Apousel 21

1 Nakwo aêamu somo ulɨkoêmentani yofayokinomo nokotosontani, nowekentani hwaho weêe Kous osopo iêmofapmmentɨhwonefoho. Moênɨngkanta nakwo hwaho Loutes iêmofapontani osopontaêango ango Patola iêmofapmmentɨhwonefoho. 2 Iêmofapontani yofayokino nomêneso hwaho Founisiyamneêno wamonto yahonɨngki uhwonontani osohumo nokotasontani wekapmmentɨhwonefoho. 3 Nowekapontani hwaho Saipɨlos uhwonontani oso hwaho sopo yofayokino hwonamonyo hohntaêni uyokolofontani umentɨhwonefoho. Nowentani hwaho Siliya iêmofapontani ango Taiya sopo ifohohosahumentɨhwonefoho. Oso ango hopo sopo yofayokino hoêyango wojoêmesyamto umentisofoho. 4 Osopo nohumentani aêamu Jisasɨmo inɨngkamotofo somo tɨpemaêmentɨhwonefoho. Hofɨkoênji nohumentanɨngkuhwoni sɨkuno aho angaêno hopiênono nomêne mtaêni hufaêu neyakoloêmentisofoho. Anɨtuye Towahuno sohwo aêamu somo kakoe huno uyahonɨngki hofɨko Poulɨmo ulɨmentohofi, Kɨko Jelusalem sopono nowakehotoho. Ose ulɨmentohofofoho. 5 Nakwoe sɨkuno hano iyosoêno imoênɨngkahonɨngki nakwo angopono nulɨkoêmentani umentɨhwonefoho. Aêamu Jisasɨmo inɨngkamotofo sohwa hofɨkoe ape sofanji mehomiênji nakumo mitɨmomɨngo sopo nehwojamentohofofoho. Osopo nakwo hwomtame ehumentani Anɨtumo isamoyoka ulɨmentɨhwonefoho. 6 Ose ulontani nakwo hnnɨmentɨhwoni, Nakwoe aêamu soku mpanɨmno, hnnɨmentɨhwonefoho. Nakwo yofayokinomo nokotosahonɨngkuhwoni hofɨko angopono umentohofofoho. 7 Nakwo ango Taiya ulɨkoêmentani nowekontani ango Toulemes sopo iêmofapmmentɨhwonefoho. Osopo aêamu Jisasɨmo inɨngkamotofo soênji noswoênontani sɨkuno angaêno fosyawoêmentɨhwonefoho. 8 Moênɨngkanta ango Toulemes ulɨkoêmentani nowekentani ango Sisaliya sopono iêmofapmmentɨhwonefoho. Osopo nakwo Filipɨye angomo humamentɨhwonefoho. Filip huhwo sohwo Anɨtuye hungkuno lutɨhwamojo hweho. Aêamu Jisasɨmo inɨngkamotofo ango Jelusalemmo humamotofoso Filipɨênji nomêne hwe aho fehohnjo hopiênono nomêne mtaêni angaênohino sohwanji apousel sohwamneêno ufoêmayoêne uhwosopoêmentohofofoho. 9 Filip kakoe mehomi musijo osofosofahuênohino fafoho. Hofɨko Anɨtuye hungkuno lutɨhwamotofofoho. 10 Osopo nohumentanɨngkuhwoni sɨkuno fiso neyokolofahonɨngki hwe fihwo Anɨtu hungkuno uyahonɨngki lɨmojo Jutiyantaêango sohwo kakoe yofe Akaposɨyoho. Kako iêmofapmmentisofoho. 11 Nonetɨmanto Poulɨye ahuloho nomanto kakoe sɨfe ahoênji kiloênonto ulɨmento, Anɨtuye Towahuno Wopɨngo ole ntohoho. Olo ahuloho loênji kakwoêyohwo sohumo aêamu Jutaso Jelusalem ango sopo olo paênyolo nokilohofɨkuji aêamu temtitofo kengo sohwafe ahomo wohoênokisyantɨfeho. 12 Ose nelahonɨngki upoênontani nakwo aêamu Jisasɨmo inɨngkamotofo nomêne soênji Poulɨmo yokumpohnênyo ole ulɨmentɨhwone, Kɨko Jelusalemneêno nosohotoho. 13 Ose ulahonɨngkuhwoni Poul nalɨmento, Sekwo humotaho pehoêno sontantɨkwofo. Nje sɨmeho tango nɨyohoho. Jelusalem ango sopo ngkimo impe intofanɨhufijoso Jisasɨye yofe hoênomayoêne peênɨmeso wopɨngofoho. 14 Ose nelahonɨngki nakwo Poulɨmo nomêne huno uyoso hopoêmaho. Osoêno nakwo apaêno majofoho. Oêo, ole ulɨmentɨhwoni, Yoêmayo Anɨtu yoneso umoênɨmontonoho. Ose ulɨmentɨhwonefoho. 