Rom 4
PNG1 Asu sɨhɨrɨ sɨhefɨ amoao Abraham ranahambo nüÅgu mambɨsefa? 2 Abraham ai nɨne aboedɨ moatükunɨ ratüpurɨmayu ranahambohünda God ai ahambo nindou mbumundɨ aboed-ani mbehu-mbonana, asu ranɨmbo-hünda borɨmbomayu-hündɨyosɨ. Åga ranɨmbo-hünda Godɨndɨ hɨmboahü Ågɨrɨ borɨndu. 3 Åga Bukambe hoafɨ ranai yare hoafɨyowohü yahoya, ‘Abraham ai Godɨmbo anɨhondümbo-marirɨ ranɨmboyu asu God ai ahambo nindou mbumund-anafɨ mehundo ahandɨ anɨhondümbofe hohoanɨmo ranɨ-süÅgumbo wambo,’ meho. Stat 15:6 4 Sɨhɨrɨ fɨfɨrɨhundɨ ra, nindou ai nɨne ratüpurɨ ratüpurayu ana, ai ranɨ takɨnɨ kakɨ semündüh-ani. Ahandɨ kakɨ ra moanɨ sabudowanɨ semündühüyupoanɨ, Åga sapo ai ratüpurɨmayu ranɨ takɨnɨmbo asabudo-ane. 5 Åga asu nindou düdi ai ahandɨ ratüpurɨ ranahambo hohoanɨmokoate-yuwohü asu ai moanɨ God sapo nindou hohoanɨmo moaruwaimbü aheimbo nindou mbumund-anei ehu ranahambo anɨhondümboarirɨ ana, asu ai ahandɨ anɨhondümbofe hohoanɨmo ranahambo mbumundɨ hohoanɨmo-ane yahu arandɨ. 6 Nindou rahurai-ane God ai ahambo mbumundɨ nindou-ani ehu, Åga moai ahandɨ ratüpurɨmbohünda, nindou ranai hɨhɨfɨ-hɨhɨfümbɨ nindou-ani yahu. Åga Defit amboa ranahambo hoafɨmayu. 7 Ai yare hoafɨyuhü yahuya, ‘Nindou ai hɨhɨndɨ hohoanɨmoyeianɨ asu God ai amboawiyei yahuhü ahei moaruwai hohoanɨmo ranahambo gabudareandɨ, nindou ranai ana hɨhɨfɨ-hɨhɨfümbɨ nindou-anei. 8 Nindou ai moaruwai hohoanɨmoyuwanɨ asu Adükarɨ ai ranahambo hohoanɨmokoate-ayundo ana, nindou ranai hɨhɨfɨ-hɨhɨfümbɨ nindou-ani,’ Buk Song 32:1-2 mehu. 9 Sapo hɨhɨfɨ-hɨhɨfɨ hohoanɨmo ranahambo Defit hoafɨmayu ra, nindou fihoearɨ kefe tɨrɨhefe hohoanɨmo süÅgurundeimbɨ ranaheimbo yaÅgɨrɨyu hoafɨmayu? Wanɨ. Åga nindou fihoearɨ kefe tɨrɨhefe hohoanɨmo süÅgufekoate-ayei ranaheimbo kameihɨyu ai yare hoafɨmayu. Åga sɨhɨrɨ rarɨhu fɨfɨrɨhundɨ ra, God ai Abrahamɨndɨ anɨhondümbofe ra hoeireandanɨ mayoa ahambo nindou mbumund-ani mehu, asefɨ. 10 Åga nüÅgusümboanɨyo ranɨ-moatükunɨ ra ahambo tükümefeyowa? Abraham ai ahandɨ fihoearɨ ra kefe tɨrɨhefekoate-yuwambeyo asu kare tɨrɨhai hayamboyuwambeyo God ai ahambo yare hoafɨmayundo ra? Sapo ai fihoearɨ kefe tɨrɨhefekoate-yuwambeyo, Åga süÅgunambo-yopoanɨ. 