Miamun 19

1 Da angira iruê aru ruta Yawe da Abraham badan ugu iwaê gamp Sodom da nam bingibungan. Gubuê arigi da Lot impai mumai mpruêa ruan gin mingêa gamp igi muantsi gan atangêa gin. Lot iraê i maran da itsangan angira iruê igi da yuriê ifan da yidzaê fagan da itatapuangê iruê rib iruê igi maran, 2 da yis yaring gin ini binaê, “Agam garam tsiraê iruê igi, waba ani, dzi gaib runggangê da agam i atangêa ba gam garam gumam dzi ungarangê. Da adzuêa fagam da ruta dzi gingêan, da tataê maratait da agam wayung sanabam da wafan.” Da bitsintaê rib iruê igi ini da arangan ibiani, “Imaê. Aga bungê agingê mumai mpruêa ruan gin ani." 3 Da bitsintaê Lot irim udzung nidzun da rib iruê igi isangê ruta mpruêa ruan fada arangan ungaran. Arangan itip nam gadan i rib iruê igi, itai bret yist maêa gin da irim da ribarangan igan. 4 Suda uts i gingêan da garam rinifaê da tsiraê sib angu mingêa gamp Sodom iba munti itsuafiê ungar igi sib. 5 Da inuê Lot ini binaê, “Lot! Garam iruê bada ungaram da idziang aruani impai anungê? Watangin ribarangan nawaê ba da aga nararaê gin." 6 Lot itus muantsi da iwaê ifan da itsungin sib 7 da ini da ribarangan santan ibiani, “Raingê ruas, dzi gaib runggangê da agam i anungê nanga uwayant maisan igi u. 8 Agam itsangan. Dzi narungê rusangê aruf iruê rumpai. Garam mangan wawaê rutin u. Dzi natangin nawaê biaê da agam da wanang wabi agam maram furan. Da agam anungê nanga nam mangan i garam iruê ani u, i ribarangan isu dzi ampi gangê da dzi nampa tayangê gin." 9 Garam Sodom iringant i nan arigi da ini binaê, “Wafa manaê i agai! Aga tus marangê i agu garam gamp manga arigi da aruani da u ni nanga runggam bida garam raruda agai i gangê uwayantangê. Wafa manaê i agai! I aga bungê awaya agu nidzun angu nayus rib iruê aga.” Ribarangan iyut Lot rai da yusu ruan ifa i branga muantsi. 10 Da bitsintaê garam iruê mpada ungar igi itus muantsi da idzungê i Lot yatangê ungar wasaê da itsungin muantsi sib in. 11 Da inang garam santan rinifaê da tsiraê muntida muantsi manaê igi maran imimin da isau muantsi wasi. 12 Garam iruê igi ini da Lot ini binaê, “Bida u narum rusam marub da finam ma bum rusam ma ribam fain mpada gamp ani mpruêan, da wani rutin i ribarangan uriêan da tanginda gamp ani rai, 13 i aga bungê asiat gamp ani rai, i Yawe iringantin nam rangan ampi bingan i raruda garam gamp ani i nanggan maisan da itangin agai iba i siata rai." 14 Ibinigi da Lot ifan da ini da garam iruê ragada sib i uda i narun rusan finam iruê ugu da ini binaê, “Yawe ini siata gamp ani rai, ibinigi da agam wauriê da wawaê sinungê gamp ani sung.” Da bitsintaê bun rusan igi ibuni arangan nida nan umpur in. 15 Da maratait da angira yaga Lot ini ibiani, “Wauriê sung! Wau fininggam da narum rusam finam iruê igi da watangin gamp ani rai sung, i agam bungê antsup nampruê da garam gamp ani da gubuê Yawe siata rai." 16 Da bitsintaê Lot wasu nugunugun i fadan u, ibinigi da angira impung ribarangan bangin da itaraê iwaê sinungê gamp igi sung, i Yawe maran intuê ribarangan. 