Son 2

1 Yimbu nɨmbɨyomo houmbo nindowenihɨ Ågorü ai Gariri hɨfambe Kena Ågoafɨhü nɨmorehɨ masemündu. 2 Ranɨyo Sisasɨmbo asu ahambo süÅgururü-rundeimbɨ babɨdɨmbo ahamumbo amboanɨ nɨmorehɨ semɨndɨ sesesɨ ranambe dɨdɨmo masei. 3 Ranɨ-sɨmboanɨ wain hoe ra muÅgu masɨmɨndeiamboyo, asu Sisasɨndɨ hondɨ ai nɨmorɨmbo hoafɨyondowohü yahoya, “Nindou ai wain hoe muÅgurɨhimboanei,” mehondowamboyu. 4 Asu sɨmborɨ yare hoafɨyundühɨ yahuya, “Me, nɨmboe se wambo ranɨ-moatükunɨmbo hoafayafa? Ndanana sɨhei siane, Åga awi ro ranɨmbofembo si ra yohoyopoanɨ." 5 Ra-mehuamboyo asu hondɨ ai worɨ aharambürɨndɨ ratüpurɨyomo-rundeimbɨ ahamumbo hoafɨyopurühɨ yahoya, “Sisas ai nɨnɨ-moatükunɨmboyo refembo hoafɨnduanɨ ra-süÅgundundɨ,” meho. 6 Ågoafɨ ranɨhü nɨmoei hɨpɨrɨ 6 afɨndɨ hoe hafo tüküfe-randeimbɨ Suda ai fi aboedɨferambo hundürüyorambohünda burɨmayo. 7 Ranɨyu Sisas ai ratüpurɨyomo-rundeimbɨ ahamumbo hoafɨyupurühɨ yahuya, “Se hɨpɨrɨ ranambe hoe fuibɨdɨ-houndɨ,” mehuamboemo. Asu ai hɨpɨrɨ ranamboe hoe fuibɨdɨhoumbo tüküru-tüküru-marundɨ. 8 Ranɨyu asu Sisas ai hoafɨyupurühɨ yahuya, “Se hoe ra nɨmoamonɨndɨ kaboandundüh-anɨmbo nindou sesɨ kanɨmbo ehu ahambo sowanambo ndowandümo Ågomo,” mehua-mboyomo asu ai rasüÅgumarundɨ. 9 Nindou sesɨ kanɨmareandɨ ai hoe ra apɨre hoeireandane, asu wain hoe apɨmayowamboyu, ai moai fɨfɨreandɨ dagüdambombai wain hoe ra. Åga ratüpurɨyomo-rundeimbɨ ai-yaÅgɨrɨyo hoe mafuindümo fondɨ ra fɨfɨmarundɨ. Ranɨyu asu nindou sesɨ kanɨre-randeimbɨ-mayu ranai nindou nɨmorehɨ semɨndɨmbo-mayu ranahambo mborai mehundo. 10 Ai hoafɨyundowohü yahuya, “Ndanɨ-ndanɨ hoafühɨ ana nindou wain hoe aboedɨ boatei sɨmɨndei mburühümboanei, asu süÅgunamboane moaruwai ra sɨmɨndei arɨhündɨ. Åga asu seana aboedɨ safɨ ra kɨkɨhandɨfɨ nɨmarɨfɨ mburamboyafɨ hapondanɨ randɨ sowandɨfɨ masɨnɨfɨ,” mehu. 11 Sisas ai Gariri hɨfambe Kena Ågoafɨhü boatei hapünɨfeimbɨ moatükunɨ ramareandɨ. Ai ahandɨ adükarɨ Ågɨnɨndɨ ra nafuimayu-wamboyo asu ahambo süÅgururü-rundeimbɨ ai ahambo anɨhondümbo-marüwurɨ. 12 Ranɨyo asu Sisas ai ahandɨ hondɨ, akohoandɨ asu süÅgururü-rundeimbɨ babɨdɨmbo Kena Ågoafɨ hɨnɨÅgɨrɨhi hehi Kaperneam Ågoafɨna hei ranɨhü yahunümbɨ si manɨmboei. 13 God ai Israerɨmbo Isipɨhündɨ aboedambo-mareandürɨ ranɨ adükarɨ si Pasofa warɨ ra ndeara akɨmɨ tɨfɨmareandamboyu asu Sisas ai Serusarem Ågoafɨna mahafu. 