15 Hwangku sohonta nakwoe hoêyango itoêno nuhuêmokontani Jelusalemneêno ulɨkoêmaêmentɨhwonefoho. 16 Aêamu Jisasɨmo inɨngkamotofo fehohnjo nakwoênji umentɨhwonefoho. Hofɨko Nasounɨye angomo ipenemotawomentohofofoho. Oso hwe Saipɨlosntaêango huhwo sohwo hohonta Jisasɨmo inɨngkamojo hweho. Nakwo kakoe angomo humamentɨhwonefoho. 17 Humamentɨhwoneso Jelusalem ango sopo iêmofopahonɨngkuhwoni aêamu Jisasɨmo inɨngkamotofoso nonahonontɨfi sɨmeho wopɨngo umoênɨmentisofoho. 18 Moênɨngka nakwo Poulɨênji Jemɨs sohumo uhwonyoêne umentɨhwonefoho. Aêamu Jisasɨmo inɨngkamotofoso hofɨkoe hwe engo sohwanji pmmentohofofoho. 19 Poul aêamu sohwamo, Nje aêamuhwafo ulonto, yoêmayo wopɨngo Anɨtu aêamu temtitofo kengo somneêno ulohoêmentiso soêno yoloho ulɨmentisofoho. 20 Oso hisoêno nupaênontɨfi Anɨtumo isamoyoka ulɨmentohofofoho. Ose ulontɨfi Poulɨmo ulɨmentohofi, Nɨngkwahwo. Kɨko huno moiêwonoho. Aêamu Juta piênɨngo engoso Jisasɨmo inɨngkamotofofoho. Oso aêamu hiso Mousesɨye honɨngkano hungkuno hohontajo somo yokumpohnênyo mokosyohumawoênɨngkohofɨhwafoho. 21 Aêamu fehohnjo oso aêamu homo somo kikineêno hungkuno hwasyo ulɨmentohofofoho. Ole ulɨmentohofi, Poul aêamu Juta ango kengopo humamotofo somo Mousesɨye hungkuno hohontajo somo tɨfi inɨngkakutoho ulɨwoênɨngkiso hweho. Ole ulalofi, Sekwo sekwoe mehomi sohwamo aêapaho sɨhu kolofɨkutoho. Sekwo oso honɨngkano hungkuno hohontajo somo apaêno tɨfi inɨngkakutoho. Ose ulalofoho ulɨmentohofofoho. 22 Osoêno pipi yanehwono. Poul ntopohoho upoênantɨfeho. 23 Oseso nakwo kilalokuhwoneso kɨko tɨfi finɨngkayo. Hwe osofosofahuênohino sohwa aêamu Jutafe yahinomo inɨngkayo soêno Anɨtumo ole ulɨmalofi, Anɨtu kɨko nehonontanɨngkiji oloso uyantaneêyɨhwono. Ose ulɨmalofɨhwafoho. 24 Kɨko oso hwe sohwamo ufohiênɨngkohoji hofɨkoênji oso yahino kihoêmaso semokiyo soêno fiyɨmno. Kɨko hofɨkineêno hamniyoho hoênasyohoji hofɨko oso yahino nɨhuênahone ifijoso aêamu huno ole uyono. Kikineêno upaênɨmalofoso hungkuno hwasyofoho. Kɨko Mousesɨye hungkunomo inɨngkowalokuno soêno hofɨko uhwonantɨfeho. 25 Aêamu temtitofo kengoso Jisasɨmo inɨngkawowoênɨngkohofo somneêno hungkuno nto kotokuêmalohwone soêno iyoswo mtɨêmokuyahojɨmalohwonefoho. Ole mtɨêmokumalohwoni. Yahu yɨhufo aêamu nomênehwo hwoso sohumo uyɨfijoso sekwo nonɨngkutoho. Honɨyoso nonyoêeno. Tongo yahu tɨêwangomo nano jɨlɨpopijoso nonyoêeno. Yoêmayo honɨngkano akngkilɨke iyoêeno. Ose ulɨmentohofofoho. 26 Osoêno moênɨngkanta Poul oso hwe osofosofahuênohino sohwamo utɨmanto oso yahino kihoêmaso imokiyo soêno imentohofofoho. Ose yontɨfi hofɨko Anɨtuye ango engo somo nohotoswontɨfi hwe engo sohwamo oso yahino kihoêmaso imokiyo soêno moiêwo imoênone soêno ulɨmentohofofoho. Oso sɨkuno somo Anɨtumneêno aêamu angaêno angaênohino tongo huêmeesiyoêne uyantɨfeho. 27 Sɨkuno aho fehohntaêni hopiênono nomêne mtaêni hufaêu moiêwo umoênɨmonto yahonɨngki aêamu Juta hwaho Esiyantaêango sohwa Poulɨmo Anɨtuye ango engo somo uhwonɨmentohofofoho. Nuhwonontɨfi hwe moyaêmi hopiênono ulɨkafontɨfi Poulɨmo aho koêmentohofofoho. 