Matɨyu 21
PNG1 Hofɨko Jelusalem mofone sopo iêmofapontɨfi ango Mpetɨfase hwofɨkiênyo Oulif osopo humamentohofofoho. Osopo Jisas nohumanto kakoe inomokomoyo sohwaêumo ole lɨhwatɨmento, 2 Siko oso ango weêe nonjo lopo nuhusɨsi oso hopo sopo siko ahwomo yahu toungki hofɨko impe intofahumalofoso kakoe mu hiênji wotɨpemanjiyoho. Oso yahu sohwaêu ikwolofo mahosɨsi ngkiyepono motapinyo. 3 I hwe fihwo sikimo hungkuno selɨhwosoênoêmanji ole ulinyo. Nakwoe Hwe Engo sohwo kako olo yahu lohumneêno syoho weho. Ose ulahosisyoêno kako komoêno uhwojapmmontonoho. Ose lɨhwajɨmentisofoho. 4 Oso hiso imoênɨngkahonɨngki oso aêamu sohumo Anɨtu hungkuno uyahonɨngki lɨmojo sohwoe hungkuno ne imoênɨmentisofoho. Hungkunoso olenoho. 5 Aêamu ango Saiyon sopo humalofo somo ole ulɨmno. Uhwonɨmno. Sekwoe Hwe Engo sekuyepono ntopohoho. Kako hwe yofe ane paênyo ahwomo yahupo kehumaho. Oso yahu hiso hoêyango mokahoênyoênefoho. 6 Oseso inomokomoyo hufaêu sohwaêu nowenji yoêmayo Jisas ulɨmentiso hopa imentisiyefoho. 7 Siko yahu konaêwohiênji kakoe muênji nomotaponji sikoe manjiêmofoso yahupo miyopeehumentisiye sopo Jisas kehumamentisofoho. 8 Hwe moyaêmi piênɨngo engoso hofɨko hofɨkoe hwapɨfe Jisas kako hano wene honɨngkano sopo huêmeehumentohofofoho. Aêamu fehohnjo ipamo lopoêmemantɨfi Jisasɨye yofe hoênomayoêne honɨngkanopo huêmeehumentohofofoho. 9 Hwe hwoyaêmi sɨmoêmjo soênji tɨfinjo soênji hofɨko joho ole lɨmentohofi Ntefitɨye Imu sohwoe yofe wohoênomano. Kako wopɨngoênohini hweho. Olo hwe lohumo nakwoe Hwe Engo Anɨtu sohwo nakwoe hwahoponeêno uhwatɨmentiso hweho. Kakoe yofe wohoênomano. Anɨtu ahwomomo humaso sohumo isamoyoka ulano. Ose lɨmentohofofoho. 10 Jisas Jelusalemno noswahonɨngki oso hopo soponjo hwe moyaêmi hofɨko yomo yontɨfi ulɨmentohofi, Olo hwe lohwo tɨhwolo. 11 Ose ulohonɨngkahonɨngkofi hwe moyaêmi Jisasɨênji pmmentohofoso ulɨmentohofi, Olo Jisas Anɨtuye hungkuno lɨwoênɨngkiso hweho. Ango Nasalet hwaho Ngkalilintaêango hweho. Ose ulɨmentohofofoho. 12 Jisas Anɨtuye tajo ango engo somjo mempo ango somo noswonto aêamu yoêmayo mpe yontanɨngkofo somo wae yaoêmentisofoho. Hofɨkoe ijempoho hamniyoho iwoloêmokomayo yontɨfe hoênasiyoêne soênji aêamu yɨhufo mpe uyantɨfi epohumayo yɨwoênɨngkohofoso Jisas kako mehuêmeeêmentisofoho. 13 Wayo yaofonto Jisas ulɨmento, Aêamu Anɨtuye hungkuno mtɨêmokumento sohwa ole mtɨêmokumentohofi, Olo nje ango somneêno ole lɨfitnnefoho. Mpohumo jomo ujoêne angofoho. I oso hisoêno nje ango loso sekwo aêamu hamniyoho hiyasoêmo hufo mawoênɨngkohofo sohwafe ango hopa imokalokwofo. Ose mtɨêmokumentohofofoho ulɨmentisofoho. 14 Jisas tajo angomo nohumentanɨngki aêamu tɨmpiênyo soênji sɨfe wonyoênjo soênji kakimo uêmaêmentohofofoho. Nuêmahonɨngkofi Jisas wopɨngo umokumentisofoho. 