Miamun 42

1 Gubuê Yakop ringanta i nan bida wit mingêa Idzip, da ini da narun rusan ibiani, “Amaê! Agam ibumpa irarab rumaram ibinigi? 2 Dzi ringant i nan i wit imingê Idzip. Agam waruê da wayu agi gangê fain, i agi mamamp i mangits i." 3 Ibinigi da Yosef rain rusan 10 iruê i uda wit mingêa Idzip. 4 Da bitsintaê Yakop watangin Benyamin, Yosef rainggan isiê igi, warut rain ruas fain igi ifan u. Irat i Benyamin mawaê da barabin. 5 Ibinigi da Israil narun rusan irut ampan fain ruêa Idzip i uda wit impruê ruan ifan, i gubuê tsiraê nam gadan maêan iwaê intap Kanan ibinigi. 6 Gubuê Yosef suda garam gudzun tsiraê mingêa Idzip da isu wain i rima wit da ampan santan barima nam ntsuman gin. Da rain rusan ibawaê da yidzaê fagan da itauf maran iruê intap imingê arangan maran. 7 Gubuê aru Yosef tsanganda rain rusan da ifaringê ribarangan sib, da bitsintaê irib inang runggan ibi garam mangan da ini nan nampang da ribarangan da igutin ini binaê, “Agam imingê anungê iba?” Da ribarangan ini, “Aga mingê intap Kanan iba i uda nam gadan." 8 Yosef ifaringê rain rusan sib, da rain rusan wafaringê arangan u. 9 Da Yosef maran ifur gan nanggan puafuban mungê tsanganda rain rusan idzaêa fagan rutin ugu, da ini binaê, “Agam garam bada i rima ipiap i agai igi da tsanganda aga gampangê da sruêagin i ba-isa agai." 10 Da ribarangan ini binaê, “Garam tsiraê, imaê. U garam gumam agai iba i suba nam i nam gadan. 11 Aga santan ani ramanggangê bitsintaê angu. U garam gumam agai ani garam nan nidzun; aga anungê garam rima ipiap u." 12 Da Yosef ini, “Imaê. Agam iba i tsanganda aga gampangê i bida anungê da agam ba-isa agai." 13 Da ribarangan ini, “O garam tsiraê, imaê. Aga 12, aga ramanggangê bitsintaê, da aga 10 angu iba i uda nam gadan da aga ramanggangê irut aga rainggangê isiê impa mungê, da aga rainggangê mangan itangin aga rai." 14 Yosef rurim udzungê da ini, “Imaê. Nan ibi aru dzi nidan da agam. Agam garam rima ipiap i agai. 15 Da dzi bungê aintsaê agam nanggam nabiani: dzi ni nan nidzun da agam i Farau nampanggan, agam wasangê i fadan bida agam rainggam isiê igi mamida i badan. 16 Agam watangin agamam bits nafan da nau agam rainggam isiê igi naba. Da agam santan bungê ampa karabus. Da aga natsangan agam nanggam nidan igi bida nan nidzun ma imaê. Bida maêan da dzi ni nan nidzun da agam i King Farau nampanggan, agam garam rima ipiap i agai." 17 Da irim ribarangan i karabus isangê gubuê iruê da bits. 18 Waêa gubuê iruê da bits, da Yosef ini da ribarangan ibiani, “Dzi garam rata i Anutu, ibinigi da dzi wasangê isa agam funub bida agam nanga nam bida dzi nidan. 19 Bida agam garam nan nidzun da watangin rainggam bits nampa karabus namingê ani da agam santan wayu wit nafa i gam ribam mpada mangits. 20 Da agam wau rainggam isiê igi naba da dzi i dzi sruêagin bida agam ini nan nidzun. Agam nanga bida nigi da agam wasangê mampan u.” Da ribarangan itaga ruan i Yosef nanggan. 21 Da ribarangan ini nan da runggan ibiani, “Nan nidzun bingan! Agi nanggangê nanga yaba i rainggangê Yosef ugu mungaê gan ani. Agi tsanga rainggangê wangu barabin gan da gubuê maragab ranga gampunda ruan da agi ugu, da agi wagaib arangan u. Ibinigi da barabin ani iwaê da agi." 22 Da Ruben ini, “Dzi ni wai da agam? Dzi ni agam anungê nanga nam asub mangan yaba i mamaê igi. Da bitsintaê agam anungê iringant i nan u. Aruani da agi yu barabin mungaê i arangan nanggan mampan." 