Matɨyu 20
PNG1 Anɨtu aêamumo mokosyohumayo soêno pahnnɨmo hungkunoso olenoho. Hwe ipisayo syoho kakwo sohwo kako imɨngoênji nowento aêamu kakoe ipisayo syoho ulohofiyoêne utɨmaêmentisofono. 2 Nowento aêamu syoho ulohofiyo soênji hungkuno lontɨfi sɨmeho afa inontɨfi olo sɨkuno lomneêno hamniyoho kina angaêno angaêno nano mtitofontɨfi ipisayo syoho hwapɨngo sohwo syoho ulohofiyo somo kakoe syohopono luhwatɨmentisofoho. 3 Mofehiênyoênji ipisayo syoho hwapɨngo sohwo apaêno nowento aêamu uhuêmokiyo sopo uhwonɨmentisoso aêamu fihwa syoho ane sohwa siki humolowentanɨngkofi uhwononto 4 ulɨmento, Sekwo soku nje ipisayo syohopo syoho ntohofiyɨmno. Ngko hamniyoho itoêno wosejapmmonnoho. 5 Ose ulahonɨngki hofɨko umentohofofoho. Ipisae syoho hwapɨngo sohwo syoho ulohofiyo somneêento uhwonamo lonto hinjopo umentiso sohwo apaêno akupoênyoênji umentisofoho. 6 Mofehiênyo ukwoêmokumonto yahonjosoênji ipisayo syoho hwapɨngo sohwo apaêno nowento aêamu siki humentanɨngkofo somo uhwononto ulɨmento, Olo mofehiênyo noposahonɨngki sekwo syoho miyo pehoêno humalofoho. 7 Ose ulahonɨngki ulɨmentohofi, Aêamu syoho monejape hnênwi humalohwono. Ose ulahonɨngkofi ulɨmento, Sekwo hisoku nje ipisayo syohoêno fɨwanɨmno. Ose ulɨmentisofoho. 8 Oseso mofehiênyo moiêwo imoênɨngkahonɨngki ipisayo syoho hwapɨngo sohwo kakoe syohomo uhwontohumayo sohumo ulɨmento, Syoho ntohofiyo somo joho ulohoji tɨfinjo pohofo soênji sɨmoêmjo pohofo soênjimo hamniyoho uyo. 9 Ose ulahonɨngki aêamu sɨkunoênji pmmentohofo somo kina angaêno angaêno uyɨmentisofoho. 10 Aêamu sɨmoêmjo pmmentohofoso ose uhwonontɨfi ole hnnɨmentohofi, U, nakwo hamniyoho engo womantanoho. Ose hnnɨngkahonɨngkofi hofɨko huhwa kina angaêno angaêno maêmentohofofoho. 11 Nomantɨfi ipisayo syoho hwapɨngo sohumo yoka ulɨmentohofofoho. 12 Ole ulɨmentohofi, Aêamu tɨfinjoso syoho weêenehwo yahonɨngkofi kɨko hamniyoho nakumo nejapohino hopaso uyohino. Nakwo imɨngoênji ntaênɨngo soênwi syoho tangoênjo yontanɨngkuhwoni mofehiênyo weêe nalɨmasoênɨmaho. 13 Ose ulahonɨngkofi ipisayo syoho hwapɨngo sohwo hwe angaêno ajwopo lohofontanjo sohumo ulɨmento, Nje aêamuhwe, ngko kikimo wonyo makilohofe hwoênyoho. Kɨko ngkoênji hamniyoho kina angaêno mayosoêno sɨmeho afa minyohwoyaêilaho. 14 Osoêno hamniyoho mahoji mpano. Ngko hamniyoho kijapohe paênyoso aêamu tɨfinjo somo uyoêmanji 15 nje syohofoho. Nje hamniyoho soênji yoêmayo imeso wopɨngotaho. Ngko hwapɨngo hwoênyoho. Ngko aêamumo wopɨngo ulohofo soêno sɨmeho wonyo ntapɨwoênɨngkino hwosilaho. Oso hungkunoso syoho hwapɨngo sohwo ulɨmentisofoho. 16 Jisas ose ulonto ulɨmento, Aêamu tɨfinjo soênji sɨmoêmjo soênjimo Anɨtu afaênohino uyɨmo lososo uyɨmontonoho. Jisas ose ulɨmentisofoho. 17 Jisas Jelusalemneêno wasɨmo lonto kakoe inomokomoyo aho hopiênono sɨfe mtaêni hufaêu sohwa hofɨkoênohino nosontɨfi Jisas ulɨmento, 18 Upaênɨmno. Olohonta nakwo Jelusalemneêno wosantaneêno yɨhwono. Osopo Aêamufe Hwomu sohumo aêamu yofe engoênjo tajo ango syohoênjo sohwanji aêamu honɨngkano hungkuno lutɨhwamotofo sohwanji hofɨkoe ahomo hofɨko hoênasyɨkuji kakineêno hungkuno lɨkuji kako poyo umoênono lɨkuji nano wamtitofantɨfeho. 