Efesus 4

1 Ro Adükarɨndɨ ratüpurɨ süÅguyahɨ karabusɨ-meheandɨ. God ai sɨheimbo ahandɨ mbumundɨ hohoanɨmo süÅgufembo yahuhaya mborai sɨnei mehundürɨ. Ranɨmboane asu ro sɨheimbo hüti-hütiarɨharü se Godɨndɨ mbumundɨ hohoanɨmo ra ndondɨhi süÅgundɨhi Ågei asahɨ. 2 Se sɨheihoarɨ fi hɨfɨnambofe, warɨ hoafendühɨfe asu tɨÅɨrɨfo tükündɨfewanɨ moanane yaho hohoanɨmo ra süÅgundɨhi Ågei. Asu Kristen bɨdɨfɨrɨ ai sɨheimbo tɨÅɨrɨfo ndehindüranɨ-wanɨ, se moanane mbɨsei hehi, ranaheimbo Ågusüfo pandɨhindürɨ. 3 Åga Yifiafɨ Aboedɨ ai dɨboado-mareamuna asu sɨhɨrɨ hohoanɨmo mamɨ süÅgufeihü wudɨ-wudɨfe-mbohünda wofɨ nɨnɨnɨ-moatükunɨ mamambere hühareandɨ nou. Åga se mamɨ yahurai hohoanɨmo-anɨmbo tɨÅɨrɨfondeihɨ süÅgundɨhindɨ. 4 Kraisɨndɨ fi mam-ane asu Godɨndɨ Yifiafɨ mam-ane. Asu God ai sɨhefɨmbo ‘Mborai ro sɨheimbo aboedambo-fendürɨmbo ra hɨbadühɨ nɨmandei,’ mehu ranɨ-moatükunɨ mamɨ ranahamboane hɨfandarɨhundɨ. 5 Adükarɨ mam-ani, Kraisɨmbo anɨhondümbofe hohoanɨmo mam-ane asu hundürümbo hohoanɨmo ra mam-ane. 6 Asu God mam-ani, nindou muÅguambo-yei Ape-ani, muÅguambo-yei Adükar-ani asu ai muÅguambo-yei mbusümo ratüpurɨyu arandɨ, asu muÅguambo moatükunɨ ranɨ-mbusümo amaru. 7 Krais ai ahandɨ afɨndɨ hamɨndɨ moanɨ hɨpoambofe hohoanɨmo ra ranɨ-poanɨmbo aboedɨ ratüpurɨ sɨhefɨmbo sɨmogodɨ yimbumareamunɨ. 8 Ranahambo Godɨndɨ hoafɨ ai yahoya, ‘Ai ahandɨ hürütümbɨmbo Ågasündirɨ mburambo, nindou yifiarambe Ågasündɨmareapurɨ ai sepurɨmündü haya, nɨmoamo hamɨndɨ hafuhü, asu nindoumbo aboedɨ moatükunɨ masagadürɨ,’ meho. 9 Mamɨ hoafɨ ‘ai mahafu’ ra nüÅgufimboyu mahafuwa? Ranane ra, ai rahurai-ane, ai moai sünambe nɨmoamo yaÅgɨrɨ hafu, Åga boatei kusü mbura hɨfɨnɨ hɨfambe-ambe ragu hamɨndɨ amboa mahanu. 10 Nindou mahanu ra, mamɨ ranaiyu asu sünambe nɨmoamo hamɨndɨ mahafu, muÅguambo hɨfɨ, sünü ranɨfihɨ nɨÅgombo-mayo ranɨmbo. 11 Ai ahandɨhoarɨ bɨdɨfɨrambo ahandɨ hoafɨ semɨndɨ ho ratüpurɨ ra sagapurɨ, bɨdɨfɨrambo Godɨndɨ hoafɨ hoafɨmbo ratüpurɨ ra sagapurɨ, bɨdɨfɨrambo ho aboedɨ hoafɨ hoafɨyo-rambo ratüpurɨ asu bɨdɨfɨrambo ahandɨ nendɨ ranaheimbo moaÅguindürɨmbo asu yamundɨfembo ratüpurɨ ra masagapurɨ. 