Lukas 23

1 Ida garam utup tsiraê igi yuriê da iyu Arangan ifan da Pilatus, Rom gabman gan tsiraê mpada tayangê intap Yudia. 2 Da ribarangan idzaê nan i Yisu da ini, “Aga tsanga garam arani iyu agi ampanggangê ifa asub. Arangan ini i ribarangan anungê rima takis fadan da Kaisar, da ini runggan Kristus, Garam Anutu Ragadan, da king." 3 Ibinigi da Pilatus igut i Yisu ibiani, “Agu Yuda king gan, a?” Da Yisu ini, “U runggam ini." 4 Ida Pilatus ini wasi da garam pumuêa Anutu wain gudzun rusan da garam santan igi ibiani, “Dzi sau garam ani asuban." 5 Da bitsintaê ribigi rungê irim udzungê da ini, “Arangan nanggan fisa gin mingêa Yudia gampan santan iraê i garam wangun i suda ufuai da Rom gabman gan. Arangan iraê gin imingê Galili da ibawaê ani." 6 Pilatus iringant i nan igi da igutin, “Garam igi garam Galili, ma?" 7 Gubuê arangan sruêa gin bida Yisu garam Galili da mpada warangê i Herot nanggan mpada tayangê gin, da itangin Arangan ifan da Herot, i Herot impa Yerusalem da gubuê arigi. 8 Gubuê Herot tsanganda Yisu da nugun inuf wasi gin, i gubuê guntiê bingan da arangan ini tsanganda Arangan. I wain, Herot iringant i Yisu sisingê gan da ini tsanganda Arangan nanga nam maran mangan. 9 Herot irim nan guta gin ampi bingan ifan da Yisu, da bitsintaê Yisu anungê ini nan mungaê da arangan u. 10 Da garam pumuêa Anutu wain gudzun rusan da garam gudzupuê i nan faidagin rungê muntida nigi isu gudzu uris i nan ampi bingan dzura yaba i Arangan. 11 Ida Herot da garaman singaari irim umpur i Yisu da igira Arangan i ngarukui bini bida king ruas gan, da itip itangin Arangan ifa da Pilatus. 12 Da gubuê arigi angu da Herot da Pilatus isu rinun i ruan, i mungê da ribarangan irim ipiap i ruan. 13 Pilatus inuê garam pumuêa Anutu wain tsiraê da garam gudzun da garam santan impruê, 14 da ini da ribarangan, “Agam ini garam arani garam mungêa i garam i sanab asub, da agam iyu iba da dzi. Da bitsintaê dzi yintsaê arangan i nan guta gin imingê agam maranggam, da dzi wawaê da asub mangan ibi agam nidan. 15 Herot ibinigi isau da itip itangin iba da agi, da waringantin, arangan wanang asub mangan i mampan u. 16 Ibinigi da bungê aripi arangan da dzi natangin arangan nafan." 17 18 Da bitsintaê garam santan igu ruan nuêan bida ani, “Wais garam arigi funub da watangin Barabas naba da agai." 19 (Barabas impa karabus i nanggan ruta gabman isa ruan mingêa gamp tsiraê igi da isa garam funub.) 20 Pilatus ini tanginda Yisu fadan, ibinigi da itip igut i ribarangan. 21 Da bitsintaê ribarangan rungê inuê ibiani, “Wais arangan nayab gai! Wais arangan nayab gai!" 22 Pilatus itip ini nan da ribarangan isu iruê da bits ibiani, “I wain idzuwai? Da garam ani inang asub idzuwai? Dzi wawaê da arangan asuban mangan i mampa gin u. Ibinigi da bungê aripi arangan da dzi natangin arangan nafan." 23 Da bitsintaê ribarangan iyaiê da inuê tsiraê bingan irim udzungê i isa Yisu yaba gai mpara i ruan. Da ribarangan nanggan yaiêan irasu Pilatus nanggan. 24 Ibinigi da Pilatus yatsungê ribarangan nanggan. 25 Da arangan itangin Barabas, garam mpada karabus i nanggan ruta gabman isa ruan da isa garam funub, iwaê ibi ribarangan nidan. Da itangin Yisu ifa garam singaari banginggan yatsungê ribarangan maran furan gan. 26 Gubuê ribarangan uda Yisu fadan, da garam singaari impung Saimon garam Sairini bungê bada gamp tsiraê igi. Da yusu arangan i buaringêa Yisu gai mpara i ruan gan atsungêa Yisu. 27 Da garam utup tsiraê bingan yatsungê Arangan, impruê da sagat rangan. 