2 Koulin 1

1 Ngko Poulɨênɨmo Anɨtu kako Jisas Kɨlaisɨye hungkuno lɨkuêmofo (apousel) syoho soêno nɨhwosopoêmentiso hwoênyoho. Nakwoe nenɨngkwaêwehwo Timoutiênji nekwo olo iyoswo loso aêamu hwaho Ngkɨlik ango Koulin sopo Jisas Kɨlaisɨmo inɨngkawowoênɨngkohofo aêamu soênji oso hwaho Ngkɨlik aêamu hopiênonohino Jisas Kɨlaisɨmo inɨngkawoênɨngkohofo soêntnneêno mtɨêmokalokuhwayo. 2 Nekwo oleêno emoênɨngkohoho. Nanɨngkwohwo Anɨtu sohwoênji nakwoe Hwe Engo Jisas Kɨlaisɨênji sikoêmontaêi siko sekumo yoêmayo wopɨngo selohofohosɨsi pompenjiyo wosejopanjiyoho. Oseêno emoênɨngkohoho. 3 Nakwo nakwoe Hwe Engo Jisas Kɨlaisɨye kanɨngkwohwo Anɨtu sohwoe yofe engo nohoênomehwasi kakineêno isamoyoka ulano. Nakwo hiênwiye nanɨngkwohwo sohwo kako nakumneêno hitoho ulofoso hwapɨngo hweho. Yoêmayo tango neêmawoênɨngkiso soêno kako nakumo nefoêmayoêne hwapɨngo hweho. 4 Yoêmayo tango neêmante soêno Anɨtu kako nakwoe sɨmeho tangoso nohayo namokuwoênɨngkiso hopaso nakwo nomêne aêamu sɨmeho tangoênjo humentanɨngkuji Anɨtu kako nakumo nefoêmawoênɨngkiso hopaso nakwo hofɨkimo ufoêmano. 5 Nakwo huno ole nayohoho, Nakwo yoêmayo tohino Jisas maêmentiso hopaso mawoênɨngkuhwone kalohi Jisas kako nakwoe sɨmeho tangoso wopɨngo engo namokuwoênɨngkisofoho. 6 Oseso nakwo sekumneêno Anɨtuye hungkuno losetɨhwalokuhwone soêno yoêmayo tango ko neêmanteso oso tango hiso sekumo wosefoêmaêmontonoho. Hwapɨngoso yoêmayo tango neêmawoênɨngkiso soêno Anɨtu kako nakumo hofiyo nefoêmanto nohayo namokuwoênɨngkiso somo sekwo nahonɨngkuji sekwo huno ole waseyono. Yoêmayo tango neêmasoêmanji u Anɨtu kako Poulɨmo ufoêmawoênɨngkiso hopaso nakwo hiênyumo wonefoêmaêmontonoho. Ose syafɨhupijoso yoêmayo tango ko seêmasoso sekwo nakwo hopa Anɨtumneêno yokumpohnênyo wolohofantɨfeho. 7 Sekwo yokumpohnênyo lohopitnneêentani emoênɨngkisoso ne umoênɨmonteêno huno eyohoho. Hwapɨngoso yoêmayo tango nakumo neêmahonɨngki Anɨtu nakumo nefoêmawoênɨngkiso hopaso sekumo yoêmayo tango seêmahwosoêno Anɨtu kako wosefoêmaêmontonoho. 8 U, nje aêamu soku, nakwo hwaho Esiya nohumentanɨngkuhwone yoêmayo tango engo mɨkunɨmposo neêmaêmaso soêno sekwo huno seyoneêenji selalokweno. Oso tango engo hiso neêmanto nakwoe yokumpohnênyo somo noneyakolofahonɨngki nakwo huno ole syafɨhuêmalohwonefoho. Nakwo poyo wapeênontaneêno kiyɨhwono ose syafɨhuêmalohwonefoho. 