Rom 3

1 Ranana asu nüÅgunde Sudahündɨ-yei nɨÅgombo ranai Ågorü sɨrɨhündɨ-yei nɨÅgombo ranahambo Ågasündɨmandea? Asu fihoearɨ kefe tɨrɨhefe hohoanɨmo ranambe nɨne-moatükunɨ aboedɨ tüküfe aranda? 2 E! Afɨndɨ muÅguambo moatükunɨ aho ra ranɨ-poanɨ ranɨ-poanɨreamboane. Mamɨ adükarɨ moatükunɨ ranane God ai Suda aheimbo ahandɨ hoafɨ hondü ai aheimborɨhi hɨfandɨmbɨrɨhünda yahuhaya masagadürɨ. 3 Asu nindou bɨdɨfɨrɨ ai hoafɨ ranahambo anɨhondümbo süÅgufekoate-ayei ranana asu nüÅgumandɨfea? Nindou ai ranɨ-moatükunɨ rawarɨhindɨ ranɨmbohünda asu God ai-amboanɨ anɨhondümbo hohoanɨmo hoafɨ ahandɨ ra hɨnɨÅgɨmandeyo? 4 Tɨkaiyopoanɨ, Åga anɨhond-ane, God ai Ågɨrɨ ranɨ-moatükunɨ ra randeandɨ! Nindou ai tɨkarɨhi hehi hoafayei amboanɨ asu God aiana moanɨ anɨhondümbo mam-anɨmbo hoafɨndɨmbui. Sapo Bukambe hoafɨ ranai God ranahambo yare hoafɨyowohü yahoya, ‘NüÅgu-sɨmboanɨyo se hoafɨndafanɨ nindou hoafɨ ra anɨhondayo fɨfɨrɨmbɨrɨ-hindamboane. Asu nüÅgu-sümboanɨyo nindou sɨhambo papɨ-hoafɨndɨhünanɨ sɨhafɨ hoafɨ ra ahei hoafɨ ranahambo Ågasündɨmbɨ-reandüramboane,’ Buk Song 51:4 meho. 5 Åga asu sɨhefɨ moaruwai hohoanɨmo ratüpurɨ ranɨ hohoanɨmo ranai Godɨndɨ mbumundɨ hohoanɨmo ranahambo weindahɨndeandanɨ ana, sɨhɨrɨ ranahambo nüÅgu mambɨsefa? God ai sɨhɨrɨ moaruwai hohoanɨmoyefɨ arɨhundɨ ranɨmbo-hünda ai sɨhefɨmbo sɨmborɨ tɨÅɨrɨfo asemunɨ ana, asu ahandɨ hohoanɨmo ra moaruwai-ane, randɨhu ramambɨsefɨyo wanɨmandefɨyo? (Nindou sɨhefɨ hohoanɨmo süÅguanahɨ moanɨ ndarɨhe hoafɨyahɨ.) 6 Ranɨ-moatükunɨ ra ai wanɨ! Asu God ai mbumundɨ hohoanɨmokoate-ayu ana, asu nüÅgunde ai nindou hɨfɨ ndanɨhü anɨmboei ranaheimbo türüboadeandürühɨ yɨbobomandeandüra? 7 Asu wandɨ tɨkai hoafɨ hohoanɨmo ranambo Godɨndɨ hoafɨ hondü ra weindahɨ-rɨheandanɨ asu ahandɨ ndürɨ adükarɨ tüküfeyo ana, asu nɨmboe wambo moaruwai hohoanɨmo-yaheimbɨ nindou nou God ai papɨ-hoafarandɨra? 8 Refeana, sɨhɨrɨ randɨhu hoafɨndefɨhüya, awi sɨhɨrɨ moaruwai hohoanɨmo ranɨ yaÅgɨr-anɨmbo süÅgundɨhu Ågefanɨ ranɨmbo asu aboedɨ hohoanɨmo ra ranɨ-süÅgu tükündɨfeyoanɨ mambɨsefɨyo? Karɨhasɨhandürɨ wanɨ. Nindou bɨdɨfɨrɨ wambo tɨkai hoafɨyahü-ndɨrɨhüya Por aiana yahurai hoaf-ane wataporɨmbora arandɨ asei. SüÅgunambo-anɨmbo God ai aheimbo ramarɨhindɨ süÅgu türüboadeandürɨhɨ tɨÅɨrɨfo dagadürɨmbui, Åga ranɨ-moatükunɨ God ai refemboayu ra ai aboed-anesɨ. 