Yowanis 10

1 “Nan nidzun bingan dzi nani da agam nabiani, garam mangan mamida i atangêa ntiangê ririmpa dumpa sib in muantsi gan, da yaba rugan i atangêan, da arangan isu garam wapa nam da garam mpunga garam i uda nam. 2 Da garam atangêa muantsi rururungan da arangan garam mpada tayangê dumpa igi. 3 Da garam mpada tayangê muantsi igi itus muantsi i arangan. Da arangan inuê dumpa gan da ifaringê bits bits binganggan, da iringant i nifun da ifuari ruan yatsungê arangan da iyu iwaê manaê. 4 Gubuê uda dumpa gan santan waêa sib, da arangan imungê gin da dumpa gan isruê i arangan nifun da yatsungê arangan. 5 Dumpa igi anungê isangê atsungêa garam manaê mangan u, bungê arunt sinungê garam bida nigi, i waringant i arangan nifunggan isruê u." 6 Yisu ini nan raman igi da ribarangan, da ribigi wadzidziwan i arangan nanggan nidan igi wainggan u. 7 Ibinigi da Yisu itip ini binaê, “Dzi ni nan nidzun bingan da agam, dzi aruani isu muantsi nifun i dumpa atangêan da waêan. 8 Garam sib angu bada mungê i dzi ugu garam wapa nam da garam mpunga garam i uda nam, da bitsintaê dumpa anungê irim ringan i ribigi u. 9 Dzi su muantsi nifun. Manga bada da dzi da atangêa wasaê da bungê ampa bini. Bungê atangê da nawaê da nayu nam gadan. 10 Garam wapa nam iba angu i wapa dumpa da isa funub da wayada nidzun angu. Da bitsintaê dzi ba i ribarangan mpada maran taêan da mpada ngarubini bingan angu. 11 “Dzi su garam bini mpada tayangê dumpa. Da garam bini mpada tayangê dumpa ini mais i runggan da irim runggan rai i sifa ngants i dumpa. 12 Da bitsintaê garam nanga gum i nam ntsuman anungê dumpa rinunggan da wasu garam rururungan mpada tayangê dumpa u. Gubuê arangan tsanganda iyam buman badan, da itangin dumpa rai da irunt sinungê. Da iyam buman igara dumpa igi da ipuê wasi. 13 Garam nanga gum i nam ntsuman igi irunt an arun, i wain, arangan inang gum i nam ntsuman angu da maran anungê ifur dumpa. 14 “Dzi garam bini mpada tayangê dumpa. Dzi sruê i gangê dumpa gangê da dzi dumpa gangê isruê i dzi, 15 ibi Ramangê isruê i dzi da dzi sruê i Ramangê. Da dzi bungê arim runggangê rai i dumpa igi. 16 Da dzi dumpa gangê fain rumpai da anungê impa ntiangê wasaê ani u. Dzi nafan da nayu aba nampruê nabinigi. Da bungê aringant i dzi nifunggangê da nasu dumpa utup bitsintaê da garam bitsintaê angu i mpada tayangê gin. 17 Ramangê maran yari i dzi, i wain, dzi bungê arim runggangê rai da dzi bungê atip ayu nanggangê mpada maran taêan. 18 Manga wasangê siata dzi nanggangê mpada maran taêan rai u, imaê. Dzi runggangê maranggangê furan angu da dzi bungê arim runggangê rai. Dzi su wain i rima rai da tipa udan. Nigi nan dzi Ramanggangê ini da dzi i dzi nangan." 19 Garam Yuda iringant i nan igi da uwayant itip isu iruêrun da yudzungê nan da ruan. 20 Ribigi gan ampi bingan ini binaê, “Marapayam maisan iyantsang arangan da ibrabruê! Agam iburim ringam i arangan nanggan iyaê?" 21 Da bitsintaê fain ini binaê, “Garam marapayam maisan yantsangan da anungê isangê nida nan bida nigi u. Isangê marapayam maisan nanga garam maran gampaman tsanganda nam, ma?" 22 Da gubuê mararam tsiraê maran fura i gubuê rima dangki da Anutu i Ungar Mararam ugu iwaê Yerusalem da gubuê rangarang tsiraê. 