15 Oseso hwe yofe engoênjo tajo ango syohoênjo sohwanji aêamu honɨngkano hungkuno lutɨhwayo syohoênjo sohwanji hofɨko uhwonɨmentohofoso Jisas aêamu wopɨngo umokumentisoso uhwonontɨfi upaênɨmentohofoso mehomi tajo ango somo Jisasɨmneêno joho ulɨmentohofi, Ntefitɨye Imu sohwoe yofe wohoênomano. Ose lontanɨngkofi nupaênontɨfi hofɨko sɨmano hintotohino umnɨmentisofoho. 16 Sɨmano hintotohino umnɨngkahonɨngki Jisasɨmo ulɨmentohofi, Olo hungkuno mehomi lohwa lalokwofo loso nto lupaênɨngkino. Ose ulohonɨngkahonɨngkofi Jisas ulɨmento, Ou, upoênalokweno. Sekwo olo hungkuno losoêno huno maseyoênjotaho. Hungkuno ole, Mehomi engo soênji mehomi milongo soênji jɨje yofe wohoênokumapɨfe. 17 Ose ulonto, nuhwotɨêmofonto Jelusalem mtaêni noswaponto ango Mpetaniêno nowento osopo saho fosyawoêmentisofoho. 18 Imɨngoênji Jisas Jelusalemno asomo sɨmentisoso mijoho engo uyɨmentisofoho. 19 Kako uhwonɨmentisoso ikwongo honɨngkano lopo lohofontanɨngki uhwononto oso hopo sopono umentisofoho. U, oso homo somo ikwonjayo anefoho. Swoênohinofoho. Ose uhwononto Jisas iyo somo ulɨmento, Kɨko ne apaêno mintoênɨngkohotnnehino. Nɨhuênahone hwosoho. Ose ulahonɨngki iyoso yofoho komoêno imentisofoho. 20 Kakoe inomokomoyo sohwa oso hiso nuhwonontɨfi hofɨko yomo imentohofofoho. Yomo yontɨfi lɨmentohofi, Oso iyo yofoho komoêno isoso pipilo. 21 Ose ulahonɨngkofi Jisas ulɨmento, Ngko nehopi waselɨmonneêno yohono. Sekwoe sɨmeho hiêntnnono nehopi ufijoso u, sekwo sɨmeho hufaêu ane hwasɨêmanji sekwo ngko iyo lomo ulohe hopaso uyantɨfeho. Osoênohinɨêmaho. Oêo, sekwo sɨmeho hiêntnnono nehopi ufijoêmanji sekwo olo hwofɨkiênyo lohumo ole ulɨfijoso, Kɨko nolɨkafohoji oso mijo ayo mompo fɨlɨkofaofo. Ose ulɨfijoso hwofɨkiênyo sohwo wawontonoho. 22 U, sekwo sɨmeho hiêntnnono nehopi uyɨkuji yoêmayo soêno Mpohumo jomo ulɨfijoso womantɨfeho. 23 Jisas tajo angomo asomo swonto aêamumo lutɨhwentanɨngki aêamu yofe engoênjo tajo ango syohoênjo sohwanji Isɨlaelɨfe hwe engo sohwanji hofɨko nuêmantɨfi ulɨmentohofi, Kɨko olo syoho iwoênɨngkino loso tɨhwo kilɨmasoêno iwoênɨngkinoto. Yokumpohnênyoso tɨhwo kijapmmasoênji iwoênɨngkinoto. 24 Ose ulahonɨngkofi Jisas ulɨmento, Ngko huhwoênyi hungkuno angaêno waselohonɨmneêno yohono. Olo hungkuno hiloso sekwo asomo ntɨfijoêmanji eêwa, yoêmayo yalokwe soêno hwapɨngo waselɨmo. 25 Joun aêamumo mijo kiyomaêmojo sohwo kakoe yokumpohnênyo hwapɨngoso ntɨêmtaêangoto. Anɨtu mtaêangotaho. Hwahoponjo aêamu mtaêangotaho. Ose ulohonɨngkahonɨngki hofɨko ole hnnɨmentohofi, Joun kakoe yokumpohnênyo Anɨtu mtaêni maêmentisofoho ulasoêmanji ole wonalɨmontonoho. Oseêmanji sekwo Jounɨye hungkunomo sɨmeho hiêntnnono muyoênjo pehoêneto. 