Apousel 5
PNG1 Hwe fihwo kakoe yofe Anonaiyas kakoe apefe yofe Sofaila, siko hwaho hiênjo yaêuyoho. Aêamu nomêneso sikintaêni oso hwahoso mpe ulohoêmentohofofoho. 2 Siko hamniyoho nomanji fehohnjo sikoêne hiyaso mokosyohumanji fehohnjo Anonaiyas kako apousel sohwafe sɨfɨkiênyoêmo hoênahumentisofoho. 3 Oso hiso Pita nuhwononto ulɨmento, Anonaiyas, Setenɨye hungkunomo inɨngkawenji hamniyoho fehohnjo hiyaso mokosyohumanji Anɨtuye Towahuno Wopɨngomo hwasyo ole ulohino. Hamniyoho hopiênono maêmaleso olenoho. Oso hwasyo ulohino. 4 Jɨje hwaho mpe makilohoêmmalofo sohonta hwaho hopiênono jɨjefoho. Mpe ntokilohoêmalofo sohonta hamniyoho hopiênono jɨjefoho. I osoêno oso hungkuno sɨmehomoêmo pehoêno syafɨsyohino. Kɨko hwe sohwonaênnohinomo hwasyo monalohoyohino. Oêo, Anɨtumo hwasyo ulohino. 5 Ose ulahonɨngki Anonaiyas nupaênonto nopɨwasyonto, poyo peênɨmentisofoho, Oso hungkunoso hoênɨngkahonɨngki aêamu nupaênontɨfi iyoho unɨmentisofoho. 6 Hwe songo sohwa nolɨkafohumantɨfi Anonaiyasɨye pijafomo hwapɨfe ekojɨsasi lohofontɨfi mempo hohntaêni motawentɨfi piênɨmomo ijopijisyahumentohofofoho. 7 Weêenepi aêamu poyo peênɨmentiso sohwoe ape noswonto yoêmayoso mupaênɨmmentisosi, 8 noswopahonɨngki Pita ulɨmento, Jɨje hwahomneêno olo hamniyoho maêmasiyotaho. Ose ulahonɨngki ulɨmento, Eno, osenoho. 9 Ose ulahonɨngki Pita ulɨmento, Kɨko jɨje hwehwoênji hiyahusi Anɨtuye Towahuno sohumo yamofo pehoêno ulohoêmasiyoto. Upaênyo. Hwe songo sohwa jɨje hwehwo sohumo piênɨmomo ijopijisyasyontɨfi nto pohofo. Hokuêyopo lohokwofo. Kikimo womotokuwantɨfeho. 10 Ose ulahonɨngki aêmusi Pitafe sɨfɨkiênyoêmo pɨwasyonto poyo peênɨmentisofoho. Hwe songo sohwa noswapontɨfi poyo peênɨmentisosiye pijafomo uhwonontɨfi nomotoswapontɨfi kakoe hwehwoênjopo ijopijisyahumentohofofoho. 11 Oso hungkuno hiso nohoênɨngkahonɨngki Anɨtuye aêamu ne soênji aêamu kengo soênji nupaênontɨfi iyoho unɨmentisofoho. 12 Yoêmayo kengo wonyoangkafoso aêamu apousel sohwa utɨhwamentohofo somo aêamuso uhwonɨmentohofofoho. Anɨtuye aêamu neso Soulomounɨye kontolompoêango sopo uhuêmokumotofofoho. 13 Aêamu kengo fehohnjoso Anɨtuye aêamu ne somo uhwonontɨfi lɨmentohofi, Aêamu Jisasɨmo inɨngkawowoênɨngkohofoso wonyoangkafofoho. Ose lontɨfi i hofɨkoênji muhuêmokummentohofofoho. Oêo hofɨko iyoho unɨmentisofoho. 14 Hwe hwoyaêmi piênɨngo engoso Jisasɨye hungkuno upaênontɨfi hungkuno nehopi lontɨfi sɨmeho hiêntnnono uyɨmentohofofoho. Oso aêamu hiso Anɨtuye aêamu ne sɨmoêmjo soênji uhuêmokumotofofoho. Aêamu piênɨngo engo imoênɨmentohofofoho. 15 Aêamu piênɨngoso aêamu mnokinoênjo somo intokwapontɨfi honɨngkanopo itofasi lohofontɨfi ole syafɨhuêmentohofi, Pita nopɨhwosi kako kote uhumiyofɨhwosoêno aêamu mnokinoênjoso wopɨngo umoênɨfe. Ose syafɨhuêmentohofofoho. 16 Aêamu ango kengo mtaêango Jelusalem mofone soponjoso Jelusalem uhuêmokumentohofofoho. Aêamu mnokinoênjo, aêamu sisɨêmasohoênjo towahuno wonyoênjo somo itokwapmmentohofofoho. Hopiênonohinoso wopɨngo imoênɨmentohofofoho. 