Tito 3

1 Bicy nu gyezaê lagy de mbecy ni Crisht nu “O” nii dey ni de gubier gal nu ni de fushtiz. Rlagy ñi nu gac dey mbecy nu rzuub gyidag. Nunu zaab zu la dey altant nu gyicy yu coz nap. 2 Rlagy ñi nu cueê shiñ nii dey nu nac ni tub la mbecy. Rlagy ñi nu cueê go zi dey riidz nu losaêy. Rlagy ñi nu gac dey mbecy gugy na. Rlagy ñi nu gac dey mbecy nu nap nii nu dela losaê. 3 Gun gulas niê ziêl de ub na guc na mbecy nu sac shcab ni. Guc na mbecy nu wacsuub gyidag ni Ãgyoozh. Nañ gal nu na nu bduneê den. Orzeê de lo la coz nu gusht ni den, ndeê byub ic ñi de ub na. Gusa den lat de coz a̱ê nap. Gusaap lagy den nu nac losaên. Rzi lagy mbecy lo den, nunu rzi lagy den lo mbecy. 4 Tees ornu Ãgyoozh, biñ nu bloo mbañ de ub na, briic mi nu gad lagy den nu dzi nap ricy num den, nunu dzi rcam den, 5 orzeê bloo mbañ mi den. Ni bicy mi, tees walab nu nac nu dzi nap bicy den, sinu nu nac nu gushni lagy mi den. Ornu bzu nis den, ndeê nañ gal nu na nu gul naa tuubaê tir, gun byac na mbecy cub. Byac den mbecy cub nu nac nu rcyiiñ Espiriit Yon nim nañ lardoo den. 6 Briic mi Espiriit Yon nim nu nac Jesucrisht, biñ nu bloo mbañ de ub na. Gun orzeê Espiriit Yon nim nap tonaê la gyicy num den. 7 Gun orzeê gyanap den lom nu nac faboor nim. Orzeê gad nu cui mbañ den dub gal mod nu drish lon. 8 Dela ndeê coz rishli. Ndeê nu rlagya̱ nu gzu fert ru nur ñii, gun orzeê de yu nu ricy cup consuel lo Ãgyoozh gzu fert yu nu gyicy yu de coz nap. De riidz ii nac ñii riidz nap, nunu cyiiñ ñi par dela mbecy. 9 Tees ru cueê shet ic ru nu gor riidz ton nu mbecy. Cueê gor riidz nu cyu nez tub ga mbecy. Cueê chucoo der. Nunu cueê go zi der riidz nu nac de asunt ni leey nu bzeeñ Moisees. De ndeê nac ñii coz nu rila wacyiiñ. Nunu se la la cyiiñ ñi ni den. 10 Zeê benu ca na mbecy ricy yu nu yacyup nac de mbecy ni Crisht, mas bi pshuu nur yu tub tir o cyup tir, zeê benu wagyicy cuen yu de coz nu rniir, orzeê cor yu lat de mbecy ni Crisht. 11 Rlagy ñi nu gad lagy ru nu mbecy zeê a̱ê nap na shcab niy. Laab de cyi nu ricy yu ricy ñi nu rabee nu yuê falt niy. 12 Ya̱ zuu neza̱ Artemas nu Tíquico nu cyid dey lor. Na ornu gri dey na, orzeê gyicy ru tub fers nu cyid ru gyedz Nicópolis nu cyid güiir ya̱. Gun ya̱ bi bduê ica̱ nu cyiiña̱ gyedz zeê lat tiem rag. 13 Ru, locyuub ru Zenas nu Apolos, cyup de yu nu rneê ic lo de fushtiz, nu ca na la nesedaa ni dey, gun orzeê zaab za la byaj ni dey nu cueê gyicy falt ni tub la coz ni dey. 14 Nunu niê ziêl de losaên, de yu nu nac mbecy ni Crisht, rlagy ñi nu gyicy yu nu gad lagy yu lac mod gyicy yu de lo la coz nap, nunu rlagy ñi nu locyuub yu de mbecy nu ricy falt coz ni, gun orzeê cueê nu cyiiñ leew dey gyishlombecy ii. 15 Na dela de mbecy nu yuê zeê nu rcyiiña̱ ii, dela dey zeed yu ñgyoozh nir. Orzeê gab ru de mbecy shnuy, de mbecy nu rca de ub na nu nac nu ricy cup dey consuel lo Crisht. Orzeê Ãgyoozh gyicy mi faboor nu nap gyicy num dela de ru.