Joun 17

1 Jisas kako oso hungkuno inomokomoyo sohwonaênɨmo nalonto kako ahwomomo tɨmo uhwononto kanɨngkwohumo jomo ulɨmento, Mpohwo, nje sɨkuno nto iêmofapohoho. Olo aêamu lohwamo nje yofe engoso utɨhwaho. Oseso kɨko utɨhwahojoêno ngko jɨje hwomu sohwoênneêno yofe engo nɨhwofɨkujoêno hofɨko jɨje yofe wohoênomantɨfeho. 2 Kɨko aêamu hopiênonohino somo ngkimo enjwaêmo uhumatɨêmentohinofoho. Kɨko aêamu fehohnjo ntapmmentohinoso kako songo neêno humayoso yano uyɨneêenji ntapmmentohinofoho. 3 Songo neêno humayoêneso olenoho. Aêamu hiso hofɨko nekwoêmontosaêineêno yofe ole wehwofantɨfeho. Kɨkoênohini Anɨtu nehwosoho wokuhwofantɨfeho. Ngko Jisas Kɨlais sohwoênneêno ole wonɨhwofantɨfeho. Nakwoe hwaho loponeêno Anɨtu uhwatɨmentiso hweho. Ose wonɨhwofantɨfeho. Yofe ose nɨhwofɨkuji hofɨko wopɨngoênohini humafɨkuji songo neêno humantokutnnefoho. 4 Ngko olo hwaho lopo nohumanji jɨje yofe engoso jɨje yokumpohnênyo engoso nto utɨhwamalefoho. Yoêmayo syoho ntapmmentohinoso ngko moiêwo nto esojwaoêmalefoho. 5 U, Mpohwo hohonta olo hwaho loso nekwo mamtɨêmokiyo sohonta ngko kɨkoênji nohumanji ngko yoêmayo yokumpohnênyo mokosyohumunyo hwoênyoho. Ngko kɨkoênji humanji mokosyohumamote paênyoso oso yofe engo soênji yokumpohnênyo engo soênji kɨko ngkimo asomo ntape. 6 Olo hwe lohwa hwaho loponjo ntapmmentohino lohwa ngko hofɨkimo kikineêno lutɨhwamale soêno hofɨko kikineêno yofe kɨhwofalokwofo. Jɨje aêamu huhwo sohwa kɨko ngkimo ntopahonɨngkini hofɨko jɨje hungkunomo haloho pentɨfi aho yokumpohnênyo kemokosyohumantɨfi tɨfi inɨngkopalokwofo. 7 Oso aêamu kɨko ntapmmentohinoso yoêmayo hungkuno ulahonɨngko hofɨko huno ole syafɨhuêmentohofi, Olo hwe lohwoe hungkunoso Anɨtu mtaêangofoho. Huno ose unyofoho. 8 Yoêmayo hungkuno kɨko ngkimo ntapmmentohinoso ngko lutɨhwahonɨngko hofɨko sɨmeho hiêntnnono uyontɨfi huno ole uyalofoho. Hohonta ngko kɨkoênji humanji kɨko olo hwaho loponeêno nɨhwatɨmentohinofoho. Oso hungkuno somo hofɨko sɨmeho hiêntnnono uyalokwofo. 9 Olo aêamu huhwo lohwamneêno jomo wakilɨmonneêno yohono. Aêamu nomêne olo hwaho loponjo somneêno mokilalokuyohono. Oêo, olo aêamu kɨko ngkimo ntapmmentohino lohwamneêno jomo kilalokweno. Jɨje aêamu hwafoho. 10 Hwe moyaêmi hopiênonohinoso nje hungkunomo tɨfi inɨngkawowoênɨngkohofoso kɨkoêne mehomifoho. Jɨje mehomi huhwo sohwa ngko huhwoênnonji nekwoe mehomifoho. Hofɨko nje yofe engo hoênomalokwofo. Nje yoêmayo yoêmayo hopiênonohinoso jɨjefoho. Jɨje yoêmayo yoêmayo hopiênonohinoso njefoho. 11 Ngko kikiyepono wosapmmo lɨêmo hofɨkimo uhwatɨêmoêmonnoho. Olo hwaho lopo hofɨkoênohini wohumantɨfeho. Osoêno nje Mpohwo wopɨngoênohino sohwosi olo aêamu lohwa hofɨko ngkimo sɨmeho ntapɨfitnneêenji uhwosopoêmentohino loso yoêmayo yahino wonyo somo uyakolopitnne soêno kɨko jɨje yokumpohnênyo engo soênji ufoêmahoji umokosyohumaho. Kɨko ngkoênji sɨmeho afa inɨmotohwoyo hopaso hofɨko sɨmeho afa unɨfe. 12 Ngko hofɨkoênji nohumanji oso yokumpohnênyo kɨko ngkimo ntapmmentohino soênji ngko hofɨkimo wopɨngo umokosyohumamote soêno angaêno ngkineêno hohujo nɨhuênahone mikinjanɨmofefoho. Oêo, ntapmmentohino hopiênonohino sohwa wopɨngo nnɨngkopalokwofo. Aêamu angaênohino sohumneêno aêamu Anɨtuye hungkuno mtɨêmokumentohofoso ne imoênone hopaso kako angaênohino sohwo tɨkanomo wene sohwo pɨwahuêmentisofoho. 13 Olohonta olo aêamu lohwamo uhwotɨêmahmêmo kikiyepono wosapmmonnoho. Ngko hofɨkoênji olopo nohumanji yoêmayo hungkuno hofɨkoe sɨmeho wopɨngo umoênoneêenji kilalokwe soêno nje sɨmeho wopɨngo nɨmoênɨwoênɨngkiso hopaso engo womantɨfeho. 