1 Koulin 2
PNG1 Oseso nje aêamu soku, hohonta ngko sekumo noseêmanji ngko Anɨtu kakoe hungkuno hiyasoêmo woêmojoso selɨmote sohonta sekwo huno ole syafɨhupitnneêenji maselɨmmentohono, Kɨko yofe engoênjo hwosoho. Huno hwapɨngoênjo hwosoho. Ose ntɨfitnneêenji maselɨmmentohono. 2 Oêo, ngko nje sɨmeho somneêno ole nto hnnɨmentoho, Ngko sekwoênji nohumahmêmo yoêmayo kengo kengo soêno ngko hungkuno maselɨmnehono. Oêo, awonoho. Ngko Jisas Kɨlais kako iyo hwojiyafɨkuênnyo sopo nakwoe wonyomneêno poyo peênɨmentiso sohuneêno ngko huno nihwosoêno osoênohini wolosetɨhwamneêno yohono. 3 Hohonta ngko sekwoênji humamentohe sohonta ngko yokumpohnênyo ane nohumanji iyoho nnɨmentisofoho. 4 Sekwo nje huno somo tɨfi nnɨngkapɨfitnneêenji hungkuno selɨmoteêmaho. Oêo, sekwo Anɨtuye yokumpohnênyo somo tɨfi inɨngkafitnneêenji hungkuno selɨmentohefoho. Osoêno ngko Anɨtuye hungkuno losetɨhwamentohe sohonta aêamu hunoênjoso hofɨko nomêne aêamufe hunomo uwoloêmokantɨfi hungkuno ntoêno esyohumawoênɨngkohofo paênyoso selɨmentoheêmaho. Oêo, ngko Anɨtuye hungkuno selahonɨngko Anɨtu kakoe Towahuno Wopɨngofe yokumpohnênyoso sekwo utɨhwaênyopo nuhwonontɨfi sekwo huno ole syafɨhuêmentohofi, Olo hungkuno loso neênjofoho. Huno ose syafɨhuêmentohofofoho. 6 Anɨtu kako huno engo nejapmmentisoso nakwo aêamu Anɨtuye hungkunomo aho yokumpohnênyo kemokosyohumalofo somo lutɨhwawoênɨngkuhwonefoho. Oso huno engo hiso olo hwaho lopontaêangoêmaho. U, aêamu olo hwaho lopo nakumo yokumpohnênyo ne mokosyohumawoênɨngkohofo sohwa mtaêangoêmaho. Oêo, hofɨkoe yokumpohnênyoso moiêwo umoênɨmontonoho. 7 Nakwoe Anɨtu mtaêango huno engoso lutɨhwawoênɨngkuhwonefoho. Oso huno engo hiso hiyasoêmo woêmojofoho. Anɨtu kako nakwoe hwaho mamtɨêmokiyo sohonta Anɨtu kako nakumo kakoe aêamu ne namokuhwosi nakwo kakoênji kakoe ango wonyoangkafo sopo humaneêento hungkuno mtitoêmentisofoho. 8 Aêamu olo hwaho lopo mokosyohumawoênɨngkohofo sohwa hofɨko oso huno hwapɨngo somo huno ntoêno mosyafɨsiyoênjo hwafoho. I osoêno hofɨko nakwoe Hwe Engo Anɨtu pomponaho hwapɨngo sohwoe hwomu sohuneêno huno ntoêno syafɨsyontɨfijontentesi hofɨko kakimo iyo hwojiyafɨkuênnyo somo mofonjintoêofasyɨkutnnesohilo. 9 Ngko olo hungkuno selalokwe losoêno aêamu Anɨtuye hungkuno nɨhuêno hohonta mtɨêmokumentohofo sohwa ole mtɨêmokumentohofi, Nakwo aêamu hwahoponjo hnênwi yoêmayo wonyoangkafo somo muhwonyoso yoêmayo wonyoangkafo soêno haloho mupaênyo soênji yoêmayo wonyoangkafoso aêamufe hunomo mufohotofoênjo oso yoêmayo hiso Anɨtu kako kakoe aêamu sɨmeho uyɨwoênɨngkohofo somneêno ntoêno esyohumaho. Ose mtɨêmokumentohofofoho. 