Apousel 14
PNG1 Oseso siko Antiyouk imentisiyo hopa Aikouniyam ango sopo imentisiyefoho. Poulɨênji Mponopasɨênji siko Jutafe tajo ango uhuêmokiyo sopo Anɨtuye hungkuno lutɨhwahonɨngki aêamu Juta fehohnjo aêamu kengo soênji Jisasɨmo sɨmeho hiêntnnono umentohofofoho. 2 I osoêno aêamu Juta fehohnjo sɨmeho hiêntnnono muyoênjoso hofɨko Poulɨênji Mponopasɨênjimo sitofo ulontɨfi aêamu kengo somo ulɨkofahonɨngkofi hofɨko sikimo wonyo ulohoêmentohofofoho. 3 Poulɨênji Mponopasɨênji siko Aikouniyam ango sopo neêno nohumanji Anɨtuye hungkuno yokumpohnênyo lutɨhwamentisiyefoho. Siko iyoho munnɨmentisofoho. Anɨtu sikimo sosofitofosyohumentanɨngki siko yoêmayo kengo wonyoangkafo itɨhwamentisiyefoho. 4 Oso ango hopo sopo aêamu fehohnjo Apousel Poulɨênji Mponopas sohwaêuênjimo sɨmeho afa inɨngkahonɨngkofi nomêne aêamuso nakwolaho lɨmentohofofoho. Osoêno hofɨko husiloêmentohofofoho. 5 Aêamu Juta fehohnjo hofɨkoe hwe engo sohwaêntnneêno aêamu kengo fehohnjo soênji uhuêmokontɨfi hnnɨmentohofi, Nakwo Poulɨênji Mponopasɨênjimo sojo wofonjosyano lontɨfi imentohofofoho. 6 Siko oso hisoêno nupaênonji hwaho Likouniyamno hiyaso umentisiyefoho. Osopo ango hufaêu ole, Lisɨtɨlaênji Ntepeênjoho. 7 Osopo Anɨtuye hungkuno lutɨhwamentisiyefoho. 8 Oso Lisɨtɨla ango hopo sopo hwe fihwo sɨfe wonyoênjo sohwo humunyoponoho. Konaêwohi aswo mtaêni oseênohini maêmentisofoho. Kako hano memayoênjo hweho. 9 Oso hwe huhwo sohwo Poulɨye hungkuno nupaênonto sɨmeho hiêntnnono uyɨmentisofoho. Osoêno Poul uhwonɨmentisoso kako sɨfe wopɨngo umokiyoêne syofɨsyahonɨngki uhwonɨmentisofoho. 10 Poul hungkuno yokumpohnênyo ulɨmento, Kɨko nolɨkafohoji jɨje sɨfeênji filɨkofohumaho. Ose ulahonɨngki kako komoêno solɨkofapi lohofonto hano emmentisofoho. 11 Oso Poul imentisoso hwe moyaêmi nuhwonontɨfi hofɨkoe hungkuno mohmêno lɨmentohofi, Anɨtu piênɨngo piênɨngo humalofo. Hufaêu hwaêu aêamu imoênonji nakuyepono pisiyo hwaswoho. 12 Ose lontɨfi hofɨkoe anɨtu sohwaêuye yofe Mponopasɨênji Poulɨênjimo mulɨmentohofi, Mponopas Susɨyoho. Poul hungkuno lɨwoênɨngkiso sohwo Hemesɨyoho. Ose mulɨmentohofofoho. 13 Oso anɨtu Sus kakoe ango engo kakoe yofe hoênomayoêne yolohopo molinyofoho. Susɨye ango mokosyohumayo sohwo ahwomo yahuênji wokosoênji kusomno motasɨmentisofoho. Oso hwe huhwo sohwoênji aêamu hopiênonohino soênji yahuênji wokosoênji Poulɨênji Mponopasɨênjimo uyantɨfi imentohofofoho. 14 Oso hisoêno Poulɨênji Mponopasɨênji nupaênonji yahino hiso nekwolaho lonji sikoe nemêno manjiêmofo sɨsɨmpoêmentisiyefoho. Siko hano hwe moyaêmiênjopono nowenji ajwopo ntaêni joho ulɨmentisiyefoho. 15 Ole ulɨmentisi, Oso sekwo aêamu soku pehoêno yalokwofo. Nekwo aêamu hwoyaêyoho. Sekwo hopa hwoyaêyoho. Nekwo Anɨtu ne sohwoe hungkuno selalokuhwoyo. Sekwoe yoêmayo hwasyoso hoênaofoêneêno selalokuhwoyo. Nohoênaofɨkuji Anɨtu songo neêno humayoêne sohumo finɨngkamno. Kako ahwomoênji hwahoênji ayoênji yoêmayo songo humayoso mtɨêmokumentiso sohuneêno selalokuhwoyo. 