Joun 1

1 Sɨmoêmo neêmo nakwoe hwahoênji yoêmayo soênji ane sohonta Kɨlais, Anɨtuye hungkuno sohwo kako Anɨtuênji humamentisofoho. Kako songo neêno humawoênɨngkiso hweho. Kako huhwo Anɨtuyoho. 3 Anɨtu kakoe hungkuno sohwoênji kako yoêmayo yoêmayo hopiênonohinoso mtɨêmokumentisofoho. Yoêmayo yoêmayoso nomêne hwapɨngo mtaêangoêmaho. Oêo, kakoênohini yoêmayoso hwapɨngo hweho. 4 Kɨlais kako songo neêno humayo hwapɨngo sohwo kako songo humayo honɨngkano nejapmmentiso soêno kako nakwoe pomponaho hweho. 5 Oso pomponaho huhwo sohwo kako nakwo aêamu hopiênonohino sɨkwoêmjohoêmo humentanɨngkuhwaso hnênɨmo lonasiyoêne hweho. Oso sɨkwoêmjoho hiso pomponaho huhwo sohumo mifehuêmokonasyonehoho. Oêo, oso pomponaho huhwo sohwo neêno nolɨwoênɨngkuhwonefoho. 6 Anɨtu kako hwe fihumo uhwatɨmentiso sohwo kakoe yofeso Jounɨyoho. 7 Joun kako oso pomponaho hisoêne aêamu hopiênonohino somo ujoêne pmmentiso hweho. Aêamu hopiênonohinoso oso hungkuno homo somo upaênɨngkuji sɨmeho hiêntnnono uyɨfitnneêento pmmentisofoho. 8 Joun huhwo sohwo kako pomponaho hwoêmaho. Oêo, Anɨtu kako oso pomponaho hisoêno aêamu somo utɨhwayoêne Jounɨmo uhwatɨmentisofoho. 9 Pomponaho ne hiso kako aêamu hopiênonohino hnênɨmo honɨngkano netɨhwayoêne lonasiyoênefoho. Oseso Joun kako nohumentanɨngki oso pomponaho ne sohwo imoênonto kako aêamumo honɨngkano wopɨngo utɨhwayo hweho. 10 Anɨtu kakoe hungkuno sohwoênji olo hwaho loso mtɨêmokumentiso sohwo olopo nopahonɨngki aêamu olo hwaho loponjoso kakimo yofe muhwoêmmentohofofoho. Oêo, muhwosoênjo yontɨfi monje yahumentohofofoho. 11 Kako kakoe hwapɨngopo iêmofɨwahonɨngki kakoe temtitofo aêamu Jutaso hofɨko kakimo sɨmeho muyoênjo yontɨfi hwotoho hmmentohofofoho. 12 I osoêno aêamu fehohnjo sohwa hofɨko Kɨlaisɨmo yofe uhwofontɨfi kakoe hungkunomo sɨmeho hiêntnnono uyɨmentohofofoho. I aêamu hopiênonohinoso hofɨko Kɨlaisɨmo sɨmeho unyo somo Kɨlais kako kakoe yokumpohnênyo uyɨmentiso soêno Anɨtuye aêamu ne umokumentisofoho. 13 Moyaêmi sofa hofɨko mehomi aswo mawoênɨngkohofo hopaso aêamu Anɨtuye mehomi mmoênɨfitnnehofo. Oêo, aêamufe yokumpohnênyo mtaêni u, aêamufe huno mtaêni aêamu Anɨtuye mehomi ne imoênyoso mmoênɨfitnnefoho. Oêo, Anɨtu kako huno ole syafɨhuêmento, Aêamuso nje hwomumo sɨmeho uyɨkujoêmanji hofɨko nje mehomi ne imoênɨfitnnefoho. Ose syafɨhuêmentisofoho. 