Firipai 1
PNG1 Por ro Timoti-dɨbo Sisas Kraisɨndɨ moanɨ ratüpurɨye-rɨhoandeimb-anehɨ. Se Godɨndɨ nendɨ Firipaihündɨ Sisas Krais-babɨdɨ anɨboadei asu anɨhondümbo-rɨhindeimbɨmbo hɨfandɨ-rundeimbɨ asu farɨhou-rundeimbɨ babɨdɨmbo se muÅguambo karɨhasɨhandür-anei. 2 Sɨhefɨ Ape God asu Adükarɨ Sisas Krais ai sɨheimbo moanɨ hɨpoambo-ndɨneandürühɨ Ågusüfoambe afurɨfimbɨ hohoanɨmo mbɨsabɨnandür-amboane. 3 Ro sɨheimbo hohoanɨmo-yahandürühɨ-ana sɨheimbohünda wandɨ Godɨmbo hɨhɨfɨrɨhünɨ arɨhandɨ. 4 Ro sɨheimbo muÅguambohünda muÅguambo si Godɨmbo dɨdɨbafɨ-yahandowohü hɨhɨfɨ-hɨhɨfɨya arɨhandɨ. 5 Horombo se Kraisɨmbo anɨhondümbo-marɨhorɨ ra hei-heimbo haponda asu ro aboedɨ hoafɨ bokarɨ-hefembohünda wambo farɨhehindɨrɨ arɨhündɨ ranɨmboanahɨ ro Godɨmbo hɨhɨfarɨhünɨ. 6 God ai ranɨ-sɨmboanɨ piyu haya sɨhei Ågusüfoambe aboedɨ ratüpurɨ ratüpurɨyu humbo asu süÅgunambo Sisas Krais asükaindu kuduanɨ ratüpurɨ ra moendɨndeambui, ro ranahambo türüfoarɨhe anɨhondümbo-rɨheandɨ. 7 Ranɨmboane ro sɨheimbo yahurai hohoanɨmoayahɨ ra aboed-ane. Ro sɨheimbo Ågusüfo pararɨheandürɨ. God ai sɨhefɨmbo moanɨ hɨpoamboa-reamunühɨ ratüpurɨ mamɨ masemunɨ. Åga ro haponda karabus-ambe anɨmboahɨyo asu horombo karabusɨ-fekoate-yaheand-ambe manɨmboahɨyo aboedɨ hoafɨ ranahambo anɨhondü nafuimbo asu nindou Ågɨnɨndɨ anɨhondümbo-fembo farɨhehe arɨhandɨ ra se wambo farɨhehindɨrɨ arɨhündɨ. 8 Ro sɨheimbo Ågusüfoambe afɨndɨ hohoanɨmo-ayahandürɨ asu ranɨ hohoanɨmo ra Sisas Kraisɨndɨ-mayo-ane. Ro ranɨmbo anɨhondümboanahɨ hoafayahɨ, Åga God ai wandɨ hoafɨ ra anɨhond-ane mbüsümbui. 9 Ro Godɨmbo dɨdɨbafɨ-yaheandühɨ sahɨya, sɨhei Ågusüfoambe nindou Ågorümbo Ågusüfo pefe ra afɨndɨ hamɨndɨ tükümbɨfendür-amboane. Asu rananɨmbo se aboedɨ fɨfɨrɨndɨhindühɨ asu sɨhei hohoanɨmoambe ra sündɨhoe-ndürɨmboe. 10 Rananɨmbo se hohoanɨmo yɨbobondɨhindühɨ aboedɨ hohoanɨmo ra fɨfɨndɨhimboyei. SüÅgunambo Krais kusü sɨmboanɨ ra se sürühehi-ndeimbɨ asu hütikoate-ndeimboyei. 11 Sisas Kraisɨndɨ warɨ-süÅgu mbumundɨ hohoanɨmo sɨhei hohoanɨmoambe tükündɨfewanɨ asu nɨmorehɨ nindowenihɨ ai hoeindɨhindühɨ Godɨmbo aboed-ani mbɨseimboyei. 12 Wandafɨ mamɨ, se ra fɨfɨrɨmbɨhinda samboanahɨ, wambo karabusɨ-marundɨrɨ ra aboedɨ hoafɨ hoafɨyo hombo mafarɨhendɨ. 13 Ranɨmboane asu muÅgu prisman ai Rom adükarɨ bogorɨ Sisarɨndɨ worɨ hɨfandɨmbo, asu bɨdɨfɨrɨ amurɨ amboanɨ ai fɨfɨrɨhindɨ ro Kraisɨndɨ hoafɨ süÅguarɨhandɨ ranɨmbo-hündamboyo wambo karabusɨ-marundɨrɨ. 14 Anɨhondümbo-rɨhindeimbɨ wandafɨ afɨndɨ ai ro karabusɨ-meheandɨ ranɨmbo hohoanɨmomayei. Ranɨmboane asu Adükarɨmbo anɨhondümbo-rɨhorühɨ Ågusüfoambe kɨkɨmɨfoarɨhi hehi yɨhɨmbokoate-yeihɨ asu Godɨndɨ hoafɨ wataporɨmborɨhü arɨhündɨ. 15 Åga bodɨmondɨ nindou ai sɨmborɨ hɨfɨnambofe-yomondühɨ wambo Ågusüfoambe moaruwaimbo-rundɨrühɨ Kraisɨndɨ hoafɨ bokarɨhou arundɨ. Åga bodɨmondɨ ai dɨboadoru hohoanɨmo-yomondühɨ Kraisɨndɨ hoafɨ bokarɨhou arundɨ. 