Son 1

1 Horombo hondü God ai hɨfɨ nda nafɨkoate-yuambe Hoafɨ nda meÅgoro. Hoafɨ ra ai Godɨndɨ fikɨmɨ meÅgoro asu God-ane. 2 Horombo hondü Hoafɨ ra Godɨndɨ fikɨmɨ meÅgoroane. 3 God ai Hoafɨ ranɨnambo muÅgu moatükunɨ ra nafɨmarandɨ, Åga moai Ågorü-moatükunɨ Ågorü nafɨ süÅgure tüküfeyo. 4 Hoafɨ ra yaÅgɨrɨ nɨÅgombo nɨmɨndühane asu yaÅgɨrɨ nɨÅgombo ra nindou-yafe si-ane. 5 Si ra nɨmbɨ ranahambo si asagado, Åga nɨmbɨ ra Ågɨrɨ si ranahambo gabudeandɨ. 6 Nindou mamɨ God ai koamarɨheira mahu. Ahandɨ ndürɨ Son-ani. 7 Nindou ranaheimbo si ranahambo anɨhondümbo hoafombohünda mahu. Nindou muÅgu ai hoafɨ ra hɨmborɨyei hehi anɨhondümbo-mbɨrɨhinda yehuenüÅgu mahu. 8 Son ra si ranɨyupoanɨ, Åga si ranahambo anɨhondümbo hoafɨyu-randeimbɨ yaÅgɨr-ani. 9 Si ndanana si hond-ane asu ai hɨfɨ ndanɨhü tüküfe haya asu nindou muÅguambo si boakɨfoare arandɨ. 10 Åga Hoafɨ ranai hɨfɨ ndanɨhü meÅgoro. Hoafɨ ranɨnambo God ai hɨfɨ nda nafɨmarandɨ, Åga asu nindou hɨfɨ ndanɨhü anɨboadei ranai moai ahambo fɨfɨrɨhorɨ. 11 Ai ahandɨ Ågoafɨ hondüna hu, Åga asu nindou ahandɨ Ågoafɨhündɨ ai moai ahambo fihɨrɨhorɨmɨndei. 12 Åga dɨdɨyei ahambo anɨhondümbo-rɨhorühɨ fihɨmarɨhorambo asu ai aheimbo kamafoareandüra ai Godɨndɨ nɨmorɨ tükümehindɨ. 13 Moai hɨfɨnɨndɨ moatükunɨnambo Godɨndɨ nɨmorɨmboyahi tüküyahindɨ sɨhɨrɨ boagɨrɨ ramehindɨ nou. Wanɨ, Åga God ai ahandɨ hohoanɨmo süÅgu ahandɨ nɨmorɨmboyahi marɨhündɨ. 14 Hoafɨ ra nindoumbofe tüküfe mburamboyo asu sɨhefɨ mbusümo manüÅguwa ai ndürɨ adükarümbɨ ra hoeimarɨhurɨ. Ndürɨ adükarümbɨ ra Godɨndɨ nɨmorɨ mamɨ yaÅgɨrɨ ranahand-ane. Ai afɨndɨ hɨpoambore-randeimb-ani asu sɨhefɨmbo Godɨmbo afɨndɨ moatükunɨ anɨhondümbo nafuimaramunɨ. 15 Son ai ahambo anɨhondümbo hoafɨmayu. Ai puküna hoafɨyundürühɨ yahuya, “Ro nindou ndanahamboyahɨ hoafɨmayahandürɨ, ‘Ro boatei tükündaheanda ai wandɨ süÅgu tükündüfimbui, Åga aiana adükarɨ safɨ Ågasündeandɨreimb-ani. Nɨmboe ai boateifi manüÅguwa ro tükümeheandane,’” mehu. 16 Ahandɨ afɨndɨ hɨpoambofe ranɨ-süÅgu sɨhefɨmbo afɨndɨmbo aboedɨ-aboedɨreamunɨ arandɨ. 17 Mosesɨndɨ warɨ süÅguyo ahɨnümbɨ hohoanɨmo tükümefeyo, Åga hɨpoambofe hohoanɨmo asu anɨhondümbofe hohoanɨmo ra Sisas Kraisɨndɨ süÅguyo tükümefeyo. 