14 Anɨtuye hungkuno hweho lɨwoênɨngkuhwone sohwo kako aêamu imoênonto Kɨlais huhwo sohwo nakwoênjo ajwo lopo humamentisofoho. Nohumanto kako aêamu hnênɨmo wopɨngoênohini nalohofonto kako hungkuno neênjoênohini lonetɨhwamentiso hweho. Nakwo aêamu fehohnjo hnênwi nakwo Kɨlaisɨye yokumpohnênyo engo somo uhwonontani kakoe yofe engo uhwoêmentɨhwonefoho. Oso yofe engoso yokumpohnênyo engoso Anɨtu kakoe Hwomumo uyahonɨngki uhwonontani Anɨtuye Hwomu angaênohino hweho uhwoêmentɨhwonefoho. 15 Joun kako iêmofaponto Kɨlais huhwo sohumneêno lɨjwaoêmentisofoho. Ole lɨjwaoêmento, Olo hwe lohumneêno ole nto selɨmentohefoho. Ngko sɨmoêmo sekumo nto seêmaêmentohefoho. Tɨfi hwe nomêne sohwo noseêmahwosi kako nje yofe engomo woniyakoloêmontonoho. Hwapɨngoso ngko nje naêu aswo monɨmaso sohonta kako songo humamojo hweho. Kakoe yofe engoso ngkimo noniyakolofonefoho. 16 Kako nakumo wopɨngo nalohofoso hwapɨngo hweho. Osoêno nakwo wonyoênohino ko hnênɨmo kakoe wopɨngoênohinoso nakumo wopɨngo neêno neêno nalohofɨwoênɨngkiso hweho. 17 Hohonta Anɨtu kako neyakwo Mousesɨmo kakoe honɨngkano hungkuno uyɨmentisofoho. Oso honɨngkano hungkuno homo somo aêamu ntoêno minɨngkammentohofoso hofɨko tohino engo tɨpemaêmentohofofoho. I osoêno olohonta Jisas Kɨlais kako noneêmahonɨngki kako honɨngkano neso nonetɨhwanto kako nakwoe wonyo somjo tohino nomanto kako wopɨngoênohini nalohofɨwoênɨngkiso hweho. 18 Nakwo aêamu hwahoponjo hnênwi nakwo Anɨtumo muhwonyoêneênwoho. I osoêno Anɨtuye Hwomu Angaênohino sohwo kanɨngkwohwoênji nohumanji kako Anɨtuye yahino ne soêno nakumo netɨhwawoênɨngkiso hweho. 19 Aêamu Jutafe hwe engo Jelusalem humamotofo sohwa hofɨko aêamu fihwamo Jounɨmneêno uhwatɨmentohofofoho. Oso aêamu huhwo sohwa hofɨko tajo ango syohoênjo sohwanji aêamu tajo ango syohoênjo sohwamo enjwaêmo syoho yɨwoênɨngkohofo oso huhwo sohwa Lifaiyoho lɨwoênɨngkohofo, oso hwanji hofɨko Jounɨmo nuêmantɨfi ulohonɨmentohofi, Kɨko tɨhwosilo. Anɨtu kako kuhwosopoêmentiso sohwosilaho. 20 Ose ulohonɨngkahonɨngkofi Joun kako hungkunoso hiyaso hoênahumentisoêmaho. Oêo, kako yolohoso ole ulɨmento. Oso hwe Anɨtu aêamu Juta sohwonaênɨmo nefoêmayoêne nɨhwosopoêmentiso sohwonɨêmaho. Ngko Kɨlaisɨnɨêmaho. 21 Ose ulahonɨngki hofɨko ulɨmentohofi, I oseêmanji kɨko tɨhwosilo. Kɨko neyakwo Ilaija kulaho. Oêo, Ilaijanɨêmaho. Ose ulahonɨngki apaêno ulɨmentohofi, I kɨko oso hwe engo sohumo Anɨtu hungkuno uyahonɨngkuhwosi wonalɨmonteêno hontohumalohwone sohwosilaho. Ose ulahonɨngkahonɨngkofi ulɨmento, Oêo, ngko osoho hwoênɨêmaho. 