14 Hafu tüküfi haya Godɨndɨ worambe kefuai hu hoeireandane, nindou ai burmakau, sipsip, ndu pemɨyomonda asu kakɨ sɨseru sabupurɨ rundühɨ mamarɨmonda hoeimareapurɨ. 15 Ranɨyu wofɨ hoandarɨ nafɨrɨhai semündü haya ranɨnambo ahamumbo burmakau, sipsip, ndu napo ra kameihɨ bukürɨ-foareapurühɨyu, asu nindou kakɨ sɨseruründühɨ mamarɨmo ahamundɨ kakɨ ra buburamündɨ pütifihɨyu fondɨ ra hɨhɨre amoahɨmareandɨ. 16 Ranɨyu asükaiyu nindou ndu kakɨfihɨ saurundühɨ manɨÅgomo ahamumbo hoafɨyupurühɨ yahuya, “Napo ra fufuründümo houmbo moanewana Ågorügoanɨnɨ homo. Asu se wandɨ Apendɨ worɨ ndanambe maket worɨmborɨhi hehi pemɨyei asu kakɨfihɨmbo seihü arɨhünda?” mehuamboemo. 17 Asu ahambo süÅgururü-rundeimbɨ ai hoafɨ Baibor-ambe mapenɨÅgo ra hohoanɨmomemo, ‘Ro sɨhafɨ worɨ aboedɨ mbɨfondarowa sahehea ranɨmboanahɨ afɨndɨ tɨÅɨrɨfoayahɨ,’ meho. 18 Asu Suda ai Sisasɨmbo hoafɨyomondowohü yahomoya, “Se nɨnɨ hepünɨfeimbɨ moatükunɨ ramandowandɨ yɨhoefɨmbo worɨ ranambeahɨndɨ hemoafoarowamunɨ ra Ågɨnɨnd-ani yaho nafuimbohündamboa?” mehomondamboyu. 19 Asu Sisas ai sɨmborɨ hoafɨyupurühɨ yahuya, “Ro sɨhamumbo hoafayahɨ, Godɨndɨ worɨ nda bɨrɨboadundanɨ asu ro asükainda Ågɨmɨ sinambo yaÅgɨrɨ worɨmbondɨ-hamboyahɨ,” mehuamboemo. 20 Ranɨyomo asu Suda ai hoafɨyomondühɨ yahomoya, “Nindou ai worɨ nda 46 hɨmbanɨ worɨmbomarund-ane asu se Ågɨmɨ sihɨ yaÅgɨrɨ asükainda worɨmbondɨhɨ muÅgundɨheamboyahɨ asafɨ?” mehomondamboyu. 21 Sisas ai ahandɨ fimboyu Godɨndɨ worɨ süÅgunambore kafoare hoafɨmayu. 22 Ranɨyo Sisasɨmbo God ai hoÅguambeahɨndɨ botɨrirɨ sɨmboanɨ ahambo süÅgururü-rundeimbɨ ai horombo ahandɨ fimbo hoafɨmayu ra Ågusüfoambe pumarɨndümo. Ranɨyo horombo Sisas hoafɨmayuyo Godɨndɨ bukambe sürü papɨmarundɨ ranɨyo ra anɨhondümbo-marundɨ. 23 Sisas ai Suda-yafe adükarɨ si Pasofa ranahambohünda Serusarem Ågoafɨhü mamaru. Ranɨyo nindou afɨndɨ ranai Sisas hepünɨfeimbɨ moatükunɨ ramareandɨ ra hoeirɨhi hehi anɨhondümbo-marɨhindɨ. 24 Åga asu Sisas ai nindou ranahei hohoanɨmo ra fɨfɨre hayambo-wambo moai anɨhondümbo-rearü. 25 Asu nindou amurɨ ai Sisasɨmbo nindouyei hohoanɨmo ranahambo nafuiyondürühɨ hoafɨyondopoanɨ, Åga ai ahei Ågusüfoambe hohoanɨmo ra muÅguambo fɨfɨreamboani.