Miamun 15

1 Gubuê nam igi ntsupa sib raiyi da Yawe ini nan da Abram i nam puafuban ibiani, “Abram, agu anungê ratan u. Dzi su u ngantsam da u nanggam bini santan wainggan." 2 Da bitsintaê Abram ini binaê, “O dzi Nifutsarifangê Yawe, u nanggam bini u nida rima da dzi igi burima dzi sib bida anungê i dzi garam yami bingan ani? Da dzi garam gumangê Elieser, garam Damaskus ugu, bungê asu wain i dzi nam bunumpangê santan da gubuê dzi mampan. 3 I Agu anungê irim mamaê narun bits da dzi u, ibinigi da dzi garam gumangê mangan bungê asu wain i dzi nanggangê santan." 4 Da Yawe nanggan itip iba rutin ibiani, “Garam gum arigi wasangê suda wain i u nam bunumpam u; u biê gam rururungan angu bungê asu wain i u nanggam santan." 5 Da Yawe iyu Abram iwaê ifa manaê da ini rutin, “Wadantangê wayab gunungun da wafaris ngantam santan aga, bida u sangêa i farisa sib angu fantsupan. Waringantin! U yanginggam bungê awaê nabinigi." 6 Abram irim runggan santan da Yawe nanggan nidan i bungê awaê nasu nidzun, ibinigi da Yawe ifaringê arangan garam rururungan. 7 Yawe itip ini da arangan ibiani, “Dzi Yawe, Dzi aruani iyu agu sinungê gamp Ur mingêa Kaldia ugu iba ani i rima intap ani da agu i suda u nanggam rururungan." 8 Da bitsintaê Abram ini, “O dzi Nifutsarifangê Yawe, dzi bu sruêagin bida anungê i dzi suda wain gin?" 9 Ibinigi da Yawe ini da Abram, “Wayu apu bida ani: makau rinan naru faê mangan da nuning rinan mangan da dumpa arapuê mangan, udzufan suda iruê da bits, nampruê da ngasabusir da ngarumum naru faê manganâ naba da dzi." 10 Abram iyu apu ibi Yawe nidan igi iba da Arangan, da idumpu wasaê farab ifa mungaê da mungaê da irants i marafain da marafain. Da apu dzuf iruê igi isintungê santan angu. 11 Da watsawits idzuf iruê i gadan da Abram idaru rai gin. 12 Gubuê inang i ruêan da Anutu inang da Abram igingê marampruê funub da itsangan nam mimin tringtringan tsiraê bingan ibuafir arangan sib da irat funub angu. 13 Da Yawe ini da arangan imingê nam puafuban ibiani, “Waringantin! U yangin rusam bungê ampa nabi garam marawampua namingê garam gamp mangan intapan. Da garam intap igi bungê arasu da nanang i nanggan mpadan namais, da nabuaringê gum barabin tsiraê nasangê udzuf 400. 14 Da bitsintaê dzi bungê arim barabin tsiraê mungaê da garam intap igi nanga yaba i u yangin rusam. Da u yangin rusam tanginda intap igi rai da bungê aba nanting da nam bunump tsiraê. 15 Da bitsintaê Abram, u bungê ampa gubuê guntiê bingan ruta nan nufan bini nasangê agu fufida funub da wamus mampan da narim agu. 16 Da udzuf 400 ba ntsupa sib da u yangin rusam bungê atip abau intap ani, da gubuê bampan aga garam Amor nanggan maisan bawaêa ampapan da Dzi bungê asiat ribarangan rai." 17 Da gubuê ruêa sib da nam mimin tringtringan da gur mangan dugunt waêa gin impruê da dzaf bururungan iwaê da iyung wasaê i apu Abram safan ugu. 18 Da gubuê arigi, Yawe inang nan utusa i ruan gin da Abram da ini, “Dzi tangin intap ani da u yangin rusam, da ampapan imingê mpui Idzip da ifawaê mpui tsiraê Yufretisâ 19 intap garam Ken da Kenis, Kadmun, 20 Hit, Peris, Refa, 21 Amor, Kanan, Girgas da Dzebus gin isu ribarangan nanggan."