Joun 2

1 Sɨkuno hufaêu sɨhune memjaofahonɨngki oso hwaho Ngkalili ango Kana sopo hwe fihwo kako ape mayoêne sɨkuno somo kakoe aêamu uhuêmokufitnneêento joho ulɨmentisofoho. Oso ape mayoêne ango homo somo Jisasɨye konaêwohi humamentisofoho. Jisas kakoênji kakoe inomokomoyo sohwanji hofɨkoênji uhuêmokumentohofofoho. 3 Oso hopo sopo aêamu piênɨngo engo uhuêmokumentohofoso hofɨko oso ape mayo somjo ipisayo mijo pompenjiyo wainɨso moiêwo nto naofahonɨngkofi Jisasɨye konaêwohi Jisasɨmo ulɨmento, Hofɨkoe mijoso moiêwonoho. 4 Ose ulahonɨngki Jisas ulɨmento, Naêu, kɨko ngkimo pehoêno ntohino. Nje yokumpohnênyo aêamu somo ujo ehontojwasiyoêne sɨkunoso mmoênyofoho. 5 Ose ulahonɨngki konaêwohi oso aêamu ango homo somjo syoho ulohofiyo sohwamo ulɨmento, Jisas kako sekumo yoêmayo peho pehoêne selɨhwosoêno u, sekwo halohoêno fiyɨmno. Ose ulɨmentisofoho. 6 Oso ango hopo sopo hwakwontoho engo aho fehohntaêni hopiênono nomêne mtaêni angaênohino woênnyoponoho. Oso hwakwontoho engo hiso aêamu Jutaso hofɨkoe yahinoso ole aho mijo yatɨjuyoêne hungkuno woênnyofoho. Oso hiso olenoho. Nakwo oso honɨngkano hungkuno homo somo itoêno inɨngkowalokuhwone soêno nakwo hnênwi honɨngkano wonyo aneênwoho. Ose syafɨhuêmentohofofoho. Osoêno hwakwontoho mijo ihmêmofahinyoso oso ango homo somo woênnyoponoho. Oso hwakwontoho mɨkunɨmposofoho. 7 Jisas kako syoho ulohofiyo sohwamo ulɨmento, Sekwo hwakwontoho somo mijo mangonepo fihmêmopmno. Ose ulahonɨngki aêamu huhwo sohwa hofɨko mijo mangonepo ihmêmoêmentohofofoho. 8 Moiêwo ihmêmofahonɨngkofi Jisas ulɨmento nosisyasyɨkuji nomotakuji oso wosopayo mokosyohumayo nongkumo uyɨmno. Ose ulahonɨngki hofɨko sohumemotamentohofofoho. 9 Oso hwe engo wosopayo mokosyohumayo sohwo oso mijo hiso munɨngkonɨmentisoso mijo meêwampeênjo wain munɨngkonɨmentisofoho. Oso hiso hwapɨngo soêno kako huno mummentisofoho. Oseso oso syoho ulohofiyo sohwa hofɨko ahuêmo mijo ihmêmoêmentohofo soêno huno umentisofoho. Oseso oso hwe engo wosopayo mokosyohumayo sohwo kako oso hwe ape mayoêne sohuneêno joho ulɨmentisofoho. 10 Oseso olo hwe engo sohwo ape mayo sohumo ulɨmento, Aêamu hofɨko wopayo engo iloho yanɨwoênɨngkohofo sohwa hofɨko aêamu hopiênonohino somo mijo meêwampeênjo wainɨso kakiêno uyɨkuji hwangku hofɨko oso mijoso sɨmeho uhnnɨngkuhwosoêno oso mijo wain wonyo weêeso tɨfi wanɨfe. I osoêno kɨko oso yahinoso momahoyohino. Oêo, kɨko mijo meêwampeênjo wonyoangkafoso nowentanɨngki sɨmoêmo mijo wonyo weêe motapohinoso nto nɨngkuhwonefoho. I moiêwo nontani humentanɨngkuhwoni kɨko mijo wonyoangkafo meêwampeênjo motaponji nejapohino. Ose ulɨmentisofoho. 11 Oso syoho sɨmoêmjo Jisas imentiso paênyoso aêamu hwahoponjo sohwa mifitnnefoho. Oso syoho sɨmoêmjo hiso Jisas kako hwaho Ngkalili anga Kana hopo sopo imentisofoho. Oseso Jisas kakoe yokumpohnênyo soênji kakoe yofe engoênji aêamu somo ujo ehontojwahumentisofoho. Jisas kakoe inomokomoyo sohwa oso homo somo uhwonontɨfi hofɨko Jisasɨmo sɨmeho hiêntnnono umentohofofoho. 12 Oso hiso moiêwo imoênɨngkahonɨngki Jisas ango Koponeyam soponeêno homnɨngkwaêwehwosanji konaêwohijanji kakoe inomokomoyo sohwanji womentohofofoho. Osopo sɨkuno fehohnjo somo humamentohofofoho. 13 Oso Anɨtu Aêamu Isɨlael somo Uyakoloêmentiso somneêne Syafɨsiyo sɨkuno engo lɨwoênɨngkohofoso mofonepo umoênɨmonto yahonɨngki Jisas kako ango Jelusalem soponeêno sɨmentisofoho. 