18 Moai nindou mamɨ ai-amboanɨ God hoeirirɨ, Åga Godɨndɨ nɨmorɨ mamɨ Afɨndandɨ fikɨmɨ nüÅgumbü ai God-ani asu ai yaÅgɨrɨyu Godɨmbo hoeirirɨ haya sɨhefɨmbo nafuimaramunɨ. 19 Suda bogorɨ ai Godɨmbo sɨhou-rundeimbɨ bɨdɨfɨrɨ Rifai sɨrɨhündɨ babɨdɨmbo koamarɨ-houpura Serusarem hɨnɨÅgɨru houmbo kosɨmo Son sowahɨ tüküyafu düduyafundowohü yahomoya, “Se dɨdɨyafa?” mehomondamboyu. 20 Ranɨyu asu Son ai moai dɨboreandɨ, Åga weindahɨ anɨhondümbo hoafɨyuhɨ yahuya, “Roana Nindou God koamafoarirɨ Krais ranɨyahɨpoanɨ, Åga wanɨ,” mehu. 21 Ranɨyomo asu sɨmborɨ hoafɨyomondowohü yahomoya, “Asu se dɨdɨyafa? Asu se Eraisayafɨ?” mehomondamboyu. Asu Son ai sɨmborɨ hoafɨyupurühɨ yahuya, “Wanɨ, roana ranɨyahɨpoanɨ.” Asükaiyomo düduyafundowohü yahomoya, “Ro Godɨndɨ hoafɨ hoafɨyu-randeimbɨ hɨfandarɨhurɨ, se ranɨyafɨ?” Asükaiyu ahamumbo sɨmborɨ hoafɨyupurühɨ yahuya, “Wanɨ, roana ranɨyahɨpoanɨ,” mehupurɨ. 22 Ranɨyomo asu ahambo hoafɨyomondowohü yahomoya, “Asu se dɨdɨyafɨ nɨmora? Se yɨhoefɨmbo hoafɨyafan-anɨmbo asu ro hoafɨ ra nindou yɨhoefɨmbo koamarɨ-houmunɨ ahamumbo sowana semɨndɨ homboanefɨ. Se sɨhafɨ fimbo nüÅgumambɨsafa?” mehomo. 23 Ranɨyu asu Son ai ahamumbo sɨmborɨ hoafɨyupurühɨ yahuya, “Ro rananahɨ: Nindou mamɨ ahandɨ yasɨmondɨ nɨmɨ wohɨ furɨkoate-yowohü mɨÅgɨyohü yahoya, ‘Bogorɨndɨ nafɨ aboedɨ nafɨndɨhehindɨ,’ meho, Åga ro rananahɨ,” mehu. Horombo hoafɨ nda Godɨndɨ hoafɨ hoafɨyu-randeimbɨ Aisaia rareamboyu yahurai bukambe hoafɨmayu. 24 Farisi aiyomo nindou hoafɨ sowandümo homo-rundeimbɨ ahamumbo koamarɨ-houpura makosomo. 25 Nindou ranai Sonɨmbo hoafɨyomondowohü yahomoya, “Asu se Kraisɨyafɨpoanɨ, Eraisayafɨpoanɨ, Godɨndɨ hoafɨ hoafɨyu-randeimbɨyafɨpoanɨ, Åga asu nɨmboeafɨ se hundürürandürɨ maranda?” mehomondamboyu. 26 Ranɨyu asu sɨmborɨ Son ai hoafɨyupurühɨ yahuya, “Roana hoenambo yaÅgɨr-ane hundürɨhɨ arɨhandɨ, Åga sɨhamundɨ mbusümo nindou mamɨ anüÅgu, Åga asu seana moai nindou ranahambo fɨfɨrɨhorɨ. 27 Ro boatei weindahɨ ratüpurɨya arɨhandɨ, Åga nindou ranai anɨmbo süÅgunambo weindahɨ rande ratüpurɨndümbui. Åga asu roana nindou aboedɨ hamɨndɨyahɨpoanɨ ahandɨ su wofɨ hɨmondɨmaramündu ra fufurɨhefembohünda,” mehu. 28 Hoafɨ nda Betani Ågoafɨhü Sodan hoe gogoanɨnɨ tükümefeyoane. Asu hɨfɨ ranɨhüyo Son ai nɨmorehɨ nindowenihɨ aheimbo hundürümarandürɨ. 