17 Hwe yofe engoênjo tajo ango syohoênjo sohwo kakoe aêamuênji aêamu Satɨyusi sohwanji yoêmayo soêno nupaênontɨfi sɨmeho tohino umnɨmentisofoho. Hwapɨngoso aêamu apousel sohwafe yokumpohnênyo yoêmayo wonyoangkafo soêno iwoênɨngkohofofoho. Hofɨko oso yokumpohnênyo ane hwafoho. Osoêno sɨmeho tohino umnɨmentisofoho. 18 Sɨmeho tohino umnɨngkahonɨngki apousel sohwamo aho kentɨfi impoêangomo intofahumentohofofoho. 19 Oso sɨkwoêmiyo somo aêamu ahwomomjo sohwo noponto impoêango hokuêyo somo hwosampento aêamu apousel sohwamo mempo hohntaêni ipemotoswaponto ulɨmento, 20 Sekwo Anɨtuye ango engo somo nowekuji osopo lohofɨkuji olo honɨngkano songomneêno aêamumo filutɨhwamno. Ose ulɨmentisofoho. 21 Aêamu apousel sohwa oso hungkunoso haloho imentohofoso imɨngo neênji Anɨtuye ango engo somo noswontɨfi Anɨtuye honɨngkano songomneêno lutɨhwamentohofofoho. Oso imɨngo soênji hwe yofe engoênjo tajo ango syohoênjo sohwo kakoe aêamuênji aêamu Jutafe kaunɨsol sohwanji hwe engo hopiênono nuhuêmokontɨfi impoêangomneêno hungkuno lɨhwatɨmentohofofoho. Aêamu impeênjo sohwamo fɨpemotapmno. Ose lɨhwatɨmentohofofoho. 22 Hungkunoso lɨhwojahonɨngkofi aêamu impoêangomo noswontɨfi uhwonɨmentohofoso huno uhwonontɨfi asomo nopontɨfi kaunɨsol aêamu sohwamo ulɨmentohofofoho. 23 Ole ulɨmentohofi, Nakwo impoêango sopo nowentani hano yokumpohnênyo pitoêmalofoso uhwonontani, aêamu pɨjwohumayo sohwa lohofontanɨngkofi uhwonɨngkuhwonefoho. I ango ne somo aêamu aneponoho. Huno uhwonɨngkuhwonefoho. 24 Ose ulahonɨngkofi hwe engo aêamu uhwontohumayo sohwoênji hwe yofe engoênjo tajo ango syohoênjo sohwanji oso hungkuno nupaênontɨfi huno piênɨngo engo syafɨsyontɨfi pipi imoênɨngkohoho syafɨhuêmentohofofoho. 25 Ose syafɨsyontɨfi nohumentanɨngkofi hwe fihwo noswonto ulɨmento Upaênɨmno. Oso aêamu sekwo impoêangomo intofohumalofo sohwa Anɨtuye ango engo somo nolohofontɨfi aêamu somo lutɨhwalokwofo. 26 Ose ulahonɨngki hwe engo aêamu itokusoênji mokosyohumayo sohwo kakoe aêamu sohwanji nowentɨfi Anɨtuye ango engo somo iêmofapontɨfi apousel sohwamo nomantɨfi ipemotaumentohofofoho. Hofɨko ikujoho mafongkuêmmentohofofoho. Oêo hofɨko iyoho unɨngkahonɨngki aêamu nomêneso sojo nofongkupitnnehontɨfi apousel sohwamo mafongkuêmmentohofofoho. 27 Ose ipemotawentɨfi aêamu kaunɨsolɨênjopo uhumatɨêmentohofofoho. Osopo nohumentanɨngkofi hwe yofe engoênjo sohwo ulɨmento, 28 Sɨmoêmo ole selɨmalohwono, Aêamu somo yoêmayo Jisasɨmneêno lutɨhwafɨkutoho. Aêamu hopiênonohino Jelusalem humalofoso sekwoe hungkunomo upaênɨmalofofoho. Ole ulalokwofo. Kaunɨsol aêamu sohwa Jisasɨmo fonjahumentohofofoho. 29 Ose ulahonɨngki Pitaênji nomêne apousel sohwanji ulɨmentohofi, Nakwo Anɨtuye mampaho haloho yɨhwasi tɨfi inɨngkayoênefoho. Aêamu hwahoponjo sohwafe hungkunomo minɨngkowanehwono. 