23 Ribarangan wasruê gin ibi Yosef isruê i nan ribarangan nidan da ruan igi u, i wain ibi garam itama i nan imunti wasaê i Yosef da rain rusan. 24 Da itiri ribarangan rai da ifa mangan da irang. Ntsupa sib da arangan itip iba da ini nan da ribarangan. Arangan ini da garam gum impung Simion da idzur arangan imingê i rain rusan maran. 25 Yosef ini da gan garam guman i farangêa wit ruêa ribarangan bekan da tipa farangêa ribarangan silva gan ragun gin ruêa bek ruga rugan sangêa santan, da rima nam gadan i rima ribarangan sib i sanaban tipa fadan. Da mamaê gum inang isangê Yosef nidan. 26 Ntsupa sib da ribarangan idzur bek wit iyab dongki gan da ifan. 27 Gubuê ribarangan yunga fawaêa mumai wasaê manga gingêa gin da ribarangan mangan ikiraê bekan i rima nam gadan da dongki gan da itsangan silva gan mingêa bek nifun angu. 28 Da inuê rain rusan ini binaê, “Aitsangan! Ribaga tip ifarangê dzi silva gangê iruê dzi bekangê.” Ribarangan nugun isantan ruan da irat da irarab ru maran da ini da ruan, “Nam idzuwai gan ani da Anutu inang ibiani da agi?" 29 Gubuê ribarangan bawaêa sib da raman Yakop i intap Kanan, da ifis i nam santan waêan da ribarangan ugu. Da ini binaê, 30 “Garam gudzun tsiraê mpada tayangê Idzip ini nan tsiraê angu iyab i agai da idzur nan i agai ini aga garam rima ipiap i ribarangan gampan. 31 Da bitsintaê aga ni da arangan, ‘Aga garam nan nidzun; aga anungê garam rima ipiap u. 32 Aga 12, aga ramanggangê bitsintaê. Da aga rainggangê mangan itangin aga rai, da aga rainggangê isiê rurut aga ramanggangê impa Kanan.’ 33 Da garam gudzun tsiraê mpada tayangê intap igi ini da agai ibiani, ‘Sanab dzi tsanganda agam bida garam nan nidzun bungê abiani: Agam watangin agamam bits narut dzi nampai. Da agam wayu nam gadan wafa i gam utupam nam gadan maêa gin aga. 34 Da bitsintaê agam wau rainggam isiê igi naba da dzi da dzi bungê asruê gin nabi agam anungê garam rima ipiap u, agam garam nan nidzun. Da dzi bungê atangin agam rainggam nabiaê da agam. Da agam isangê yunga aga gampangê da nanga gumam da suba nam in sangêa maranggam furan.’" 35 Da ribarangan iyats gan bek witan da itsanga silva gan mingêa sangêa gan bek witan ruga rugan. Gubuê ribarangan ruta ramanggan tsanganda silva igi da ribarangan irat. 36 Ribarangan ramanggan Yakop ini da ribarangan ibiani, “Agam angu inang da dzi narungê rusangê iruêrun maran imaê. Yosef maran imaê, da Simion maran imaê. Da aruani da agam ini tipa uda Benyamin fada sinungê dzi. Agam nanggam nangan bida nigi da dzi buaringê barabin gin!" 37 Da Ruben ini da raman ibiani, “Ramangê. Watangin arangan ba dzi banginggangê. Dzi bungê ampa tayangê arangan nasangê dzi tipa uda arangan badan da agu. Da bida dzi mamida tipa uda Benyamin badan da agu ida wais dzi narungê rusangê marub iruê aga funub." 38 Da bitsintaê Yakop ini ibiani, “Dzi narunggangê wasangê i ruta agam ruêan u, i arangan rainggan imamp sib da arangan runtaê angu rungê impai. Da bida barabin waêa da arangan i sanab da barabin igi bungê ais dzi funub, i dzi fufi sib."