26 I, Joun kakoe yokumpohnênyo hwahoponjo aêamu mtaêni maêmentisofoho ulasoêmanji hwe moyaêmi peho nalohopitnnehofo. Osoêno iyoho nenalofoho. Hwe moyaêmi hiso ole syafɨsyɨwoênɨngkohofi, Anɨtu kako Jounɨmo hungkuno uyahonɨngki nalɨmentisofoho. 27 Ose hnnontɨfi Jisasɨmo ulɨmentohofi, Nakwo huno monayohoyohoho. Ose ulahonɨngkofi Jisas hofɨkimo ulɨmento, Oseêmanji ngko huhwoêni nje yokumpohnênyo yoêmayo iwoênɨngkohe hwapɨngo soêno maselɨmnehono. Ose ulɨmentisofoho. 28 Olo hungkuno selohe soêno sekwo huno pipi seyohoho. Hwe fihwo kako hwomu hufaêuênjo hweho. Kako hwomu tisɨmaso sohumo ulɨmento, Nje hwomufo, olohonta nuhuji ipisayo syohomo syoho ntohofiyo. 29 Ose ulahonɨngki kakoe hwomu sohwo ulɨmento, Ngkilaho. Ose ko ulonto hwangku kako huno esyafɨsyonto syoho ulohofimentisofoho. 30 Oseso kanɨngkwohwo nomêne hwomu sohwoepono nowento oso hungkuno tisɨmaso sohumo ulɨmentisoso apaêno, Ulahonɨngki hwomu sohwo ulɨmento, Ou, Mpohwo, ngko syoho wakilohofimo. Ose ko ulonto kako syoho somneêno mawommentisofoho. 31 Osoêno huno pipi seyohoho. Oso hwomu sohwaêu kanɨngkwohwoe hungkuno somo tɨhwo inɨngkamentono. Ose ulohonɨngkahonɨngki, Sɨmoêmjo sohweho ulɨmentohofofoho. I, Jisas ulɨmento, Ngko hungkuno hisoêno yolohoênohini waselɨmonneêno yohono. Aêamu honɨngkano wonyoênjo hamniyoho mayo syohoênjo sohwanji moyaêmi hwaênte sofa honɨngkano wonyo imofɨwoênɨngkohofo sofanji hofɨko sɨmoêmo Anɨtuye honɨngkano soêno nakwolaho lontɨfi olohonta sɨmeho yɨwoloêmokalokwofo. Osoêno Anɨtuye ango soponeêno sɨmoêmo sepopitnnefoho. 32 Hwapɨngoso Joun aêamumo mijo kiyomaêmojo sohwo sekuyepono pmmentisofoho. Kako honɨngkano wopɨngo imofo setɨhwamentiso soêno i, sekwo sɨmeho hiêntnnono muyo hwasoho. I, aêamu hamniyoho mayo syohoênjo sohwanji moyaêmi honɨngkano wonyo imofɨwoênɨngkohofo sofanji hofɨko Jounɨye hungkunomo sɨmeho hiêntinnono uyɨmentohofofoho. Sekwo oso hisoêno ko uhwonontɨfi sekwo huno mɨkwesyafɨsiyoênjo yontɨfi sɨmeho hiêntnnono muyo hwasoho. 33 Jisas ulɨmento, Sekwo pahnnɨmo hungkuno nomêne upaênɨmno. Hwe fihwo hwaho engoênjo sohwo kako ipisayo syoho hulonto tojo emontofasyonto syoho ajwomoêmo ipisayo mijoêne kompusyoho mtɨêmokumentisofoho. Ose yonto ango yokintahopo ipisayo syoho somo uhwontohumayoêne molɨmentisofoho. Ose imentisoso kako oso syoho homo somo mokosyohumayoêne kako aêamu hamniyoho syoho emawoênɨngkohofo sohwafe ahomo hoênosyonto kako ango ikanopo nawento osopo neêno humamojofoho. 34 Hwangku ipisayo ne mayo sohonta kakoe syoho ulohofiyo sohwamo kakoe ipisayo fehohnjoêne kakoe ipisayo syoho poneêno uhwatɨmentisofoho. 35 Uhwojahonɨngki aêamu ipisayo syoho mokosyohumayo sohwa kakwoêyohwoe syoho ulohofiyo sohwamo maêmentohofofoho. Angaênohino sohumo hwanɨngo fonjontɨfi nomêne sohumo sojoênji fongkuêmentohofofoho. 