14 Jɨje hungkunoso olo aêamu lohwamo nto umotefoho. Aêamu hwe moyaêmi olo hwaho loponjoso hofɨkoe mangohwa imoênɨmentohofofoho. Hwapɨngoso ngko hopa hofɨko olo hwaho loponjo yoêmayo somo minɨngkayoênjo hwafoho. 15 Ngko hofɨkoênji yanɨmofoêne makilohoyohono. Oêo, ole kilalokweno. Hofɨko olo hwaho lopo nohumentanɨngkuji oso hwe wonyo Seten kako aêamu lohwamo wonyo umokonohonji kɨko hofɨkimo hofiyo mokosyohumaneêenji kilalokweno. 16 Ngko olo hwaho loponjo yahinomo inɨngkunyo hwonɨêmaho. Oso paênyoso hofɨko huhwanji olo hwaho loponjo yahinomo inɨngkunyohwaêmaho. 17 Mpohwo jɨje hungkunoso hungkuno neênjofoho. Oso hungkuno hiso olo aêamu lohwamo kɨko itɨhwahonɨngkiji hofɨko hofɨkoe huno ehohosasyɨhwosoêno hofɨko yoêmayo yahino wonyomo ulɨkoêmafɨkuji jɨje yahino wopɨngoênohini ikuji jɨje aêamu ne wopɨngo umoênantɨfeho. 18 Hohonta kɨko ngkimo nɨhwojahonɨngkini ngko aêamu olo hwaho loponjo lohwanjo ajwoêmo humamotefoho. Oso paênyoso ngko olo aêamu lohwamo hwe moyaêmi hwahoponjo lohwanjo ajwoêmo wohumafenji hofɨkimo uhwojalokweno. 19 Ngko kɨkoênji nohumahmêmo olo syoho sɨmoêmjolo uyɨmonneêno yohono aêamu lohwa hofɨko jɨje hungkuno soêne huno ufohotofohojoêno hofɨko jɨje yahino wopɨngo mayoêne ufoêmaêmneêno yohono. Oseso hofɨko jɨje aêamu ne wopɨngo umoênantɨfeho. 20 Ose ulonto ole ulɨmento, Olo aêamu lohwamnohini mokosyohumaho eso makilɨmnehono. Oêo, hwe moyaêmi nomêneso hofɨko olohwafe hungkunomo haloho upaênɨngkuji ngkimo sɨmeho hiêntnnono ntapɨfijo somo kɨko hofiyo mokosyohumaho kilalokweno. 21 Ngko oleêno nɨmoênɨngkohoho. Hwe moyaêmi hopiênono nekumo sɨmeho ejapɨkuji hofɨko nekwo hopa sɨmeho hunoso afaênjo umoênantɨfeho. Mpohwo, kɨko ngkimo nɨhumahnno. Ngko kikimo kuhumaleno. Oso hopaso hofɨko nekumo ehumayo soêno nɨmoênɨngkohoho. Hofɨko ose ehumafɨkujoêno aêamu hwahoponjoso hofɨkoe yahino wopɨngo somo uhwonɨngkuji ole wosyofɨsyantɨfeho. Ou, Anɨtu kako Jisas Kɨlais sohumo nakwoe hwaho lopo uhwatɨmentiso sohweho lɨkuji ngkineêno sɨmeho wontɨpantɨfeho. 22 Jɨje yokumpohnênyo kɨko ntapmmentohinoso ngko hofɨkimo uyɨmaleno. Oseso oleêno nɨmoênɨngkohoho. Nekwo sɨmeho afa inontai humalohwoyo hopaso hofɨko sɨmeho afaênjo umoênantɨfeho. 23 Jɨje hungkuno lontnneso nje sɨmehomo mnawojo hopaso nje hungkuno hofɨkoe sɨmehomo ose mnaweho. Oseso hofɨko sɨmeho afa inɨngkuji wopɨngo humafitnne soêno nɨmoênɨngkohoho. Oseso aêamu hwahoponjoso hofɨkoe humayo somo uhwonɨngkuji ole wohnnantɨfeho. Anɨtu kako Jisasɨmo nakwoe hwaho loponeêno nehopi uhwatɨmentiso hweho. Anɨtu Jisasɨmo sɨmeho uyɨwoênɨngkiso hopaso kako olo aêamu lomo sɨmeho uyalofoho. 24 Ose ulonto ulɨmento, Mpohwo, oleêno nɨmoênɨngkohoho. Hwe moyaêmi kɨko ntapmmentohino hopiênonohinoso hofɨko ngkoênjopo wohumantɨfeho. Olo hwaho loso nekwo mamtɨêmokiyo sohonta kɨko sɨmeho ntaponji jɨje yofe engoso jɨje yokumpohnênyo engo ntapmmentohinofoho. Olo aêamu lohwa hofɨko oso yofe engo soênji yokumpohnênyo engo soênji ntapmmentohino somo uhwonɨfitnne soêno nɨmoênɨngkohoho. 25 Ou Mpohwo, kɨko yoêmayo yahino itoênohino iwoênɨngkino sohwosimo olo hwaho loponjo aêamulo kikimo huno muyofoho. I osoêno ngko kikineêno huno niyohoho. Olo aêamu ngkoênjo lopo humalofoso hofɨko kɨko ngkimo nɨhwatɨmentohino sohwoênneêno huno unyofoho. 26 Jɨje yahino yoêmayo soêno hofɨkimo nto utɨhwamaleso ngko neêno utɨhwahmêmnefoho. Oseso kɨko sɨmeho engo ntopantokuno hopaso hofɨko sɨmeho engo unantɨfeho. Ngko hofɨkimo humahmêmeêno kikimtaêangoso hofɨko sɨmeho ose unantɨfeho. Jisas kako Anɨtumo ose ulɨmentisofoho.