Apousel 15

1 Hwe fihwa hwaho Jutiyantaêango sohwa Antiyoukɨmneêno pmmentohofofoho. Osopo aêamu Jisasɨmo inɨngkamotofo somo hungkuno ole lutɨhwamentohofi, Sekwo Mousesɨye honɨngkano hungkuno aêapaho sɨhu koloênyo soêno tɨfi minɨngkayoêmanji Anɨtu kako mosetɨmanefoho. Ose lutɨhwamotofofoho. 2 Oso hungkuno hiso Poulɨênji Mponopasɨênji nupaênonji aêamu Jutiya ntaêango soênji yoka ikujoho hopa hnnɨmentohofofoho. Osoêno aêamuso ole ulɨmentohofi, Poulɨênji Mponopasɨênji nomêne aêamu Antiyoukntaêango soênji Jelusalemmneêno fisɨmno. Osopo apousel nomêne sohwanji hwe engo sohwanji olo hungkuno hilo soêno itoêno womɨhwojantɨfeho. 3 Ose lontɨfi uhwatɨmentohofofoho. Nowentɨfi hwaho Founisiyaênji Someliyaênji osopono nohumantɨfi oso ango soponjo aêamu somo ulɨmentohofi, Aêamu kengo sohwa Anɨtumo hofɨkoe sɨmeho uyalokwofo. Ose ulahonɨngkofi hofɨkoe sɨmeho wopɨngo umoênɨmentisofoho. 4 Jelusalem iêmofopahonɨngkofi osopo aêamu apousel sohwanji hwe engo sohwanji isamoyoka ulahonɨngkofi Antiyoukntaêangoso yoêmayo Anɨtu imentiso soêno ulɨmentohofofoho. 5 Aêamu Falisi fehohnjo Jisasɨmo inɨngkamotofo sohwa nolɨkafontɨfi ulɨmentohofi, Aêamu kengoso Jisasɨmo inɨngkowalokwofoso hofɨkoe aêapaho sɨhu wakoloênɨfe. Ole ulɨmno, Sekwo Mousesɨye honɨngkano hungkunomo tɨfi finɨngkamno. Ose ulɨmentohofofoho. 6 Aêamu apousel sohwanji hwe engo sohwanji oso hungkuno hilo soêno itoêno melɨwejiyoêne uhuêmokumentohofofoho. 7 Oso hungkuno soêno neêno lontɨfi lontɨfi Pita nolɨkafonto ulɨmento, Nje aêamufo, sekwo huno moiêwonoho. Hohonta Jisas kakoe syohoso nakumo nejapmmentisofoho. Osohonta aêamu kengo somo Anɨtuye hungkuno lutɨhwayoêne nɨhwosopoêmentiso hwoênyoho. Osoêno hofɨko nupaênɨngkuji sɨmeho hiêntnnono uyantɨfeho. 8 Anɨtu kako aêamufe sɨmehomo huno uyɨwoênɨngkiso hweho. Aêamu kengo somo Anɨtu kako hofɨkineêno sɨmeho wopɨngo umoênɨngkahonɨngki kakoe Towahuno Wopɨngo nakumo nejapmmentiso hopa uyɨwoênɨngkiso hweho. 9 Anɨtu nakumo aêamu kengo soênjimo yahino afa nelohofalofoho. Hofɨko sɨmeho hiêntnnono Anɨtumo uyahonɨngkofi oseso Anɨtu kako hofɨkoe wonyo wae yaofalofoho. 10 Sekwo Anɨtuye sɨmehomo tango pehoêno umokalokwofo. Mousesɨye honɨngkano hungkuno tango engoênjofoho. Oso tango hiso ajuyohwosanji nakwoênji itoêno miyoênjo imotohwonefoho. Osoêno olo aêamu kengo somo oso tango hiso pehoêno uyantɨfeêno yalokwofo. 11 Oêo, Jisas kako nakumneêno hitoho ulofahonɨngki nakwoe wonyoêne poyo peênɨmentisofoho. Oso hisoêno nakwo sɨmeho hiêntnnono uyɨhwasoêno kako wonetɨmaêmtonoho. Osoênohinofoho. Aêamu kengoso hungkuno homo somo inɨngkafijo soêno Anɨtu utɨmaêmtonoho. 