36 Ose ulohofahonɨngkofi kakwoêyohwo nomêne syoho ulohofiyo piênɨngo sohwamo uhwatɨmentisofoho. Sɨmoêmjo uhwatɨmentiso sohwa piênɨngoêmaho. Oso aêamu ipisayo syoho mokosyohumayo huhwo sohwa syoho ulohofiyo sɨmoêmjo hopaso tɨfinjo sohwamo wonyo ulohoêmentohofofoho. 37 Hwangku sohonta kakwoêyohwo kakoe hwomu sohumo uhwatɨmentisofoho. Uhwajonto lɨmento, Hofɨko nje hwomufe hungkunomo haloho upeentɨfeho. Ose lɨmentisofoho. 38 I, aêamu ipisayo syoho mokosyohumayo sohwa kakoe hwomu huhwo sohumo uhwonutɨmantɨfi ole hnnɨmentohofi, Olo aêamu lonwo sohwo kako hwangku sohonta kanɨngkwohwoe yoêmayoso nomane hweho. Komoênohino nakwo kakimo poyo wofonjosyano. Oseso olo kakoe syoholo maneêeno. 39 Ose hnnontɨfi hwomu sohumo nutɨmantɨfi mempo hohntaêni ipisayo syoho sopo swohoênaofontɨfi osopo poyo nɨhuênohone fonjahumentohofofoho. 40 Sekwo huno pipi seyohoho. Hwangku oso ipisayo syoho kakwoêyohwo sohwo kako nopɨhwosi aêamu syoho mokosyohumayo huhwamo pipi ulohoêmontolo. 41 Ose ulohonɨngkahonɨngki aêamu sohwa Jisasɨmo ulɨmentohofi, Kako nopɨhwosi aêamu huhwo sohwamo nɨhuêno wonyo ulohofɨhwosi poyo umokumontonoho. I ose yososo kako kakoe ipisayo syohoso nomêne aêamu mokosyohumayo sohwamo umontonoho. Osohwa sɨkuno ipisayo ne mjiyo sohonta hofɨko kakwoêyohumo neso uyantɨfeho. 42 Ose ulahonɨngkofi Jisas ulɨmento, Anɨtuye hungkuno losoêno sekwo huno maseyoênjotaho. Hungkuno ole, Olo sojo engkwosaho paênyo aêamu ango injuwoênɨngkohofo sohwa wae yaoêmentohofo loso, olohontajo engkwosaho loso angomo sosofitofoêne hwapɨngohwo imoênɨngkohoho. Nakwoe Hwe Engo sohwo ole lɨmentisoso imoênɨmentisofoho. Nakwo olo soêno uhwonontaneso wonyoangkafofoho lalokuhwono. Oso pahnnɨmo hungkunoso Anɨtu lɨmentisofoho. 43 Oseso ngko sekumo waselɨmonnêno yohono. Anɨtu kako aêamumo mokosyohumayo sopo sekwoe angoso sekumtaêni semahwosi nomêne aêamu ne wopɨngo itoênohino somo umontonoho. Ose ulonto pahnnɨmo hungkuno aêamu kakimneêno minɨngkayoênjo somneêno ulɨmentisofoho. 44 [Olo engkwosaho losoêno seloheso aêamu fihwo oso sojo engkwosaho paênyo homo somo entofomahwosi pɨwasyososo oso aêamu hiso kakoe aêapaho kempi mtɨêmtɨême lohofɨhwosi wahuêmehinawoêmontonoho. I, osoêno oso engkwosaho huhwo sohwo kako aêamu fihwoe aêapahopo pɨwasyososo fonjomtɨhupeeofososo oso hwe huhwo sohwo kakoe aêapahoso hintalinyo piênɨngo umoênɨmontonoho.] 45 Aêamu yofe engoênjo tajo ango syohoênjo sohwanji aêamu Falisi sohwanji Jisasɨye pahnnɨmo hungkunomo upaênontɨfi hofɨkineêno hungkuno hiloso lɨmentiso soêno huno umentisofoho. 46 Oseso hofɨko kakimo aho wokantɨfi ko imentohofoso hofɨko hwe moyaêmimneêno iyoho unɨmentisofoho. Hwapɨngoso hwe moyaêmi ole syafisyɨwoênɨmentohofi, Jisas sohwo Anɨtuye hungkuno lɨmojo hweho. Ose lɨmentohofofoho.