuno wonyo weêe mohumulohwono. 10 Towahuno wonyo huhwo sohwo Jisasɨmo joho yokumpohnênyo ulɨmento, Kɨko ango ikanoêmno lonehwajohotoho. 11 Oso hwofɨkiênyo mofone sopo yahu piênɨngo engoso hofɨko mno ijontanɨngkofo somneêno 12 towahuno wonyo sohwa Jisasɨmo yokumpohnênyo ulɨmentohofi, Kɨko nakumo oso yahu piênɨngo engo nongkwanjo nomponeêno filonehwajo. Nakwo yahu somo wehuhnnofano. 13 Ose ulahonɨngkofi Jisas hofɨkimo tɨmo honɨhwajɨmentisofoho. Oseso oso towahuno wonyo hiso hwe sohumo nulɨkoêmantɨfi yahu somo ehuhnawoêmentohofofoho. Ehuhnnaofahonɨngkofi yahu hiso tu tausenɨso (2000) hofɨko hano kunto kuntoêno wentɨfi iwoêmangomo mtɨkuênontɨfi mijo ayomo mihulofahonɨngki nɨhuênahone poyo peênɨmentohofofoho. 14 Hwe yahu mokosyohumayo sohwa komoêno nowentɨfi hwe moyaêmi ango soponjo soênji osoêmo soêmeemjo soêntnneêno oso hungkuno hiso lɨjwaofahonɨngkofi hoênɨmmentisofoho. Oso hungkuno hiso hoênɨngkahonɨngki hwe moyaêmi hopiênonohinoso uhwonano lontɨfi imentohofofoho. 15 Hofɨko Jisasɨmo nuêmantɨfi hwe towahuno wonyo humamojo sohumo uhwonɨmentohofoso kako he yofonto kako huno wopɨngoênjo imoênɨmentisofoho. Ose uhwonontɨfi hwe moyaêmi iyoho imentohofofoho. 16 Aêamu yoêmayo uhwonɨmentohofoso hofɨko iêmofapmmentohofo somo yoêmayo hwe iloênnyo sohwo imentiso soêno yahu poyo imoênɨmentiso soêno ulɨmentohofofoho. 17 Ose ulontɨfi hofɨko Jisasɨmo hungkuno yokumpohnênyo ulɨmentohofi, Kɨko nakwoe hwahopo humahnnoso wopɨngoêmaho. Mpano. 18 Ose ulahonɨngkofi hwe towahuno wonyo wae imentiso sohwo Jisasɨmo jomo yokumpohnênyo ulɨmento, Ngko kɨkoênji wowantayoêno yohono. 19 Ose ulahonɨngki Jisas ulɨmento, Oêo jɨje aêamufe angopo nowehoji yoêmayo wonyoangkafo Anɨtu kilohoêmaso soêno fɨlutɨhwaho. Anɨtu hitoho engo kikimo kufoêmaêmaso soêno aêamumo uso. 20 Ose ulahonɨngki hwe sohwo nowento oso hwaho Ntekapolis ango aho hufaêu hopiênono sopmmeemo yoêmayo Jisas ulohoêmentiso soêno lutɨhwomentisoso aêamu hopiênono nupaênontɨfi huno piênɨngo syafɨsyontɨfi pisopisaho mjalɨmmentohofofoho. 21 Jisas hofɨkoênji yofayokinopo mijo ayo somo apaêno wakentɨfi nongkihntaêni kiêmofɨwahonɨngkofi osopo aêamu piênɨngo engo uhuêmokahonɨngkofi Jisas mitɨmomɨngopo humamentisofoho. 22 Hwe yofe engoênjo tajo ango mokosyohumayo sohwo kakoe yofe Jailos. Osohwo noponto Jisasɨmo uhwononto kako hwomtame ehumanto 23 sɨmeho tangoênjo humanto jomo yokumpohnênyo ulɨmento, Nje mu wapeênɨmonteêno yalofoho. Kɨko nopohoji kakimo jɨje ahoso fɨkisyusyo. Kako wopɨngo imoênɨngkuhwosi kako songo wohumano. 24 Ose ulahonɨngki Jisas hwe sohwoênji womentisiyefoho. Womentisiyeso aêamu piênɨngo engo sikoênji nowentɨfi hofɨko yohoto yohotofo lohoênɨmentohofofoho. 25 Aêmu fisi mnokino engoênjosi humunyoponoho. Oso hisi kako engolopohamo imoihoso neêno yontanɨngki soswo aho hopiênono sɨfe mtaêni hufaêu uyakoloêmojofoho. 