12 Krais ai ahandɨ fi ra afɨndɨ kokoendühɨ asu Ågɨndɨmbeyowa yahuhaya Godɨndɨ nendambo farɨhefe ratüpurɨ ranɨmbo dɨboado-fembohündambo ranɨ-poanɨmbo ratüpurɨ ra masagadürɨ. 13 Sɨhɨrɨ randɨhu Ågefombo, Godɨndɨ nɨmorɨ wudɨpoapondɨhu anɨhondümbo-ndɨhurɨhümbo fɨfɨndɨhurühɨ, mamɨ hohoanɨmo süÅgundɨhumboyefɨ. Sɨhɨrɨ randɨhundühɨ, Krais nahurai dɨboadorɨ-hehundeimbɨ hondü nɨmboemboyefɨ nɨmorɨ heimbo Ågɨnarɨhehindɨ nou. 14 Sɨhɨrɨ randɨhundanɨ, Ågɨrɨ nɨmoakɨdɨbou nahurai nɨmandefɨ. Asu nindou ai sɨhefɨmbo mamɨkarambo sɨmborɨ yamundɨfe hoafɨnambo tɨkai hoafɨndɨhümunanɨ sɨhɨrɨ ahei hohoanɨmo ra Ågɨrɨ süÅgundɨhundɨ. Nindou ai tɨkai hoafɨ süÅgufembo-hündambo ai hoafɨ nafɨrɨhi rɨhündühanei. Asu ahei tɨkai yamundɨfe hoafɨ ra Ågɨrɨ sɨhefɨmbo yamundɨhimunühɨ werɨnambo nɨmɨ fondamɨndɨ ho fondamɨndɨ ho arandɨ nahuraindefɨ. 15 Wanɨ, Åga sɨhɨrɨ nindoumbo Ågusüfo pandɨhu Ågefühɨ, asu anɨhondü hoafɨ hoafɨnda-hundürɨmboane. Asu sɨhɨrɨ Krais-babɨdɨmbo afɨndɨkokoe nahurai nindou adükarɨ dɨboadorɨ-hehundeimbɨ-ndefomboane. Åga ai sɨhefɨ mbɨro-ani. 16 Mbɨro ranai fi-safɨ muÅgu hɨfandarandɨ asu mandüharɨ ai fi muÅgu türe-türe arandɨ. Asu fi-safɨ napo Ågorü-Ågoanɨnɨ, Ågorü-Ågoanɨnɨ, ahei ratüpurɨ wudɨpoapondɨhi ratüpurɨndeianɨ asu fi afɨndɨ kokoendühɨ Ågusüfo pefenambo Ågɨnɨndɨ tükündɨfemboe. 17 Ranɨmboane asu sɨheimbo Adükarɨndɨ süÅgu ahɨnɨ hoafayahandürɨ nda, se Godɨmbo fɨfɨrɨfe-koateyeimbɨ-yafe hohoanɨmo ra asükaindei süÅgundɨhimboyei, Åga ahei hohoanɨmo ra nɨmɨndɨ fɨfɨrɨfe-koate-ane. 18 Asu ai Ågusüfoambe dɨboadofe fɨfɨrɨfe-koateyeimb-anei. Asu Godɨndɨ-mayo yaÅgɨrɨ nɨÅgombo ra ranɨkoate-anei. Sapo ai Ågusüfo hohoanɨmo-koate-anei asu hɨmboambe hɨmborɨ-koate-anei. 19 Ahei moaruwai hohoanɨmo ranahambo amoanɨÅgɨ-koate hohoanɨmo yaÅgɨrɨ süÅgurɨhi arɨhündɨ. Asu Ågusüfo hɨhɨrɨ wakɨrɨhi kürɨhi hehi, hohoanɨmo moaruwai hamɨndɨ ra yahuraimbo hɨmboyeihɨ süÅguarɨhindɨ. 20 Åga sɨheimbo Kraisɨmbo horombo yamundɨmarundürɨ ranana yahuraiyopoanɨ. 21 Krais ranahambo hoafɨ hɨmborɨmayeisɨ, Åga se ahambo süÅgurɨhoranɨ Sisasɨmbo anɨhondü aboedɨ hoafɨ ra sɨheimbo yamundɨmarundürɨ. 