Firipai 2
PNG1 Krais se-babɨdɨ nüÅgumbo sɨheimbo Ågɨnɨndɨ sagadürɨ arandɨ ranɨnambo se Ågɨnɨndɨ anɨboadei. Ai sɨheimbo Ågusüfo pareandüra se Ågusüfoambe afurɨhi amarei. Se Yifiafɨ Aboedɨ-babɨdɨ wudɨyeihɨ asu se nindou Ågorümbo aboedɨ hohoanɨmoyeihɨ hɨpoambo-arɨhindɨ. 2 Ranɨmboane asu wambo afɨndɨ hɨhɨfɨ-hɨhɨfɨmbohündambo, mamɨ hohoanɨmo süÅgundɨhindühɨ, sɨheihoarɨ sɨmborɨ Ågusüfo pefirɨndeihɨ, mamɨ hohoanɨmo süÅgundɨhindɨ. 3 Se sɨheihoarɨ yaÅgɨrɨ hohoanɨmondeihɨ nɨÅondɨ-ndeimboyei. Åga se sɨhei fi hɨfɨnambo-ndɨhindühɨ bodɨmondamboya, ai ndearɨ hamɨnd-anei mbɨsei. 4 Se sɨhei rananɨ moatükunɨmbo yaÅgɨrɨ dɨboadofemboane mbɨseimboyei, Åga bodɨmondɨ-yafe rananɨ moatükunɨ kapeihü dɨboadofemboane mbɨsei hohoanɨmondei. 5 Sisas Krais ai hohoanɨmomayu rahurai se mandɨhi süÅgundɨhindɨ. 6 Koadürümbo-koadürümbo Krais ai God-ani, Åga ai moai God nahurai nɨÅgombo ra kɨkɨhamɨndu, Åga moanɨ hɨnɨÅgɨmareandɨ. 7 Åga God nahurai nɨÅgombo ra ai ahandɨhoarɨ hɨnɨÅgɨmareandɨ, asu moanɨ ratüpurɨyu-randeimbɨ nahurai hohoanɨmo masemündu. Nindoumbofi tüküfi nüÅgumbo, asu nindou-yafe fi wusɨndamündü manüÅgu. 8 Nindou ranahambo nindou nahuraiyu hoeimarɨhorɨ, Åga ahandɨ fi hɨfɨnambore hayambo Godɨndɨ hoafɨ süÅgura humbo yɨfɨmayu. Yɨnɨ, nɨmɨ keimbɨ karɨhe-ndeimbɨfihɨ yɨfɨmayu. 9 Ranɨmboane asu God ai ahambo serümündü hafu nɨmoamo hɨnɨÅgɨrirühɨ, asu muÅguambo Ågasündeandeimbɨ bogorɨ kamafoarirɨ. 10 Ranɨmboane asu nɨmoamonɨndɨ, hɨfɨnɨndɨ, hɨfɨ hoarehɨndɨ nendɨ muÅguambo ai yirɨmbo pusɨndɨhi Kraisɨndɨ hoarehɨ nɨmandeimboyei. 11 Asu muÅguambo ai Sisas Krais Adükarɨ Bogor-ani mbɨseimboyei. Ranɨmbo-hündamboane ndürɨ adükarümb-ani mbɨseimboyei. 12 Ranɨmboane asu Ågusüfo parɨheandüreimbɨ mamɨ, ro se-babɨdɨmbo nɨmboahambe se nɨmbɨ-nɨmbɨsi wandɨ hoafɨ hɨmborɨ-yei marɨhündɨ. Åga haponda se-babɨdɨ nɨmarɨkoate-yahambe se wandɨ hoafɨ ra süÅgundɨhi Ågei. God ai sɨheimbo aboedambo-mareandürɨ, Åga ratüpurɨ ra moendɨfembohünda se aboedɨ hamɨndɨ nɨmarɨmbohündambo bübürɨÅɨndahi Ågei. 13 Sapo nɨnɨ-moatükunɨmboyu God ai yifirayu ra se yifirɨyo hefe ratüpurɨmbohünda farɨhendürɨ arandɨ. 14 MuÅguambo moatükunɨ se ratüpurɨndeihɨ Ågɨrɨ yiboaruko hoafɨndeihɨmbo sɨmborɨ-sɨmborɨndei. 15 Ranɨmbo-hündambo se moaruwai hohoanɨmokoate-yeimbɨndeihɨ asu Godɨndɨ aboedɨ sürühehindeimbɨ nɨmorɨ nɨmboeimboyei. Hɨfɨnɨndɨ nɨmorehɨ nindowenihɨ ai dɨboadofekoate-yeimbɨ moaruwai hohoanɨmoyei-rɨhündeimb-anei. Åga se aheimbo yaÅgɨrɨ nɨÅgombo hoafɨ hoafɨndeianɨ, se ahei mbüsumo nɨboadeimbo sindeimboyei mupui nɨmbokoanɨ siayo nahurai. 16 Se rahurai randɨhindanɨ, aheimbo yaÅgɨrɨ nɨÅgombo hoafɨ hoafɨndeianɨ, Krais ai asükai kuduanɨ, rasɨmboanɨ ro sɨhembohündambo hɨhɨfɨ-hɨhɨfɨndahühɨ hoafɨndamboyahɨ, ‘Ro moanɨ hoaÅgɨrɨhe tɨÅɨrɨfo-yahühɨyahɨpoanɨ.’ 