26 Aêamu uyo hofaho syohoênjoso hofɨko kakineêno molasin ko uyahonɨngkofi kako tohino engo maêmojofoho. Kakoe hamniyoho hoêyango hopiênono moiêwo ihnênamoênɨmojofoho. Oseso wopɨngo mmoênyofoho. Oêo, mnokino engo umojofoho. 27 Oso aêmu hisi yoêmayo Jisas imentiso soêno upaênonto kako huno ole syafɨhuêmento, Ngko olo hwe lohwoe manjiêmofo somo aho kisahumeso ngko wopɨngo umoênɨmonnoho. Ose lonto oso aêmusi Jisasɨye hohujo hohntaêni uêmanto kakoe hwapɨfemo aho upmêmokumentisofoho. 29 Upmêmokumentisoso kakoe mnokinoso moiêwo imoênɨngkahonɨngki kakoe aêapaho wopɨngo imoênɨmentisofoho. Wopɨngo imoênonto sɨmeho wopɨngo komoêno umoênɨmentisofoho. 30 Jisas aêamumo wopɨngo imokonto huno uyɨmentisoso komoêno ikinjamo lohofonto ulɨmento, Tɨhwo nɨpmêmokohoho. 31 Ose ulahonɨngki kakoe inomokomoyo sohwa ulɨmentohofi, Hwe moyaêmi piênɨngo ifehuêmokokumaso soêno kɨko tɨhwo nɨpmêmokohoho eso pehoêno lohino. Nakwo huno monayofoho. Tɨhwolɨkeno. 32 Jisas aêamu upmêmokiyo soêno feênɨhwonɨngkahonɨngki 33 aêmusi aêapaho wopɨngo imoênɨngkohoho huno uyahonɨngki iyoho unɨngkahonɨngki yomo yomo yonto Jisasɨye sɨfɨkiênyoêmo hwomtame ulohoêmentisofoho. Yoêmayo hopiênonohino soêno Jisasɨmo ulɨmentisofoho. 34 Jisas kakimo ulɨmento, Nje mupe, Kɨko ngkimo sɨmeho hiêntnnono ntapohino soêno olohonta kɨko wopɨngo imoênɨngkino. Kɨko sɨmeho wopɨngoênjo uhuji fohumantono. Jɨje aêapaho nɨhuênahone wopɨngo kumoênɨngkohoho. 35 Ose ulontanɨngki hwe fihwo Jailosɨye angopo ntaêni noponto Jailosɨmo uêmantɨfi ulɨmentohofi, U, nakwoe hwe engofo, jɨje mu poyo nto peênɨngkohoho. Oseso kɨko olo Lutɨhwayo lohumo jɨje ango poneêno pehoêno ipemotowalokuno. Kako wohumano. 36 Ose ulohonɨngkofi Jisas upaênonto Jailosɨmo ulɨmento, Kɨko iyoho yohotoho. Kɨko ngkimo jɨje sɨmeho hiêntnnono ntape. 37 Ose ulonto Jisas kako hwe moyaêmi hopiênonohinomo angomo lɨhumajonto Pitaênji Jemɨsɨênji konɨngkwaêwehwo Jounênji hofɨkoênohini Jisasɨênji nowentɨfi 38 hofɨko Jailosɨye angomo iêmofawentɨfi Jisas aêamu piênɨngo uhwonɨmentisoso hofɨko humotahoênji wosofe angiyo husontanɨngki 39 kako noswonto ulɨmento Pehoêno wosofe lalokwofo. Mu lopi poyoêmaho. Oêo saho fosyaweho. 40 Ose ulahonɨngki hofɨko kakimneêno sitofo ulontɨfi tɨkafo ujɨmentohofofoho. Oseso Jisas hofɨkimo mempo hohntaêni wae sweefaopmmentisoso Jisas mu lopiye kanɨngkwohwoêyaêuênji inomokomoyo sohwanji ango mu sopi fosyowentanjo somo humentohofofoho. 41 Jisas mu poyo simo aho manto kakimo aêamu Jutafe hungkunomo ulɨmento, Talita kumi, Oso hungkunoso ole, Olo mu lopi, filɨkaho. 42 Ose ulahonɨngki mu lopi nolɨkafonto hano umentisofoho. Mu lopiye soswoso aho hufaêu hopiênono sɨfe mtaêni hufaêu uyakoloêniyoho. Aêamuso homo somo uhwonontɨfi yomo engo imentohofofoho. 43 Jisas kanɨngkwohwoêyaêumo hungkuno yokumpohnênyo ulɨmento, Ngko mu songo umokohe soêno siki nohoênomɨhwoloho. Mu lopimo wopayo unyo. Ose ulonto umentisofoho.