23 Da Yisu iyung Solomon tsaparaê gan mingêa Ungar Mararam ntiangê gan wasaê. 24 Garam Yuda imunti itsuafiê Arangan sib da igutin ini binaê, “Gubuê sib angu da u nang aga wangungê isu iruêrun i agu garam idzuwai. Da gubuê idzuwai da u bungê ani runggam wasi? Bida agu Garam Anutu Ragadan da wani nan rururungan da agai." 25 Yisu ini ribigi nanggan mungaê ibiani, “Dzi ni nan arangan sib da agam wa, da agam wamuaruts u. Gum bini bini dzi nangan i Ramangê binganggan, nigi ikupis dzi wasi, 26 da bitsintaê agam anungê imuaruts dzi, i agam anungê isu dzi dumpa gangê u. 27 Dzi dumpa gangê iringant i dzi nifunggangê, da dzi sruê i ribarangan, da ribarangan yatsungê dzi. 28 Da dzi bungê arim nam mpada ratar ntingan angu rutin, da ribarangan wasangê i rima runggan rai u. Da mangan wasangê i mpungan da dzunga gin sinungê dzi banginggangê u. 29 Ramangê, aru runggan rima ribarangan da dzi, nampanggan iyus nam santan, da mangan wasangê i mpungan da dzunga gin sinungê Ramangê banginggan u, imaê. 30 Dzi da Ramangê isu nam wain bitsintaê." 31 Gubuê garam Yuda ringanta i nan igi, da itip iyu tauf i tapuda Arangan funub. 32 Da Yisu ini da ribigi ibiani, “Dzi santingê gum bini bini ampi bingan Ramangê tangindan da dzi i nangan imingê agam maranggam sib. Da gum bini idzuwai igi gan inang da agam ini tapuda dzi funub i tauf?" 33 Garam Yuda ini Yisu nifunggan mungaê ini binaê, “Aga wani tapuda agu funub i gum bini igi mangan u, da bitsintaê u ni nan asub i Anutu. Agu garam gar angu da u buni nanga runggam bida agu Anutu." 34 Yisu ini nan mungaê ini binaê, “Anutu nanggan kakaran ani rumingê wasaê i agam nanggam faidagin nida binaê, ‘Dzi ni, agam isu anutu faingê.’ 35 Anutu runggan ifaringê rib uda i nanggan igi ibi anutu faingê, da agi wasangê i siata Anutu nanggan kakaran igi rai u. 36 Da bitsintaê Ramangê iraga dzi isu i rugan nanggan mararam da itangin dzi iruê ba intap. Ibinigi da wain idzuwai da agam ini dzi nida nan asub i Anutu i dzi nida binaê, ‘Dzi aruani isu Anutu Narunggan’? 37 Bida dzi mamida i nanga Ramangê guman, da agam anungê muarutsa dzi u. 38 Da bitsintaê bida dzi nanga Arangan guman da bida agam mamida i muarutsa dzi, da wamuaruts gum bini dzi nangan igi angu. I sanab bida nigi da agam bungê au uwayant dzidziwandan da nasruê gin nabi Ramangê impa dzi wasaê da dzi mpa Ramangê wasaê." 39 Da ribigi itip yintsaê i mpunga Arangan, da bitsintaê Arangan irunt sinungê ribigi da ifa gan arun. 40 Da Yisu yis mpui Yordan udziê ifa marafain aru Yowanis ruruba garamin ugu da ifampa nigi. 41 Da garam ampi bingan ifan da Arangan i nigi da ini binaê, “Yowanis anungê inang nam maran mangan u. Da bitsintaê nan santan Yowanis nida i garam ani nan nidzun bingan." 42 Da mingêa nigi da garam ampi bingan imuaruts Yisu.