Apousel 22

1 Poul ole ulɨmento, Nɨngkwahwosafo, Mpohwosafo, sekwo upaênɨmno. Sekwo hungkuno ntohofo soêno ngko nje hungkuno asomo waselɨmonneêno yohono. 2 Ose ulahonɨngki aêamu Jutaso hofɨkoe hungkuno Hipɨluso upaênontɨfi songo songo mimmentohofofoho. Poul apaêno ulɨmento, 3 Ngko aêamu Juta hwoênyoho. Nje naêu kako hwaho Silisiya ango Tasos sopo aswo nɨmaêmentisofoho. Ngko engoso olo ango Jelusalem lopo woêmentohe hwoênyoho. Ngkimo hungkuno mesyolontɨhwayo sohwo Ngkomeliyelɨyoho. Kako nakwoe ajuyohwosafe honɨngkano neênjo lontɨhwamojofoho. Oseso ngko Anɨtuye hungkuno yokumpohnênyo inɨngkayoso sekwo olohonta inɨngkowalokwofo hopa inɨngkamote hwoênyoho. 4 Ngko aêamu Jisasɨmo sɨmeho hiêntnnono umotofo somo wonyo ulohoêmotefoho. Fehohnjo poyo peênɨmentohofofoho. Fehohnjo somo ahwomo nano intofonji impoêangomo intofahumentohefoho. 5 Hungkuno nehopi selalokweno. Hwe yofe engoênjo tajo ango syohoênjo sohwoênji aêamu kaunɨsol syohoênjo sohwanji hofɨko olo hilo soêno huno moiêwonoho. Hofɨko nje yahino soêno waselɨfe. Hofɨko aêamu Juta ango Ntomasɨkos humamotofo sohwamneêno ifalifaliyo mtɨêmokontɨfi ntapmmentohofofoho. Nomanji ole lɨmentoho, aêamu Jisasɨmo inɨngkamotofo somo ahwomo nano intohmêmo ango Jelusalem tohino engo mayoêneêno womotasɨmneêno yohono lonji umentohefoho. 6 Ngko nowenji hinjo sopo Ntomasɨkos mofone sopo iêmofowahonɨngko nɨhuêno komoêno pomponaho engo ahwomo mtaêangoso ntohoêmentisofoho. 7 Osohonta hwahopo pɨwasyonji hungkuno ole upaênɨmentoho. Soul, Soul, Kɨko ngkimo wonyo pehoêno ntohofantokuno. 8 Ose hoênɨngkahonɨngki ngko ulɨmentoho, Hwe engofo, kɨko tɨhwosilo. Ose ulahonɨngko ntɨmento, Ngko Jisas Nasaletnntaêango hwoênyoho. Kɨko wonyo ntohofantokuno. Ose ntɨmentisofoho. 9 Hwe ngkoênji umentohofo sohwa hofɨko pomponahoênohini uhwonɨmentohofofoho. Hofɨko mampaho oso hwe ntɨmentiso sohwo mupaênyofoho. 10 Ngko ulɨmentoho, Hwe Engofo, ngko pipi imnehono. Ose ulahonɨngko ntɨmento, Kɨko nolɨkafohoji Ntomasɨkosɨmneêno fɨwano. Osopo nuhuji hwe fihwo nokuêmahwosi yoêmayo syoho kɨko ihnneêenji imentohe soêno walokitɨhwono. 11 Ose ntahonɨngki oso pomponaho mɨkunɨmposo engoso ntɨmentiso soêno tɨmpiênyo nɨmoênɨngkahonɨngki aêamu ngkoênji umentohofo sohwa ngkimo aho nɨmpoênontɨfi Ntomasɨkosɨmneêno ipemotanɨwomentohofofoho. 12 Oso hopo sopo hwe fihwo humunyoponoho. Kakoe yofe Anonaiyasɨyoho. Kako neyakwosafe honɨngkanomo tɨfi inɨngkawowoênɨngkiso hweho. Aêamu Juta Ntomasɨkos humamotofoso ole hnnɨmentohofi, Kako hwe wopɨngo hweho. 13 Oso hwe huhwo sohwo nonɨêmanto ntɨmento, Nɨngkwahwo Soulɨyo, Jɨje tɨmo apaêno uhwonɨmonnoho. Ose ntahonɨngki oso hohosohonta nje tɨmo wopɨngo nɨmoênɨngkahonɨngki kakimo uhwonɨmentohefoho. 14 Nuhwonɨngkahonɨngko ntɨmento, Neyakwosafe Anɨtu sohwo kako yoêmayo yone soêno kɨko huno kiyone soêno kuhwosopoêmentisofoho. Kɨko oso hwe ahwomo mtaêango nakwoe hwahopo uhwatɨmentiso sohumo uhwonyo soêno kakoe mampaho upaênyo soêno kuhwosopoêmentisofoho. 