28 Yisu itaning da ini da ribarangan ibiani, “Sagat Yerusalem, agam anungê ranga i dzi; agam warang i runggam da narum rusam. 29 I bungê awaê gubuê mangan da agam bungê ani nan nabiani, ‘Sagat yami, mamida rima narun, da mamida rima sisun da mamaê narun, ribarangan nugun natsiaê.’ 30 Da garam bungê ani da mamai nabiani, ‘Wagruê ruam ragun i agai,’ da bungê ani da mamai yun, ‘Wabuafir aga sib.’ 31 I bida garam nanga bida ani da gai pisia da bu bida anungê da gai maringê?" 32 Da iyu garam maisan iruê impruê da Arangan ifa i isa funub yaba gai. 33 Gubuê ribarangan fawaêa mumai nida Gudzu Urun, da idintip Arangan iyab gai mpara i ruan, impruê da garam maisan ugu, mangan i bangin bini da mangan i bangin yas. 34 Da Yisu ini, “Ramangê, wasiat ribarangan nanggan maisan rai, i tuasarangan wasruê i nam idzuwai ribarangan nangan.” Da garam singaari yantungê rarub i Arangan ngarukui gan da ifab i ruan. 35 Da garam santan rung muntida raraban, da garam gudzun ipus mun da irim umpur in da ini, “Arangan irim garam fain sib, da arangan narim runggan sib, bida arangan Kristus aru Anutu ragadan." 36 Garam singaari ibinigi irim umpur in da irim wain gurun giriripan da Arangan. 37 Da ini, “Bida garam Yuda king gan agu, da warim runggam sib." 38 Da nan akaran mingêa wagungê i Arangan ini ibiani, “NANI GARAM YUDA KING GAN." 39 Garam maisan tupriêan nigi mangan ini nan asub i Yisu ibiani, “Agu Kristus, Garam Anutu Ragadan, a? Warim runggam sib da warim agai sib nampruê nabinigi!" 40 Da bitsintaê garam maisan mangan igi impiê mangan igi da ini, “U yu barabin isangê garam ani gan udan, da u rat i Anutu pas, ma? 41 Agi yu barabin ani isangê agi asubangê nangan rururungan, da bitsintaê garam ani anungê inang asub mangan u." 42 Ida arangan ini, “Yisu, maram wafur dzi da gubuê u suda king." 43 Da Yisu ini nan mungaê ibiani, “Dzi nani nan nidzun da agu, gubuê aruani da agu bungê arut dzi nampai Paradis, gamp bini mpada nugun nufan." 44 Gubuê maran ibawaê ibi gubuê muntida wasaê, da gubuê anungê ipuê yari, da nam mimin tsiraê ibuafir intap santan sib isangê 3 kilok nam nufan. Da bruê tsiraê mingêa Ungar Mararam wasaê igari ruan farab isu iruêrun. 46 Da Yisu inuê nifun tsiraê ibiani, “Ramangê, dzi rim ganunggangê ibiaê u banginggam.” Gubuê Arangan nida bida nigi sib da imamp. 47 Gubuê garam singaari gudzunggan tsanganda nam waêan igi, da arangan itsarif Anutu da ini, “Nan nidzun bingan, garam ani garam rururungan nidzun bingan." 48 Rib santan waêa i furisan igi, gubuê tsanganda nam igi waêa bida nigi, da itsiats nugun ruta nam gaiban tsiraê bingan ifa gampan. 49 Da bitsintaê rib aru sruêa i Yisu, mpruêan da sagat fain atsungêa gin mingêa Galili badan ugu, imunti ruguntiê da irarab sib. 50 Da garam mangan binganggan Yosef, arangan garam bini da rururungan. Arangan Yuda garam gudzunggan manga mingêa wasaê i utup nan tipan, 51 da bitsintaê arangan anungê yatangê warangê i ribarangan uwayantan rantsan da sanaban nangan. Arangan gampan wain Arimatia mingêa Yudia, da impa ifangê i Anutu nanggan mpada tayangê gan garaman. 52 Arangan ifa da Pilatus da igutin i uda Yisu riniuriatsan. 53 Da arangan iyu iruê da ipatiê sib i bruê faê bini mangan da irim yatangê tauf bampun mamida rima manga gin. 54 Nigi gubuê tipa ruan; nam inuf sib da gubuê Sabat inang i waêan. 55 Da sagat ruas ruta Yisu mingêa Galili badan ugu yatsungê Yosef da itsanga tauf bampun da irim Arangan riniuriatsan ibianungê. 56 Ida tuasarangan itip ifan da itip nam rini gaunt bini i rima i Yisu riniuriatsan. Da bitsintaê impa asap da gubuê Sabat yatsungê nan faidagin.