11 Ai ahandɨ fihoearɨ ra kefe tɨrɨhefekoate nüÅguambe Godɨmbo anɨhondümbo-marira asu God ai ahamboya se nindou mbumund-anafɨ mehundo. Ra nafuimbohünda God ai ahambo fihoearɨ kefe tɨrɨhefe hohoanɨmo masagado. Ranɨmboani Abraham ai muÅguambo nindou moai fihoearɨ ahei ra karɨhi tɨrɨhehindɨsɨ, Åga asu ai Godɨmbo anɨhondümbo-arɨhorɨ ranahei amoao amboanayu. Ranɨmbo-hündamboyo asu God ai aheimbo amboanɨ se nindou mbumund-anei mehundürɨ. 12 Nindou bɨdɨfɨrɨ ai fihoearɨ karɨhi tɨrɨhehi-ndeimbɨ yaÅgɨrɨ-yeipoanɨ, Åga anɨhondümbo-rɨhindeimbɨ kapeih-anei asu sɨhefɨ amoao Abrahamɨndɨ anɨhondümbofe hohoanɨmo süÅgurɨhi arɨhündɨ. Asu horombo Abraham ahandɨ fihoearɨ kefe tɨrɨhefekoate-yuambe anɨhondümbo-mareandɨ ranɨ-süÅgumefundɨ ranɨmbo-hündamboani ai ahei amoao-ayu. 13 God ai Abraham asu ahandɨ amoao mamɨ ranaheimbo hɨfɨ muÅguambo ra ndahandürɨmboyahɨ yahuhaya horombo hoafɨmareandürɨ. God ai ahambo ranɨ hoafɨ ahɨnümbɨ hohoanɨmo süÅgufembo ranɨ-süÅguyopoanɨ ai horombo hoafɨmareandɨ. Åga Abraham ai Godɨmbo anɨhondümbo-mariramboyu asu God ai nindou mbumund-ani mehundo. Åga ranɨ-süÅgumboyu ranɨ-moatükunɨ semɨndɨmbo God ai horombo hoafɨ ra hoafɨmeindo. 14 Sapo nindou ai ahɨnümbɨ hohoanɨmo ra süÅgurɨ-hündeimbɨ-mayei ai yaÅgɨrɨ Godɨndɨ muÅgu-moatükunɨ ra asahümündi ana, asu anɨhondümbo hohoanɨmo ra moanɨ nɨÅgombo nou-ane. Asu Godɨndɨ horombo hoafɨ ranamboanɨ yafui hoafɨ yaÅgɨrɨ nou-ane. 15 Sapo ahɨnümbɨ hohoanɨmo ra yaÅgorühɨ asu Godɨndɨ Ågɨnɨndɨyowohü tɨÅɨrɨfo saimbo hohoanɨmo ai-amboa yaÅgoromboane. Åga asu ahɨnümbɨ hohoanɨmo ra yaÅgorɨkoate-yowohü asu Ågɨrɨ nindou ai ahɨnümbɨ hohoanɨmo ranahambo süÅgufekoate-ayei mbɨsefɨ hoafɨndefɨ. 16 Ranɨmboane asu ranɨ-moatükunɨ ranahambo sapo God ai saimbo horombo hoafɨmareandɨ ra anɨhondümbofe hohoanɨmomayo ranɨ-süÅgu tükefeyo. Ranɨmbo-hündambo-anɨmbo ranɨ-moatükunɨ ra sapo ahandɨ hɨpoambofe hohoanɨmomayo ranɨ-süÅgu yaÅgɨr-ane tükefeyo. Nindou dɨdɨyei sapo ahɨnümbɨ hohoanɨmo ranahambo süÅguarɨhindɨ ranaheimbo yaÅgɨrɨyopoanɨ, Åga nindou sapo anɨhondümbo-arɨhindɨ ana, Abraham ai anɨhondümbo-mareandɨ nou ai-amboanɨ ra ndahümündimboyeisɨ. Abraham ai ana muÅguambo sɨhefɨ amoao