19 Oseso hofɨko nomêne aêamu sohwamo uyahonɨngkuji hofɨko sɨtofo ulɨkuji sohwolontamoênji hwanɨngo fonjɨkuji iyo hwajiyofokuênnyo sopo wofonjintoêofosyantɨfeho. Sɨkuno hufaêu sɨhune memjaofɨhwosoêno kako apaêno lɨkafonefono. Ose ulɨmentisofoho. 20 Oso hohosohonta Sepetiye apeênji kakoe hwomu sohwaêuênji Jisasɨmo uêmantɨfi aêmusi hwomtame ulohofonto Jisasɨmo hungkuno angaênohino soêno ulohonɨmentisofoho. 21 Oseso Jisas ulɨmento, Pehoêno kumoênɨngkohoho. Ose ulahonɨngki ulɨmento, Hwangku sohonta kɨko yofe engo nomahoji aêamu hopiênonohinomo mokosyohumuso sohonta kɨko nje hwomu sohwaêumo ole ulohoho. Nje aho angahohntaêni nje aho hwonamonyo hohntaêni fosyohumunyo. Ngko aêamu hopiênonohinomo mokosyohumayo soêno siko nonɨfoêmasyɨhnne hwahusoho. Ose ulohoho. 22 Ose ulahonɨngki Jisas ulɨmento, Oso hungkuno ntohino neso kɨko huno makiyohoyohoho. Tohino ngkimo nɨmnoso hopaso masɨsoso siko hopolaho. Nje aêapahomo tohino ifeehuêmo yanisyoso hopaso sikoe aêapahomo tohino ifeehuêmo yasesyososo siko hopolaho. Ose ulahonɨngki ulɨmentisi, Nekwo hoponoho. 23 Ou, nehopeho. Tohino ngko maêmeso fehohnjo siko womanjiyoho. Tohino ngkimo ifeehuêmokonisyoso paênyoso sikoe aêapahomo ifehuêmokasesyonefoho. I, oso hisoêno ngkoênji aêamumo mokosyohumayo soêno nje aho angahohntaêni nje aho hwonamonyo nohntaêni fosyohumayo soêno aêamu nomêne somo muhwosopoêmnehono. Oêo, oso hopo sopo nje Mpohwo kako aêamumneêno esyohumaho. 24 Ose ulɨmentisoso inomokomoyo nomêne sohwa nupaênontɨfi hofɨko Jemɨsɨênji Jounêntnneêno sɨmeho tohino umnɨmentisofoho. 25 I oso hisoêno Jisas kakoe inomokomoyo sohwamneêno ngkiyepono wapɨfento joho ulonto ulɨmento, Olo soêno sekwo huno seyohoho. Olo hwaho lopo aêamu nomêne somo mokosyohumayoso hofɨko hofɨkoe aêamu enjwaêmjo somo syoho tangoênjo uyontɨfeso aêamu enjwaêmjoso syoho hiso itoêno miyoênjo ifijoêmanji hwe mokosyohumayo sohwa ikujoho woposantɨfeho. 26 Sekwoe aêamu fihwo yofe engo womaêmo loso sohwo kako aêamufe syoho ulohofiyo umoênono. 27 Sekwoe aêamu fihwo ngko nomêne somo womokosyohumamo loso sohwo kako nomêne somneêno siki syoho ulohofiyo paênyo umoênono. 28 Oso paênyo Aêamufe Hwomu sohwo kako aêamu nomêneso kakimo syoho ufoêmayoêne pmmentisoêmaho. Oêo, hofɨkoe syoho ulohofiyoêne pmmentiso hweho. Kako aêamu sɨkwoêmjohohosi humentanɨngkofo somo uhwononto asomo utɨmayoêne kakoe honɨyo usohumaêmneêento pmmentiso hweho. 29 Jisas kakoe inomokomoyo sohwanji ango Jelikou ulɨkoêmantɨfi pahonɨngkofi aêamu piênɨngo engo Jisasɨmo tɨfi inɨngkapmmentohofofoho. 30 Hwe tɨmpiênyo hufaêu sohwaêu Jisas palofoho upaênonji honɨngkano momɨngopo nohumanji Jisasɨneêno joho ole ulɨmentisi, Ntefitɨye Imu hwosoho. Kɨko nekumneêno hitoho wakilofono. 31 Ose ulahonɨngki aêamuso yoka ulɨmentohofi, Siko mampiênyo fosyohumunyo, Ose ko ulahonɨngkofi oso huhwo sohwaêu joho engo ulɨmentisi, Hwe Engofo, Ntefitɨye Imu sohwosi, nekumneêno hitoho wakilofono. 32 Ose ulahonɨngki Jisas nolohofonto sikineêno joho ulonto ulɨmento, Ngko sikimo pipi selohoêmnehono. 33 Ose ulohonɨngkahonɨngki siko ulɨmentisi, Hwe Engofo, kɨko nekwoe tɨmo wopɨngo wemokonontayoêno kilalokuhwoyo. 34 Ose ulahonɨngki Jisas sikineêno hitoho ulofahonɨngki sikoe tɨmopo aho kisosyahonɨngki tɨmoso komoêno itoêno hononji Jisasɨmo tɨfi inɨngkamentisiyefoho.