Apousel 2

1 Oso Sɨkuno Engo iyoho humayoêne Pentikous osomo aêamu Jisasɨmo inɨngkawoênɨngkohofoso ango fipo uhuêmokumentohofofoho. 2 Osopo nuhuêmokahonɨngkofi tɨêmayo yoka paênɨngo ahwomo mtaêango hoênonto ango uhuêmokumentohofo somo uhulaêoêmentisofoho. 3 Oso aêamuso oso tɨêmayo yoka upaênontɨfi uhwonɨmentohofoso tɨêmelanyo hopa yonto oso hiso mtɨhupo mtɨhupe lohofonto aêamu nohumentanɨngkofo somo aêapahopo humolawopmmentisofoho. 4 Oseso Anɨtuye Towahuno Wopɨngo aêamu somo ifeehuêmokasi lohofonto hungkuno kengo kengo nomêne aêamufe mampaho paênyo hofɨkoe mangomo umasiyahonɨngki hofɨko hungkuno kengo kengo lɨmentohofofoho. Oso hungkunoso Towahuno Wopɨngoso umentisofoho. 5 Juta aêamu hwaho kengo kengopontaêango Mousesɨye honɨngkano hungkunomo inɨngkamotofoso Jelusalem humamentohofofoho. 6 Oso tɨêmayo yoka hiso hoênɨngkahonɨngki aêamu Jelusalem humamotofoso nupaênontɨfi aêamu piênɨngo engo oso angopo komoêno uhuêmokumentohofofoho. Apousel sohwa hungkuno kengo kengo lontanɨngkofi aêamu hopiênonohinoso hofɨkoe mango hungkuno lɨmotofoso upaênɨmentohofofoho. 7 Nupaênontɨfi yomo yontɨfi huno piênɨngo engo syafɨhuêmentohofi, Olo pipilɨkeno. Oso aêamu hungkuno kengo kengo lalokwofo lohwa Ngkalilintaêango hwafoho. 8 Nakwoe hungkuno kengo kengo loso naêuja aswo nemaêmentohofo osohonta upaênɨmentɨhwone paênyofoho. Oso hiso pipilo. 9 Nakwo kengo kengopo ntaênɨngoênwoho. Patiya, Mitiya, Elam, nomêne aêamu Mesopoutemiyantaêango, nomêne Jutiya, Kapotousiya, Pountos, Esiya, 10 Fɨlijiya, Pamɨfiliya, Ijip, Lipiya, Sailini mafone sopo nomêne Loum mtaêango hnênwi humalohwono. 11 Nakwo aêamu Juta hnênnonji nomêne aêamu kengoso nakwoe yahinomo inɨngkowalokwofo soênji, Kɨlitnntaêangoso Alepiyaênjoso nakwo hopiênonohino hnênwi yoêmayo wonyoangkafo Anɨtu iwoênɨngkiso soêno nakwoe hungkuno kengo kengoso upoênalokuhwono. 12 Ose syafɨsyontɨfi yomo yomo yontɨfi huno engo syafɨsyontɨfi ulɨmentohofi, Oloso pipilo. 13 Aêamu fehohnjo sitofo ole ulɨmentohofi, olo hwe lohwa Anɨtuye hungkuno nelalokwofo lohwa hofɨko mijo iyohoênjo nilohoênontɨfi kolalokwofo. Ose ulɨmentohofofoho. 14 Pita apousel aho hopiênono sɨfe mtaêni angaênohino sohwanji nolɨkafonto mango engo ulɨmento, Sekwo Jutiyantaêango soku aêamu Jelusalem humalofo sɨkunonji nje hungkuno waselɨmonneêno yohono. Sekwo upaênɨmno. 15 Ole lolalokwofo, Hwe lohwa mijo iyohoênjo nilohoênontɨfi kolalokwofo. Ose lolalokwofo. Awonoho. Oseêmaho. Olo mofehiênyoênjoho. Aêamu mofehiênyoênji mijo iyohoênjo manyo hwafoho. 16 Oêo hohonta Jouel hwe Anɨtuye hungkuno lɨmojo sohwo olo hilo soêno lɨmentisofoho. Kakoe hungkunoso olohonta ne imoênalofoho. Jouel ole mtɨêmokumentisofoho. 17 Anɨtu hohonta ole ulɨmento, Sɨkuno moiêwo imoênyoso mofone sohonta nje Towahuno sofe yokumpohnênyoso aêamu hopiênonohinomo uyonefoho. Sekwoe hwomu sohwanji mu sopeenji hofɨko Anɨtuye hungkuno ulɨfitnnefoho. Hwe songo sohwamo ngko wojo uhwonyo paênɨngo yoêmayo soêno utɨhwamnefoho. Hwe aêmane sohwa wojo uhwonɨfitnnefoho. 18 U, nje Towahunoso nje hwe moyaêmi syoho ntohofiyo somo uyɨmnefoho. Ose uyohonɨêmo hofɨko nje hungkuno nalɨfitnnefoho. 