12 Ose ulahonɨngki aêamuso nupaênontɨfi mampiênyo humentanɨngkofi Poulɨênji Mponopasɨênji ulɨmentisi, Siko aêamu kengo soênji nohumanji yoêmayo kengo wonyoangkafoso Anɨtu itɨhwamentiso soêno lutɨhwamentisiyefoho. 13 Moiêwo lahonɨngki Jemɨs ulɨmento, U, nje aêamufo, nje hungkuno upaênɨmno. 14 Saimoun Pita ole nalohi, sɨmoêmo aêamu kengoso Anɨtuye aêamu ne mmoênyoênjo imotofofoho. Olohonta Anɨtu hofɨkineêno honɨngkano imoêmentiso soêno hofɨko kakimo inɨngkowalokwofo. Osoêno hofɨko kakoe aêamu ne imoênɨmalofofoho. 15 Aêamu hohonta Anɨtuye hungkuno lutɨhwamotofo sohwa olo hilo soêno mtɨêmokumentohofoso ole, Anɨtu lɨmento, 16 Hwangku ngko nopmne hwoênyoho. Ntefitɨye temtitofoso ango hopa pɨwahuêmentohofofoho. Ngko wopɨngo imokuêmo ango songo hopa apaêno molɨmnefoho. 17 Osohonta aêamu kengoso ngkineêno tɨpɨfitnnefoho. Oso aêamu kengo uhwosopoêmentoheso nje aêamu nefoho. 18 Oso hungkuno hohonta Anɨtu lɨmentisoso neêno lalofoho. 19 Oso hungkunoso Jemɨs nulonto nomêne hungkuno ulɨmento, Nje huno ole syofɨsyalokweno. Aêamu kengoso Jisasɨmneêno huno uyahonɨngki sɨmeho uyalokwofo somo syoho tangoênjo uhwaloho. 20 Oêo, nakwo hofɨkineêno iyoswo ifalifaliyo ole womtɨêmokano. Aêamu hofɨko hwasyo anɨtu somo yɨhufo uyɨfijoso sekwo nonɨngkutoho. Sekwo aêmohufo ikutoho. Sekwo tongo honɨyo hiênjoso nonɨngkutoho. Tɨêwangomo jilipopijoso nonɨngkutoho. 21 Hohonta Mousesɨye, honɨngkano hungkuno aêamu Jutafe ango uhuêmokiyo sopo sɨkuno iyoho humayo homo somo lutɨhwamotofo somtaêangoso olohonta oseênohini neêno weho. Jemɨs ose ulɨmentisofoho. 22 Aêamu apousel sohwanji hwe engo sohwanji aêamu Jisasɨmo inɨngkowawoênɨngkohofo soênji hungkuno ole mtitoêmentohofi, Nakwo Poulɨênji Mponopasɨêntnneêno hwe nomêne sohwanji Antiyoukɨmneêno uhwojano. Ose mtitofontɨfi hofɨko hwe nomêne hufaêu Jutasɨênji Sailasɨênjimo uhwosopoêmentohofofoho. Oso hwe Jutas sohwo kakoe yofe nomêne Mpasopasɨyoho. Oso hwe sohwaêumneêno aêamu hopiênono ole lɨmotofofoho. Hwe wopɨngo hwaêuyoho. 23 Iyoswo mtɨêmokontɨfi hofɨkoênji uyohotɨmentohofofoho. Iyoswo hiloso ole, Nakwo apousel sohwonaênnonji hwe engo sohwanji aêamu Jisasɨmo inɨngkowawoênɨngkohofo soêntnne sekwoêne iyoswo mtɨêmokalokuhwono: Sekwo aêamu kengo soku Antiyouk, Siliya, Silisiya sokuneêno nakwo nakwoe aêamufo selalokuhwono. 24 Ole upaênɨmalohwono, aêamu fehohnjo olopontaêango sohwa hungkuno tangoênjo selɨmalofofoho. Hungkuno hisoêno sekwo nupaênontɨfi huno piênɨngo engo syofɨsyalokwofo. Upaênɨmno. Oso hungkuno hisoêno nakwo masejofoho. Oêo hofɨkoe huno mtaênɨngoênohinofoho. 