16 Anɨtu hohonta aêamu hofɨkoe yahino wonyo imotofo soêno uhwontohumamentisofoho. 17 I osoêno Anɨtu kako yoêmayo wopɨngo utɨhwaênyopo nejapɨwoênɨngkiso hweho. Anɨtu kako ahwomomo humanto ifoyo nejaponteso nakwoe yoêmayo nonyo wosopayo wopɨngo iêmofopalofoho. Wopayo nejaponteso nakwoe sɨmeho wopɨngo nemoênalofoho. 18 Ose ko ulahonɨngki hofɨko Poulɨênji Mponopasɨênji yahu uyantɨfi yahonɨngkofi nekwolaho ulɨwoênɨmentisiyefoho. 19 Aêamu Juta fehohnjo hwaho Pisitiya ango Antiyoukntaêango soênji nomêne aêamu Aikouniyam mtaêango soênji Poul sohumneêno nakwolaho lontɨfi nopontɨfi aêamu nomêne soênji nuhuêmokinontɨfi Poulɨmo sojoênji fongkuêmentohofofoho. Nofonjontɨfi poyofoho lontɨfi mempo hohntaêni mehusɨmpeeêmentohofofoho. 20 I osoêno aêamu Jisasɨmo inɨngkamotofo sohwa Poulɨmo hoênahumentohofo sopo uhuêmokahonɨngkofi Poul apaêno songo lɨkaêmentisofoho. Nolɨkafonto angkuhwafo engo sopono asomo umentisofoho. Moênɨngka Poulɨênji Mponopasɨênji ango Ntepe sopono umentisiyefoho. 21 Poulɨênji Mponopasɨênji ango Ntepe iêmofawenji Anɨtuye hungkuno lutɨhwahonɨngki aêamu piênɨngo engo nupaênontɨfi tɨfi inɨngkomotofofoho. Oso syoho hiso yonji siko nowenji Lisɨtɨlaênji Aikouniyamênji hwaho Pisitiya ango Antiyouk osopono asomo umentisiyefoho. 22 Aêamu Jisasɨmo sɨmeho hiêntnnono umotofo somo siko yokumpohnênyo sosofito lohofonji ulɨmentisi, Sekwo Anɨtuye hungkuno yokumpohnênyo fɨkesyohumamno. Olo hwaho lopo nohumehwasi yoêmayo tangoênjo wohumantonoho. Osoêno hwangku sohonta Anɨtuye ango wopɨngo kakoe yokumpohnênyo mokosyhumaso sopo wohumentɨhwantanoho. Ose lutɨhwamentisiyefoho. 23 Ango hoêmo soêmo aêamu Jisasɨmo sɨmeho umotofo sopono Poulɨênji Mponopasɨênji aêamu angaêno angaêno uhwosopoêmentisiyefoho. Aêamu Jisas Kɨlaisɨmo umotofo somo umokosyohumayoêne hwafoho. Siko wosopayo humaho humantɨfi Anɨtumo aêamu somneêno jomo ulɨmentisiyo, Mpohwo aêamu kikineêno sɨmeho hiêntnnono kijopalokwofoso olo aêamu lomo kɨko umokosyohumaho. Ose ulɨmentisiyefoho. 24 Osopontaêango siko hwaho Pisitiya emoyonji ango Pamɨfiliya iêmofapmmentisiyefoho. 25 Siko nowenji ango Peka sopo Anɨtuye hungkuno lutɨhwanji ango Ataliyaêno umentisiyefoho. 26 Osopontaêango yofayokinomo nokotosahonɨngki Antiyoukɨmneêno wekapmmentisiyefoho. Hohonta oso ango Antiyouk hoêmo soêmo aêamu Jisasɨmneêno hitoho uloêmojoso Poulɨênji Mponopasɨênji Anɨtuye syohomneêno uhwojahonɨngkofi siko oso syoho hiso moiêwo yonji asomo pmmentisiyefoho. 27 Siko Antiyouk asomo iêmofopahonɨngki aêamu hopiênono uhuêmokahonɨngkofi siko yoêmayo yoêmayo Anɨtu imentiso soêno lutɨhwamentisiyefoho. Siko ole ulɨmentisiyo, Anɨtu aêamu kengo somneêno honɨngkano hwosompeehonɨngki hofɨko sɨmeho hiêntnnono umalofofoho. 28 Ose ulonji osopo humamojiyefoho.