22 Ose ulahonɨngki hofɨko ulɨmentohofi, I kɨko tɨhwosilo. Noho fonaso. Oso aêamu nonehwatɨmalofo sohwamo kikineêno pehofo ulanehwono. Kɨko kikineêno pehofo hnnalokuno. 23 Ose ulahonɨngkofi ulɨmento, Hohonta Aisaiya sohumo Anɨtu hungkuno uyahonɨngki lɨmojo sohwo ole lɨmento, Hwaho aêamu mohumunyo sopo mampaho engo oleso nohoênonefoho. Nakwoe Hwe Engo sohwo woneêmaêmontonoho. Kakineêno honɨngkano ntoêno hmmopmno. Oso hungkuno honɨngkano imofoêne sohuneêno Aisaiya hohonta lɨmentisoso ngkineêno lɨmentisofoho. Joun ose lɨmentisofoho. 24 Oso aêamu Jounɨmo hungkuno ulohonɨmentohofo huhwo sohwamo aêamu Falisi sohwa lɨhwatɨmentohofofoho. 25 Hofɨko Jounɨmo nomêne hungkuno ulɨmentohofi, Anɨtu aêamu fihumo nefoêmayoêne uhwosopoêmentiso Kɨlais sohwo kɨko oso hwosɨêmaho. Kɨko Ilaija kiêmaho. Kɨko oso hwe engo sohumo Anɨtu hungkuno uyahonɨngkuhwosi wonalɨmonteêne hontohumalohwone sohwosɨêmaho. Oseêmanji kɨko hwe moyaêmi somo mijo pehoêne kiyomalokuno. 26 Ose ulohonɨngkahonɨngkofi Joun ulɨmento, Ngko aêamu somo mijoênohini kiyomawoênɨngkohono. I osoêno hwe fihwo kako sekwoênjo ajwo lopo humaso sohuneêno sekwo huno maseyo hweho. 27 Ngko sɨmoêmo seêmaêmentohefoho. Oso hwe tɨfinjo yofe engoênjo sohwo kako nje yofe somo yakoloênnyo hweho. Ngko hwe wonyo sohwoêni oso hwe yofe engoênjo yokintahoponjo sohwoe yoêmayo momayo ulohofiyoênohino hwoênyoho. Joun ose ulonto kakoe yofe somo monje yahinɨmentisofoho. 28 Joun kako oso Mijo Joutan hopo sopo aêamu mijo kiyomaêmojo sopo oso hungkuno hiso ulɨmentisofoho. 29 Moênɨngkanta Joun kako uhwonɨngkisoso Jisas kako nto pahonɨngki uhwononto aêamu kakoênjoponjo somo ulɨmento, Sekwo uhwonɨmno. Olo hwe lohwo Anɨtuye Yahu Sipsip Paênyo hweho. Hwapɨngoso kako nakwo hwe moyaêmi hwahoponjo hnênwiye yahino wonyo somjo tohino mayoêne poyo imoênyoêne hweho. 30 Olo hwe lohumneêno ngko ole nto selɨmalefoho. Ngko sɨmoêmo sekumo nto seêmaêmentohefoho. Tɨfi hwe nomêne sohwo noseêmahwosi kako ngkimo woniyakoloêmontonoho. Hwapɨngoso ngko nje naêu aswo monɨmaso sohonta kako songo humamojo hweho. Kakoe yofe engoso ngkimo noniyakolofonefoho. Ose nto selɨmalefoho. 