Apousel 1
PNG1 Nje Tiyoufilos sohwosi, ngko Lukɨêni mtɨêmokalokweno. Iyoswo sɨmoêmjo kikimneêno mtɨêmokumentoheso ole, Jisas kakoe hungkuno lutɨhwanto kakoe syohoso nomjɨmɨwento ahwomomo sɨmentisofoho. Osoêno ifalifaliyo nto mtɨêmokumentohefoho. Hungkuno songoso olenoho. 2 Jisas Kako ahwomomo masiyo sohonta kako Anɨtuye Towahunoênji nohumanto kakoe aêamu apousel uhwosopoêmentiso sohwamo oso hungkunoso yoêmayo syoho ifitnneêento ulɨmentisofoho. 3 Jisas poyo peênonto apaêno songo lɨkaêmentiso sohonta kako yoêmayo wonyoangkafo yontanɨngkofi sɨkuno fouti (40) memjaoêmentisofoho. Aêamu huhwo sohwa ose nuhwonontɨfi ole syafɨhuêmentohofi, Ou, Jisas songo humayoso nehopeho. Huno ose uyɨmentisofoho. Jisas nohumanto Anɨtu nakumo yokumpohnênyo enemokosyohumane soêno lutɨhwamentisofoho. 4 Sɨkuno fihwi Jisasɨye inomokomoyo sohwa Jisasɨênji nuhuêmokontɨfi Jisas ole ulɨmento, Nonje nonje humpekutoho. Jelusalemnohini fosyohumantokuno. Oso hiso Anɨtu kako sejapone soêno nto selɨmentohe soêno fohontohumantokuno. 5 Joun aêamumo mijo kiyomaêmojo sohwo mijoênohino kiyomaêmojofoho. Sɨkuno mofonepo Anɨtuye Towahuno wosehulaêoêmontonoho. Ose ulɨmentisofoho. 6 Apousel sohwa Jisasɨênji uhuêmokumentohofo soêno Jisasɨmo ulohonɨmentohofi, Hwe Engo sohwosi, olohonta nakwo aêamu Jutajo hnênwi nakwo mokosyohumunaneêno wonamokumonntaho. Nakwoe yofe Isɨlael engo umoênɨmontolaho. 7 Ose ulahonɨngkofi Jisas ulɨmento, Oso sɨkuno hiso sekwo huno maseyohoyohoho. Oêo, Mpohwo Anɨtu oso sɨkuno hiso hoênahumentisofoho. Kakoênohini mokosyohumaho. 8 I osoêno Anɨtu kakoe Towahuno Wopɨngo sekumo sehulaêofoso sohonta kakoe yokumpohnênyo nomafɨkuji nje hungkuno sekwo nomotakuji aêamu hopiênonohino somo filutɨhwafɨkuno. Pone Jelusalemneêno, hwaho Jutiya hopiênonohino neêno, hwaho Someliya neêno ango yawojoêmeemo filutɨhwafɨkuno. 9 Oso hungkuno hiso Jisas ulahonɨngki aêamu sohwa uhwontohumentanɨngkofi kako ahwomomo sɨmentisofoho. Nosontanɨngki himo aêamufe tɨmomo uhoholoêmentisofoho. 10 Hofɨko ahwomomo tɨmo huno honamofontɨfi hwe manjiêmofo halojoênjo hufaêu sohwaêu hofɨkoênji lohofonji ulɨmentisi. 11 Sekwo aêamu Ngkalilintaêango soku, nolohofontɨfi ahwomomo pehoêno uhwontohumalofo. Anɨtu nto utɨmakwoho. Oso hwe huhwo sohwo sekwo olohonta uhwonɨngkohofo paênyoso hwangku asomo noponefoho. Ose ulɨmentisiyefoho. 12 Oso hwofɨkiênyo Oulif sopo ntaêni nokotapontɨfi Jelusalemno umentohofofoho. Ikanopoêmaho. Oêo, tɨfoneponoho. Aêamu Jutaso sɨkuno iyoho humayo osomno hofɨko hano tɨfonepo emmotofoso paênyoponoho. 13 Jelusalem iêmofapontɨfi ango tokilonjwaêmo molinyo somo humamentohofo sopo kotasɨmentohofofoho. Oso aêamu huhwo sohwafe yofe ole, Pitaja, Jounja, Jemɨsɨja, Entɨluja, Filipɨja, Toumasɨja, Mpatoulomɨyuja, Matɨyuja, Alɨfiyosɨye hwomu Jemɨsɨja, Saimoun Seloutɨja, Jemɨsɨye hwomu Jutas sohwanjoho. 