10 Oso yoêmayo soêno hungkuno hiyasoêmo woêmojoso Anɨtu kakoe Towahuno wopɨngo sohwo netɨhwamentisofoho. Anɨtuye Towahuno Wopɨngo huhwo sohwo kako yoêmayoso nakwo hiyasoêmo yalokuhwone somo utɨhwaênyopo nahononto yoêmayo wopɨngo Anɨtuye hunomjo osoênji kakoe yahino soêno kako huno uyohoho. 11 Aêamu tɨhwolo, nomêne aêamu sohwoe huno somo uhwonyosofo. Oêo, awonoho. Oso hwe sohwo kakoênohini kakoe hunoso huno uyohoho. Oso paênyoso aêamu fihwo kako Anɨtuye huno somo kako huno muyo hweho. Anɨtu kakoe Towahuno sohwoênohini kako Anɨtuye huno soênji yahino soênji huno uyohoho. 12 I osoêno nakwo Anɨtuye aêamu ne hnênwi nakwo olo hwaho loponjo yahino wonyoso momasoênwoho. Oêo, Anɨtu kako nakumo kakoe Towahuno nejapmmentiso oso hiso yoêmayo wopɨngo Anɨtu kako siki nejapɨwoênɨngkiso soêno nakwoe hunoso ntoêno nto ehohosonasyohoho. 13 Yoêmayo wopɨngo Anɨtu kako nakumo siki nejapɨwoênɨngkiso soêno selalokuhwoneso nakwo nomêne aêamufe huno mtaêni mentani moselalokuyɨhwono. Oêo, olo hungkuno loso Anɨtu kakoe Towahuno Wopɨngo nakumo lonetɨhwahonɨngki selalokuhwono. Oso hungkuno hiso nakwo aêamu Anɨtuye Towahuno Wopɨngo hiênjo somneêno lutɨhwalokuhwono. 14 U, aêamu Anɨtuye Towahuno Wopɨngo ane sohwo oso aêamu huhwo sohwo kako Anɨtuye Towahunofe hungkunoso huno ntoêno muyo hweho. U, oso hiso pehoêneto. Oso aêamu huhwo sohwo kako oso hungkuno hiso nupaênonto huno ole syofɨsyalofoho. Olo hungkuno loso hwayo hohnjo hungkunofoho. Ose syofɨsyalofoho. Nakwo aêamu Anɨtuye Towahuno hiênjo hnênwi nakwo Towahuno Wopɨngofe hungkuno hilo soêno huno ntoêno nayohoho. I aêamu Anɨtuye Towahuno Wopɨngo aneso kako olo hungkuno hwapɨngo ne hilo soêno huno muyonehoho. Osoêno Anɨtuye Towahuno Wopɨngo sohwo kakoe wopɨngoso oso aêamu hisomo muyonehoho. 15 Oso hisoêno aêamu Anɨtuye hungkuno mtɨêmokumentohofo sohwa ole mtɨêmokumentohofi, Nakwoe Hwe Engo Anɨtu sohwoe huno somneêno huno tɨhwo uyohoho. Anɨtu sohumo tɨhwo wolutɨhwamontolo. Oêo, nɨhuêno awonoho. Ose mtɨêmokumentohofofoho. I osoêno nakwo Anɨtuye Towahuno Wopɨngo hiênjo hnênɨmo Kɨlais kakoe huno fehohnjoso nejapmmentisofoho. Oseso aêamu Anɨtuye Towahuno Wopɨngo hiênjo sohwo kako yoêmayo yoêmayo somo uhwonɨngkuhwosi kako yamofo ulohoêmontonoho. Oloso wopɨngofoho. Oso wonyofoho. Huno ose uyohoho. U, aêamu kako Anɨtuye Towahuno Wopɨngo aneso kako Anɨtuye aêamu ne somo yamofo mulohofonehoho. Oêo, Anɨtuye Towahuno Wopɨngonjo sohumo yahino wopɨngo utɨhwamontonoho.