15 Hwangku kɨko kakoe hungkuno ulɨhnnefoho. Kɨko aêamu somo yaêmoyo uhwonjo soêno upaênyo soêno ulɨhnnefoho. 16 Osoêno pehoêno hontohumahnno. Kɨko nolɨkafohojoêno ngko mijo wokiyokumaêmo. Kɨko Jisasɨmo jomo ulohojoêno kako jɨje wonyoso wae weekumofono. 17 Hwangku ngko Jelusalem apaêno noponji Anɨtuye ango engo somo Mpohumo jomo ulonji wojo hopa uhwonɨmentohefoho. 18 Hwe engo sohumo nuhwonɨngkahonɨngko ntɨmento, Kɨko komoêno Jelusalem ulɨkoêmaho. Kɨko olopo humahojoênoêmanji nje hungkuno lutɨhusoso hofɨko mupaênɨfitnnehofo. 19 Ose ntahonɨngki ulɨmentoho, Hwe Engofo, hofɨko huno moiêwonoho. Ngko aêamu kikimo sɨmeho hiêntnnono kijapɨwoênɨngkohofo somo ango uhuêmokiyoso mtaêango nomanji ikujoho fonjonji impoêangomo intofohumalefoho. 20 Oso hwe Sɨtifen, jɨje hungkuno lɨmojo sohumo fonjahumentohofo sohonta osopo ngko hofɨkoênji nohumanji osohi soêno nje sɨmeho wopɨngo nɨmoênɨngkahonɨngki aêamu fonjahumentohofo sohwafe manjiêmofo yoêmayoso mokosyohumantohefoho. 21 Ose ulahonɨngko ntɨmento Kɨko mpano, Ngko kikimo honɨngkano sawemo sopo aêamu kengo somneêno wokuhwatɨmo. Ose ntɨmentisofoho. 22 Poul oso hungkuno aêamu kengo somneêno ulahonɨngki aêamu Juta nupaênontɨfi joho mohmêno ulɨmentohofi, Fonjahumno. Aêamu oleso olo hwaho lopo mohumanehoho. 23 Oso hungkunoso neêno lontɨfi hofɨkoe hwapɨfe yoêmayoso yojasyontɨfi hwaho husontɨfi husaêmentohofofoho. 24 Ose yontanɨngkofi hwe yofe engoênjo kakoe aêamu itokusoênjo sohwamo ulɨmento, Poulɨmo angomo ipemotasyɨkuji ole ulɨmno, Aêamu sohwa mango engo kilohofoso pehoêneto. Osoêno fonaso. Monajoêmanji ikujoho wokufonjano. Ose ulɨmno. 25 Ose ulahonɨngki hwe sohwa Poulɨmo hofɨko impe intofontanɨngkofi Poul hwe mnokino manjiêmofoênjo kakoênjopo humentanjo sohumo ulɨmento, Olo sekwoe yahinotaho. Aêamu Loumntaêango sohumo kakoe hungkuno mɨkwalofeênjo yontɨfi siki ikujoho fongkuêmotofoso sekwoe yahinotaho. 26 Ose ulahonɨngki hwe sohwo nupaênonto nowento hwe yofe engoênjo sohumo ulohonɨmento, Kɨko peho yalokuno. Olo hwe lohwo Loummjo sohwafe hwomufoho. 27 Ose ulahonɨngki hwe sohumo nupaênonto Poulɨmo nuêmanto ulohonɨmento, Ole njo. Kɨko Loumntaêango hwosilaho. Ose ulahonɨngki Poul ulɨmento, Ou, ngko Loum mtaêango hwoênyoho. 28 Ose ulahonɨngki hwe yofe engoênjo sohwo ulɨmento, Ngko hamniyoho engo hoênaofonji aêamu Loum imoênɨmentohe hwoênyoho. Ose ulahonɨngki Poul ulɨmento. Nje mpohwo Loum mtaêango hweho. Osoêno ngko aêamu Loum hwoênyoho. 29 Ose ulahonɨngki aêamu Poulɨmo impe intofontɨfi ikujoho wofonjantɨfi imentohofo sohwa uyohohuêmentohofofoho. Hwe yofe engoênjo sohwo olo aêamu Loum mtaêango lohumo impe intofohe soêno tohino engo womaêmonntɨkeno. Ose lonto iyoho unɨmentisofoho. 30 Hwe yofe engoênjo sohwo kako aêamu Juta Poulɨmo hungkuno ulohofo soêno yoloho hwapɨngo upaênɨmo lonto moênɨngkanta Poulɨmjo ahwomo nano usɨhutofonto kako aêamu tajo ango syohoênjo yofe engoênjo sohwanji aêamu kaunɨsol syohoênjo sohwanjimo hungkuno ole lɨhwatɨmento, Sekwo uhuêmokumno. Ose lɨhwajonto Poulɨmo ipemotasonto aêamufe sɨmanopo uhumatɨêmentisofoho.