Efesus 3

1 Raneahɨ asu ro Por sɨheimbohündambo Godɨmbo hoafɨya arɨhandɨ. Ro Sisas Kraisɨndɨ ratüpurɨ ratüpurɨya, Suda-yafe ndɨfo sɨheimbo Godɨndɨ hoafɨ hoafɨmayahɨ, ranɨyo asu wambo karabusɨ-marundɨrɨ. 2 Se ra hɨmborɨmbeyeiyo, God ai sɨheimbo moanɨ hɨpoamboreandürühɨ ahandɨ hɨpoambo hohoanɨmo ra nafuimbohündambo wambo ranɨpoanɨ ratüpurɨ masendɨrɨ. 3 Ai hohoanɨmoyu masɨhendɨ hoafɨ ra horombo dɨbo meÅgoro, Åga haponda ai wambo hoafɨ ra weindahɨ-mareandɨ. Horombo ro ranɨmbo akɨdou sürü papɨmarɨhandɨ. 4 Åga se wandɨ hoafɨ ra hoeiarɨhindɨ ana, se fɨfɨndɨhimboyei, ro Kraisɨmbo dɨborɨhündɨ hoafɨ meÅgoro God weindahɨ-mareandɨ ra ndorɨhe fɨfɨrɨmarɨheandɨ. 5 Horombo God ai ahandɨ dɨbo hohoanɨmo ra moai nindoumbo hoafɨyundürɨ, Åga haponda ahandɨ Yifiafɨ Aboedɨ ranai Godɨndɨ hoafɨ hoafɨyomo-rundeimbɨ, asu Kraisɨndɨ hoafɨ sowandümo homo-rundeimbɨ, ranahamumbo hohoanɨmo ra weindahɨ nafuimarapurɨ. 6 Dɨborɨhɨndɨ hoafɨ God ai weindahɨmareandɨ ra ndahurai-ane: Suda-yafe ndɨfo amboa ahandɨ aboedɨ hoafɨ anɨhondümbo-arɨhindɨ ana, ai sɨhɨrɨ Suda nahurai, Godɨndɨ aboedɨ moatükunɨ ndahümündeimboyei. Ai-amboa Kraisɨndɨ fi-anei. Asu koadürü yaÅgɨrɨ nɨÅgombo God ai horombo hoafɨmareandɨ, ranamboa Sisas Kraisɨndɨ warɨ-süÅgunde aheimbo dagadürɨmbui. 7 Ai wambo moanɨ hɨpoambo-reandɨrühɨ, ahandɨ Ågɨnɨndɨ sendɨrɨ hayambo, ahandɨ aboedɨ hoafɨ hoafɨmbohündambo ratüpurɨya-rɨhandeimbɨ kamafoareandɨrɨ. 8 Godɨndɨ nendɨ-yafe mbusümo ro bɨdɨfɨranɨ hamɨnd-anahɨ, Åga God ai moanɨ hɨpoambo-reandɨrühɨ, ranɨpoanɨ ratüpurɨ masendɨrɨ. Ro Suda-yafe ndɨfombo God ai sɨhefɨmbo afɨndɨ hamɨndɨ dɨdɨboado-reamunühɨ Krais masemunɨ ranɨmbo aboedɨ hoafɨ ra hoafɨyondürɨmbo-hündambo ratüpurɨ ra masendɨrɨ. Åga ahandɨ aboedambofe hohoanɨmo afɨndɨ hamɨndɨ wambo Ågɨrɨ muÅguambo fɨfɨndɨhundɨ. 9 God ai muÅgu moatükunɨ nafɨmarandɨ, Åga horombo hondü peyo-haya hombo ahandɨ hohoanɨmo ra dɨbo meÅgoro. Åga asu haponda wambo ahandɨ hohoanɨmo ra weindahɨ nafuimbohündambo ratüpurɨ ra masendɨrɨ. 