Miamun 49

1 Yakop inuê narun rusan santan impruê da ini rutin ibiani, “Agam santan wabampa wampruê ruam watsuafiê dzi da dzi nani nan idzuwai nida waêan da agam da gubuê bampan aga. 2 “Dzi, Yakop, narungê rusangê, wampruê ruam waba da waringant i dzi, agam ramanggam Israil, nanggangê nidan. 3 “Ruben, dzi narunggangê miamun, u waê da u santingê dzi riniurun gangê miamun. U yu bingan tsiraê da nampang iyus raim rusam. 4 Agu bi mpui furan fuafagin suda tsurupiap da wasangê i garam ntingan u, da bitsintaê wasangê i rungê tsarifa agu u, i u atangê ramanggam ungaran sib da u rim rini miaê tsiraê bingan da dzi. 5 “Simion da rainggan Liwai isangê ruan angu i uwayant i suda bangi biê da wayada nam. 6 Dzi wasangê i mpada wasaê i rib iruê igi nanggan maradzigin tipan u. Iyu wangun tsakiadan utaê angu da yis garam funub da itipuê makau faga far utaê utaê angu isangê maranggan furan. 7 Nam pupuarapan narut ribarangan i nam nugun tsakia tsiraê da nugun tsiaêan i rima tsakia da isa garam funub. Dzi bungê awat ribarangan rai nadzarang nampa wasaê i garam Israil gampan. 8 “Yuda, u raim rusam bungê atsarif agu, da bungê aidzaê fagan da agu. Da agu bungê agab garam ipiapam wan. 9 O Yuda, agu sangê laion naru faê mangan gada apu gan garadan da tipa bada gan gingêa gin. Da isangê laion amputan i mprutsan da manga wasangê suda frapin. 10 Mingêa Yuda da bungê agif bungaê king gan i banginggan da yanginggan taptap bungê asu king, nasangê bungaê igi ramanggan nidzun suda wain gin bawaêan da garam intap wain wain atangêa warangê i arangan. 11 Yuda bruê wain gan bungê ayus da arangan bungê adzur dongki gan nafa bruê wain bini yusan maran aridagin. Bungê atip wain gurun nayus da bungê adzuê ngarukui gan gin. 12 Arangan maranidzun bungê asu biê i wain numan, da nifu urun bungê asap nidzun angu i makau sisu gurun numan. 13 “Tsebulun bungê ampa namingê mpui uruts ringan da bungê asu mumai bini madzung ba antungêa gin. Da ampapan bungê afan da nawaê gamp Saidon. 14 “Isakar ibi dongki riniurun gingêa wasaê i tayap nam bunump iruêrun. 15 Gubuê arangan tsanganda intapan igi bida intap ngarubini bingan mpada asap gin, da bungê adzuangê aruê da nausu runggan i buaringêa barabin bida mamaê gum utaê angu. 16 “Dan bungê asu gudzun i raruda garaman bini nabi utupan Israil fain naga. 17 Dan bungê abi muntsir isiê angu da nampang tsiraê gingêa sanab ringan. Da bida hos runta badan da bungê agara i faga mutun, da garam mpada hos bungê aruaê nafa barun gin. 18 “O Yawe, dzi mpa irim marangê i u yuda dzi sinungê ipiap banginggan. 19 “Garam wapa nam bungê awaê da nais Gat, da bitsintaê arangan bungê ais ribarangan da nadaru rai nafan. 20 “Aser intapan bungê anti nidzun angu i nam gadan bini. Da bungê arim nam bini mara maran nasangê king ruasan gadan. 21 “Naftali ibi dia rinan runta utaê angu yungan i maranggan furan, da rima narun ruas bini bini angu. 22 “Yosef ibi bruê muntida uts da mpui maran da kapa nidzun bini yusan da bangi ngab yari ragun i nam santan. 23 Garam isa nam i biriang da dampa iwaê da yintsaê i faningêa arangan da isa arangan funub. 24 Da bitsintaê Yosef bangin waratarat da gan dampa gan u, imaê. Bangin ipuapap angu i Yakop Anutu gan nampanggan irim arangan sib, da binganggan fain ibi Garam Mpada Tayangê Dumpa da Tauf Tsiraê Muntida Sib i Israil. 25 Da dzi Anutu gangê Nampang Wain bungê arim agu sib da nanang nam bini ampi bingan nawaê da agu: natangin gamiê namingê maranguntung wagungê naruê, da mpui namingê intap warangê nayab, da sagat da apu rinan santan narim narun ruas nayus. 26 Nam fintidan ampi bingan u ramanggam dzi riman da agu iyus nam bini bini mingêa mamai ratar ratar sib. Nam fintidan santan igi narut agu, Yosef, i u yu bingan tsiraê imingê wasaê i u raim rusam santan. 27 “Benyamin isangê iyam buman ragiyab tsiraê. Tataê santan da arangan igara apu funub da igan. Da nam nufan da arangan ifab fain rumingêan igi." 28 Nigi utup 12 Israil, da raman Yakop ifinti i nan fintidan igi intuang ribarangan ruga rugan. 29 Yakop ini nan babampafan da narun rusan ibiani, “Isu uts i dzi mampan. Da agam warim dzi wampruê da dzi ramangê rusangê namingê tauf bampun mingêa Efron garam Hit intapan 30 mingêa Makpela ugu, Mamri marafain gan gubuê yaban mingêa intap Kanan. Tauf bampun da intap igi da Abraham iyu imingê Efron gin, i rima badzab in. 31 I mingêa nigi da irim Abraham da fininggan Sara da Isak da fininggan Rebeka, da dzi rim Lia imingê nigi impruê. 32 Dzi rumpunggan Abraham iyu intap da tauf bampun igi imingê garam Hit gin." 33 Yakop intsup nanggan nidan da narun rusan sib da intsrung faganggan iyab rabiê gan da igingê iruê da imamp.