19 Sekwo ahwomo ajwo lopo tɨmo uhwonɨngkujoêno nomêne kengoso setɨhwamnefoho. Olo hwaho lopo yoêmayo kengo wonyoangkafoso nomtɨêmokumnefoho. Oso kengoso honɨyoênji tohoênji tɨkayo hujenjemoênji nomtɨêmokumnefoho. 20 Olo mofehiênyolo sɨkwoêmno imoênɨngkuhwosi sɨkuno meefonefoho. Hamnoso honɨyoênohino imoênonefoho. Olo hiloso nuhwonɨngkuji u nje Sɨkuno Engoso imoênonefoho. 21 Oso hohosohonta hwe fihwa hwoyaêmi fifa ngkineêno joho ntɨkujo somo utɨmaêmnefoho. Nje aêamu imoênɨfitnnefoho. Oso hungkunoso Jouel mtɨêmokumentisofoho. 22 Sekwo aêamu Isɨlael soku, olo hungkuno haloho upaênɨmno. Jisas Nasalet ntaêango oso huno sekwo huno moiêwonoho. Anɨtu Jisasɨmo kakoe yokumpohnênyo uyahonɨngki olo hwaho lopo Jisas yoêmayo kengo wonyoangkafoso netɨhwamentisofoho. Oso hiso nuhwonontani nakwo huno naimentisoso Jisas Anɨtuye Hwomu Ne hweho. 23 Anɨtu kako hohonta huno ole, Nje hwomu aêamufe wonyoêne poyo peênyoêne hwahopo uhwatɨmonneêno yohono. Ose syafɨhuêmentisofoho. Osoêno olo hwe lohwo Anɨtu sekwoe ahomo hoênahumentisofoho. Hoênosyahonɨngki sekwo aêamu Loum somneêno ipemotasontɨfi hofɨko iyo hwojiyafɨkuênnyo somo fonjintoêofahumentohofofoho. 24 Anɨtu kakoe hwomumo poyo peênyo yahino tohino somtaêni isɨhutofomanto apaêno songo ulɨkaêmentisofoho. Jisas sohumo sokimo somo mokilopmêmokumentisofoho. 25 Hohonta Ntefit ole mtɨêmokumentisofoho. Nje Hwe Engo sohwo kako ngkoênji mofonepo humaso sohumo ngko uhwonɨwoênɨngkohefoho. Kako nje aho angahohntaêni humaso sohuneêno ngko mopɨwahuêmnehono. Yoêmayo nomêneso ngkimo milojanɨmofonehoho. 26 Hisoêno nje sɨmeho wopɨngo nɨmoênɨngkohoho. Nje mampaho Anɨtuye yofe hoênomayoênefoho. Ngko poyo peênɨme sohonta iyoho mannonefoho. Oêo, ngko Anɨtumo uhwonɨmnefoho. 27 Nje huyoêmangoso tɨkanomo humayoêne nɨsɨkwajiyoêeno. Jɨje hwomufe aêapaho piso imoênyoêeno. 28 Songo humayoêne honɨngkano ntɨhwahino. Kɨko ngkoênji humayo soêno nje sɨmeho wopɨngo nɨmoênɨngkohoho. Ntefit hohonta ose mtɨêmokumentisofoho. 29 Nje aêamu soku, olo hungkuno Ntefit mtɨêmokumentiso soêno yolohoso waselɨmo. Ntefit kakineêno mtɨêmokumentisoêmaho. Oêo, kako poyo peênɨngkahonɨngki hofɨko ijopijisyahumentohofofoho. Kakoe piênɨmomo olo hwaho lopo weho. Nakwo tɨmo uhwonɨwoênɨngkuhwono. 30 Ntefit kako Anɨtuye hungkuno lɨmojo hweho. Anɨtu Ntefitɨmo ulɨmento, Jɨje imu hwe yofe engoênjo jɨje yofe paênyo imoênɨngkɨhwosi aêamumo umokosyohumane hweho. Ose ulahonɨngki Ntefit kako huno umentisoso oso hungkuno hiso ne imoênonefoho. 31 Hohonta Ntefit yoêmayo Anɨtu yoneêento uhwonɨmentisoso osoêno hwe Anɨtu uhwosopoêmentiso sohwo poyo nopeênɨngkuhwosi apaêno songo nolɨkafone soêno lɨmentisofoho. Ole mtɨêmokumento, Kakoe huyoêmango tɨkanomo humayoêne nusɨkwajiyoêeno. Kakoe aêapaho piso imoênyoêeno. 32 Oso hwe huhwo sohwo Jisasɨyoho. Anɨtu nto ulɨkaêmentiso lohumo nakwo uhwonɨmentɨhwone. Osohuneêno lalokuhwono. 33 Kako ahwomomo nokotasonto osopo Anɨtuye aho angahohntaêni nto humantono. Hohonta kako ole nto nalɨmentisofoho. Ngko Anɨtuye Towahuno Wopɨngo wosejapmmo. Jisas ahwomomo nosahonɨngki Mpohwo kakoe Towahuno uyahonɨngki Jisas Towahuno hiso nehwojahonɨngki olohonta hungkuno mampaho kengo kengo soênji selɨhwoneso yoêmayo yɨhwoneso hwapɨngo Anɨtuye Towahuno nehuloêofalofoho. 