1 Timouti 5
PNG1 Timouti, kɨko hwe engo sohwamo yoka nulohotoho. Oêo, kɨko hungkuno hofiyoêno ulohoji hofɨkimo honɨngkano ntoêno hmmofɨhwajo. Hofɨko jɨje mpohwosa paênyo hwafoho. Kɨko hwomu songo sohwamo honɨngkano jɨje nɨngkwahwosamo imofɨhwajɨwoênɨngkino hopa hmmofɨhwajo. 2 Jɨje naêujamo honɨngkano ntoêno mɨhwajɨwoênɨngkino hopaso nomêne moyaêmi sofamo oso hopa hmmofɨhwajo. Moyaêmi songo sofa hofɨko hnnampijamo imofɨhwajɨwoênɨngkino hopa hmmofɨhwajo. Kɨko moyaêmi songo sofanji nohumahoji kɨko hnnampijanji humawoênɨngkino hopaso honɨngkano ntoêno fiyo. Wonyo honɨngkanoso yohotoho. 3 U aêmu fisi kakoe hwehwo poyo nto peênososi kakoênohini humentanɨngkuhwososo aêamu Anɨtumneêno uhuêmokuwoênɨngkohofo somo apɨwojo sekwoênjo ajwoêmo humalofo sofamo kɨko ntoêno ufoêmayoêne ntoêno filutɨhwaho. 4 U oso aêmusi kakoe mehomitaho, hofiyakwosalaho, oso hwa hofɨko ntoêno humafijo hwaêmanji u hofɨko oso ape apɨwojo somo ntoêno ufoêmapɨfe. Hohonta aêmusi kako oso mehomi somo kako nonyo wosopayo hofiyo umojofoho. Kako foêmofoêmo hofiyo ulohoêmojofoho. Osoêno olohonta oso mehomi sohwa hofɨko homnɨngkwohwoêyaêumo hofɨko sikimo aku hofɨkimo mokosyohumamentisiyo hopaso hofɨko sikimo ntoêno womokosyohumantɨfeho. Oso mehomife syoho sɨmoêmjofoho. Oso yahino hiso Anɨtu kakoe sɨmehoso wopɨngo umoênɨmontonoho. 5 I aêmu fisi kakoe hwehwo poyo nto peênɨmentisosi oso aêmu hisi nomênihwo nufoêmane anesi nohumanto Anɨtu kakimo ufoêmayoêne hontohumaho. Oseso oso aêmu hisi kako sɨkuno huhwo huhwi sɨkunoênji imɨngoênji Anɨtu kakimo ufoêmayoêne jomo ulalofoho. Oso yahino wonyoangkafofoho. 6 I osoêno aêmu nomênesi kakoe hwehwo poyo nto peênɨmentisosi kako kakoe hunoso aêapahomneênohini syafɨsiyoso yoêmayo kakoe sɨmeho umo lonto yontesi kakoe fosyohumayo wopɨngoso poyo nto peêniyoho. 7 Oseso kɨko Timoutiki aêamu hopiênonohino kɨkoênji Anɨtumneêno uhuêmokuwoênɨngkohofo somo homnɨngkwohwo homnosyamo ntoêno mokosyohumayo soêno hungkuno yokumpohnênyo uso. Hofɨkoênji apɨwojo sofanji oso hungkuno homo somo tɨfi ntoêno inɨngkafijoêmanji nomêne aêamuso hofɨko hofɨkineêno oso yahino homo somneêno sitofo mulɨfitnnehofo. 8 Aêamu fihwo kako kakoe aêamu somo ntoêno mufoêmayoêmanji kako Anɨtuye hungkuno somneêno hohujo nto ikinjaoêmaso hweho. Olo kakoe honɨngkano loso aêamu Anɨtumo sɨmeho hiêntnnono muyoênjo iwoênɨngkohofo sofe honɨngkano wonyo somo yakoloênnyofoho. 9 Apɨwojo kako hwe angaênohinohumo umaênɨmentisosi kakoe soswo sikɨsɨti (60) uyakoloênnyosimo kakoe yofeso iyoswomo mtɨêmojo. Apɨwojo yofe woênnyo sofamo ufoêmapitnneêeno. 10 I apɨwojo hofo sofa hofɨkoe honɨngkano wopɨngoênjo sofa hofɨko hofɨkoe mehomi somo ntoêno mokosyohumamotofo sofa, aêamu ango kengo mtaêangoso uêmahonɨngkofi wosopayoênji angoênji uyɨmotofo sofa, Anɨtuye aêamu somo ufoêmaêmotofo sofa, aêamu nomêne somo yoêmayo tango uêmahonɨngki hofɨkimo ufoêmaêmotofo sofa, hofɨko yoêmayo yoêmayo syoho wopɨngoênohini imotofo, osofafe yofe soênohini iyoswomo mtɨêmokukuji sekwo ufoêmapmno. 