Miamun 46

1 Ibinigi da Israil iyu nanggan santan da irut utupan ifa i waêa Idzip, da gubuê arangan fawaêa Birsiba da itsara nam isu dangki ifan da ramanggan Isak Anutu gan. 2 Da Anutu ini nan da arangan imingê nam puafuban da idziang ibiani, “Yakop! Yakop!” Da Yakop ini, “Dzi aruani!" 3 Da Anutu ini binaê, “Dzi Anutu, u ramanggam Anutu gan. Agu anungê ratan i ruêa Idzip u, i dzi bungê anang u yanginggam nawaê nasu garam utup tsiraê mangan namingê nigi. 4 Dzi bungê arut agu nampruê ruangê naruê Idzip, da bampan naga da dzi bungê atip nau agu natip naba. Da u bungê amamp nayab Yosef banginggan." 5 Da Yakop tanginda Birsiba rai, da narun rusan itangin arangan impruê da ribarangan finin rusan da narun rusan santan iyab karis King Farau tangindan bada i uda ribarangan fadan ugu. 6 Da Yakop irut narun rusan da rumpun rusan finam da marub santan ifa Idzip. Da ribarangan iyu apu gan mpada tayangê gin da nam bunumpan santan udan mingêa Kanan ugu impruê ibinigi. 8 Israil yangin rusan aru ruta fada gamp Idzip ugu binganggan ibiani: Ruben, Yakop narunggan miamun. 9 Da Ruben narun rusan marub binganggan ibiani, Hanok, Palu, Hetsron da Karmi. 10 Simion narun rusan marub binganggan ibiani, Dzemuel, Dzamin, Ohat, Dzakin, Tsohar da Siaul. Siaul rinanggan sagat Kanan. 11 Liwai narun rusan marub binganggan ibiani, Gerson, Kohat da Merari. 12 Yuda narun rusan marub binganggan ibiani, Er, Onan, Sela, Perets da Tsera. (Da bitsintaê Er da Onan imamp da gubuê ribarangan rungê mpada mingêa intap Kanan ugu.) Da Perets narun rusan marub binganggan ibiani, Hetsron da Hamul. 13 Isakar narun rusan marub binganggan ibiani, Tola, Pua, Dzasup da Simron. 14 Tsebulun narun rusan marub binganggan ibiani, Seret, Elon da Dzalil. 15 Nigi Lia narun rusan gabunggan Yakop riman da arangan da gubuê mpada mingêa Padan-Aram (Mesopotemia). Lia irim narun finam mangan impruê binganggan Daina. Mpruêa Yakop narun rusan rima da Lia da rumpun rusan isangê 33. 16 Gat narun rusan marub binganggan ibiani, Tsefon, Hagi, Suni, Esbon, Eri, Arodi da Areli. 17 Aser narun rusan marub binganggan ibiani, Imna, Iswa, Iswi da Beraia. Ribarangan nafunggan Sera. Da Beraia narun rusan marub binganggan ibiani, Heber da Malkiel. 18 Nigi Yakop yangin rusan riman da Tsilpa, sagat gum Laban riman da Lia ugu. Mpruêa utup igi santan isangê 16. 19 Retsel narun rusan Yakop riman da arangan binganggan ibiani: Yosef da Benyamin. 20 Gubuê Yosef mpada gamp tsiraê Idzip da irim narun rusan Manase da Ifraim da fininggan Asenat, Potifera garam pumuêan mingêa gamp On narunggan finam. 21 Benyamin narun rusan marub binganggan ibiani: Bela, Beker, Asbel, Gera, Neman, Ehi, Ros, Mupim, Hupim da Art. 22 Nigi Yakop narun rusan riman da fininggan Retsel mpruêan da rumpun rusan isangê 14. 23 Dan narunggan marub bitsintaê angu binganggan Husim. 24 Naftali narun rusan marub ibiani: Dzatsiel, Guniê, Dzetser da Silem. 25 Nigi Yakop yangin rusan riman da Bilha, sagat gum Laban riman da Retsel ugu. Mpruêa utup igi santan isangê 7. 26 Yakop narun rusan da rumpun rusan ruta arangan ruêa gamp Idzip ugu isangê 66. Da wafaris arangan narun rusan finin rusan impruê u. 27 Yosef narun rusan marub iruê waêa mingêa Idzip ugu bampruêan da utup 66 igi da Yakop utupan fada Idzip igi isangê 70. 28 Yakop itangin Yuda imungê i nida sisingê da Yosef i bawaêan da ribarangan mingêa Gosen. Da gubuê ribarangan bawaêan mingêa intap Gosen sib, 29 da Yosef iyu karisan da ifa Gosen i waêa da ramanggan Israil. Gubuê Yosef bawaêan da tsanganda ramanggan da impung arangan da irang guntiê bingan angu. 30 Da Israil ini da Yosef ibiani, “Aruani da dzi runggangê maranggangê itsangan agu ibi agu rungê impai marataê, da dzi bungê amamp ruta nugungê nufan." 31 Da Yosef ini da rain rusan da ramanggan utupan ibiani, “Dzi bungê afani da King Farau nabiani, ‘Dzi raingê rusangê da dzi ramanggangê da utupan santan mpada Kanan ugu ibawaê sib. 32 Ribarangan garam mpada tayangê dumpa da makau da iyu apu gan santan angu iba impruê da nam bunumpan santan suda wain gin ibinigi.’ 33 Da gubuê Farau nuêa agam atangêa fadan da guta i agam bida ani, ‘Agam inang gumam ibianungê?’ 34 da agam wani arangan nanggan mungaê nabiani, ‘U garam gumam agai ani gumangê nangan da ibiani, aga garam mpada tayangê dumpa da makau, yatsungê aga ramangê rusan sanaban musa nangan. Aga atsungê gin da aga isi isiê isangê aga yingêa rutin.’ Da nigi sangê i rima agam sib i mpada intap Gosen, i garam Idzip ibugin i suda uts da garam mpada tayangê dumpa."