16 Åga ro aboedɨ hoafɨ anɨhondü nafuimbohünda anɨmboahɨ ra nindou ranai yaru fɨfɨrundɨ. Ranɨmboane asu ai wambo Ågusüfo parundɨrühɨ Kraisɨndɨ hoafɨ bokarɨhou arundɨ. 17 Åga bodɨmondɨ ai ahamundɨ-hoarɨmbo yaÅgɨrɨ hohoanɨmo-yomondühɨ moai dɨboadoru Kraisɨndɨ hoafɨ bokarɨhou rundɨ. Ai hohoanɨmo-yomondühɨya, ‘Ro randɨhundan-anɨmbo Porɨmbo karabus-ambe tɨÅɨrɨfo tükümbɨfendo-wamboane,’ mehomo. 18 Åga ambe, moanane masahɨ. Aboedɨ hohoanɨmonamboyo asu moaruwai hohoanɨmonamboyo, ai muÅguambo Kraisɨmbo bokarɨhou arundɨ. Ranɨmboanahɨ ro hɨhɨfɨ-hɨhɨfayahɨ. Ranɨmboane asu ro hɨhɨfɨ-hɨhɨfɨnda Ågamboyahɨ. 19 Åga asu ro yarɨhe fɨfɨrɨheandɨ sɨhafɨ dɨdɨbafɨfe asu Sisas Kraisɨndɨ Yifiafɨndɨ fehefe ranɨnambo süÅgunambo karabus hɨnɨÅgɨndɨhe hehea tükündaheamboyahɨ. 20 Ro afɨndɨ yifirayahɨ ra Kraisɨndɨ ratüpurɨ hɨnɨÅgɨ-ndɨheandühɨ amoanɨÅgɨ-ndamboyahɨ sahehea, Åga haponda hamɨndɨ ro yɨhɨmbokoate Kraisɨndɨ hohoanɨmo süÅgundɨhe Ågamboyahɨ horombo yarɨhe marɨhandɨ nou. Rananɨmbo ro yaÅgɨrɨ anɨmboahɨyo asu yɨfayahɨyo ra Kraisɨmbo aboed-ani mbɨseimboyei. 21 Asu nɨmboe ro yaÅgɨrɨ anɨmboahɨ? Ro yaÅgɨrɨ anɨmboahɨ ra Kraisɨmbo-hündamboane. Åga ro yɨfɨndahanɨ, ra wambo aboedɨ saf-ane. 22 Ro yaÅgɨrɨ anɨmboahɨ ana, rananɨ ratüpurɨ aboedɨ ratüpurɨ-ndamboyahɨ. Ro yɨfayahɨyo asu yaÅgɨrɨ anɨmboahɨyo nɨne aboedayo ra moai fɨfɨrɨheandɨ, Åga nahanɨmbai? 23 Ranahambo ro yɨboboarɨhandɨ. Ro Krais sowanambo hafo ai-dɨbo nɨmarɨmbo asahɨ, ra aboed-ane. 24 Åga asu sɨheimbo fehefendürɨmbo hɨfɨ ndanɨhü anɨmboahɨ ranai Ågasünde-amboane. 25 Ro wudɨpoaporɨhe fɨfɨrarɨheandɨ nda, ro ndanɨhü se-babɨdɨmbo nɨmboambo sɨhei hɨhɨfɨ-hɨhɨfɨ asu anɨhondümbofe ra ho-hombo afɨndɨ tüküfembohünda fandɨhe-heandürɨmboyahɨ. 26 Ranɨmboane asükai sɨheimbo sowahɨ Ågahanɨ se wandɨ süÅgu Kraisɨmbo afɨndɨ hamɨndɨ siaondahindühɨ Ågusüfoambe fufurɨboadɨ-himboyei. 27 Åga se aboedɨ hohoanɨmo yaÅgɨrɨ süÅgundɨhi ndühündɨ, Kraisɨndɨ aboedɨ hoafɨ hoafɨmayo nou. Åga ranɨnambo ro sɨheimbo sowahɨ tükünda-heandühɨndoanɨ wanɨndoanɨ, hoafɨ nda randɨhe hɨmborɨnda samboanahɨ. Se mamɨ moatükunɨmbo yaÅgɨrɨ hohoanɨmoyeihɨ Ågɨnɨndɨhümɨndi nɨboadei. Asu aboedɨ hoafɨ ra anɨhondümbofe hohoanɨmo ranahandɨ nɨmɨndɨhane, Åga se mamɨ hohoanɨmo yaÅgɨrɨ sɨÅgurɨhindühɨ anɨhondümbofe ra fehefembo tɨÅɨrɨfoyei arɨhündɨ ra hɨmborɨnda samboanahɨ. 28 Åga se sɨhei hürütümbɨmbo yɨhɨmbokoate Ågei. Se randahindanɨ ana, aheimbo nafuinda-hündürɨmboyei ai awandɨhehimboyei, Åga se aboedambondahi handɨhehimboyei. Åga God ai ra randeambui. 29 Sapo se Kraisɨmbo anɨhondümbo-rɨhinda God ai Kraisɨmbohünda sɨheimbo ndondomareandürɨ. Se Kraisɨmbo anɨhondümbofembo yaÅgɨrɨyo-poanɨ, Åga asu ahambohündambo asübusɨ semɨndɨmbo kapeihɨyo ndondomareandürɨ. 30 Åga asu horombo ro se-babɨdɨ nɨmboah-ambe ro Godɨndɨ ratüpurɨ tɨÅɨrɨfomayahɨ ra se hoeimarɨhindɨ. Åga haponda ro ahandɨ ratüpurɨ tɨÅɨrɨfoayahɨ ra se hɨmborayei. Åga haponda se ro nahurai tɨÅɨrɨfoayei.