Romanos 16

1 Ya̱ gyicya̱ nu cuê lo der zan den Febe nu cyu nac mi. Mi zeê tub biñ nu zu riiñ lat de mbecy ni Crisht nu yuê Cencrea. 2 Nap bicy nu der mi nu nac Shuaan den. Bicy nu der mi gal nu yad ñi nu gyicy du den de bicy na nu nac Crisht. Nunu locyuub der mi nu la ziêl coz nu galagy ñi nim, gun mi zeê blocyuub mi zañ mbecy. Mas ya̱ blocyuub mi. 3 Ya̱ zeeda̱ ñgyoozh ni Priscila nu ñgyeem Aquila. De yu zeê bicy nuy ya̱ riiñ ni Jesucrisht. 4 Wangyicy cuen la dey mas ñgyat yu. Orzeê guê la dey lo rishdzidz nu nac nu bloo mbañ dey ya̱. Ya̱ drica̱ gras ni dey, nunu niê de mbecy ni Crisht nu walab mbecy Israeel rbic dey gras ni dey. 5 Nunu niê zeeda̱ ñgyoozh ni de mbecy ni Crisht nu yatublaazh nañ yuê ni dey. Ya̱ zeeda̱ ñgyoozh ni amig ne̱ Epeneto. Yu zeê mbecy loga la nu bicy cup consuel lo Crisht lo yu ni Asia. 6 Ya̱ zeeda̱ ñgyoozh ni Li, biñ nu fert ricy riiñ lat der. 7 Ya̱ zeeda̱ ñgyoozh ni de losa̱ê Andrónico nu Junias. De yu zeê losa̱ê nu bri du̱ nañ yuê gyiib tublaazh la. Mas de aposht nap yuê lo dey yu. Nunu bicy cup dey consuel lo Crisht anzir nu gyicy cup ya̱ consuel lom. 8 Ya̱ zeeda̱ê ñgyoozh ni Ampliato. Yu zeê amig ne̱ nu dzi rca nu nac Shuaan den. 9 Ya zeeda̱ê ñgyoozh ni Urbano. Yu zeê losaên nu ricy na riiñ ni Jesucrisht. Zeeda̱ê ñgyoozh ni amig ne̱ Estaquis. 10 Zeeda̱ê ñgyoozh ni Apeles. De mbecy bicy dey preb yu ben a ricy paay nu Crisht, nunu bruu nap yu. Ya̱ zeeda̱ê ñgyoozh ni de famil ni Aristóbulo. 11 Ya̱ zeeda̱ê ñgyoozh ni losa̱ê Herodión. Nunu zeeda̱ê ñgyoozh ni de famil ni Narcis nu ricy cup consuel lo Crisht. 12 Ya̱ zeeda̱ê ñgyoozh ni Trifena nu Trifosa. De mi zeê rboo lom lat riiñ ni Shuaan den. Nunu zeeda̱ê ñgyoozh ni zan den nu nac Crisht Pérsida. Niê ziêl mi zeê tonaê la bloo lom lat riiñ ni Shuaan den. 13 Zeeda̱ê ñgyoozh ni Rufo. Yu zeê tub mbecy ni Crisht nu dzi raso̱o̱. Nunu zeeda̱ê ñgyoozh ni ñaay. Mi zeê nam gal na tub ña̱a̱. 14 Nunu zeedaê ñgyoozh ni Asíncrito. Zeeda̱ê ñgyoozh ni Flegonte. Zeedaê ñgyoozh ni Hermes. Zeeda̱ê ñgyoozh ni Patrobas. Zeeda̱ê ñgyoozh ni Hermas. Nunu zeeda̱ê ñgyoozh ni de bicy na nu rded nu de yu zeê. 15 Zeeda̱ê ñgyoozh ni Filólogo. Zeeda̱ê ñgyoozh ni Julia. Zeeda̱ê ñgyoozh ni Nereo. Zeeda̱ê ñgyoozh ni zan yu Olimpas. Nunu zeeda̱ê ñgyoozh ni dela bicy na nu nac Crisht nu rded nu de yu zeê. 16 Tub ga la der nap nii nu der losaêr. Dela mbecy ni Crisht nu yuê reñaê lugaar zeed dey ñgyoozh ni der. 17 Der bicy na, ya̱ rnishba̱a̱ lo der nu gyicy cuidad der nis cyiid mbecy nu gyicy yu nu tub su der losaêr, nis cyiid de yu nu gyicy nu can shcab ni der nu nac de coz ni Crisht. De yu zeê rza dey contr ni de riidz nu bdulyuu ni der. Bruu chu der lo de yu zeê. 18 Gun de yu zeê wagyicy dey coz nu rlagy Shuaan den Jesucrisht, sinu coz nu rlagy ub ziêl dey ricy yu. Tonaê la nap za riidz nu rnii dey, nunu ryabic dey gyel mbecy ni mbecy, gun orzeê rguu dey de mbecy nu dzi ton na. 19 Dela mbecy rad lagy dey nu tonaê la nap rzuub gyidag der ni Crisht, ndeê nu ya̱ dzi yet lagya̱ nu nac de ru. Ya̱ rlagya̱ nu gyicy cup der shcab par nu gyicy der coz nap, tees cueê par nu gyicy der coz a̱ê nap. 20 Benu ni, orzeê Ãgyoozh, biñ nu gyicy nu cheti ri añ ni der, mi zeê sñuu ga cyich ñgyeêm nuras. Gabish yu yeñ gyiê der. Shuaan den Jesucrisht nap gyicy num der. 21 Timoteo zeed yu ñgyoozh ni der. Yu zeê losa̱ê nu bicy du̱ riiñ. Niê ziêl de losa̱ê Lucio, Jasón, Sosípater, de yu zeê zeed dey ñgyoozh ni der. 22 Ya̱, Tercio, yu nu pcaa lo gyicy ii de riidz nu mnii Baly, zeeda̱ê ñgyoozh ni de ru nu nac Shuaan den. 23 Gayo, yu nu briic yuê nu cyiiña̱, yu zeê zeedaêy ñgyoozh ni der. Nañ yuê yu zeê ryatublaazh de mbecy ni Crisht. Erasto, yu nu nac tesorer ni gyedz, yu zeê zeedaêy ñgyoozh ni der. Nunu bicy na Cuarto zeedaêy ñgyoozh ni der. 24 Shuaan na Jesucrisht nap gyicy num der. Laab ni gac ñii. 25 Orzeê rlagy ñi gyabic den gyel mbecy ni Ãgyoozh, gun mi zeê gac cuic mi fers ni den nu nac de riidz nu sac nim, nu rshaala̱ lo der. Riidz zeê rniiñ coz ni Jesucrisht, nunu saap ñi de riidz nu wangad lagy mbecy gulas tees rshaal ñi coz nu psaê lagy Ãgyoozh nese anzir nu bzub gyiê gyishlombecy. 26 Tees gal na rad lagy den nu ndeê nac ñii de riidz ni de yu nu mnii por cuen ni Ãgyoozh. Na rad lagy de lo la mbecy de riidz zeê nu nac nu ni bi mnii Ãgyoozh, biñ nu zu tub la, gun orzeê gac gyicy yac dey niñ nunu gyicy cup dey consuel lo Crisht. 27 ¡Tub zi la Ãgyoozh, mi zeê laab mi, nunu tub zi la mi zeê rad lagy mi dela coz! ¡Mi zeê ziêl rlagy ñi nu gyabic den gyel mbecy nim tub la nu nac Jesucrisht! Laab ni gac ñii.