nahurai-ani. 17 Ranɨyo Bukambe hoafɨ ranai yare hoafɨyowohü yahoya, ‘Ro sɨhambo afɨndɨ hɨfɨ hɨfɨ nindou ranahei amoaombeyafa sahehea hɨnɨÅgɨ-marɨheanɨnɨ,’ meho. Ranɨyo ranɨ hoafɨ ra anɨhond-ane nɨmboe sapo God ahandɨhoarɨ hoafɨmayu. Abraham ai Godɨmbo anɨhondümbo-marirɨ ranai-ani nindou yɨfɨhündɨ yaÅgɨrɨ botɨre asu nɨne-moatükunɨ muÅguambo tüküfekoate ra ahandɨ hoafɨ süÅgu hoafɨ yaÅgɨrɨ moanɨ aimbore tüküfe arandɨ. 18 God ai Abrahamɨmboya, ‘Sɨhafɨ amoao mamɨ ana tapuiyowa Ågɨrɨ kɨkɨndeandɨ,’ mehundo ra ai moai fɨfɨreandɨ nüÅgunde ranɨ-moatükunɨ ahambo tükümandɨfe. Åga Abraham ai ranɨ hoafɨ ranahambo hɨmborɨyu haya Godɨmbo anɨhondümbo-rirühɨ hɨmbomayu hu. Ranɨmboane asu nindou afɨndɨ hɨfɨnɨ ranahei amoao tükümefiyu God ai yare hoafɨmayu nou. 19 Abraham ai ndeara 100 hɨmbanɨ boagɨrɨ safɨyusɨ, Åga asu Godɨmbo anɨhondümbo-fimbo hohoanɨmo ranai moai warambe hoafɨrerɨ ahandɨ fi ranai ndeara akɨmɨ yɨfɨmbo yaÅgɨrɨyowambe ra. Asu ahandɨ nɨmorehɨ Sara amboanɨ ahandɨ fi ra ndeara boagɨrɨ-yowohü wambo Ågɨrɨ nɨmorɨ wakɨndamɨndo. 20 God ai Abrahamɨmbo mamɨ moatükunɨ ndahandomboyahɨ yahuhaya horombo hoafɨmendu ranɨmbo moai yimbumbore hohoanɨmoyu, Åga Godɨmbo Ågɨnɨndɨ anɨhondümbo-rirühɨ aboed-ani mehu. 21 Ranɨyu ai nɨne hoafɨ God ahambo randɨheamboyahɨ mehu ranɨmbo anɨhondümbo ai randeambui yahuhaya hɨmbomayundo. 22 Ai yare hohoanɨmomayu-wamboyu asu God ai ahamboya, ‘Seana mbumund-anafɨ wandɨ hɨmboahü,’ mehundo. 23 Baiborambe yare hoafɨyowohü yahoya, ‘God ai ahambo nindou mbumund-anafɨ wandɨ hɨmboahü,’ mehu ra Abraham ahambo yaÅgɨrɨ hamɨndɨ hoafɨyumbo-yupoanɨ, Åga wanɨ. 24 Åga ranɨ hoafɨ ra sɨhefɨmbo kameihɨyu hoafɨmemunɨ. Sɨhɨrɨ sapo God Sisas sɨhefɨ Adükarɨ ranahambo yɨfɨhündɨ botɨmarirɨ ranahambo-anɨmbo anɨhondümbo-ndɨhurɨmboane. Rananɨmbo asu God ai sɨhefɨ anɨhondümbofe hohoanɨmo ranahambo hoafɨnduhüya ranɨ anɨhondümbofe ranana mbumundɨ hohoanɨmo nou-ane mbüsümbui. 25 God ai Sisas ranahambo hɨfɨ ndanɨhü yɨfɨmbohünda koamarɨherü ra sɨhefɨ moaruwai hohoanɨmo ranahambo gogorɨ-hefembohündamboyu. Asu God ai asükaiyu yɨfɨhündɨ botɨmarirɨ ra sɨhefɨmbo wandɨ hɨmboahü nindou mbumund-anei yahombohündamboyu botɨmarirɨ.