28 Nokentɨfi hofɨko mango mohmêno lontɨfi ulɨmentohofi, Sekwo aêamu Isɨlael soku, fonefoêmapmno. Olo hwe lohwo kako angoêmeemo emoyonto nakwoe yahinomneêno Mousesɨye honɨngkano hungkunomneêno olo ango engo lomneêno hungkuno wonyo lɨwoênɨngkiso hweho. Osoênohinoêmaho. Oêo, olohonta kako aêamu temtitofo kengo sohwamo olo ango wopɨngo lomo ipemotapiso soêno ango wonyo kiho paênyo imoênɨngkohoho. Ose ulɨmentohofofoho. 29 Oso hungkuno hiso hwapɨngo ole. Hofɨko Poulɨmo uhwonɨmentohofoso kako aêamu temtitofo kengo ango Efesosntaêango Tɨloufimos oso hwoênji ango Jelusalem nohumentanɨngki uhwonontɨfi hwasyo ole syafɨhuêmentohofi, Poul oso aêamu sohwanji Anɨtuye ango engo somo ipemotaswohoho. Ose lɨmentohofofo. 30 Osoêno Jelusalem mtaêango aêamu hopiênonohino yomo yontɨfi mango engo lɨwoênontɨfi yohoto yohotofo mjalohoênɨmɨwentɨfi uhuêmokumentohofofoho. Hofɨko Poulɨmo aho kemotaswopahonɨngkofi Anɨtuye ango engomjo hokuêyo hopiênono pɨjwahumentohofofoho. 31 Hofɨko Poulɨmo wofonjosyantɨfi ikujoho posontanɨngkofi hwe yofe engoênjo itokusoênjo mokosyohomayo sohumneêno hungkuno hoênɨmentisofoho. Hofɨko ole ulɨmentohofi, Aêamu Jelusalem hofɨko ikujoho fongkiênalokwofo. 32 Ose upaênontɨfi hwe yofe engoênjo sohwo kakoe aêamu itokusoênjo sohwamo nomanto aêamu uhuêmokiyo sopo komoêno pmmentohofofoho. Aêamu Jutaso hwe yofe engoênjo sohwoênji aêamu itokusoênjo sohwanjimo uhwonontɨfi hofɨko Poulɨmo apaêno ikujoho mafongkuêmentohofofoho. Hofɨko uyohohuêmentohofofoho. 33 Hwe itokusoênjo yofe engoênjo sohwo Poulɨmo aho nokento kakoe aêamu sohwamo ulɨmento, Sekwo ahwomo nano hufaêu nomafɨkuji hwe lohumo hmtofahumno. Ose ulonto ulohonɨmento. Olo hwe lohwo tɨhwolo. Peho imasoto. 34 Ose ulohonɨngkahonɨngki aêamu fehohnjo hungkuno angaêno lontanɨngkofi aêamu nomêne sohwa hungkuno kengo joho lahonɨngkofi hungkuno engo hoênɨmentisofoho. Hungkuno piênɨngo engo hoênɨngkahonɨngki hwe yofe engoênjo sohwo yoloho hwapɨngoso mupaênɨmmentisofoho. Oseso kako itokusoênjo sohwamo ulɨmento, Poulɨmo itokusoênjo sohwafe angomo motasɨmno. 35 Ose ulahonɨngki oso ango homo somo kotasiyo sopo nomotosahonɨngkofi aêamu piênɨngo engo kakimo wofonjosyano lahonɨngkofi aêamu itokusoênjo sohwa utɨmotasɨmentohofofoho. 36 Aêamu piênɨngo engoso tɨfi inɨngkasontɨfi ulɨmentohofi, Fonjahumno. 37 Hwe itokusoênjo sohwa hofɨkoe angomo womotoswantɨfi yahonɨngkofi Poul hwe yofe engoênjo sohumo ulɨmento, Hungkuno wakilɨmonneêno yohono. Ose ulahonɨngki hwe huhwo sohwo ulɨmento, U, Kɨko Ngkɨlik hungkuno hunoênjo hwosilaho. 38 Ngko huno ole syafɨsyohono. Kɨko hwe engo Ijip mtaêango sohwosi aêamu hwaho mokosyohumayo sohwamo wafongkuêmonji yonji kakoe aêamu hosɨmno foua tausen (4000) sohwanji hwaho aêamu anepono ipemotawomentohino hwosoho. 39 Ose ulahonɨngki Poul ulɨmento, Ngko aêamu Juta hwoênyoho. Nje hwapɨngoso hwaho Silisiya ango mɨkunɨmposo Tasosntaêango hwoênyoho. Nje aêamuhwe, olo aêamu lohwamo ulɨmonneêno yohono. Wopɨngotaho. 40 Ose ulahonɨngki hwe yofe engoênjo sohwo eno ulahonɨngki Poul kotasiyo sopo lohofonto aêamumneêno mampiênyo humayoêne aho hoênomaêmentisofoho. Mampiênyo yahonɨngkofi Poul Hipɨlu hungkunoênji ulɨmentisofoho.