11 I sekwo moyaêmi songo sofa hofɨkoe hwehwa poyo nto peênɨmentohofo sofafe yofeso nomtɨêmokukutoho. Oêo, hofɨko nomêne huhwamo umoênantaneêno yalokuhwono lɨkuji hofɨko hofɨkoe sɨmeho yoêmayo umo lonte somo inɨngkakuji Kɨlaisɨye syoho wopɨngo somo ulɨkoêmantɨfeho. 12 Oso moyaêmi sofa sɨmoêmo hofɨko nakwo Kɨlaisɨmneênohini syoho uyano ko lɨmentohofo osomo neêno unɨngkowano majoênjo yontɨfi hofɨko hwe nomêne hwamo umaênontɨfi oso hungkuno hohonta nakwo Kɨlaisɨmnohini syoho uyano lɨmentohofo somo mtɨhupeelokwofo. Osoêno aêamu Anɨtumneêno uhuêmokuwoênɨngkohofoso hofɨko apɨwojo hofo sofamo ole ulantɨfeho. Yoêmayo hungkuno Anɨtumo yoloho nto ulontɨfi aku mtɨhupeso hopoêmaho. Wonyofoho. Ose ulantɨfeho. 13 Nomêne yahino apɨwojo songo sofa iwoênɨngkohofoso olenoho. Hofɨko Anɨtuye syohoso miyoênjo ikuji hofɨko pisoêmoênyo yahinoso mafɨkuji ango hoêmo hoêmo ukuêmofantɨfeho. Osoênohiniêmaho. Hofɨko siki hungkuno lɨwoênontɨfi nomêne aêamufe yahino syoho yoêmayo soêno ukinjɨhwojano lontɨfi iwoênɨngkohofofoho. Hofɨko nomêne aêamu somneêno hwasyo hungkuno lontɨfi wonyo hungkuno kengo kengo nakwo majoênjo iwoênɨngkuhwoneso lɨwoênɨngkohofofoho. Osoêno kɨko hofɨkoe yofeso iyoswomo nomtɨêmokohotoho. 14 Oêo, ngko moyaêmi songo sofafe hwehwo poyo nto peênɨmentohofo sofamo ole ulɨwoênɨngkohono. Sekwo nomêne huhwamo umaênɨngkuji sekwo mehomi tɨpemafɨkuji yoêmayo ango syoho osomo ntoêno mokosyohumantokuno. Ose ulɨwoênɨngkohono. U hofɨko ose ikujoêno Anɨtuye mango sohwa hofɨko nakumo nonahonɨngkuji Anɨtuye aêamu ne sofe yahino somo nuhwonɨngkuji hofɨko nakumo sitofo monalɨfitnnehofo. 15 Nakwo huno nayohoho. Moyaêmi apɨwojo fehohnjo sofa hofɨko Anɨtuye honɨngkano wopɨngo somo nulɨkoêmantɨfi hofɨko Setenɨye honɨngkano somo tɨfi inɨngkowalokwofo. 16 Oseso aêamu Anɨtumneêno sɨmeho hiêntnnono uyɨwoênɨngkohofo sofe temtitofo somtaêango hwe fihwo kako poyo peênoso sohwoe apɨwojo humaso simo hofɨko kakimo womokosyohumafe. Ose ikujoêneêmanji aêamu Anɨtumneêno uhuêmokuwoênɨngkohofoso hofɨko oso apɨwojo hisimo mokosyohumayoêne tangoso motɨpemapɨfitnnehofo. Oêo, hofɨkoe syohoso apɨwojo hopifahwosa ane sofamo mokosyohumayoso hofɨkoe syohofoho. 17 Hwe engo Anɨtuye syohomo mokosyohumayo sohwa hofɨko Anɨtuye hungkuno losetɨhwawoênɨngkohofo sohwa hofɨkoe syoho wopɨngo ifijoêmanji sekwo hofɨkoe yofe hoênomafɨkuji hofɨkimo mpe engo ulohopmno. 18 Hwapɨngoso Anɨtuye hungkunoso ole nelalofi, Yahu (mpulɨmokau) sohwo kako kikineêno syoho engo yontanɨngkuhwosi kɨko kakoe sɨmuyo somo hnnanosyɨswohotoho. Oêo, kako wosopayo wanono. Anɨtuye hungkuno nomênepo ole nelalofi, Aêamu syohoênjo sohwa hofɨko hamniyoho womapɨfe. Ose nelalofoho. 