9 U Anɨtu kako poyo peênɨfitnneêento olo sɨkuno hoênahumentiso lomo huno syafɨhuêmalohwonefoho. I osoêno tango hiso pehoêne neêmaêmasoto. Hwapɨngoso olenoho. Nakwo nakwoe yokumpohnênyo foêmoênaneso huno honɨngkonontane soêno nakwo nakwoe yokumpohnênyo soêno huno nayɨhwoloho. Oêo, Anɨtu kako aêamu poyo peênnyo somo songo ulɨkafɨwoênɨngkiso sohwoe yokumpohnênyo soêneênohini wonayono. 10 Oso tango engo nɨhuêno wonyoso nakumo poyo wonamokumonto ko yahonɨngki Anɨtu kako nefoêmaêmasofoho. Osoêno nakwo oso tango hiso paênɨngo nomêne sohonta neêmane soêno Anɨtu kako apaêno wonefoêmaêmontonoho, huno ose nayohoho. 11 Sekwo hoku nakumneêno Anɨtumo jomo ulɨfijoêmanji sekwo hoku nakumo wonefoêmantɨfeho. Oseso sekwo hwe moyaêmi piênɨngo engo sokuye jomo ulɨfijo somo Anɨtu kako upaênɨngkuhwosi nto nefoêmahwosoêno sekwo oso hisoêno sɨmonyo ikuji Anɨtumo oso hisoêno isamoyoka engo mɨkunɨmposo ulantɨfeho. 12 Nakwoe yahino ole soêno nakwo sɨmeho wopɨngo namoênɨngkohoho. Anɨtu kako nefoêmawoênɨngkiso soêno nakwoe humayo ntoênohino soênji nakwoe hungkuno nehopiênohino soênji nakwo sɨmeho hufaêuênji miyalokuyɨhwono. Oêo, huno angaênohino soênji sɨmeho angaênohino soênji yalokuhwono. Oso wopɨngo yalokuhwoneso hwahoponjo huno somtaêango miyalokuyɨhwono. Oêo, Anɨtu kako huno wopɨngo nejopahonɨngki nakwo oso wopɨngoso yalokuhwono. Nakwoe sɨmeho soêmo ose hnnɨwoênɨngkɨhwone soêno nakwo sɨmeho wopɨngo namoênɨngkohoho. Nakwo sekumo oso hiso paênyoso selohofɨwoênalokuhwono. 13 Yoêmayo hungkuno sekumneêno mtɨêmokuwoênɨngkuhwoneso fahosɨhwoyo hungkunoênjoêmaho. Oêo, hungkuno yoloho neso nto lɨjwaosemaêmale soêno sekwo atofo lɨkuji huno wopɨngo ntoênohinoso wotɨpemantɨfeho. Sɨmoêmo sekwo nakumneêno fahosɨhwoyo hungkunoênohino upaênontɨfi yoloho neso huno maseyoênjo imojofoho. I olohonta sekwo nakumneêno huno itoênohino seyɨhwosoêno sekwo nakuneêno sɨmeho wopɨngo neêno wasemoênɨmontonoho. Ose ifijoêmanji oso Sɨkuno Engo nakwoe Hwe Engo Jisas asomo poso sohonta nakwo sekumneêno sɨmonyo engo yane hopaso sekwo nakumneêno sɨmonyo engo ifitnnefoho. 15 Sɨmoêmo ngko huno ole syafɨhuêmalefoho. Sekwo nakumo nahonɨngkujoêno sɨmeho wopɨngo semoênoneêenji ngko oleso imneêentnneêno yohono. Ngko sɨmoêmo sekumo seêmahmêmo osopo ntaêni ngko Masetouniya soponeêno wasehwotɨêmoêmnoho. Oso Masetouniya hopo sopo ntaêni sekumo asomo woseêmaêmonnoho. Oseso nje seêmayoso hufaêu imoênɨngkuhwosoêno nakwo afapo nohumehwasi sɨmeho wopɨngo engo wonamoênɨmontonoho. I oseso sekwoênjo lopo ntaêni sekwo ngkimo nonɨfoêmafɨkuji hwaho Jutiya soponeêno wonɨhwojantɨfeho. 