14 Osopo iêmofawento kako tajo ango angiyohoêmo uhwonɨmentisoso yahu mpulɨmokau sipsipɨênji yɨhufo oso huêmesyontanɨngkofi uhwonɨmentisofoho. Osoênji aêamu ahuêmo hamniyoho uyontɨfi nomêne hamniyoho kengoso asomo ikuwoloêmokomayo yontɨfi hofɨkoe ijempoho sopo nohumentanɨngkofi uhwonɨmentisofoho. 15 Jisas oso homo somo nuhwononto yahino wonyofoho lonto impe nomanto nopopojonto sipsipɨênji mpulɨmokau osoênji mofonjiyohotoêmɨhwatɨêmentisofoho. Nomêne aêamu hamniyoho ikuwoloêmokomayo syohoênjo sohwafe hamniyohoso iwontoêmeeofonto ijempoho soênji fonjojohokuêmeeoêmentisofoho. 16 Ose yonto Jisas oso aêamu yɨhufomneêno hamniyoho aêamu mtaêni mawoênɨngkohofo sohwamo ulɨmento, Sekwoe yɨhufo nomafɨkuji mpanɨmno. Sekwo olo nje Mpohwoe ango loso sekwoe hoêyango ango imofoêneêmaho. Mpanɨmno. Ose ulɨmentisofoho. 17 Hwangku sohonta Jisas ose imentiso soêno kakoe inomokomoyo sohwa hofɨko huno ikwesyafɨhuêmentohofo sohonta hungkuno angaêno Ntefit Jisasɨmneêno mtɨêmokumentiso Anɨtuye hungkunomo woênnyo soêneêno syafɨhuêmentohofofoho. Hungkuno hiso olenoho. Ngko oleneêno nɨmoênɨngkohoho. Jɨje ango kiho ane wopɨngoênohini wentɨhwone soêno nɨmoênɨngkohoho. Oso hisoêno ngko yokumpohnênyo kemokosyohumamesoêno wonyo nɨmokufitnnefoho. Inomokomoyo sohwa oso hungkuno homo somneêno huno syafɨhuêmentohofofoho. 18 Jisas kako yoêmayo yoêmayo Anɨtuye ango mtaêni wae yaoêmentiso somo aêamu Juta sohwafe hwe engo sohwa uhwonontɨfi sɨmeho tohino umnɨngkahonɨngki Jisasɨmo ulɨmentohofi, Olo hiloso tɨhwo kilisomo yohinoto. Kɨko yoêmayo wonyoangkafo nakwo miyɨwoênɨngkuhwoneso uyɨmneênoêmanji u, nakwo huno wonayono. Olo yokumpohnênyo loso Anɨtu mtaêni maêmasofoho huno wonaimontonoho. 19 Ose ulahonɨngkofi Jisas ulɨmento, Oloênohini wosetɨhwamonneêno yohono. Sekwo olo Anɨtuye ango lomo wae yaopijoêmanji sɨkuno hufaêu sɨhune memjaofɨhwosoêno ngko apaêno ango hiso nulɨkoêmnefoho. 20 Ose ulahonɨngki aêamu Juta sohwa ulɨmentohofi, Olo ango syoho neêno yontanɨngkuhwoni soswo fouti-sikɨs (46) neyakoloêmentisofoho. I osoêno kɨko sɨkuno hufaêu sɨhune memjaofɨhwosoêno kɨko apaêno mojoso hopolaho. Awonoho. Kɨko hopoêmaho. Ose ulɨmentohofofoho. 21 I osoêno oso ango hisoêno Jisas ulɨmentisoso kakoe aêapahomneêno pahnnɨmo hungkuno hnnɨmentisofoho. 22 Hwangku sohonta Jisas kako poyo imoênɨngkahonɨngki Anɨtu apaêno songo ulɨkaêmentiso sohonta Jisasɨye inomokomoyo sohwonaêni olo hungkuno Jisas nalɨmentiso somneêno huno ikwesyafɨsyontani yoêmayo hungkuno Anɨtuye iyoswo somo aêamu mtɨêmokumentohofo soênji yoêmayo hungkuno Jisas nalɨmentiso somneêno sɨmeho hiêntnnonohino umentɨhwonefoho. 23 Oso Anɨtu Aêamu Isɨlael somo Uyakoloêmentiso somneêne Syafɨsiyo sɨkuno engo somo hofɨko elɨjwonontanɨngkofi Jisas kako ango Jelusalem sopo nohumentanɨngki aêamu piênɨngo sohwa uhwonɨmentohofoso Jisas yoêmayo wonyoangkafo aêamu miyɨwoênɨngkiyohofoso yontanɨngki uhwonontɨfi ole hnnɨmentohofi, Olo hwe lohwo Anɨtu mtaêango ne hweho. 24 Ose ko hnnɨngkahonɨngkofi Jisas kako huno ole syafɨhuêmento, Aêamu fehohnjoso hofɨko sɨmeho hiêntnnono nehopi montapeênjo yalokwofo. Ose syafɨhuêmentisofoho. 25 Hwapɨngoso Jisas kako aêamu hopiênonohino sofe sɨmeho ne moêmo huno unyo hweho. Aêamufe yahino somneêno nomênihwa Jisasɨmo mulɨfitnnefoho. Oêo, kako aêamufe huno ikwesyafɨsyɨwoênɨngkohofo soêno kako huno unyo hweho. Oseso hofɨko olo hwe lohwo Anɨtu mtaêango ne hweho, ko hnnɨngkahonɨngkofi Jisas kako sɨmonyo miyofoho. Hwapɨngoso hofɨko huno ukwesyafɨsyontɨfeho unɨngkanɨngki kako tɨmoênohini uhwonɨmentisofoho.