Yowanis 21

1 Gubuê fain ifa sib raiyi da Yisu itip iwaê da riban atsungêa gin imingê mpui fuê tsiraê Taibirias (nida Galili gin). Arangan iwaê da ribarangan ibiani. 2 Saimon Petrus, Tomas (nida Didimas in ) da Natanail mingêa gamp Kana mingêa Galili, da Sebedi narun rusan iruê impruê da Yisu riban atsungêa gin iruê impa impruê ruan. 3 Saimon Petrus ini da gan fain igi ibiani, “Dzi ni fada i uda yafas.” Da ribarangan ini binaê, “Da aga binigi ini ruta agu fadan.” Ibinigi da ribarangan iyu madzung da ifan. Da bitsintaê ribarangan wayu yafas mangan da idziang arigi u. 4 Pisa maratait santan da Yisu imunti magamangê ringan, da riban atsungêa gin wadzidziwan ibi Arangan igi u. 5 Arangan inuê ribarangan ifan ini binaê, “Yaê raingê ruas! Agam iyu yafas fain, ma imaê?” Da ribarangan inuê ba ini binaê, “Imaê angu." 6 Da Arangan ini binaê, “Watip watapu ubing gam waruê nabi madzung marafaingê bangim bini gam da agam bungê ayu yafas faingê.” Da gubuê ribarangan nanga bida nigi, da iyu yafas ampi bingan angu da yuntap i ubing itsiri. 7 Da garam atsungêa gin aru Yisu maran arida gin ugu ini da Petrus, “Nifutsarif aga!” Gubuê Petrus ringanta i nan arangan nida bida, “Nifutsarif aga,” da arangan itsirif ngarukui gan i ritan (i arangan anungê yatsuf ngarukui ampi bingan u) da yatup iruê mpui da imap ifa tsaraê. 8 Riban atsungêa gin fain rumpa madzung igi iba da yuntap i ubing fungêa i yafas igi ifa nam tsaraê. I anungê imingê guntiê i mpui ringan u, ibi 100 mita angu. 9 Gubuê ribarangan bawaêa tsaraê sib da itsangan dzaf urun yafas bits mingêa gin da bret fain. 10 Yisu ini da ribarangan, “Agam wayu yafas faingê agam bungê udan naba." 11 Ibinigi da Saimon Petrus itip iyab madzung da yuntap i ubing yafas fungêa gin igi iyab tsaraê. Ubing igi fungê i yafas tsiraê tsiraê 153. Yafas igi ampi bingan da bitsintaê ubing igi anungê intap ruan u. 12 Yisu ini da ribarangan, “Agam waba ga nam.” Da riban atsungêa gin igi mangan rinin anungê iyaba i guta gin bida, “Agu wai igi?” Imaê. I ribarangan isruê i Arangan Nifutsarif. 13 Yisu ifa yu bret da yafas igi da irim da ribarangan igan. 14 Nigi bi Yisu iwaê da riban atsungêa gin isangê iruê da bits sib da gubuê aru Arangan muntida marataê sib ugu. 15 Gubuê ribarangan gada nam sib da Yisu igut i Petrus ini binaê, “Saimon, Yowanis narunggan, u maram yari nidzun angu i dzi iyus rib santan ani nanggan maran arida i dzi, a?” Da arangan ini, “Hai, Nifutsarif, U sruê gin ibi dzi marangê yari i Agu.” Da Yisu ini, “Da warim nam gadan da dzi dumpa gangê narun narun." 16 Da Yisu itip igut i arangan isu iruêrun ini binaê, “Saimon, Yowanis narunggan, u maram yari nidzun angu i dzi, ma imaê?” Da arangan ini, “Hai, Nifutsarif, U sruê gin ibi dzi marangê yari i Agu.” Da Yisu ini, “Da wampa tayangê dzi dumpa gangê." 17 Yisu itip igut i arangan isu iruê da bits ini binaê, “Saimon, Yowanis narunggan, u maram yari i dzi, ma imaê?” Petrus wangun ibarabin i Yisu nanggan guta i arangan suda iruê da bits nida binaê, “U maram yari i dzi, ma imaê?” Da Saimon ini arangan nifunggan mungaê ibiani, “Nifutsarif, U sruê i nam sib angu, da U sruê gin i dzi marangê yari i Agu.” Da Yisu ini, “Warim nam gadan da dzi dumpa gangê. 18 Dzi ni nida nan nidzun da agu, gubuê u rungê suda garam rinifaê da u runggam idzur gam ritam da u yung yatsung maranggam furan. Da bitsintaê gubuê agu fufidan da u bungê atatu banginggam da garam mangan bungê adzur u ritam da nayu agu nafa mumai u buginda i fada gin." 19 Yisu ini nan igi i santingêa Petrus sanaban mampa gin wasi i arangan rima bingan tsiraê da Anutu gin. Ida Yisu ini rutin ibiani, “Watsungê dzi." 20 Petrus itaningê da itsanga garam aru Yisu maran arida gin ugu atsungêa ribarangan badan. Arangan garam aru impapa fada uts da Yisu nugun da gubuê gada nam maran fura Angira Atupa Sib da guta gin nida binaê, “Nifutsarif, mangan nigi bungê arim Agu nafa garam ipiap banginggan?" 21 Gubuê Petrus tsanganda arangan da igut i Yisu ini binaê, “Nifutsarif, bida anungê i garam igi?" 22 Yisu ini arangan nanggan mungaê ibiani, “Bida dzi nida i arangan mpada sangêa dzi tipa badan, da u maram ifur ibianungê, nigi bungê asu u nanggam? Da agu, watsungê dzi." 23 Ibinigi da nan amas arigi idzarang wasaê i rib muarutsan ibi garaman atsungêa gin arigi wasangê i mampan u. Da bitsintaê Yisu wani ibi arangan wasangê i mampan u, imaê. Arangan ini, “Bida dzi nida i arangan mpada sangêa dzi tipa badan, da u maram ifur ibianungê, nigi bungê asu u nanggam?" 24 Nigi Yisu garaman atsungêa gin aru kakaran da nida nan ani wasi da aruani. Aga sruê gin ibi nanggan nida wasi igi nan nidzun bingan. 25 Yisu inang nam mara maran fain ampi bingan angu. Da bida akara nam santan igi bitsintaê bitsintaê ruêan, da dzi marangê ifur ibi mumai wasaê mangan bungê amaê namingê intap santan ani i rima papiar santan igi gin.