31 Hohonta olo hwe Anɨtu nakwoe hwahopo nefoêmayoêne uhwatɨmentiso lohumo ngko huhwoêni yofe mɨhwoêmmalefoho. I osoêno kakoe honɨngkano itoêno esyohumayo soêno ngko aêamu Juta somo mijo kiyomawoênɨngkohe hwoênyoho. Osoêno olo hwe lohwo iêmofapɨhwosoêno hofɨko kakimo yofe uhwofantɨfeho. Hofɨkimo itɨhwayoêne hwoênyoho. Ose ulɨmentisofoho. 32 Joun kako uhwonɨmentiso soêno oso aêamu huhwo sohwamo ole ulɨmento, Ngko nuhwononji ole uhwonɨmalefoho. Anɨtuye ango ahwomo mtaêni kakoe Towahuno Wopɨngo yɨhufo ntolofiyo paênyoso noponto olo hwe lohumo nto kehumahoho. 33 Oso hohosohonta ngko oso hwe huhwo sohumneêno huno manimmasofoho. I osoêno Anɨtu kako aêamumo mijo kiyomayoêne lonɨhwatɨmentiso sohwo ole ntɨmento, Hwangku kɨko Anɨtuye Towahuno Wopɨngo ahwomo mtaêango nopɨhwosi hwe fihumo kehumaso sohumo uhwonɨngkohoji kɨko huno ole wakiyono. Kɨko aêamumo mijo kiyomamêntnno hopaso oso hwe huhwo sohwo kako nje Towahuno aêamumo uhulaêmoêmontonoho. 34 Ose ntɨmentiso soêno olohonta ngko nuhwononji ole selalokweno. Olo hwe lohwo kako Anɨtuye Hwomu hweho. Joun ose ulɨmentisofoho. 35 Moênɨngkanta Jounjanji kakoe inomokomoyo hufaêu sohwaêuênji nohumantɨfi Jisasɨmo uhwonɨmentohofofoho. Jisas kako hano emoyontanɨngki Joun kakoe inomokomoyo sohwaêumo ole ulɨmento, Siko uhwoninyo. Oso hwe sohwo kako Anɨtuye Yahu Sipsip Paênyo sohwo aêamufe wonyo somjo tohino mayoêne poyo imoênyoêne hweho. 37 Joun ose ulahonɨngki siko oso hungkunoso upaênonji Jisasɨmo tɨfi inɨngkamentisiyefoho. 38 Jisas kako ikinjaofonto uhwonɨngkisoso siko nto inɨngkopahonɨngki uhwononto ulɨmento, Siko pehoêno wotɨpeenji hwahusilo. Ose ulohonɨngkahonɨngki siko ulɨmentisiyo, Hwe Engofo, kɨko Anɨtuye hungkuno nalɨwoênɨngkino sohwosi, kɨko ango ntɨpo humawoênɨngkino hwosilo. 39 Ose ulahonɨngki Jisas ulɨmento, Siko uhwonanjiêmanji eêwano. Noho fɨpinyo. Ose ulonto Jisas kako sikimo ipemotowahonɨngki siko Jisas humawoênɨngkiso ango somo uhwonɨmentisiyoso osopo kakoênji humamentisiyefoho. Hwapɨngoso mofehiênyo akupoênyo (4 kɨlouk) sɨkuno soênjoho. 40 Oso hwe hufaêu sohwaêu Jounɨye hungkunomo upaênonji Jisasɨmo inɨngkawomentisiyo sohwaêu angaênohino sohwo kakoe yofeso Entɨluyoho. Saimoun Pitafe konɨngkwaêwehweho. Nomênihwo ngko Jounêni olo hungkuno loso mtɨêmokalokweno. 41 Entɨlu kako komoêno nowento kolaêwehwo Saimounɨmo tɨpɨhwononto ulɨmento, Nakwo oso hwe Anɨtu nefoêmayoêne uhwosopoêmentiso sohumo nto tɨpɨhwonɨngkuhwono. Kako Kɨlaisɨyoho. 