22 Se sɨhei horombodɨdɨ Ågusüfoambe hohoanɨmo ra raguanambo-fembo yamundɨmarundürɨ. Ai sɨheimbo hɨfandɨrandürɨ marandamboyei asu se moaruwai hohoanɨmo süÅgurɨhi marɨhündɨ. Horombodɨdɨ hohoanɨmo ra nindoumbo tɨkarehaya Ågusüfoambe botɨreandürɨ arandɨ, Åga ai aheimbo awarɨhendürɨ arandɨ. 23 Åga sɨhei Ågusüfoambe ra sɨmborɨ tükümbɨfe-ndüramboane. 24 Asu se sɨmborɨ hohoanɨmo ra ndahümündi kɨkɨboadɨhindɨ, Åga hohoanɨmo sɨmborɨ ra God ai ahandɨhoarɨ ramareanda ahandɨ hohoanɨmo yahurai tükümefeyo. Sɨmborɨ hohoanɨmo ra sürühoeimbɨ asu aboedɨ dɨboadorɨ-hoeyoweimbɨ hond-ane. 25 Ranɨmboane asu se tɨkai hoafɨ hohoanɨmo ra hɨnɨÅgɨndɨhindɨ. Åga wandafɨ mamɨmbo anɨhondümbo yaÅgɨrɨ hoafɨndei, nɨmboe sɨhɨrɨ muÅgu Kraisɨndɨ fi-anefɨ. 26 Se Ågɨnɨndɨndeianɨ hɨbadɨhümbo, Åga se moaruwai hohoanɨmo-ndeimboyei. Se mamɨ Ågɨnɨndɨndei Ågeimbo hüfɨhamɨndɨ hündamɨndɨmboe, Åga yowanɨ. 27 Se Satanɨmbo nafɨ nafɨndɨ-hehimboyei. 28 Hümbuhünɨ nendɨ asükaiyo hümbuhünɨmbopoanɨ, Åga yimbukoarɨ warɨnambo ratüpurɨ aboedɨ ratüpurɨyo mburɨmbo-anɨmbo kakɨ asu sesɨ semɨndɨ mburɨmbo, nindou mbonɨmbo-arɨhümündi aheimbo farɨhefe-ndürɨmboane. 29 Se moaruwai hoafɨ hoafɨndeimboyei, Åga nindou farɨhefe-mbohündambo asu Ågɨnemɨndürɨmbo aboedɨ hoafɨ yaÅgɨrɨ hoafɨndeian-anɨmbo, asu sɨhei hoafɨ ra ahei hohoanɨmoambe mbonɨmbo-arɨhümündi ranahambo dɨdɨboado-ndearümboe. 30 Se moaruwai hohoanɨmo ra refe-poanɨ, Åga Yifiafɨ Aboedɨ ai afɨndɨ hohoanɨmondomboe. God ai sɨheimbo dɨbonɨmayundürɨ asu ra nafuimbohünda Yifiafɨ Aboedɨ masagadürɨ. Rananɨmbo se wudɨpoaporɨhi fɨfɨrɨhindɨ bɨdɨfɨranɨ si tüküfeyo-ambe God ai sɨheimbo aboedambo-ndearümbui. 31 Ågusüfoambe yiboarukofimbɨ, Ågɨnɨndɨ hoafümbɨ, paipaife hoafümbɨ, tɨrɨfoefe hoafümbɨ, asu Ågusüfoambe moaruwaimbofe hoafɨ muÅgu hohoanɨmo moaruwai ra hɨnɨÅgɨndɨhindɨ. 32 Åga se wandafɨ mamɨmbo hɨpoambo-ndɨhindürühɨ asu afufurɨfoefimbɨ hohoanɨmo hohoanɨmo-ndahündürɨ. Bodɨmondɨ ai sɨheimbo moaruwai hohoanɨmondeianɨ, asu moaruwai hohoanɨmo ranahambo amboawiyei mbɨsei God ai Kraisɨndɨ süÅgu sɨhei hohoanɨmo moaruwai ranahambo amboawiyei mehu nou.