29 Ågorü sihɨ Son ai hɨmboyuwane Sisas ahambo sowana masünuwa hoeirirühɨ yahuya, “Godɨndɨ sipsip nɨmorɨ asüfu ra hoeirɨhorɨ. Ranahandɨ süÅgu-anɨmbo God ai nɨmorehɨ nindowenihɨ-yafe hohoanɨmo moaruwai ranahambo amboawi mbüsümbui. 30 Nindou ranahamboyahɨ ro sɨheimbo hoafɨyahandürühɨ, ‘Nindou ai ro nɨmboahanɨ wandɨ süÅgu düdümbui. Nindou ai adükarɨ bogor-ani, Åga roana ai nahuraiyahɨpoanɨ,’ masahandürɨ. Åga asu ro nɨÅgokoate-yahambe ai manüÅgu. 31 Asu ro moai fɨfɨrɨhinɨ, Åga nindou ra dɨdɨmbei, Åga asu Israerɨhündɨ ai ahambo fɨfɨrɨmbɨrɨhora sahehea sɨnɨ hundürü-marɨhandürɨ,” mehu. 32 Son ai yare hoafɨyundürühɨ yahuya, “Ro hoeirɨheandanɨ Yɨfiafɨ Aboedɨ wupufo nahurai sünambeahɨndɨ kosɨ ahandɨwamɨ pühɨyo mamaro. 33 Awi ro moai nindou ranahambo fɨfɨrɨhinɨ, Åga God aiyu wambo hoenambo hundürümbɨrandüra yehuenüÅgu koarɨhendɨrühɨ yahuya, ‘Se hoeindowandanɨ Yifiafɨ Aboedɨ kodɨ nindou ranahandɨwamɨ nɨmandoanɨ ana, asu ai-anɨmbo aheimbo Yifiafɨ Aboedɨnambo hundüründandürɨmbui,’ mehu. 34 Yifiafɨ Aboedɨ ahandɨwamɨ kosɨ mamaro ra hoeimarɨheandɨ asu anɨhondümboanahɨ hoafayahɨ nindou nda Godɨndɨ nɨmor-ani,” mehu. 35 Ågorü si Son ai asükai ranɨhü ahambo süÅgurɨnerɨ-rɨnandeimbɨ babɨdɨmbo nüÅgumbo Sisasɨmbo hoeirirane mahuamboyu, asu Son ai hoafɨyuhɨ yahuya, ‘Se hoeirɨne. Ndanani Godɨndɨ sipsip nɨmorayu.’ 37 Son ai ra-mehuamboyafanɨ asu hɨmborɨyafanɨ hena ai Sisasɨndɨ süÅgu mahafanɨ. 38 Ranɨyu asu Sisas ai hɨhɨrɨfi hoeireapɨrane ahandɨ süÅgu mahafandamboyu hoafɨyupɨrühɨ yahuya, “Se nɨnɨ kokomboyafana?” mehupɨramboyafanɨ, asu sɨmborɨ hoafɨyafɨnandowohü safanea, “Rabai, se nahiyafɨ nɨmbafɨ aranda?” (Ndürɨ ‘Rabai’ ahandɨ nɨmɨndɨ ra yamunde-randeimb-ane.) 39 Sisas ai hoafɨyupɨrühɨ yahuya, “Sühüfanɨ naha hoeirɨne,” mehupɨramboyafanɨ. Asu ai hüfanɨ worɨ nɨmarümbɨ ra hoeirɨne hena, asu ranɨ sihɨ ai-dɨbo mamarɨfanɨ ra ndeara nɨmbambeyo. 40 Nindou yimbu ranai Sonɨndɨ hoafɨ hɨmborɨyafanɨ hena Sisasɨndɨ süÅgu mahafandɨ ahafandɨ ndürɨ ra Ågorü ana Andru, Saimon Pitandɨ akɨdɨyu. 