17 Se Godɨmbo anɨhondümbo-rɨhorühɨ ratüpurɨyei arɨhündɨ ranɨmbo God ai hɨhɨfɨ-hɨhɨfayu se ahambo sesɨ sɨhefembo nahurai-ane. Wambo hɨfokoarahindɨrɨ ana, ra ro se-babɨdɨ Godɨmbo sesɨ sɨhefembo nahuraindɨmboe asu se-babɨdɨmbo hɨhɨfɨ-hɨhɨfɨndamboyahɨ. 18 Ranɨnambo asu se-amboanɨ ranahambo ro-dɨbo hɨhɨfɨ-hɨhɨfɨndei. 19 Adükarɨ Sisas ai yifirayu ana, Ågɨrɨ amɨtata Timoti sɨheimbo sowanambo koandɨhehina düdu sahehea hohoanɨmoayahɨ. Rananɨmbo asu ai asükai düdü sɨheimbohündambo wambo hoafɨnduanɨ, ro Ågusüfoambe hɨhɨfɨ-hɨhɨfɨndamboyahɨ. 20 Nindou Ågorü moai rahurai nüÅgu, Åga Timoti yaÅgɨr-ani ro mamɨ hohoanɨmo süÅguarɨhoandɨ. Sɨheimbo farɨhefendürɨmbo ai afɨndɨ hohoanɨmoayu. 21 Bodɨmondɨ ai aheihoarɨmbo yaÅgɨrɨ hohoanɨmoyei arɨhündɨ, Åga Sisas Kraisɨndɨ ratüpurɨmbo moai hohoanɨmoyei. 22 Åga se yarɨhi fɨfɨrɨhindɨ, Timoti ai nindou aboed-ani. Aboedɨ hoafɨ hoafɨmbo wambo mafarɨhendɨrɨ, nɨmorɨ ai rananɨ moatükunɨ ratüpurɨmbo afɨndambo afarɨheirü nou. 23 Ranɨmboane asu nɨnɨ-moatükunɨ tüküfemboayo ra nüÅgundɨhe fɨfɨndɨhe mbundɨhambo-anɨmbo, nɨmai koandɨhehinanɨ sɨheimbo sowanambo mbüsünuwa asahɨ. 24 Ro türüfoarɨhe anɨhondümbo-rɨheandɨ Adükarɨ ai yifirayu ana, Ågɨrɨ amɨtata ro-amboanɨ sɨheimbo sowana dɨdɨhɨ. 25 Epafroditusɨmbo sɨheimbo sowanambo koehefiwa sɨnɨmbo hohoanɨmoayahɨ. Ai sɨhefɨ wandaf-ani, Åga ai ami nahurai wandɨ mamɨ ratüpurɨyu-randeimb-ani. Wambo farɨhefe-ndɨrɨmbo sei hehi, koamarɨhehora wambo sünɨmbo mafarɨhendɨrɨ. 26 Sɨheimbo hoeifembo afɨndɨ hohoanɨmoayu. Se ahambo aÅgünɨmbomayu hoafɨ hɨmborɨmayei ranahambo fɨfɨre hayambo asu sɨheimbo afɨndɨ hohoanɨmo-mayundürɨ. 27 Anɨhond-ane, horombo aÅgünɨmboyuhü ndearambo akɨmɨ hamɨndɨ yɨfɨmbo yaÅgɨrɨmayu. Åga asu God ai ahambo hɨpoamborirühɨ dɨboadomarira asu aboedɨmefiyu. God ai moai ahambo yaÅgɨrɨ hɨpoamborirɨ, Åga wanɨ. Åga ai wambo amboanɨ hɨpoambo-mareandɨrɨ, nɨmboe ro afɨndɨ hohoanɨmomayahɨ, Åga asu ai yɨfɨmbei-mbonana, ro afɨndɨ hamɨndɨ hohoanɨmoya. 28 Ranɨmboanahɨ ahambo koehefimbo afɨndɨ hamɨndɨ hohoanɨmoayahɨ rananɨmbo se asükai hoeindɨhorühɨ hɨhɨfɨ-hɨhfɨndeimboyei. Rananɨmbo asu ro sɨheimbo afɨndɨ hohoanɨmokoate-ndamboane. 29 Ranɨmboane asu se hɨhɨfɨ-hɨhɨfɨnambo Epafroditus ndahorɨmɨndei Adükarɨmbo anɨhondümbo-rɨhoreimbɨ ai anɨhondümbo-rɨhindeimbɨ asahorɨmɨndei nou. Se yahurai nindoumbo ndüreimb-anemo mbɨsei. 30 Ai Kraisɨndɨ ratüpurɨ ratüpurɨyuhü ndeara akɨmɨ hamɨndɨ yɨfɨyuane, Åga ai moai ahandɨ fimbo ndorɨhefe nɨÅgombo hohoanɨmoyu. Åga wanɨ. Se wambo fehefendɨrɨmbo masei, Åga Ågɨrɨndei. Åga sɨhei-mayo fehefe ra wambo saimbohünda ahandɨ aÅgünɨ ra karefarɨhoei hayambo ahandɨ ratüpurɨ ratüpurɨmayu.