1 Timouti 4

1 Anɨtuye Towahuno sohwo kako hungkuno yoloho ole nalɨmento, Olo hwaho lopo sɨkuno moiêwo imoênyoêne mofone sohonta aêamu fehohnjoso hofɨko Anɨtuye hungkunomo hohujo ikinjaopitnnefoho. Oso hohosohonta hofɨko hwasyo hungkuno upaênɨngkuji hofɨko Setenɨmo tɨfi inɨngkafitnnefoho. 2 Oso aêamu wonyo hwasyo hungkuno lɨkujo sohwa hofɨko oso hwasyo hungkuno homo somneêno hofɨko sɨmeho moêmo wonɨmango munyoênjo ihwosoêno oloêmo iênongki wohumentɨhwantɨfeho. 3 Hofɨko hwasyo hungkuno ole wolutɨhwantɨfeho. Sekwo ape nomafɨkutoho. Sekwo wosopayo fehohnjoso nonɨngkutoho. Hofɨko hwasyo hungkuno ose wolantɨfeho. I osoêno yoêmayo wosopayo nyoêne, ape mayo yahinoso Anɨtu kako kakoe mehomi ne somo uyɨmentisofoho. Aêamu Kɨlaisɨmo sɨmeho hiêntnnono uyɨwoênɨngkohofoso hofɨko Anɨtuye hungkuno neênjo somneêno huno uyahonɨngki oso yoêmayo hiso hofɨko Anɨtu kakoe aho mtaêni mantɨfe soêno hofɨko Anɨtumo isamoyoka ulɨwoênɨngkohofofoho. 4 Nakwo olo soêno huno nayohoho. Yoêmayo Anɨtu mtɨêmokumentisoso wopɨngofoho. I osoêno nakwo humayoso pehoêneto. Oêo, nakwo Anɨtuye ahomtaêni yoêmayoso nomehwasi kakimo isamoyoka ulano. 5 Ou, yoêmayo Anɨtu mtɨêmokonto wopɨngofoho nalɨmentiso soêno nakwo oso hisoêno isamoyoka ulɨwoênɨngkuhwoneêmanji yoêmayo wopɨngoênohini imoênalofoho. 6 U ngko Poulɨêni olo hungkuno kikineêno mtɨêmokalokwe loso kɨko olo hungkuno loso Anɨtuye aêamu ne somo lutɨhusoso u kɨko Kɨlais Jisasɨye syoho ulohofiyo ne umoênɨmonnoho. Kɨko Anɨtuye hungkuno somo sɨmeho hiêntnnono uyohoji sɨkuno huhwo huhwi tɨfi inɨngkusoêmanji kɨko Kɨlaisɨye yokumpohnênyo mahoji yokumpohnênyo walohoêmonnoho. 7 Kɨko senɨngkwohwosa mtaêango aêmane hungkuno soêno huno piênɨngo engo nosyafɨsyohotoho. Oêo, oso hungkuno huhwo sohwo kako nakumo Anɨtuye yofeso molonetɨhwanehoho. Kɨko Anɨtuye yahino soêno huno ntoêno syofɨsyomahoji osomnohini ntoêno inɨngkayoêne syoho engo fiyo. 8 Nakwo olo hwaho lopo yoêmayo syoho iwoênɨngkuhwoneso nakwoe aêapahoso yokumpohnênyo imokinɨwoênɨngkuhwonefoho. Oso wopɨngofoho. Oso paênyoso nakwo Anɨtuye yahino soêno huno neêno syafɨsyɨhwasi osomnohini tɨfi ntoêno inɨngkowasoso oso yahino hiso olo hwaho lopo humentanɨngkuhwasi wonefoêmamontonoho. I olopoênohinoêmaho. Oêo, nakwo Anɨtuênji neêno humentanɨngkuhwasi tɨfi hohonta neêno nefoêmanefoho. 9 Olo hungkuno lalokwe loso nehopeho. Hungkuno hilo somo aêamu hopiênono nupaênɨngkuji sɨmeho hiêntnnono uyɨfe. 10 Anɨtu kako aêamu hopiênonohinoso kakimo uêmayoêne honɨngkano imoêmentisofoho. Nakwo Anɨtu kako songo neêno humaso sohumo sɨmeho hiêntnnono nehopi uyalokuhwone hnênɨmo Anɨtu kako asomo netɨmayoêne nakwo hontohumalohwono. Osoêno nakwo syoho tohohmtnnoênjo yalokuhwoneso aêamu hopiênono hofɨko Anɨtumo sɨmeho hiêntnnono uyɨfitnneêentani yalokuhwono. 11 Kɨko aêamu hopiênonohino somo Anɨtuye hungkuno somo itoêno inɨngkafitnneêno hungkuno yokumpohnênyo filutɨhwaho. 12 Timouti sohwosi, kɨko hwe songo hwosoho. Oseso kɨko ntoêno mohumayoêmanji aêamu hofɨko kikimo kohonɨngkuji ole wokilantɨfeho. Timouti kɨko yoêmɨngohwosɨêmaho. Ose wokilantɨfeho. Osoêno kɨko ntoêno fosyohumahoji aêamu jɨje yahino wopɨngo yahonɨngkiji kohonɨngkuji tɨfi wokinɨngkapɨfe. Yoêmayo hungkuno ujoso ntoêno uso. Kɨko hopiênonohino somo sɨmeho uyo. Anɨtumo sɨmeho hiêntnnono uyo. Honɨngkano wonyo ane wopɨngoênohini fiyo. 13 Ngko kikimo kuêmayo soêno hontohumahoji Anɨtuye hungkunoso kɨko aêamu hopiênonohino somneêno atofo fiso. Kɨko Anɨtuye yahino wopɨngo soêno syoho toho mtnnoênjo fitɨhwaho. 14 Hohonta kɨko Anɨtuye syoho maêmentohino sohonta hwe engo sohwa hofɨko kikimo aho kilonjɨmokumentohofo sohonta Anɨtu kako kikimo kakoe syoho iyo soêne kakoe yokumpohnênyo kijapmmentisofoho. Kɨko oso hisoêno ikwesyafɨsyohoji aho yokumpohnênyo kemokosyohumahoji Anɨtuye syoho yokumpohnênyo fiyo. 15 Engolopohamo kɨko Anɨtuye syoho soêno sɨmeho kumoênɨngkuhwosoêno oso syoho homo somo ntoêno mokosyohumentanɨngkiji aêamu hofɨko nokohonɨngkuji hofɨko oso jɨje syoho wopɨngo imoênalokunjo soêno aêamu wokohonantɨfeho. 16 Kɨko ntoêno humanji Anɨtuye syoho iwoênɨngkino soêno huno ntoêno syafɨsyohoji kɨko aêamu somo Anɨtuye hungkuno ntoêno filutɨhwaho. Kɨko oso syoho hiso nusɨkwajohotoho. Oêo, kɨko oso syoho hisoêno yokumpohnênyo fiyohoênyo. U kɨko ose yohojoêno aêamu hofɨko jɨje hungkunomo haloho kupewoênɨngkohofo soênjimo Anɨtu kako kɨkoênji wosetɨmaêmontonoho.