25 Osoêno nakwo nuhuêmokontani hungkuno ole mtitoêmalohwono. Hwe engo hufaêu hwaêumo uhwosopentani, siko Poulɨênji Mponopasɨênji sekuye poneêno uhwojalokuhwono. Nakwo Poulɨênji Mponopas ntnneêno sɨmeho afa wopɨngo uyɨwoênɨngkuhwonefoho. 26 Siko Jisasɨye hungkuno angoêmeemo lutɨhwanji iyoho munyofoho. Anɨtumneêno poyo peênyo soêno iyoho munyofoho. 27 Nakwo Jutasɨênji Sailas ntnneêno uhwojalokuhwono. Siko olo hungkuno iyoswo lomjoso woselanjiyoho. 28 Anɨtuye Towahuno nakwoênji olo hilo soêno sɨmeho afa inalokuhwono. Honɨngkano tangoênjo mosejopalokuyɨhwono. Oêo, olomnohini tɨfi finɨngkamno. 29 Aêamu hwasyo Anɨtumneêno yahu yɨhufo peefoêne uyɨfijoso sekwo nonɨngkutoho. Sekwo tongo honɨyo nonɨngkutoho. Tɨêwangomo jilipopijoso nonɨngkutoho. Sekwo aêmohufo ikutoho. Olo wonyo hiloso sekwo miyoênjo ifijoêmanji wopɨngo wohumantɨfeho. Osohopeho. 30 Oso iyoswo mtɨêmokontɨfi aêamu sohwamo uhwatɨmentohofofoho. Antiyouk ango sopo iêmofapontɨfi aêamu Jisasɨmo sɨmeho umotofoso uhuêmokahonɨngkofi oso iyoswo umentohofofoho. 31 Aêamu hiso iyoswo hiloso atofo lontɨfi, olo hungkuno hilo soêno sɨmeho wopɨngo umoênɨmentisofoho. 32 Jutasɨênji Sailasɨênji Anɨtuye hungkuno lɨmojiyo sohwaêu hungkuno neêno ulonji yokumpohnênyo usosofitoêmentisiyefoho. 33 Osopo neêno humamentisiyefoho. Tɨfi sohonta uhwatɨmentohofo sopono asomo uhwatɨmentohofofoho. 34 [I osoêno Sailas Antiyoukɨmo wohumamo lonto humamentisofoho.] 35 Oseso Poulɨênji Mponopasɨênji ango Antiyouk sopo neêno humanji aêamu nomêne soênji Anɨtuye hungkuno lutɨhwamentohofofoho. 36 Hwangku sohonta Poul Mponopasɨmo ulɨmento, Oso ango hoêmo soêmo Anɨtuye hungkuno lutɨhwamentɨhwoyo sopo osoêmno wehwaho. Hofɨko wopɨngo ko humalofo. 37 Uhwonowaho. Ose ulahonɨngki Mpanopas ulɨmento, Nekwo Joun Makjanji wehwano. 38 Ose ulahonɨngki Poul ulɨmento, Hohonta Joun Mak nekwoênji nowentani ango Pamɨfiliya osopo ntaêni elɨkoêmanto asomo umentisofoho. Nekwoênji syoho moiêwo miyoênjo imentiso hweho. Oseso nekwoênji mowanehwono. 39 Osoêno Poulɨênji Mponopasɨênji siko yoka hnnonji mtampoêmentisiyefoho. Siko nomtampenji Mponopasɨênji Makênji siko yofayokino nomanji hwaho weêe Saipɨlos sopo neêno womentisiyefoho. 40 Poul Sailasɨmo utɨmanto siko kengopo nowahonɨngki aêamu Jisasɨmo inɨngkowawoênɨngkohofoso ulɨmentohofi, Anɨtu sikoênji wesoso wosefoêmaêmtonoho. 41 Ose ulahonɨngkofi siko nowenji hwaho Siliyaênji Silisiya sopo nowenji aêamu Jisasɨmo inɨngkowawoêningkohofo somo sosofitofosyohumamentisiyefoho.