Taitus 2

1 Da bitsintaê agu, wafis i nan da ampan natsungê nan nidzun rururungan. 2 Wautus garam tsiraê tsiraê i mpada tayangê nanggan mpadan i anungê yusa ampapan, da uwayantan bini da rururungan mpada tayangê runggan i nanggan santan nangan, da maran arida nidzun i ampan, da muarutsa nidzun, da muntida babampafan i gubuê bini da maisan. 3 Da wautus sagat tsiraê tsiraê nabinigi i tsanganda runggan sib i nanggan mpadan da yungan rima bingan tsiraê da Anutu, da anungê nida nan barungantsang, ma anungê nangan da mpui ngkiangan suda wain gin u, da bitsintaê nasantingê sanab bini angu. 4 I sanab bida nigi da ribarangan isangê i santingêa sagat faê faê i sanab maran arida i gan gabun rusan da narun rusan bini, 5 da uwayant bini mpada tayangê runggan i nanggan santan nangan, da atsungêa sanab dzidziwandan ruta wangun sapan, da maran furan gan guman nangan mingêa gan ungaran da gubuê santan, da nanga bini angu i rib santan, da atangêa warangê i gabunggan. Natsungê sanab bida nigi i mangan anungê nida nan maisan i Anutu nanggan u. 6 Da wafai nan i garam rinifaê nabinigi i uwayant bini mpada tayangê runggan i nanggan santan nangan. 7 U nanggam bini nangan santan nasu sanab ribarangan atsungêa gin. U nanggam fisa gin da wafisin ruta wangunggam santan da wayung wayab in da anungê rima umpur i Anutu nanggan u. 8 Wafis i nan nidzun rururungan i ampan mangan anungê tsanganda asub in u. I bida nigi da rib rima ipiap i agi bungê asau nan maisan wasi i nida yaba i agi, da rinin bungê amiaê. 9 Wafai i nan i mamaê gum utaê i atangêa warangê i gan garam gudzunggan i nanggan santan nangan bida ani: nanga i nugun tsiaêan, da anungê dzanga i nan rutin 10 ma wayada i nanggan, da bitsintaê sanaban nasantingê nabi garam gudzunggan isangê i rima nam santan i banginggan i mpada tayangê gin. Ribarangan nanang nabinigi i ampan tsanganda i nanggan mpadan da maran aridan i ringanta i Anutu, aru rima agi sib, nanggan. 11 I wain ibiani, Anutu maraampi gan iba kupis ruan wasi da isangê i rima garam santan sib. 12 Da yutus agi i rima barungê da sanab maisan da nam wangun akatsan intap ani gan, da atsungêa uwayant bini i mpada tayangê runggangê, da atsungêa sanab rururungan da mararam sangêa Anutu maran arida gin da gubuê agi mpada intap ani. 13 Da agi nanang nabinigi da gubuê aru agi rumpada rima marangê i gubuê nugun tsiaêan agi Anutu gangê tsiraê Yisus Kristus, Garam rima agi sib, tipa badan da kupisa runggan wasi ruta rini gira gan da puatsadan gan da binganggan tsiraê. 14 Arangan irim runggan rai i uda agi sinungê nam maisan da nanga agi wangunggangê sapan i agi suda Arangan garaman rururungan da wangun fripan i nanga nam bini angu. 15 Ibinigi da wafis i nan santan igi da warim garam muarutsan sib i muntida babampafan da wasantingê i gan nanggan maisan wasi. Wanang nam santan igi ruta nampang da bingan Anutu riman da agu. Da anungê nangan da garam manga rasuda u nanggam ma rima barun da agu u.