42 Entɨlu ose ulonto kako Saimounɨmo Jisasɨyepono ipemotowahonɨngki Jisas kako nuhwononto Saimounɨmo ulɨmento, Kɨko Saimoun sohwosi Jounɨye hwomu hwosoho. Yofe songo womeekilɨmo. Sifas kiyoho. Ose ulɨmentisofoho. Oso Juta sohwafe hungkuno Sifasɨyoho Ngkɨlik hungkunoso ole Pitafoho. Hungkuno hwapɨngo neso sojo hweho. 43 Moênɨngkanta Jisas kako hwaho Ngkalilineêno wamonto kako Filipɨmo uswoênonto ulɨmento, Kɨko ngkimo nnɨngkape. 44 Filip kakoe pone Mpetɨsaitantaêango hweho. Oso ango hopo sopo sikoênɨkwaêi Entɨluênji Saimounênji humamojiyoponoho. 45 Filip kako Notaniyelɨmo tɨpɨhwononto ulɨmento, Oyomo. Hohonta Mouses kako Anɨtuye honɨngkano hungkuno mtɨêmokonto kako hwe fihwo Anɨtu nefoêmayoêne uhwosopoêmentiso soêno mtɨêmokumentisofoho. Aêamu Anɨtu hungkuno uyahonɨngki lɨmotofo sohwantnneêno olo hwe huhwo sohumneêno ifalifaliyo mtɨêmokumentohofofoho. Oso hwe huhwo sohumo ngko nto tɨpɨhwonɨngkohono. Kako Jisas sohwo pone Nasaletnntaêango hweho. Jousepɨye hwomu hweho. Oyomo. Uhwonayo. 46 Ose ulahonɨngki Notaniyel ulɨmento, Oêo, aêamu Nasalet sohwa wopɨngo hwaêmaho. Hwe wopɨngo oso ango sopo ntaêni pipi imoênoneto. Ose ulahonɨngki Filip ulɨmento, Oyomo. Hungkuno nehopi kilalokweno. Kɨko uhwonae. 47 Notaniyel kako Jisasɨyepono pontahonɨngki Jisas kakimo uhwononto nomêne aêamu somo kakineêno ulɨmento, Sekwo oso hwe sopalokunjo sohumo uhwonɨmno. Oso aêamu Isɨlael sohwo wopɨngoênohini hweho. Kako hwasyo honɨngkanoso ane hweho. 48 Jisas ose ulahonɨngki Notaniyel kako nupaênonto Jisasɨmo ulohonɨmento, Kɨko ngkineêno huno pipi kiyahonɨngki nohonɨmaênɨngkohino. Ose ulohonɨngkahonɨngki Jisas ulɨmento, Jɨje angomoêmo kɨko iyo fisayo pmpongo somo nohumentanɨngkini Filip kako mokohonontanɨngki ngko kakiêno kohonɨmaênɨngkohefoho. 49 Ose ulahonɨngki Notaniyel ulɨmento, Nje Lontɨhwayo sohwosi, hungkuno lonetɨhwayo sohwosi, kɨko Anɨtuye Hwomu hwosoho. Kɨko nakwo Isɨlael sohwonaêniye Hwe Engo Ne hwosoho. 50 Ose ulahonɨngki Jisas ulɨmento, Kɨko fisayo pmpongo somo nohumentanɨngkini kohononji kilohe soêno kɨko sɨmeho hiêntnnono ntapohino soêno hwangku yoêmayo wonyoangkafo aêamu miyɨwoênɨngkiyohofoso ngko iêmeêno kɨko uhwonɨmonnoho. 51 Ose ulonto aêamu hopiênonohino somo ulɨmento, Hungkuno nehopi selalokweno. Ahwomo nohwosompoênawehwosi Anɨtuye aêamu ahwomomjo sohwa Ngko Aêamufe Hwomu nɨhwosopoêmentiso sohwoêniyepono nopɨkuji nosɨkuji yontanɨngkuji sekwo uhwonɨfitnnefoho. Ose ulɨmentisofoho.