Yowanis 16

1 “Dzi ni nan igi sib da agam i agam anungê tanginda nanggam muarutsan rai u. 2 Ribigi bungê apaê agam rai nawaê manaê i ungar mpruêa ruan gin. Da gubuê bungê awaê i manga nida isa agam funub da bungê ani i runggan i arangan pumuêa Anutu i sanab bida nigi. 3 Ribigi bungê anang nam bida nigi i agam, i wain wasruê i Ramangê ma dzi u. 4 Da bitsintaê dzi ni nan igi da agam da aruani, i gubuê nam igi bawaêan, da agam maram bungê afur nan dzi nidan da agam ani. Marapayam Mararam Guman Nangan “Dzi wani nan igi mungê da agam u, i dzi rungê irut agam impai. 5 Da bitsintaê aruani da dzi bungê atip afan da Ramangê aru tanginda dzi badan ugu, da agamam bits wagut i dzi ibi, ‘U ni fada anungê?’ 6 Da bitsintaê agam wangum ibarabin iyus, i wain ibi dzi ni nan santan igi da agam. 7 Da bitsintaê dzi ni nan nidzun bingan da agam! Dzi gangê fadan ani bini i rima agam sib, i bida dzi mamida i fadan da Marapayam aru rima agam sib wasangê i badan u. Da bida dzi fadan da dzi bungê atangin Arangan naba da agam. 8 Gubuê Arangan badan, da bungê asantingê garam intap i gan nanggan maisan nangan wasi, da dzi sanabangê rururungan, da Anutu nanggan raruda garam. 9 Arangan bungê asantingê ribarangan nanggan maisan wainggan wasi rutin nabi ribarangan anungê imuaruts dzi u. 10 Da bungê asantingê ribarangan i dzi sanabangê rururungan nabiani, dzi fadan da Ramangê da agam anungê isangê i tipa tsanganda dzi u. 11 Da bungê asantingê ribarangan nabi Anutu bungê araru garam intap, i Anutu iraru garam intap gudzunggan sib wa. 12 “Nan ampi bingan rumingê i dzi nidan da agam, da bitsintaê agam wasangê i buaringêa nan igi barabin gan da aruani u. 13 Gubuê Marapayam nan nidzun badan da bungê asantingê nan nidzun santan wasi da agam. Arangan anungê isangê i nida nan i rugan uwayantan, da bitsintaê bungê ani da agam i nan Arangan ringanta gin. Da bungê afis i nan i nam idzuwai igi bungê amus waêan. 14 Arangan bungê au nan idzuwai dzi nidan da nani wasi da agam. I sanab bida nigi da Arangan bungê arim bingan tsiraê da dzi. 15 Nam sib angu mingêa Ramangê gin isu dzi gangê, i wain igi da dzi ni i Marapayam Mararam bungê ayu nan dzi nida rutin da nani da agam. 16 “Da wasaê isiê pas angu da agam wasangê i tsanganda dzi, da ruwasaê isiê pas da agam bungê atip natsanga dzi." 17 Da riban atsungêa gin fain ini da ruan ibiani, “Nan igi wainggan ibianungê i nan Arangan nida bida, ‘Wasaê isiê pas angu da agam wasangê i tsanganda dzi da ruwasaê isiê pas angu da agam bungê atip natsanga dzi,’ da nan uts aruani, ‘i dzi fadan da Ramangê’?" 18 Da ribarangan rugut i ruan ini binaê, “Nan ‘wasaê isiê pas angu’ igi wainggan ibianungê? Agi wadzidziwan i nan Arangan nidan ani u." 19 Yisu isruê i ribarangan uwayantan nanga i guta i Arangan igi sib da ini rutin ini binaê, “Dzi ni da agam sib ibiani, ‘Wasaê isiê pas angu da agam wasangê i tsanganda dzi da ruwasaê isiê pas angu da agam bungê atip natsanga dzi.’ Agam igut i ruam ifa iba i nan arigi, ma? 20 Dzi nani nan nidzun da agam! Agam bungê arang da natsauê i ruam nidzun angu, da garam intap nugun bungê atsiaê nidzun. Agam wangum bungê abarabin, da bitsintaê agam wangunggam barabindan bungê aitam i ruan nasu nam nugun tsiaêan. 21 Nigi bungê abi gubuê sagat priêa i rima narun da wangun ibarabin i arangan gubuê gan rima narun ibawaê. Da bitsintaê gubuê arangan apingêa narun igi sib, da maran isamu nam tsakia, i nanggan nugun tsiaêan i mamaê narun iwaê sib. 22 Da nigi binigi angu i agam! Gubuê aruani da agam wangum ibarabin, da bitsintaê dzi bungê atip natsanga agam da agam nugum bungê anuf nidzun. Da nam nugun tsiaêan nidzun bida nigi da garam mangan wasangê i siata rai sinungê agam. 23 Mingêa gubuê arigi da agam wasangê tipa guta dzi i nam mangan u. Dzi ni nan nidzun bingan da agam, dzi Ramanggangê bungê arim nam idzuwai agam guta gin i dzi binganggangê. 24 Mungê ugu bawaêan da aruani da agam wagut i nam mangan i dzi binganggangê u. Aruani da wagutin i dzi binganggangê da agam bungê ayu, da nam nugun tsiaêan tsiraê bungê asisungê agam wangunggam. 25 “Dzi ni nan ani da agam imingê nan raman, da bitsintaê gubuê igi bungê abawaê da dzi wasangê tipa nida nan raman da agam u; dzi bungê aragi Ramangê wasi da agam. 26 Da gubuê arigi da agam bungê agut i Ramangê i nam i dzi binganggangê. Da dzi anungê ini ibi dzi udagin da Ramangê i agam u; imaê, agam runggam. 27 I Ramangê runggan maran yari i agam, i agam maram yari i dzi da imuaruts dzi ibi dzi mingê Anutu gin iba. 28 Dzi mingê Ramangê gin iruê ba intap. Da dzi nang i tanginda intap rai da tipa fadan da Ramangê." 29 Yisu riban atsungêa gin ini da Arangan ibiani, “Aruani da U ni nan dzidziwandan da agai da U wani nan raman u. 30 Aruani da aga tsangan i Agu sruê i nam sib angu impruê da garam gar uwayantan. Garam nanga i guta i Agu, da U sruê gin sib. I wain igi da aga muaruts i Agu mingê Anutu gin iba." 31 Yisu ini ribarangan nanggan mungaê ibiani, “Aruani angu da agam imuaruts, a? 32 Waringantin! Gubuê mangan isu uts i waêan da ibawaê sib, da garam bungê adaru agam nadzarang nafa gampam ruga rugam. Da agam bungê atangin dzi rai da dzi runtaê angu rubungê amunti. Da bitsintaê dzi runtaê anungê isangê muntida susuda marangê u, i Ramangê rurut dzi. 33 Dzi ni nan igi mungê da agam, i agam antungêa ba i dzi da dzi nanggangê nufan bungê asisungê agam wangunggam. Mingêa intap ani da agam bungê abuaringê barabin nayus, da bitsintaê agam wamunti babampaf da anungê ratan u, i dzi mpa riri i intap ani nampanggan sib wa."