9 Awi refe ana, Suda sɨhɨrɨ nindou Ågorü sɨrɨhündɨ ranaheimbo Ågasündɨhurümbo-mbeyefɨyo? Ra ai wanɨ! Ro ranɨ-moatükunɨ ranahambo hoafɨyaheimb-ane, nindou Ågorü sɨrɨhündɨ ranane, asu Suda ranane, muÅguambo sɨhɨrɨ ana mamɨ sɨmogodɨ nindou yaÅgɨr-anefɨ asu muÅguambo moaruwai hohoanɨmo süÅgurɨhu-rɨhundühɨ sɨhefɨhoarɨ hüti-anefɨ. 10 Åga Bukambe hoafɨ ranahambo yare hoafɨyowohü yahoya, ‘Nindou mamɨ ai-amboanɨ moai mbumundɨ nüÅgu. 11 Nindou mamɨ ai-amboanɨ moai Godɨndɨ moatükunɨ ranahambo fɨfɨreandɨ, nindou mamɨ ai-amboanɨ moai Godɨmbo kokorürɨ randɨ. 12 MuÅgoambo ai Godɨmbo daboadɨ hɨhɨrɨhorɨ-mboanei. MuÅguambo ai nindou moaruwai saf-anei tükümehindɨ. Nindou mamɨ ai-amboanɨ nɨne-moatükunɨ aboedayo ranɨ-moatükunɨ moai rareandɨ, Åga wanɨ,’ Buk Song 4:1-3; 53:1-3; Saveman 7:20 13 ‘MuÅgu yafambe ana yɨfambe gabudɨfekoate anɨÅgo rahurai-anendürɨ. Tɨkai hoafɨ moaruwai ranai ahei teifɨ ranɨ-süÅgu hɨhɨre ho pɨyowohü moanɨ yaÅgoroweimbɨ hoafɨ ranai tüküfih-ane.’ Buk Song 5:9 ‘Amoasɨrɨndɨ yahafambe nindou hɨfokoefembo tɨbagɨ amaro nahurai.’ Buk Song 40:3 14 ‘Ahei yafambe ambe ana nindoumbo God ai moaruwaimbo-mbɨreandüra-mboane yaho hoafɨ asu moaruwai hühütimbü hoafɨ ranɨ yaÅgɨr-ane hoafɨyei arɨhündɨ.’ Buk Song 10:7 15 ‘Aiana nindou hɨfokoefembo hohoanɨmoayei. 16 Aiana nahanɨnɨyo ahei ra muÅgu-moatükunɨ moaruwaimbofe howohü tɨÅɨrɨfo afɨndɨ saimbo yaÅgɨrɨ nindou-anei. 17 Aiana nindou Ågorü-babɨdɨmbo moai wudɨpoaporɨhi nɨmarei.’ Aisaia 59:7-8 18 ‘Aiana moai Godɨmbo akɨdou-amboa ahɨnɨrɨhorühɨ yɨhɨmboyahündo rɨhündɨ,’ Buk Song 36:1 meho. 19 Asu sɨhɨrɨ fɨfɨrɨhumboanefɨ, muÅguambo hoafɨ ahɨnümbɨ hohoanɨmo ai hoafayo ra nindou dɨdɨyei ranahandɨ hoarehɨndeihɨ süÅgumbɨrɨ-hindamboane. Ranɨmboane asu nindou mam-amboa Ågɨrɨ hoafɨndühɨ ro mbumund-anahɨ mbüsu, Åga wanɨ. Asu nindou muÅguambo Godɨndɨ hɨmboahü hüti-anei ra nafuimbohünda ahɨnümbo hohoanɨmo eÅgoro. 20 Åga ahɨnümbɨ hohoanɨmo süÅgufembo ranɨnambo Ågɨrɨ nindou mamɨmbo amboanɨ Godɨndɨ hɨmboahü nindou mbumund-anahɨ mbüsu. Ahɨnümbɨ hohoanɨmo ranai ahandɨ ratüpurɨ sɨhefɨ hohoanɨmo moaruwai nafuiyamunɨ randühane. 21 Åga hapondanɨ ana God ai ahandɨ nindoumbo mbumund-anei ehu hohoanɨmo ranana ai weindahɨ tüküfemboane. Åga asu ranɨ-moatükunɨ ra sapo ahɨnümbɨ hohoanɨmo meÅgoro ranɨ-süÅgupoanɨ tükümefeyosɨ, Åga ahɨnümbɨ hohoanɨmo ranɨyo Godɨndɨ hoafɨ hoafɨyomo-rundeimbɨ ranai-amboanɨ ranɨ-moatükunɨ ranahambo weindahɨru masɨhoemo. 