41 Ai hu, ahandɨ amoÅgo Saimon kokorürɨ hoeirirɨ haya hoafɨyundühɨ yahuya, “Ro Mesaia hoeimarɨhurɨ,” mehu. (Ndürɨ Mesaia ra Grik hoafɨnambo Krais-ani.) 42 Ranɨyu Andru ai Saimonɨmbo serümündɨ Sisas sowana mahüfu-amboyu, asu Sisas ai Saimonɨmbo hübudurürühɨ hoafɨyundühɨ yahuya, “Seana Sonɨndɨ nɨmorɨ Saimon-anafɨ, Åga sɨhafɨ ndürɨ ana Sifasɨ-mbeyowamboane,” mehu. (Ndürɨ Sifas ranana nɨmoei-ane.) 43 Ågorü si Sisas ai Garirinambo hafombo yahuhaya nɨmarümbo, Firipɨmbo hoeirirühɨ hoafɨyundühɨ yahuya, “Se mborai wandɨ süÅgu,” mehundo. 44 Firip, Betsaidahündɨ Andru, Pita-babɨdɨmbo mamɨ Ågoafɨhünd-ani. 45 Ranɨyu asu Firip ai Natanierɨmbo kokorürɨ hoeirirɨ haya hoafɨyundühɨ yahuya, “Horombo Moses ai ahɨnümbɨ hoafɨ sürü papɨrandühɨ nindou kudümbui mehu ra fɨfɨro. Asu Godɨndɨ hoafɨ hoafɨyomo-rundeimbɨ amboanɨ ai mamɨ yahurai sürü papɨmarundɨ ranahambo hoeimarɨhorɨ. Nindou ranana Sisas-ani Sosepɨndɨ nɨmorɨ Nasaretɨhündɨ,” mehuamboyu. 46 Asu Natanier ai Firipɨmbo düdufinduhü yahuya, “Asu Nasaret Ågoafɨhü ra aboedɨ moatükunɨ tükümandɨfeyo rane?” mehuamboyu. Asu Firip ai sɨmborɨ hoafɨyundühɨ yahuya, “Naha se sühüfɨ hoeirosɨ,” mehu. 47 Sisas ai Natanierɨmbo hoeiriranɨ mahüfu-amboyu hoafɨyuhɨ yahuya, “Nindou ndanana Israerɨhündɨ hond-ani, Åga aiana anɨhondümbo yaÅgɨrɨ hoafɨyu-randeimbani,” mehu. 48 Ranɨyu asu Natanier ai Sisasɨmbo düdufindühɨ yahuya, “Se wambo nüÅguro fɨfɨro-wandɨrɨmboyafa?” mehundu-amboyu. Asu Sisas ai sɨmborɨ hoafɨyundühɨ yahuya, “Firip wambo fɨfɨrɨfe hoafɨkoate-yuambe süfurɨ afümambe manɨmbafa hoeimarɨheanɨnɨ,” mehu. 49 Ranɨyu asu Natanier ai Sisasɨmbo hoafɨyundühɨ yahuya, “Yamundo-randeimbɨ, seana Godɨndɨ nɨmor-anafɨ! Seana Israerɨhündɨ-yafe adükarɨ bogor-anafɨ!” mehundo-amboyu. 50 Asu Sisas ai sɨmborɨ hoafɨyundühɨ yahuya, “Ro sɨhambo süfurɨ afümambe hoeimarɨheanɨnɨ masahɨ ranɨmboanafɨ anɨhondümbo-arowandɨrɨ? Åga awi süÅguna se afɨndɨ moatükunɨ ranahambo Ågasündeandeimbɨ tükündɨfeyoanɨ hoeindowamboyafɨ,” mehu. 51 Asükaiyu hoafɨyuhɨ yahuya, “Ro sɨhamumbo anɨhondümboanahɨ hoafayahapurɨ: SüÅgunambo ana sünü sübüdühoehü sünambeahɨndɨ nendɨ ai Nindou Hondündɨwamɨ gafomo kodomo ndundanɨ hoeindumboemo,” mehu.