17 Angira uda ribarangan waêa sib da gan mangan ini binaê, “Agam wafa sung angu! Da anungê tipa taningêan da raraba fada gamp aga u, ma mpada asap mangan mingêa bump ani u. Warunt sung angu nayab mamai aga i agam mantsup sib nampruê i." 18 Da bitsintaê Lot ini binaê, “O dzi nifutsarifangê. Dzi maragab wasangê nanga bida u nidan igi u! 19 Agu nang nam maran aridan tsiraê i rima gam garam gumam dzi sib, da bitsintaê dzi wasangê i fawaêa sung mamai aga u. Bida barabin igi waêan da bungê asiat dzi rai namingê sanab. 20 Watsanga gamp isiê aru naga. Isangê i dzi runta fada gin i rima runggangê sib in? Gamp igi isiê angu da bida u gantsidan da bungê arim dzi maragab sib." 21 Da angira ini, “Isangê, dzi bungê atus marangê i agu i u nanga bida nigi da dzi wasangê siata gamp u nifum gampan igi u. 22 Ariê! Wafa sung angu, i dzi wasangê nanga nam mangan nasangê u waêan nigi.” (Lot ini gamp igi isiê angu, i wain igi da garam ifaringê gamp igi Tsoar, wainggan ibi ‘isiê’ ma ’nam utaê angu’.) 23 Gubuê Lot waêa gamp Tsoar da gubuê ibarunt iyab. 24 Da Yawe itangin dzaf tauf bururungêan imui iruê da iga gamp Sodom da Gomora sib impruê da bump igi santan da garam gar da nam ntapan santan. 26 Da Lot fininggan atsungêa arangan itaningê da imunti isu tauf sur. 27 Tataê maratait mangan da Abraham yuriê da itip ifa mumai aru muntidagin da ruta Yawe nida nan da ruan gin ugu. 28 Da irarab iruê gamp Sodom da Gomora da bump santan iruê da itsanga dugunt buaringêa ruan sangêa dugunt dzaf riman. 29 Gubuê Anutu siata gamp santan mingêa bump sib da maran rufur Abraham i nanggan gutagin ugu da irim Lot sib i runta sinungê gamp igi. 30 Lot irat i mpada Tsoar da iyu narun rusan finam iruê ugu da iyab mamai da impa tauf bampun. 31 Gubuê mangan mamaê finam miamun igi ini da rainggan isiê ibiani, “Agi ramanggangê ifufi sib, da garam mangan wampai imingê ani i uda agi u, bida garam gar sanaban uda ruan, imaê. 32 Ibinigi da agi narim wain gurun da ramangê anum da maran nadidirunt da agi sangê i ruta arangan gingêan da arangan isangê i rima mamaê narun da agi da agi bungê autus i gangê yanginggangê." 33 Ibinigi da idziang arigi da ribarangan irim wain da raman inum da narun finam miamun yatangê irut igingê. Wain yis arangan funub angu da arangan wasruê i nam idzuwai arangan narunggan miamun igi nanga i arangan u. 34 Pisa maiê mangan da narun finam miamun ini da rain isiê igi ibiani, “Idziang ugu da dzi rut ramangê igingê sib wa. Idziang aruani da agi natip narim wain da ramangê nanum da agu sangê i ruta gingêan bida dzi nangan da maiê ugu, da agi sangê i utusa gangê yanginggangê." 35 Ibinigi da ribarangan itip irim wain da ramanggan inum da idziang arigi da narun finam isiê yatangê da irut raman igingê. Wain yis raman funub angu ibi idziang maiê mangan ugu da arangan wasruê i nam idzuwai arangan narunggan finam isiê igi nanga i arangan u. 36 I sanab narun ruas iruê igi nangan bida nigi, da ribarangan iwangun i ramanggan Lot narunggan. 37 Narun finam miamun irim narun marub da ifaringê i binganggan Moab. Moab isu garam Moab tafanggan rung faringêan da gubuê aruani. 38 Da narun finam isiê ibinigi irim narun marub da ifaringê i binganggan Ben-Ami. Ben-Ami isu garam Amon tafanggan rungê faringêan da gubuê aruani.