10 God ai hohoanɨmoyuhü yahuya, ‘Sünambeahɨndɨ bogorɨmbo-yafundeimbɨ asu Ågɨnɨndeimbɨ ai wandɨ ranɨ-poanɨ ranɨ-poanɨmbo ndofe fɨfɨrɨfe ra fɨfɨrɨ-mbɨrund-amboane,’ yahuhaya Kraisɨndɨ nendɨ-yafe warɨna ranahamumbo nafuirapurühani. 11 Horombo hondü God ai hohoanɨmo ra hohoanɨmoyu masɨhendɨ, Åga asu sɨhefɨ Adükarɨ Sisas Kraisɨndɨ warɨ-süÅguyu hohoanɨmo ra, rasüÅgumareandɨ. 12 Sɨhɨrɨ Kraisɨmbo anɨhondümbo-rɨhurühɨ ai-babɨdɨ amarefɨ ranɨ-süÅgumboane sɨhɨrɨ moanɨ yɨhɨmbokoate Godɨmbo yimiyamboarɨhurɨ. 13 Ranɨyo asu sɨheimbo hoafɨyahandürühɨ sahea, ‘Ro sɨheimbo mafarɨhe-heandürambo asu wambo sowahɨ tɨÅɨrɨfo afɨndɨ tükefeyo. Åga se Ågɨrɨ ranɨmbo Ågusüfoambe moaruwaindei, Åga ranɨnambo se ndüreimbɨ-ndeimboyei,’ asahɨ. 14 Ranɨyo asu ro Apembo yirɨ yimbu pusɨrɨhe nɨmarɨmbo dɨdɨbafɨyahe arɨhandɨ. 15 Ai sünambeahɨndɨ nendɨ, hɨfɨnɨndɨ nendɨ, mamɨsɨrɨ muÅgu ranahei nɨmɨndɨh-ani. 16 Ro ahambo sɨheimbohündambo dɨdɨbafɨyahe hoafɨyahühɨ, ‘Ape, se muÅgu aboedɨ moatükunɨ nɨmɨndɨh-anafɨ, asu sɨhafɨ Yifiafɨ Aboedɨnambo aheimbo Ågɨnɨndɨ dabadüranɨ, asu Ågusüfoambe Ågɨnɨndɨ kürühi hehi mbɨmarei-amboane. 17 Asu ai Kraisɨmbo anɨhondümbo-arɨhorɨ rananɨmbo, ahei Ågusüfoambe mbɨmarɨndür-amboane. Ai Ågusüfo pefe hohoanɨmo ranambe, Ågɨnɨndɨ mbɨnɨmboei-amboane, nɨmɨ aharɨ hɨfambe hanɨ Ågɨnɨndɨ anɨÅgo nou. 18 Rananɨmbo ai nafɨndɨhümündihɨ asu Kraisɨndɨ Ågusüfo pefe ra, Godɨndɨ nendɨ-babɨdɨmbo muÅguambo, dɨboadondɨhi fɨfɨrɨmbɨ-rɨhindamboane. Ågusüfo pefe ra afɨndɨ hamɨndɨyo hayambo, hoandarɨ, hanɨ, ho asu hafomboane. 19 Yɨnɨ, ai ahandɨ Ågusüfo pefe fɨfɨrɨ-mbɨrɨhindamboane, Åga nindou Ågɨrɨ Ågusüfo pefe ra muÅgu hamɨndɨ fɨfɨndɨhindɨ. Ai ra fɨfɨndɨhindanɨ, sɨhafɨ aboedɨ hohoanɨmo aheimbo hafo tükündɨfemboe sɨhafɨ Ågusüfoambe hafo tükümefeyo nou,’ asahɨ. 20 God ai Ågɨnɨnd-ani. Asu nɨnɨ-moatükunɨ sɨhɨrɨ ahambo düduwehundo, asu hohoanɨmoayefɨ ra, Godɨndɨ Ågɨnɨndɨ ai Ågasündeamboane. Åga hapo Ågɨnɨndɨ ra sɨhefɨ Ågusüfoambe ratüpurɨyo arandɨ. 21 Kraisɨndɨ nendɨ Godɨmbo, koadürümbo-koadürümbo aboed-ani, mbɨsei-amboane. Anɨhond-ane.