34 Upaênɨmno. Ntefit oso hungkunoso kakineêno mamtɨêmokummentisofoho. Oêo, kako ahwomomo masɨmmentisofoho. Ole mtɨêmokumentono, Anɨtu nje Hwe Engo Kɨlais Anɨtu nakwoe hwahopo uhwatɨmentiso sohumo ole ulɨmento, Kɨko nje aho anga sohohntaêni fosyohumaho. 35 Osopo kɨko nohumahoji ngko jɨje mango sohwamo jɨje sɨfɨkiênyoêmo enjwaêmo wakuhumotɨêmonnoho. 36 Osoêno sekwo aêamu Isɨlael soku, huno itoêno fɨsyafɨhupmno. Olo Jisas huhwo sohwo sekwo iyo hwojiyafɨkuênnyopo fonjintoêofahumentohofo lohuneêno Anɨtu Hwe Engo nemokosyohumayoêne sohumo umokumentisofoho. Olo hwe lohwo Kɨlaisɨyoho. Pita ose ulɨmentisofoho. 37 Aêamuso olo hungkunolo nupaênontɨfi sɨmeho tango mɨkunɨmposo umentisofoho. Pitaênji apousel nomêne sohwanjimo ulɨmentohofi, Ou, hwe sɨfahwe, nakwo pipi yanehwono. 38 Ose ulahonɨngkofi Pita ulɨmento, Sekwo aêamu angaêno angaêno honɨngkano wonyo fohoênaopmno. Anɨtuye hungkunomo tɨfi finɨngkamno. Jisas kako jɨje wonyo wae yakumofɨhwosi kakoe aêamu ne imoênɨngkohojoêno aêamumo utɨhwayoêne mijo wokiyosemapɨfe. Ose ikujoêno kakoe Towahuno Wopɨngo wosejapmmontonoho. 39 Anɨtu selɨmento, Nje Towahuno Wopɨngo wosejapmmo. Oso hungkunoso sekwoêneênji sekwoe mehomi mneênji aêamu hwaho kengopontaêango osoêntnneênohinofoho. Aêamu hopiênonohino nakwoe Hwe Engo Anɨtu kakineêno joho ulalokwofo soku kakoe Towahuno Wopɨngo wosejapono. 40 Pita ose ulonto, hungkuno nomêne piênɨngo engo ulonto, ulɨmento Aêamufe honɨngkano wonyomneêno iêwaho fiyɨmno. Tohino engo nomapitoho. Sekwo Anɨtumo finɨngkamno. 41 Ose ulahonɨngki aêamuso nupaênontɨfi oso hungkuno somo inɨngkowahonɨngkofi mijo kiyomaêmentohofofoho. Oso sɨkuno somo aêamu tɨli tausen (3,000) Anɨtumo sɨmeho uyɨmentohofoso Anɨtuye aêamu ne imoênɨmentohofoho. 42 Anɨtuye aêamu ne imoênɨmentohofoso apousel sohwa Anɨtuye hungkuno lutɨhwentanɨngkofi hofɨko upaênɨmotofofoho. Hofɨko nuhuêmokontɨfi ufoêmaênɨmotofofoho. Hofɨko wosopayo afapo ntaêni nonontɨfi Anɨtumo jomo ulɨmotofofoho. 43 Anɨtu kakoe yokumpohnênyo apousel sohwamo uyahonɨngki hofɨko yoêmayo kengo wonyoangkafoso imentohofofoho. Aêamuso oso hiso nuhwonontɨfi pisopisaho mjalɨmɨwentɨfi iyohoênji yomo yomoênji imentohofofoho. 44 Aêamu Jisas Kɨlaisɨmo sɨmeho hiêntnnono umotofoso afapo nohumantɨfi hofɨkoe hoêyango yoêmayoso nemênohino afafoho. 45 Aêamu hoêyangoênjo hwahoênjoso oso hiso aêamu nomêne somo uyontɨfi hamniyoho nomantɨfi umofonyo inyo somo yano ulohmmentohofofoho. 46 Hofɨko sɨmeho yano inontɨfi sɨkuno huhwo huhwi Anɨtuye ango engo somo nuhuêmokontɨfi Anɨtuye yofe hoênomaêmotofofoho. Hofɨko wopayo nomêne ango kengo kengomo nonontɨfi hofɨkineêno huno mosyafɨsiyoênjo yontɨfi nomêne aêamumneêno syafɨhuêmotofofoho. Osoêno hofɨko sɨmeho wopɨngoênji humamotofofoho. 47 Wopɨngo nohumantɨfi Anɨtuye yofe hoênomaêmotofofoho. Aêamu hisomneêno hwe moyaêmi nomêneso ulɨmotofi, Anɨtuye aêamu neso wopɨngoênohinofoho. Sɨkuno huhwo huhwi aêamu nomêneso Anɨtuye hungkuno nupaênontɨfi sɨmeho uyontɨfi inɨngkamotofofoho. Anɨtuye aêamu neso piênɨngo engo imoênɨmentohofofoho.