17 Ngko huno ose kosyafɨhuêmaleso ne mmoênɨngkahonɨngki sekwo huno ole kosyonɨfɨsyalokwofo, Poul kakoe hungkunoso ne anefoho. Kako nakumo iwoloêmo iwoloêmo hungkuno nalɨwoênɨngkiso hweho. Kako aêamu hwahoponjoso ole nalɨwoênɨngkohofo paênyo hweho. Hofɨko eno ko nalontɨfi sɨmeho moêmo ngkilaho unɨwoênɨngkiso hopaso Poul kako nakumo nelalofoho. Huno ose losyonɨfɨsyalokwofo. 18 Osoêneêmaho. Oêo, Anɨtu kako neênjo sohwoe tɨmo sopo yalokwe soêno hwasyo hwasyoso maselɨmnehono. Oêo, hungkuno neêjoênohini selɨwoênɨngkohefoho. 19 Sailasɨyo Timoutiyo nakwo sekumo Jisas Kɨlais Anɨtuye hwomu sohwoe hungkuno losetɨhwamentɨhwonefoho. Jisas Kɨlaisɨye hungkunoso iwoloêmo iwoloêmɨngo hungkunoênjo hwoêmaho. Oêo, yoêmayo kako lɨmentisoso ne imoênɨwoênɨngkiso hweho. 20 Anɨtu kakoe hungkuno piênɨngo engo nalɨmentisoso Jisas kako hungkuno homo somo nehopi imokuwoênɨngkisofoho. Oseso nakwo Anɨtuye hungkuno somo upoênontani neêjofoho lontani kakoe yofe engo imoênyoêne hoênomalokuhwono. 21 Anɨtu huhwo sohwo kako nakwoênji sekwoênjimo yokumpohnênyo sosofitofonesyohumawoênɨngkiso soêno nakwo hinjohoênwi Jisas Kɨlaisɨmneêno yokumpohnênyo lohokuhwono. Ose yalokuhwone soêno kakoe syohomo nehumojalofoho. 22 Aêamu yahu haloho lojwaofɨwoênɨngkohofo soêno aêamu hopiênono yahu kakwoêyohwo sohuneêno huno uyɨmtonoho. Oso hopaso Anɨtu kako kakoe Towahuno Wopɨngo nakwoe sɨmeho soêmo hoênonasyɨhwosoêno nakwoe neyakweho esoêno huno wonaimontonoho. Anɨtuye Towahuno Wopɨngo sohwo nakwoe sɨmeho moêmo humaso soêno nakwo huno ole nayohoho. Yoêmayo Anɨtu kako wosejapmmo nalɨmentisoso wonejapmmontonoho. 23 Ngko sekumo hwasyo hungkuno selɨêmtentesi Anɨtu kako nje hwasyo hungkunoso utɨhwaênyopo sekumo ujo ehontojwasesɨhwonesohilo. I osoêno awonoho. Hwasyo hungkuno maselalokuyohono. Oêo ngko sekumo komoêno moseêmaêmmale hwapɨngoso aêamu fehohnjo sokuye yahino somneêno yokaênjo sohwoêni pmêmeêno sekwo tango engo mapitnnohonji humantohe hwoênyoho. 24 Nomêne hungkuno somo sekwo sɨmeho hiêntnnono uyoêneso hungkuno molɨjwosemofanehwono. Oêo, nakwo sekwoe sɨmeho hiêntnnono somo masemokosyohumulohwono. Sekwo Anɨtumneêno sɨmonyo imalofoso ntoêno yokumpohnênyoso imalofo. I osoêno sekwo sɨmeho wopɨngoênjo humayoêne nakwo sekwoênji syoho engo ihwasoêno sekwo sɨmonyo uyantɨfeho.