2 Koulin 2
PNG1 Nje sɨmeho moêmo hungkuno ole mtitoêmalefoho. Ngko sekuyepono pmêmo sekwoe yahino wonyo somneêno yoka selɨêmeso sekwoe sɨmeho tango ifisyasemoêmnoho. Ose nto mtitoêmalefoho. 2 Ngko sekwoe sɨmeho tango ifisyasemoêmesoêno nje sɨmeho wopɨngo nɨmokiyoso tɨhwolo. Oêo, sekwonoho. I osoêno sekwo sɨmeho tangoênji humafijoêmanji sekwo nje sɨmeho wopɨngo nɨmokiyoso pipi uyantɨfito. Awonoho. 3 Oso iyoswo sɨmoêmjoso ngko sekumneêno semtɨêmokimentohe somo uhwonɨngkuji yoêmayo yahino wonyoso ntoêno mɨhwatnnɨngkutnneêenji semtɨêmokimentohefoho. Ose mɨhwatnnɨngkujoêmanji ngko nopmêmeêno sekwo nje sɨmeho wopɨngo nɨmokinyo soku nje sɨmeho soêmo tangoso mifisyanɨmopitnnehofo. Ngko huno ole niyohoho. Ngko yoêmayo angaênohino somneêno sɨmonyo imeêmanji sekwo hokunonji sɨmonyo engo uyantanoho. I sekwo ngkoênji sɨmonyo miyoêmanji ngko huhwoêni mimnehono. 4 Ou nehopi. Oso iyoswo sɨmoêmjo semtɨêmokimentohe sohonta ngko nje sɨmeho tangoênji humanji humotaho engo mjalɨmɨwenji semtɨêmokimentohefoho. Oso iyoswo sɨmoêmjo semtɨêmokimentoheso sekumo tango sejape-eêneêmaho. Oêo, ngko sekumneêno nɨmoênɨngkahonɨngki yoêmayo yahino wonyo seêmalokunjo somo upaênonji sekumo sefoêmahwoneêenji semtɨêmokimentohefoho. 5 Oso hwe honɨngkano wonyo imentiso sohwo kako ngkimo tango engo montapmmentono. Oêo, ngko tango weêe ko maêmentoheso sekwo hopiênonohino soku tango engoso maêmentohofo kuyoho. I oso hwe huhwo sohwo kako wonɨmango engo mɨkunɨmposo unonehonji ngko huno ikwesyafɨsyonji oso hungkuno homo somneêno apaêno waselɨmonneêno yohono. Aêamu hopiênonohinɨêmaho. Oêo, fehohnjo soku oso hwe wonyo sohwoe yahino somneêno tango engo maêmentohofo kuyoho. 6 Sekwo oso hwe honɨngkano wonyo imentiso sohuneêno sɨmano upentɨfi hohujo ikinjɨmofohofoso olohonta ntaênoho. Apaêno ikinjɨmofɨkutoho. 7 Oêo, olohonta sekwo nomêne honɨngkano wopɨngo utɨhwamno. Sekwo kakoe wonyoso wae imofɨkuji kakoe sɨmeho wopɨngo umokumno. Oso hwe huhwo sohwo kako tango engo neêno malokunjo soêno kako Anɨtumo nɨhuênahone usɨkwajonoho lɨkuji sekwo kakimo ufoêmapmno. 8 Oseso oleêno nɨmoênɨngkohoho. Olohonta sekwo oso hwe huhwo sohuneêno sɨmeho nehopi semoênalokunjoso kakimo utɨhwamno. 9 U oso iyoswo sɨmoêmjo semtɨêmokimentoheso sokumo yamofo selohofoênefoho. I osoêno sekwo nje hungkunomo wonnɨngkohwantɨfitɨkeno monnɨngkayoênjo uyantɨfitɨkenonji semtɨêmokimentohefoho. 10 Sekwo aêamu huhwo sohwoe yahino wonyoso wae imopijoso ngko huhwoênnonji wae umofantanoho. Oso wonyo kako imentisoso ngkineêno wonyo mantohoêmentiso ko huhwoêni ngko sekumo sefoêmayoêne Kɨlaisɨye tɨmopo oso huhwo sohwoe wonyoso wae yɨmofalokweno. 11 Seten kakoe yahinoso nakwo huno moiêwonoho. Kako nakumo neyakolofoêne oso hwe huhwo sohumo nɨhuênahone honɨngkano wonyo somo ipemotawenoho ntnneêno selalokweno. 12 Ngko ango Tɨlouas sopo Kɨlaisɨye hungkuno wopɨngoso lutɨhwayoêne iêmofopahonɨngko Anɨtu kako oso syoho hisoêno hano hwosompemokosyohumamentisofoho. 13 I osoêno ngko nenɨngkwaêwehwo Taitas sohuneêno wonyopi tɨpmmentohefoho. I Taitas kako hungkuno sekumtaêni momotonɨmaso soêno ngko kakineêno huno piênɨngo syofɨsikaofonji ngko oso aêamu homo somo nulɨkoêmanji hwaho Masetouniyaêne sɨmentohefoho. 14 Anɨtu kakoe syoho somneêno ipenemotawowoênɨngkiso sohumneêno nakwo isamoyoka ulano. Kako Kɨlaisɨye yokumpohnênyo nejapɨwoênɨngkiso soênji nakwo kakoe mango sohwamo uyokolofalokuhwono. Oseso nakwo angoêmeemo Kɨlaisɨye hungkuno yokumpohnênyo lɨjumofahonɨngkuhwoni aêamuso oso homo somo upaênontɨfi Kɨlaisɨmneêno huno malokwofo. Oso huno wopɨngo hiso akino wopɨngoso wojaofɨwoênɨngkiso hopaso oso aêamu homo somo wojumofalofoho. 15 Kɨlais kako nakumo nehumaso soêno Anɨtu kako nakumo nonahonɨngkuhwosi akino wopɨngo paênyoso uwaêmontonoho. Oso akino hiso aêamu Anɨtuye honɨngkano sopo humalofo somo uwahwosi aêamu tɨkanomo uyoêne honɨngkano sopo humalofo soênjimo uwaêmontonoho. Akino angaênohino hisoêno hwapɨngoso Kɨlaisɨye akinofoho. 16 Aêamu tɨkanomo uyoêne honɨngkano sopo humalofoso Kɨlaisɨye akino hiso uwahwosoêno aêamu poyo peênnyo sofe akinofoho lahonɨngkuji akino huhwo sohwo hofɨkimo poyo umokumontonoho. Hwapɨngoso hofɨko Kɨlaisɨmneêno huno muyofoho. Aêamu Anɨtuye honɨngkanopo humalofoso Kɨlaisɨye akino hiso uwahwosoêno akino wonyoangkafofoho lɨkuji akino huhwo sohwo hofɨkimo songo usɨmokumontonoho. Hwapɨngoso hofɨko Kɨlaisɨmneêno huno unyofoho. Olo syoho engo Anɨtu nejapmmentiso losomo ihnne hopoenohinoso tɨhwosilo. 17 Sekwo huno seyohoho. Aêamu fehohnjoso hofɨko hamniyoho engo maneêentɨfi Anɨtuye hungkuno lɨkuêmofɨwoênɨngkohofofoho. Nakwo oso paênyo hwonanɨêmaho. Oêo, Anɨtu kako olo syoho losoêno nehwatɨmentiso soêno nakwo kakoe syoho ulohofiyo hnênwi nakwo sɨmeho angaênohinoênjo hnênwi Anɨtu nehontohumentanɨngkuhwosi Kɨlaisɨye hungkunoso wolɨkuêmeeofantanoho.