19 Hwe angaênohinohwo kako aêamu Anɨtuye syohoênjo sohumneêno hungkuno ole somjulɨmasofoho. Olo hwe lohwo kako wonyo imasofoho. Kɨko kakoe hungkuno ose mjulisomo haloho upehotoho. I osoêno kɨko aêamu hufaêutaho u hufaêu sɨhunehwalaho oso hwa hofɨko hungkuno somjakilɨfijo osomo kɨko nupaênɨngkohojɨêmanji haloho pofo. 20 Aêamu Anɨtuye syohoênjo sohwo kako honɨngkano wonyo yosoêmanji kɨko aêamu hopiênonohino sofe tɨmo sopo mɨhumajohoji osopo kɨko kakoe honɨngkanoso ntoêno mɨhwajo. Oseso aêamu Anɨtuye syohoênjo hopiênonohino sohwa hofɨko honɨngkano wonyo somneêno iêwaho ntoêno uyɨfe. 21 Ngko olo hungkuno kijopalokwe losoêno Anɨtuênji Kɨlais Jisasɨênji aêamu ahwomomjo hopiênonohinofe tɨmopo kilalokweno. Osoêno kɨko ntoêno finɨngkayo. Aêamu Anɨtuye syohoênjo sohwa hofɨko kikimo enjwaêmo humalofo somo kɨko ntoêno mokosyohumaho. Kɨko oso aêamu hofosofe hungkuno ntoêno mɨhwajiyo sohonta kɨko olo hungkuno hiloso swoênohini upaênɨngkohoji kɨko jɨje sɨmeho moêmo huno komoêno ole syafɨsyohotoho. U oloso kako imasofoho. U oso kako mimmasofoho. Jɨje sɨmeho moêmo huno komoêno ose syafɨsyohotoho. U kɨko jɨje aêamu fehohnjo somo yoka mulohoyohoji nomêne aêamu somo yoka hungkuno ulohotoho. Oêo, kɨko hofɨkimo yahino afaênohino ulohofo. 22 Kɨko aêamu fihumo kako Anɨtuye syoho iyosoêno kɨko kakimo aho komoêno ulonjimokohotoho. U sɨmoêmo kɨko kakoe humayo yahino soênji kakoe syoho soêntnneêno huno ntoêno syafɨsyohoji kɨko uhwonjoso ntoênohini uhwonɨngkijɨêmanji ou kɨko osohumo Anɨtuye syohoso noho uyo. Aêamu fihumo kɨko Anɨtuye syohoso komoêno usoso kako honɨngkano wonyo yosoêmanji oso kakoe wonyo homo somneêno tango wokiêmaêmontonoho. Kɨko oso yahino homo somneêno kɨko iêwaho ntoêno ehumahoji u kɨko wonyoêmaso wohumamonnoho. 23 U Timouti sohwosi ngko jɨje yahino somneêno hungkuno weêe wakilɨmo. Jɨje sɨmeho kumnalofɨwoênɨngkiso soêno kɨko ahuêmo mijoênohino nonɨngkohotoho. Oêo, kɨko ipisayo mijo weêe yokumpohnênyo soênji mahoji hmnyo. Oso mahoji njoso jɨje mnokinoso moiêwo wakumoênɨmontonoho. 24 Ngko aêamu Anɨtuye syohoênjo somneêno hungkuno nomêne wakilɨmo. Anɨtuye syoho iyo soêne aêamumo komoêno nɨhwosopehotoho. Aêamu fehohnjoso hofɨkoe honɨngkano wonyoso utɨhwaênyopo yahonɨngkofi aêamu hofɨko nuhwonontɨfi wonyofoho huno umontonoho. Oso honɨngkano homo somo ntoêno mɨhwajo. I osoêno aêamu fehohnjoso hofɨko hofɨkoe honɨngkano wonyoso hiyasomo mokosyohumawoênɨngkohofo soêno kɨko huno makiyofoho. I osoêno hwangku hofɨkoe yahino wonyo somo ujo ehontojwasyonefoho. Oso aêamu hofɨko oso aêamu homo somo hofɨkoe ne soêno huno umontonoho. 25 Oso paênyoso nakwo aêamu nomêne fehohnjo sofe yahino wopɨngoso utɨhwaênyopo wentanɨngki uhwonɨwoênɨngkuhwono. I osoêno nakwo aêamu fehohnjo sofe yahino wopɨngoso muhwonyofoho. Osoênji nomêne sɨkuno somo utɨhwaênyopo iêmofaponefoho.