22 Godɨndɨ-mayo mbumundɨ hohoanɨmo ranana ndahurai-ane: Nindou muÅguambo dɨdɨyei ai Sisas Kraisɨmbo anɨhondümbo-arɨhorɨ, ranaheimbo God ai nindou mbumund-anei ehu ahei anɨhondümbofe hohoanɨmo ranɨmbo-hündambo. Åga nindou ranai Ågorü-poanɨyombo-yopoanɨ. 23 Wanɨ, Åga nindou muÅguambo moaruwai hohoanɨmo-yeimboanei asu mbumundɨ sürühoeimbɨ hohoanɨmo God ai siaoayu ra mbonɨmbo-rɨhümündimboanei. 24 Åga asu God ai aheimbo moanɨ hɨpoamboarandürɨ. Ranɨmboyu asu ai nindou ranaheimbo aboedɨ mbumund-anei mehundürɨ sapo Krais Sisas ai aheimbo aboedambo-mareandürɨ ranahandɨ süÅgu. 25 God ai Krais ahamboya, ahandɨ horɨ ranai pɨndowohü-anɨmbo nindou dɨdɨyei ahambo anɨhondümbo-arɨhorɨ ranai moaruwai hohoanɨmoayei ra popoaimbɨ-ramɨndüramboane yahu hayamboyu. God ai ranɨ-moatükunɨ ramareandɨ ra ahandɨ hohoanɨmo moanɨ mbumundɨ hamɨndɨ hondayo ra nafuimbohünda ramareandɨ. Åga horombo ana nindou ai moaruwai hohoanɨmomayeisɨ, Åga God ai ranɨ-moatükunɨ ranahambo hɨnɨÅgɨrou safɨ hɨfandandühɨ asu ai moai nɨmai ranɨ-moatükunɨ ranahambo sɨmborɨ tɨÅɨrɨfo saimbo hohoanɨmoyu. 26 Yɨnɨ, ai Sisasɨmbo maserü ra haponda ndanambe ana ahandɨ mbumundɨ hohoanɨmo ra weindahɨ nafuimbo-hündamboyo. Ranɨ süÅgumboane ro fɨfɨrɨhundɨ ra God ai ahandɨhoarɨ mbumundɨ hamɨndɨ hond-ani asu nindou düdi ai Sisasɨmbo anɨhondümbo-arirɨ ranahambo seana nindou mbumund-anafɨ yahu arandɨ. 27 Asu refe ana, nɨne-moatükunɨ ranahambo sɨhɨrɨ borɨmandefɨ habodefa? Ågɨrɨ moanɨ borɨndefɨ. Asu nɨmboe ranɨ-moatükunɨ rana? Ranɨ mbumundɨ moatükunɨ ra sapo ahɨnümbɨ hohoanɨmo meÅgoro ra süÅgufembo-hündamboyo? Wanɨ, Åga sapo sɨhɨrɨ anɨhondümbo-arɨhundɨ ranɨmbo-hündamboane. 28 Åga sɨhɨrɨ ana ra fɨfɨrɨhundɨ, nindou moanɨ anɨhondümbo-arɨhindɨ ranaheimbo-anɨmbo God ai nindou mbumund-anei mbüsümbui, Åga ahɨnümbɨ hohoanɨmo ra süÅgufembo ranɨmbo-hündambo Ågɨrɨ randearü. 29 Asu nɨmboe rana? Asu God ai Suda-yei God yaÅgɨrɨyu? Asu nindou Ågorü sɨrɨhündɨyei God kameihɨyu? Yɨnɨ, God ai nindou Ågorü sɨrɨhündɨyei God amboan-ani. 30 God aiana moanɨ mamani. Ranɨyu hayambo ranani Suda sapo ai ahei fihoearɨ karɨhi tɨrɨhehi arɨhündɨ ranai anɨhondümbo hohoanɨmo süÅgu aheimbo nindou mbumund-anei mbüsümbui. Asu nindou Ågorü sɨrɨhündɨ sapo ai ahei fihoearɨ kefe tɨrɨhefekoate ranai anɨhondümbo hohoanɨmo süÅgu aheimbo amboa nindou mbumund-anei mbüsümbui. 31 Asu sɨhɨrɨ ranɨ anɨhondümbofe hohoanɨmo ranambo sapo ahɨnümbɨ hohoanɨmo meÅgoro ra moanane sefai? Ai ra wanɨ! Åga ahɨnümbɨ hohoanɨmo ahandɨ nɨmɨndɨ ra Ågɨnɨrɨ-humündefühanefɨ.