14 Hofɨko sɨmeho afaênohino inontɨfi Anɨtuneêno jomo ulɨwoênɨmentohofofoho. Moyaêmi sofa Maliya Jisasɨye konaêwohiênji konɨngkwaêwehwosanji hofɨkoênji Anɨtuneêno jomo ulɨwoênɨmentohofofoho. 15 Hofɨko Anɨtumo jomo ulontanɨngkofi sɨkuno fiso memjaoêmentisofoho. Sɨkuno fihumo aêamu wan hantɨlet tɨwenti (120) Jisasɨmo inɨngkamotofoso nohumentanɨngkofi Pita nolɨkafonto ulɨmento, 16 Nje aêamu soku, hohonta Anɨtuye Towahuno sohwo kakoe mampaho Ntefitɨye sɨmehomoêmo hoênosyahonɨngki Ntefit oso hungkunoso mtɨêmokumentisofoho. Oso hungkuno hiso ne imoênyoênefoho. Jutas kako Jisasɨmneêno tokoyoêofo imentisofoho. Osoêno Ntefit mtɨêmokumentisofoho. Olohonta oso hungkunoso ne imoênɨmasofoho. 17 Jutas nakwoênji humamojo hweho. Nakwoe syohoso afaêenohinoso Jisas nahwosopoêmentisofoho. 18 Jutas huhwo sohwo kakoe wonyo soêne hamniyoho nomanto hwaho mpe yonto osopo mnokino kiêmo lohofonto pɨwahuêmentisofoho. Nopɨwasyonto kakoe sɨmeho fongkulo lohofonto yoêmayoso huêmewahuêmentisofoho. 19 Oso hungkuno hiso hoênɨngkahonɨngki aêamu Jelusalem mtaêangoso nupaênontɨfi oso hwaho hopo sopono mulɨmentohofi, Akelɨtamanoho. Hopo sopone yofe yɨwoloêmo ole, Hwaho jahinoênjoponoho. 20 Hohonta Ntefit olo hungkuno loso Taênjo Iyoswomo mtɨêmokumentisofoho. Hungkuno ole, Kakoe angoso siki wawentɨhwono. Aêamu fihwo nohumayoêeno. Nomêne hungkuno taênjoso ole mtɨêmokumentisofo, Hwe nomênehwo kakoe syoho womano. 21 Oseso Jutasɨye syoho mayosoêno nomêne hwe fihumo uhwosopehwasi kako nakwoênji Jisas songo lɨkaêmentiso soêno wolutɨhwantanoho. Olo hwe huhwo lohwo kako nakwoênji Jisasɨênji nohumentanɨngki Joun aêamumo mijo kiyomaêmentiso sohonta Jisas kakoe syoho emaêmentisoso oso syoho mjɨmɨwento osohonta Anɨtu Jisasɨmo utɨmaêmasofoho. Oso hopiênono uhwonɨwoênɨngkiso sohumo nakwo uhwosopeeno. 23 Pita ose ulahonɨngki aêamuso hwe hufaêu hwaêu uhwosopoêmentohofofoho. Hwe angaêno kakoe yofe Jousep Mpasopas, nomêne yofe mulɨmotofoso Josɨtosɨyoho. Hwe nomêne sohwo kakoe yofe Matiyas. 24 Oso hwaêumo uhwosopentɨfi Anɨtumo jomo ulɨmentohofi, Hwe Engo, aêamu hopiênonohinofe sɨmehomo huno kiyohoho. Olo hwe uhwonalokune lohwaêu ntisohumo uhwosopeenehwono. 25 Oso hwe huhwo sohwo Jutasɨye apousel syoho womano. Syoho hiso Jutasɨmo kɨko uyahonɨngkini Jutas syoho wopɨngoso ulɨkoêmanto nɨhuênahone tɨkanomo umentisofoho. 26 Anɨtumo ose ulontɨfi hofɨko sojo weêe soênji syohiênyo yontɨfi Matiyasɨmo uhwosopoêmentohofofoho. Hwe huhwo sohwo kako Jisasɨye apousel aho hopiênono sɨfe mtaêni angaênohino sohwanji humamotofofoho.