30 Sekwo Jisasɨmo iyopo fonjintoêofahumentohofofoho. I osoêno neyakwosanjiye Anɨtu sohwo Jisasɨêmo ulɨkoêmentisofoho. Songo apaêno umokumentiso hweho, 31 Nulɨkafonto kakoe aho angahohntaêni uhumojahonɨngki nakwoe Hwe Engo imoênɨmentisofoho. Aêamu Isɨlael hnênwiye wonyo wayoêne peênɨmentiso hweho. Osoêno aêamu Isɨlael soku, honɨngkano wonyomneêno hohujo ikinjaofɨkuji wonyo hiso wae yasemofɨhwosi honɨngkano nomêne songo wosejapmmontonoho. 32 Oloso nuhwonontani nakwo Anɨtuye Towahuno Wopɨngoênji sohwonaêni olo hilo soêno ulɨwoênɨngkuhwono. Aêamu Anɨtuye hungkunomo tɨfi inɨngkayo somo Anɨtu kakoe Towahuno Wopɨngo uyɨmasofoho. Ose ulɨmentohofofoho. 33 Oso hungkuno kaunɨsol aêamu sohwa nupaênontɨfi sɨmano hintotohino umnɨmentisofoho. Apousel aêamu sohwamo wofonjano lontɨfi imentohofofoho. 34 Hisoêno hwe fihwo kaunɨsol syohoênjo sohwo kakoe yofe Ngkomeliyel kako aêamu Falisiyoho. Kako hohontajo honɨngkano hungkuno lutɨhwamojo hweho. Oso hwe huhwo sohumo aêamu hopiênonohinoso kakoe yofe hoênomawoênɨmentohofofoho. Oso hwe sohwo nolɨkafonto ulɨmento, Aêamu apousel sohwamo mempo hohntaêni filɨhwajɨmno. 35 Ose ulahonɨngki hofɨko lɨhwojahonɨngkofi Ngkomeliyel ulɨmento, Aêamu Isɨlael sohwasi olo hwe lohwamo ulohopitnne soêno huno itoêno fɨsyafɨhupmno. 36 Hohonta hwe fihwo kakoe yofe Teutas kako ulɨmento, Ngko yoêmayoso hunoênjo hwoênyoho. Hwe yokumpohnênyo hwoênyoho. Ose ulahonɨngki aêamu fehohnjo foua hantɨlet (400) sohwa inɨngkamentohofofoho. Osohonta hwe nemokosyohumayo sohwo kakoe aêamu itokusoênjo sohwa hwe huhwo sohumo nofonjosyahonɨngkofi inomokommotofo sohwa hiyaso humpoêmentohofofoho. Teutas kakoe hungkuno ne mmoênyo hweho. 37 Tɨfi sohonta hwe nemokosyohumayo sohwa aêamufe yofe mtɨêmokomayo sohonta hwe nomêne Ngkalilintaêango sohwo kakoe yofe Jutas. Osohwo nolɨkofahonɨngki aêamu fehohnjo kakoe hunomo nomantɨfi inɨngkamotofofoho. Osohwo poyo imoênɨngkahonɨngki inomokommotofo sohwa humpoêmentohofofoho. Hofɨko apaêno muhuêmokiyofoho. 38 Oseso ole waselɨmonneêno yohono. Olo aêamu apousel sohwamneêno iyoho masenɨngkoho liyohoho. Wohumantokufe. Hofɨkoe syoho hwahopontaêangoêmanji moiêwo imoênonefoho. 39 Olo syoho hiloso Anɨtu mtaêangoêmanji milojaopitnnehofo. Neênohini wentɨhwonefoho. Sekwo Anɨtumo fongkupitnnoho. 40 Ose ulahonɨngki hungkuno nehopeho ulontɨfi aêamu apousel sohwamneêno joho lontɨfi oso hwamo fonjontɨfi yokumpohnênyo ulɨmentohofi, Jisasɨye yofe apaêno nolɨkutoho. Ose ulontɨfi uhwatɨmentohofofoho. 41 Apousel sohwa kaunɨsol sohwamo nulɨkoêmantɨfi hnnɨmentohofi, Nakwo Jisasɨye syoho yontane tohino namnɨngkahonɨngki sɨmeho wopɨngo namoênɨngkohoho. Anɨtu wopɨngo nahonɨngkohoho. Nakwo Jisasɨye yofeêno tohino mayoso hoponoho. 42 Sɨkuno huhwo huhwi hofɨko Anɨtuye ango engo somo aêamufe angoênjopo Jisasɨmneêno hungkuno wopɨngo ulɨwoênɨmotofofoho. Anɨtu aêamu ahwomo mtaêni uhwatɨêmentisoso Jisasɨyoho lutɨhwamentohofofoho.