SALMOS 113

1 ¡Ga’n ẕen X̱anžo Dios! Ḻe’e, wen žin chie’, ¡le wká’n ẕen La la’y chie’! 2 ¡Ga’n ẕen La la’y che X̱anžo Dios, na’a ža, na’ to chi’ize! 3 ¡Ga’n ẕen La la’y che X̱anžo Dios, gan ẕḻa’ wbíž ga žinte gan ženen! 4 ¡Ga’n ẕen X̱anžo Dios ḻawle yógo’te yež ka’, na’ ḻawle ya’abá že’ yeḻa’ ẕen chie’! 5 ¿Noẕkze benne’ nake’ ẕen ka nak X̱anžo Dios, Bennen’ ẕnna bi’e ya’abá na’le? 6 Dios žon kwine’ gax̱jw ḻaže’ nich gak ḻe’ele’ da’ de ẕan ya’abá, na’ ḻo yežlyó. 7 Dios žechise’ benne’ yache’ ḻo bix̱te yo, na’ žebeje’ benne’ nyache’ ḻaže’ ḻo da’ ẕzáka’ḻi’e, 8 na’ žone’ ga že’gak benne’ ki ladjw benne’ blo ka’, benne’ ka’ ẕnna biá’gake’ benne’ chie’ ka’. 9 Žone’ ga zoa no’le wbíž ládjwgak x̱kwide’ chekze’ ka’. Žebele no’len’ dan’ nake’ x̱na’gak x̱kwide’ chie’ ka’. ¡Ga’n ẕen X̱anžo Dios!